Pawngsual hi kan Mizo khawtlâng hmeichhiate leh naupangte tâna a him tak tak leh him tak tak loh tehfung ṭha tak pakhatah ngaiin, tûn hnai, 2009 leh 2010 pawngsual record thlîrin Mizoram dinhmun dik tak zir ta ila… (Pawngsual zawng zawng record theih vek a nih loh mai bâkah, pawngsual ni tak tak lo lo record pawh a awm thei ang. Hei hian “dinhmun dik tak” kan tum chu a ṭhelh sa pang ang. Amaherawhchu, record awm aṭangin a lan dân tal a hriat theih ang).
MYTH: “MLTP Act hian kan khawtlâng hi hmeichhia leh naupang tân a ti him.”
He ngaihdân kan in zirtîr reng lai hian pawngsual (rape) bîk han thlîr ta ila… (domestic violence, kidnapping etc. te chu thlir kân phawt mai ila)
FACT: National Crime Records Bureau annual publication, ‘Crime in India‘ 2009 & 2010-ah chuan pawngsual 83 kum 2009 khan kan ramah a awm a (zêp tam tak a awm bawk ang), population nêna chhûtin pawngsual rate chu 8.3 a ni. 2009 vêk khan kan ṭhenawm, Manipur chu pawngsual 31, rate 1.2 niin; Nagaland (22 / 1.0) a ni a; tin, min hnaih ber tu chu Assam (1721 / 5.6) leh Tripura (238 / 5.3). (A rate aṭang chuan India ramah kum 2009 khan Mizote’n mi kan pawngsual nasa ber). “Ram thim, Kristiante tihduhdahna ram,” kan tih, Orissa-ah pawh pawngsual rate hi 2.5 chauh a ni.
2010-ah khan Mizoramah pawngsual 92 awmin a rate chu 9.1 ah a invawrh daih (pakhatna chiang vai vai tak kan ni). Zu heh ram, Kerala (634 / 1.8), Punjab (546 / 2.0) te chu pawngsual lamah hian an khawtlâng a him fe zawk tih a hmuh theih. Hemi kum hian min hnaih bertu chu kan ṭhenawm, Tripura (238 / 6.6) a ni a, Manipur (34 / 1.3) chu tlêmin a hma aiin a tla chhe hlek a, Nagaland (16 / 0.7) phei chu pawngsualnain kiam lam a pansan.
Hei hi “MLTP Act i hlip ang u” tihna lam ni lovin, kohhran emaw sawrkar emaw dona pawh ni hek lovin; kan rama pawngsual a hluar zia leh, kan khawtlâng hi hmeichhia leh naupang tân a him loh zia hi kohhran te, sawrkar te, NGO te, chhungkua leh mimal thlengin kan pawm tlân a hun tawh zawk a, tin, “Dawt mai maia inṭawng thlamuan a hun tawh lova, FIMKHUR a ṭulin HMALÂK a pawimawh a ni” tihna zâwnah ka rawn share ve chauh zawk a ni (2011 chhûnga kan news-te hi hetiang lam hi a tam!!!). Engtia hmalâk tûr nge phei chu a zira zira, sawiho fê tham a ni ngei ang.
“Mahni ngaihdân nghet taka hum ṭung lovin, ṭanrual a hun tak zet tawh zawk e.”
Reference: National Crime Records Bureau, “Crime in India” (New Delhi: Ministry of Home Affairs, 2009 and 2010)
Similar Posts:
- India: murder capital of the world
- N.E ah Mizoram ralmuanglo ber. India ah 12-na
- Mizoram cops top in crime detection
- ABBO Greatest Hits
- NIT-a MCA zir duh tan
November 15th, 2011 at 1:02 pm
sawi ho chiah i1a… Pawngsua1tu leh tua1thattu kan 1o va tam ta em!1!
Report this comment
November 15th, 2011 at 1:06 pm
Kan va filawr ve..!!
Report this comment
November 15th, 2011 at 1:08 pm
A topic khi ka chhiar fe hnuah a dik lohna enkânin a awmzia ka hre chauh…haha.
Report this comment
November 15th, 2011 at 1:11 pm
chhiar ang
Report this comment
November 15th, 2011 at 1:11 pm
Haha!! Liquior prohibit leh pawngsual ngaihbel tlat te chu aa..
Report this comment
November 15th, 2011 at 1:18 pm
Mizorama Pawngsual tam lutuk hi MLTP lam vang anih a rinawm lem loh. Nu leh pa ten fate an awm awma lo awm tura rei tak tak chhuahsan kan ching te, kan inkawm ho dul dul lutuk te, kan inngaihdam zel bakah, hremna a nep thei lutuk te, Adult film zalen lutuk te, incheina sexy lutuk leh adt. An nih ka ring zawk.
Report this comment
November 15th, 2011 at 1:19 pm
MLTP Act hlawhtlin leh tlin loh hi pawngsual atanga teh tur tihna em ni? I thu ziak hi reference i dah tam viau na a, a ‘bias’ lu deuh lo maw?
Report this comment
November 15th, 2011 at 1:22 pm
MLTP Act leh Pawngsual ka kai kawp ve thiam lo. Act awmlo pawh in pawngsual chu awm tho turah ka ngai ve hmiah.
Report this comment
November 15th, 2011 at 1:23 pm
kan sawi kan sawi tawh thin, kan in cheina mawlh mai hi a ni, school Naupang te lah hi a chhing thei ang ber2 an an nau te uniform an ha a maw tih tur an ha a, tunghma deuh kha chuan khup ai a chhing pwnfen fen phal loh te kha ni ve thin a, tun ah chuan a itwm twk lek in an in ha ve tung a, ei leh in a lo tha twh in, an ti tuai a lo nalh vei pur nen huizzzz sawi tur van tam tak em, hluar loh ngaihna awmlo a ni ber pawngsual bik ah chuan…
Report this comment
November 15th, 2011 at 1:26 pm
Tunlaiah hian Nu leh Pa an fate whereabout ngaihtuah miahlo an tam lutuk hi a pawi ani. Khawnge an kal, enge an tih tih hi hriatpui hi a him a sin.
Report this comment
November 15th, 2011 at 1:34 pm
Zu kan khap bur avang hian hmeichhia leh naupang an him phah chuanglo tih lam a ni maw.. dik khuupss mai…
Report this comment
November 15th, 2011 at 1:39 pm
Tunlaiah chuan kan changkang tawh si a.
Kan fai tawh si a.
Kan hmeltha tawh si a.
Kan taksa a hahdam tawh si a.
Kan inenkawlna a tha tawh si a.
Kan incheina a sexy tial tial tawh si a.
*** châkawm tak tak an tam tawh em alawm..
Badboy-a’n a ti.
Report this comment
November 15th, 2011 at 1:44 pm
Sualna kan tih ho, tualthah, inrawk, pawngsual, adt hi MLTP Act vanga bo duak tura kan ngai anih chuan a dik theilo ang. Tin, MLTP Act hi chuti tehchiama lukhawng nei a ni pawh ka ti lova kei hi chuan. Khawvel thang zelah sualna a thang ve zel a, tun hi kan thleng ni maiah ka ngai.
MLTP Act chungchangah hi chuan ngaihdan a ‘bias’ thei khawp. Pu Vanneihtluanga paw’n a tih kha, Kohhran hruaitu chuan a rilru chhungril takah he dan hi duhlo mahse Kohhran rawngbawltu anihna avang ringawt paw’n he dan hi an thlawp lo theilo.
Report this comment
November 15th, 2011 at 1:44 pm
#12 LOLZ! nangma sawi aniang
Report this comment
November 15th, 2011 at 1:47 pm
Badboy-a te vengah chuan PS an ti sam et mei
Report this comment
November 15th, 2011 at 1:55 pm
kan society a zalen lutuk a, hmeichhiate mipa dawr dap zawngin in inchei lui reng a, heng avang hian pawisawi lo tam takin an tawrh phah a ni. CORRUPTION avanga sum la lut tam faten an nu/pa te sum lakluh renna nei miah lovin tunlai technology thar ber ber leh fashion thar leh tha ber ber lei nan hmangin nuam an chena, chu chu kan hmua kan lo it ve ringawta, kan tlin leh mang si lova, kan phak tawk chin mobile video clip en theihna chin te leiin PORN CLIP kan en nasa a, chu chuan rah tha lo a tawpah a chhuah a ni.
Report this comment
November 15th, 2011 at 2:18 pm
@buh-duha at 16, I sawi khi a dik fai vek. Misual ah hian incheina chungchang hi ka post tawh a, mahse a dawr dap zawnga inchei hi kan Misual mipa ho pawh hian an support riau ania, an vai ni lovin, a bikin tlangval ho in..hehe
Corruption/porn clip, kan dang thei hlawm tak silova.
Pawngsual, a bikin child rape te hi chu a dan a dang deuhin ka hria. Naupang kumtlinglo pawngsual duhtu chu Psychiatric help mamawh an ni.
Report this comment
November 15th, 2011 at 2:20 pm
Khitiang khi kan dinhmun a ni maw? A va’n rapthlak ve le(h)
Thupui khi ka chhiar nawn ka chhiar nawn a, ka hrethiam thei ta
Report this comment
November 15th, 2011 at 2:23 pm
Nakin lawkah Vodka in chungin ka la chhiar ang.
Report this comment
November 15th, 2011 at 2:58 pm
MLTP Act chu a damdawi a nih lo hmel phawt ah.. Lo tem ve laklawh tawh si chhunzawmna tur nei tawh si lo ho hi an khawngaihthlak..
Report this comment
November 15th, 2011 at 3:22 pm
MLTP leh rape hi a inzawm ka tilo..Pawngsual tirem tura tan kan lak a ngai ani, ..kei chuan Mizo Mipa mentality( hmanlai atangin’ “hmeichhe ngaihnepna, Sex hmanpui pawi tihlohna” vang ni pakhatin ka hria..Incheina vang nise, Kan Rape case ho en ila KUMTLINGLO an tam zawk mah si( inchei sexy thamlo)
lung a va chhe em..kan hriatloh kumtlinglo hetiang tuar engzah tak awm ang maw
Report this comment
November 15th, 2011 at 3:33 pm
Harhfima pawngsual aiin zu ruih avanga pawngsual chu an tam zawk ang le. Zu ruih avangin insumtheihna kan tlachham si a.
MLTP Act awm lohna state ah te pawh pawngsual a awm tho a. Kan san bikna chhan chu mltp aiin kan culture/life style vang a nih ka ring zawk.
Report this comment
November 15th, 2011 at 3:49 pm
Pawngsual thlen thei tu chi hrang2 in sawi ho hi a dik viau nachungin luck loh lutuk te mihring rilru herh lutuk te hi ani ber mai zawk awm asin. Porn en nasa tih ah chuan ka en tlem bik hauh lo pawngsual duhna erawh ka la nei ngai lo
Report this comment
November 15th, 2011 at 3:58 pm
lolz. .@ #23, pawngsual kher lovin tha te te a tih tur. .
Report this comment
November 15th, 2011 at 4:02 pm
Zu hi maw, keini ang misual, mimawl apiangah hian a thawk mawl! Ka lawm e.
Report this comment
November 15th, 2011 at 4:07 pm
Kan khawvel hun hi ava hmawr tawh em tih hi ka ngaihtuah daih a, khawvel Sualna te hi ava pung nasa ta ve!! Bible in hun hnuhnung a thleng tura a tihte kha a thleng kim viau tawhin ka hria.
Hmanah kha chuan kan thil chharte kha a lawmawm thin tehlul nen, tunah chuan lawmna chi ani tawh mawlh lo. Naute pianghlim a nung chunga chhar te, Naute pianghlim a thi in an chhar tihte, Miruang an chhar tih leh Nula Bawp lehlam an chhar tihte hi dawt nise ka ti thin mahse, a ni silo kan ram zimte ah hian heng thilte hi an chhar tawh miau si a!! Ava rapthlak tehlul em!!
Report this comment
November 15th, 2011 at 4:08 pm
Inpawngsual tawh lovang u, a nuam lo
Report this comment
November 15th, 2011 at 4:10 pm
Pawngsual, a hming hrim hrim hi a va han thing rem rem tak em..
Zu khap emaw khap loh emaw, ruih emaw ruih loh emaw pawh nise, pawngsual duhna rilru miin a put tawh chuan a luck lo hle a nih loh pawhin piangsual(mentally) a ni ang tih hi ka ngaih ve dan a ni.
Tin, pawngsual ni miah lo pawh eng emaw vanga rape case a commit chu a tam ka ring.
tren tren.
Report this comment
November 15th, 2011 at 4:18 pm
Comment ho chu chhawhchhi bua ang chhuai mai alawm
arang tial darh suau mai lawm,ahlawm lo,@ #6 
Report this comment
November 15th, 2011 at 4:20 pm
Pawngsual ching ho hi Zang-fak-om lo tak an ni.
Report this comment
November 15th, 2011 at 4:58 pm
Wettest “Dry” state ani miau alawm le.
Pawngsual tamna pakhat chu nu leh pa (gurdian) ten fate kan vil ngun tawk lo. Mahse hman kum deuh tawh khan nu pakhat a inkhawm der der hlanin a fate an lo khawih a, naupang rei deuh deuh len bo san a that loh thu ka comment ngawt mai a, mi(sual) then khatin min lim erh mai. Mizo culture hre lo, adt. ten min puh vel.
Nau no pawm lai len san hratna hi Mizo culture anih chuan kei chu ka tel lo mai ang. Naupangte ven him hi top priority (social life aiin) ani tlat.
Report this comment
November 15th, 2011 at 5:15 pm
Prohibition (US) chhung pawh khan crime rate a sang zawk. Mahse rape case leh MLTP hi a in relate ka ring lo. Kan society kal phhung zawk hi aniin ka hria. Kan open lutuk a, hmelhriat ngai miah lo in a kan han pawngpaw len ngawt te hian a ti chiang awm e.
Europe ram thenkhat ah hian an chenna ín´address zawh hi manner chhia ang ber a ngaih ani. Chhunngkua privacy tlem lutuk leh kan inlen pawh lutuk te hian a rape rate ah a contribute ang ka ring deuh!
Report this comment
November 15th, 2011 at 5:43 pm
A POST-TUPAIN IN COMMENTS KA LO THLIR, A NGAIHNAWM E:
(‘MLTP’ tih term ka hman tak avang khian rilru dang daih pu saa chhiar kan awm a ang) 
Comments ka han chhiar thla thuak2 a; in ngaihdan a tha viau hlawm mai. Thenkhat chuan “MLTP sawichhetu” emaw “pawngsual hi zu khap vang a ni titu” ang thawah min dah alawm le… a pawi lo mai
Zu khap hi pawngsual ti hluartu ka ti lo, Nagaland te, Maipur te pawhin zu an khap, mahse an him viau. Kan hmeichhiate leh naupangte him ve tak takna turin zu khap tih vel mai2 piah lam kan ngaituah a hun tawh” tih lam zawk a ni.
Report this comment
November 15th, 2011 at 6:01 pm
MLTP avanga nu nau an him phah tih hi thudik a la ni renga, post tu argument atang khi chuan nu nau hmeichhiate ti himlo tu chu pawngsual chiah ni angin assumption a siam a ang ber. Khi khi lom comment tu tam zokin an ron soi. Rape rigot niloin chhungkaw innghirnghona te, sum zu a kalral te, violence chi hrang2 etc te hi MLTP hian a titlem (tibo niloin)
Report this comment
November 15th, 2011 at 6:09 pm
Zu leh public safety kan sawipawlh chuan thil dikah ka ngai lo!
Public safety chu danah zawk a innghat tlat.
Report this comment
November 15th, 2011 at 6:23 pm
Hei hi comment ka tum a ka comment leh lo va, ka’n lo hnutchhiah ve ang e: ‘MYTH’ tih laite khi ka bo khawp mai. Tin, inzawm thei awma lak mahse INDIRECT deuha inhne si hmangin thil hmuhchhuah i tum niin a lang bawk.
Mizoram hi mihring kan tlem avang hian hetiang hi a sang hma hrim hrim ang, sample tlem miau hek. Chutiang bawkin tha lamah pawh kan sang hma thei bawk ang(eg- literacy rate). Ngaihthatloh tur chu a ni tho a mahse chu tih teh chiama indawmkun tur chi ni awmin a lang lo. A figure lo dah la han hmuh a chakawm alawm le.
Dik tak chuan Lunglei Districtah hian vanduaithlak takin mi 10 pawngsual ni ta se chu chuan a RATE a ti sang dawrh thei ang. Kum 2 chhung chauh ni lo kum 20 liam ta vel ami zawng zawng data nei ila kan san uchuak ka ring lo tlat.
Report this comment
November 15th, 2011 at 7:34 pm
‘MLTP’ tih aiah khian duh leh ‘KRISTIANNA’ tih hmang mai ru. Tichuan, MLTP tih vel khi chuan awmzia a nei thui êm êm lo tih a hriat theih ang.
Report this comment
November 15th, 2011 at 7:39 pm
Kohhran Hmeichhe ho hnen a ka sawi thin: Kristian chhungkua chu inchhungah din tur. Midangte inchhungah nilovin keimahni inchhung ngeiah. Midang inchhung a din talh hi i tum hmasa lovang u, tiin.
Report this comment
November 15th, 2011 at 7:49 pm
He post hi an
tlaikhaw hnu leh si teh ang 
Lunglen thu ringawt ai chuan a data pawh a chiang e. Kan ralmuang leh lutuk hian min ti ralti zo tak ngial dawn ni in a lang.
Report this comment
November 15th, 2011 at 8:39 pm
#34 rmpy ka full suport..veng hnehlo tur chuan khap tawhlo mai rawh se..Khawlai zurui hmuh tr chu an tlem.mahse zu a va tam em,pawisa awm chuan..chuan, Mizo te zingah hian H** lucklo kan tam bik emaw ni te ka tia..
Report this comment
November 15th, 2011 at 8:52 pm
Hremna nep lutuk hi a lawm. Kum tling lo pawngsualtu ah hi chuan Dr mahminga te ruaiin an z*** han tan sak hmak hmak mai ila, tumah an pawngsual tawh lo ang..Mi pui tling ve ve erawh an nih chuan tlem a chhui deuh a ngai thung anga, dik lo taka in puhna a nasat theih dawn avangin..mahse detective ho in kha chu kan rawn ching fel mai ang
Report this comment
November 15th, 2011 at 9:51 pm
Comment tu tam zawk in posttupa thil sawitum in manlo deuh in ka hria. MLTP Act duhtu thenkhat ten an tanfung point pakhat a an hman thin’Zu khap vangin pawngsual a tlem phah’,'MLTP Act hi hlip se la chuan pawngsual hi a hluar ang’ an tih te hi thu belhchian dawllo, rindan diklo a ni tih figure nen a rawn tarlang mai a ni e. Chu chu a dik chiah reng bawk a, Zu khap mahse pawngsual hi a hluar tual tual a, zu zalenna kan thenawm state ah te pawngsual a tlem zawk daih bawk, hei hi fact a ni a, paihthlak theih a ni lo bawk.
Report this comment
November 15th, 2011 at 9:58 pm
#42 zoho
Report this comment
November 16th, 2011 at 12:30 am
A post tu moral of the post (ehhh) kan man lo tlang a ang. @zoho#42, I sawi dik thlap e. MLTP leh rape/ molestation hi a inzawm a ti reng reng lo. Mahse, khap bur duh pawl tan chhan pakhat a rawn phet mai a ni lo maw?
Report this comment
November 16th, 2011 at 1:13 am
Nakumah YMA in pawngsaul do kumah puang rawh se.noi
Report this comment
November 16th, 2011 at 6:40 am
A rate hi en tin nge i chhut a? Rape rate 8.3 a nih chuan mi 120481 an pawnsual tih na em ni (kan population 1000000 ni ta se)? Kan va turu awm ve.
Report this comment
November 16th, 2011 at 10:30 am
kan lo va rapthlak tak ve mo le, Mizoram hi a tha lama than aiin kan tla hniam tual tual a, Esauva anga, upatna hralh kanni a, mahni vote hlu tak poh hralh duh, Pasalte eiru char char, nupuite khohhran nu a in hmang, lam vak vak, chawhchawrawi nun, serh leh sang pawh neilo, Kan Kristian a vangin Tribal serh leh sang kan kalsan a, kan nunah ringtu dik takte thianghlimna a lang leh si lo, A Pianthara, a lama kan tih chuan kan ngaizam thei vek Pathian Anchhia hi kan tawngbua a ni mai lo mo.
Report this comment
November 16th, 2011 at 11:57 am
rempy @34 MLTP vangin zu vanga sum kalral a tlem tih khi chu ka thlawplo mai ni loin a dikloh zia live a hre tu ka ni e.Zu an han khap bur takah khan zu man a to ta tual tual a,hlawh a pung ve tual tual chuang mai bawk si lo, a in tawh laklawh chuan an nitin dose an titlem thut theilo mai ni loin zu a dal tual tual bawk si avangin an dose a sang hlauh bawk si(tlai khatah no 2 duhtawk khan no 4 a ngai ta hial). Zu hi fakna tur pakhat mah ka hre lo a,MLTP Act pawh hi fakna tur pakhat mah ka hrechuang lo. Post tu pa,ka OT deuh mai thei, ngaidam
Report this comment