Bawihte, a hlui mawlh lo; a thar leh thin. He lehkha phek pahnih inkara thu ziak tlemte hian, mit a ta mittui a tirliam a. He thinlung hliam hnu hi, thlanah mathei lovin a phum thar fo thin.
Ka Library reh riapah ka lut a. Ka tih thin ngaiin, lehkhabu chhiar ka tum a. Ka lehkhabu khawih khat tak ka la thla a, dim lo takin ka beng pawp pawp a. Krismas card a rawn tla hlawl mai a, nunhlui min hriatchhuah tirtu a lo ni. Ka la chhova, ka han en nak chuan; danrual loh chhingmittui a fartir e. Khaimah aw…
He krismas card hi lehkha pangngai cheimawi chawp ve mai a ni a. A thu inziak pawh thuril a ni lem lo. Thlei bik nei hauh lova, a leitu apiang hnena kala chawltur a ni. He lehkhamawi hian a ngilneihna leh dawhtheihna a lantir reng thung a. Ka lehkhabu chhungah ngei pawh, kum tam a lo chawl tawh a.
Nìh phung hloh reng reng a tum lova, kum tam a nun a lo a kalsan ngai hauh lo a lo ni. A thu vawnte rinawmtakin a lo vawng tawh a, hawrawp pakhat pawh a hloh hauh lo. Zirtir tam tak nen, phatsan zai reng rel lovin; zam hauh lovin min lo la nghak thin hi a lo ni.
He lehkha ngilnei hian demna leh lawmloh te hlawh dawn mah se, chheltakin a la dawh fan ang a. Demna na ber leh lawmlohna rilru tenawm a tawrh lai mek pawhin, huatna nen a thlir ngai chuang hauh lovang. A mah demtu leh ertu ngei pawh, a nun danglam ve ngai lo hmangin hneh a tum ang a; a hneh bawk ang.
Ngilneihna, rinawmna, thatna, hnehna leh chona a khat leh thuam a ni a. Elrelna tê ber leh tualthahna rapthlak ber thinlung pawh a tinem thei. Beiseina nei lote tan beiseina a thlen thei a, thlarau bo chena hruaikir thei tura chakna nei a ni. Thilsiam pangngai ve mai mai si, hei aia thianghlim leh zirtirtu hlu a awm ang em le?
Chhiahhlawh leh tirhkoh rinawm tak chu a va ni em!! Tan in thim ber leh thihna thlan khurah pawh tir liam dawn mah la, lungngai hmel a pu ngai lovang. He thilsiam hi hmelmakna turu ber leh itsikna tenawm ber pawhin an ngam lovang a, thlentheih loh leh dal thei tu tur reng an awm ngai hauh lo.
Indona hmunpuiah pawh a zam ngai dawn si lo. Ral leh hmelma a tawn tlang hreh ngai lovang a, ral rel thiam chungchuang leh hnehna nun paitu a ni. Chhan leh awmze nei lovin, a nun a hmang ve ngai lova. A hlutna a pangngai reng fo thin si a, a pai reng bawk ang.
I hmangaih a ni tih i hrilh ngam loh, hrilh saktu che kha ala ni reng a. Hmaichhan ngeia duhsakna tihlan i duh, i hlan ngam loh hlantu chenin a lo ni. Rethei leh hausa, hmelchhia leh hmeltha a thliar ngai lova, a thuhnuairawlh fovang.
He lehkha hian, zu bottle a khuhmawi hreh lova; Tûr hlauhawm ber pawh a tuam hreh hek lo. Ti tura i tuksak apiang phunnawi hauh lovin, a hlenchhuak thin ang. Rawhna meipuiah pawh rawh mah la, a hlutna leh mawina a la chhuah fan fan ang. Hmuhsitna ke in rap la, tenna chil chhak pawh ni la; a lungawi zel ang.
Huatna mit in thlir teh, a haw ngai chuang lovang che. Pawikhawìhna kut in phel hrang poh ta che, a dem chuang hauh lovang che. Nun tam a pai asin, a la pai zel bawk dawn si a.
Rualpawl thiam a ni a, lungleng thin thinlung ti lungleng tu a ni bawk. Tlawmnaah a tlawm ral thei a, hnehchhuhnain a nunah hmun an chang ngai lo. Hmelma hmangaìhtu, fahrahte thian tha, phatsanna nunin a chimbuai phak loh a ni. Hnem ngai a hnem a, tahpui ngai a tahpui a, nghet-takin a ding tlat thin.
Tah hunah a tap a, nuih hunah nuiin, hnem hun a hre reng fo. A hnar ngai lova, a dem duh hek lo. Tuarchhelna famkim leh zilhhauna chhiar sen loh kawl tlat tu, hnehna leh chaknaa din a ni. Hnehna nun nei turin a tlawm hreh ngai si lova, chakna nun nei turin a tlawm hreh ngai hek lo.
Zawldawhna nun a pai a, tlakchham reng a nei lo. Thlasik kutvawt tuarin, furpui ruahtui ten namnul mah se, nipui thlirin a phunnawi ngai lovang a. I tan leh ka tan a lo hlu fo tawh a, hna tam tak a la thawk zel ang.
He lehkha phek cheimawi mai hian, kum tam khing zawng zawng khia lo hlen tawh thin. A chhunga inziak rang mai mai karah khan, zirtirna tam tak a lo pai ru a. Zirtir tam tak min lo zirtir tawh a, zirtur tam tak min la hnutchhiah bawk. Heng zawng zawng hi a nun laimu nghet a ni a, hringmi angin a nget ve ngai lo. Krismas a lo thlen hian, i duhsak leh hmangaìhte chauh em ni he thilpek hi i hlan dawn le? Ruihhlo ngaite hnenah, “An zing ata lo chhuak la, a hrangin awm rawh” tih ziakin pe rawh. Nun simin, nunthar a chang mai thei asin.
Hlemhletna nun neite hnenah, “A vuakna vuala tihdam kan ni ta” tiin ziak la, pe ta che. A lo dam mai thei asin. Fahrahte hnenah, “Lungngaite chu an eng a thawl e, thlamuanin an la awm dawn si a” tih ziak la, pe ta mauh che. Thlamuanna an chang mai thei a nia.
Tanin thim ang lehkhabu karah kum tam a lo tang tawh a, vawiina ka lo chhar chhuak leh ta hi; ka tan zirtirtu ropuiah a lo chang ta. Chu chu hei hi a ni – an old christmas card.
Ka la kang a. He card min hnutchhiahtu hian, a ngaihtuahna zawng zawng sawmkhawma a ziah; thlasik khawvawta khur bauh bauhva a ziak tih hriattak maiah chuan, he thu hi a lo la inziak va mai a-
“Duhtak,
Ka hmangaih che a, ka hmangaih reng fovang che tih he lehkha hian min hriatpui rawh se.
Ka chhungte leh ka nu leh pate thu hnialthei ka ni si lo. Mittui nen hmangaìhtak chung che in, hmangaih loh tangdang ka bel dawn ta si a. Min dem ang tih ka ring (mittui a luanga), mahse, tihtheih ka nei lo.
Nakum tun ang hunah chuan, hmangaih ngai loh hraileng ka chawi tawh ang. Min nghilhzai rel tawh mai rawh, mahse, hei erawh hria ang che. Ka hmangaih che.
He lehkha hian zirtir tam tak a pai a, keichuan ka phu mawlh love. Mangtha ngawih ngawih le…”
Ka suangtuahna leh mitthlaah te chuan, a kiangah min chentir a. Duat taka kuahin, ka fawp nawn awn awn a. Mahse, suangtuahna maiah a chang zo ta si. Tunah erawh hraileng a chawi tawh a, suihlunglen biahthu ka hlan a mawi ta love. Kum tam aliam hnu hian, mangtha ka ti thei vf ta chauh a ni e. Mangtha le…
Ka mittui a parawl kuang a. Mahse, zirtir tam tak ka haichhuak erawh, ka la lawm dawn chauh a ni. Vun a lo sawng ang a, ka mitin a tlin tawh lo chin leh; ka bengin a hriat theih tawh loh hun chenin ka bihin- ka ngaithla nawn fo thin tawh dawn a ni.
Here lies the an old humble christmas card. So, spread your arms around the world at christmas time with christmas card.
(Y)
November 18th, 2011 at 12:04 pm
Rilru a va hneh ve. Good post
Report this comment
November 18th, 2011 at 12:05 pm
Chhiar phawt ang hmiang
Report this comment
November 18th, 2011 at 12:11 pm
There’s an old christmas card,in an old dusty trunk..
. ka lung a va ti leng e
Report this comment
November 18th, 2011 at 12:15 pm
Lr-a chuh, i va ziakthiam ve. Lung hlui i tileng e
I post atanga ka ngaihtuah, Mobile phone vang vek hian Christmas Card pawh kan inthawn ngai tawh lova, card ngei mai kan han dawng thin te kha a ngaihawm ka tia. Sms in Masi Chibai kan inthawn luai luai ta ringawt mai hi ch… a card ngei kha a lo hlutzia min hriatchhuahtir.
Report this comment
November 18th, 2011 at 12:18 pm
Chhun pachangah lung tileng ang aw. Kenny Roger leh Dolly Parton in ‘The greatest gift of all’ han ti hlerh hlerh mai se, lung hi tihlen loh pawh tum ila a leng lo theilo.
Report this comment
November 18th, 2011 at 12:22 pm
Tunlai chu zan ka meng thei thlawt lo a, hna ka neih tlem lai ni bawk a, vawiin chu kan ti tak tak teh ang..tun kar post la chhiar loh zawng zawng chhiar char char mai teh ang ka tih lai mekin lr hian ti hian a rawn ti roh sia, ka lung a leng ta char char zawk a, lunglen hian chhun pachang pawh a lo sawi chuanglo a nih dawn hi.. chhunglamah ka in kalh hnan sauh sauh ang a,headphone in Jim Reeves Christmas hla ngaithla veng veng zawk dawn em ni chu aw!!
Report this comment
November 18th, 2011 at 12:23 pm
Masi leh tragic romance…mi a khawih deuh nghulh mai lawm.. Tum masi chu card lentir teh ang.. Good lungkuai Post!!!!..
Report this comment
November 18th, 2011 at 12:25 pm
<—- Lungleng mittui tla char char, post pawh chhiar chhuak thei lo, mittuiin hliah vek. :cry:
Report this comment
November 18th, 2011 at 12:26 pm
Lr-a chu, hei hi i ir-awm chhuak anih tak zet chuan, A+ ka pe ang che. Talent nei dik tak i ni. Midang entawn buai lovin i pianpui talent hi han tipung zel teh. Tu tu emaw lunglen i kaitho ngei ang le.
Report this comment
November 18th, 2011 at 12:30 pm
Lr hi i la naupan tehreng nen, i thiam em em ringawt a. Ka silent thin lai khan kawmen ka chak thin khawp mai. Tunah ka kawmen thei ta a, a lawmawm e.
Ka rilrua lo lang mai mai chu, lehkha pangngai mai i han khehkual dan vel hi a mak a, a ril ru tlat ka ti. Thildik a ni vek tho si a, ka kum zat i nih hun chuan, i la thiam ngawt ang. Han ziak zel teh, ka chhuang a che.
Report this comment
November 18th, 2011 at 12:32 pm
Pu Pk, ka irawm chhuak ngei chu a ni ve e.
@vancharlova, ka lawm e.
Report this comment
November 18th, 2011 at 12:39 pm
Masi card chhungah chuan i duhlaii chuan paragraph 4 lawih a hnawh belh a ni maw,a duhthawh hle mai.:-)
I ziak thiam bawk a lung i tileng ruih mai alawm mawle.
Christmas chibai.
Report this comment
November 18th, 2011 at 12:48 pm
A va ngaihnawm ve . Keipawh masi card ka siam dawn, hei hi ka ziak ang “It happens to me from time to time.i realize i’ve waited too long. i pretend to turn the blind eye. beefore i know it. i’ve lost sight of it all, even though it was there all along. finger on the trigger. i’ve steadied my sights , but i can’t do anything about it. u know… it makes me sick. the symphony’s playing on time. everything’s quiet and perfect and cool. the Maestro is wasting his time. 2night though, the notes just aren’t getting along. i’m not going out. i gotta work in the morning; these excuses i make. i’m the king of etc. etc. that’s just not really me. i plead to change and succeed ..not really”
humbly yours
The Fonz.
Report this comment
November 18th, 2011 at 12:59 pm
Keini ho chu kan la lungleng phak ve tak meuh alawm, Sheldon sawi ang deuh khian mobile phone vang hi a ni deuh ber awm e. Christmas card mai pawh a ni hleinem, love letter thleng pawh hian kan tunlai thalaite hian, a hlutna an hmu pha ta meuh lo chu a nih hi a!
Keini ho tan lunglenthlak viau mahse, hmanah, ih..hmanah tawh khan, kan Mizo mipa zaithiam lar ber zinga mi kha Chapchar Kutah kum dang ang bawkin, Lammualah zai tura ruat a ni leh pek a, ‘Tlaitla eng mawi’ tih kha sak tumin a inbuatsaih a, (tlai lama zai turah a inngai a ni) chhun nisat vanglai takin zai turin an han ko teh reng a! A lo inbuatsaih tawh laklawh si a, phur lo zetin, chhun laiah ‘Tlaitla eng mawi’ an sa ta kha a nia! Chuti ang deuh chuan kan thangtharte tan Christmas card hian, an thinlungah hmun a chang thuk tawh lo mai awm mang e tiin ka lo ngaihtuah vel mai mai pek a. I ziak ngaihnawm thiamin a lunglenthlak hle mai.
Report this comment
November 18th, 2011 at 1:06 pm
Boihapa nang meuh pawhin min fak a, ka lawm e. Misualah hi chuan a hrelo leh la dai tlem ber ka ni si a.
Report this comment
November 18th, 2011 at 1:15 pm
Kei tehlul hian nang tehchai hi thiam ka’n ti che a nia
hahahahaha
Tak taka PK-a comment che ang khian i talent tipung deuh deuh teh khai, ‘lr hlonchhing chawimawina dawn kan va lawmpui ve alawm mawle’ tia hmai zangthal ha a, kan nupui fanaute bula kan la rik ve phar phar theih nan. Tan la rawh.
Report this comment
November 18th, 2011 at 1:19 pm
There’s an old Christmas card, in an old dirty trunk.. tih hla kha kan hriatchhuah zawk chu le.
Report this comment
November 18th, 2011 at 1:24 pm
Post tu pa,ka lunglen i kaitho bawk a,ka lung ti leng tu hi paste pawp mai teh ang
There’s an Old Christmas Card in an old dusty trunk
And it brings back sweet memories dear to me
‘Though it’s faded and worn, it’s as precious as the morn
When I found it ‘neath our first Christmas tree
Chorus:
I thrill with every word, every line
Guess I’m always sentimental ’round this time
Pardon me if a tear falls among my Christmas cheer
It’s the memory of an Old Christmas Card
(Recitation)
You know, I don’t know why I get to feeling sentimental
about this time, every year
But every time I see a Christmas card,
I somehow can’t help reminiscing
About the very first Christmas that you and I spent together
What a beautiful Christmas card you gave me that year
Why I know you must have looked through thousands of cards
To find that wonderful poem that still brings a tear to my eyes
Report this comment
November 18th, 2011 at 1:30 pm
Jacka Pi inthlahrung mah ta che. Ka duh ka sawi tawh alawm.
Report this comment
November 18th, 2011 at 1:32 pm
Khawngaihtakin a hla kha a nei chuan han dah hram teh u,ka lo nei tawh miah lo ngaihthlak ka tum a…Plse in
Report this comment
November 18th, 2011 at 1:36 pm
#20 tah hian va kal chhin teh..
https://www.youtube.com/watch?v.....re=related
Report this comment
November 18th, 2011 at 1:40 pm
Keini ang rual hi chu kan lunglenna hla te hi a hlui ruih zel tawh ania. Christmas Card kha kan han uar thin khawp a, siamchawp te kha a hlu zual ania, tunlai tleirawl ho chuan Card dawn nawmzia pawh in hrepha lo, in chan ropui ngawt mai.
Jim Reeves Christmas Hla han ngaithla hlerh hlerh mai ila, lung a leng lo theilo.
Report this comment
November 18th, 2011 at 1:45 pm
#20
Vittea, i duh chuan i e-mail min rawn pe rawh.. ka lo thawn ang che. A full album in ka nei e. “Jim Reeves – Twelve Songs Of Christmas”
Report this comment
November 18th, 2011 at 1:48 pm
@sheldon, ka hre riai ruai ve asin. Ka lung a lengpha tlat nia le.
Report this comment
November 18th, 2011 at 1:51 pm
I thiam tak meuh2 e. Your truly ONE OF A KIND.
Khi’ng christmas card character i sawi ho khi committee kohna lehkha them pawh hian a nei vek. :tlanchhe nghal:
Ka’n sual ve loks…
Report this comment
November 18th, 2011 at 1:55 pm
A va tha in a va ngaihnawm em….. kumin chu thu thlum tak ziak in ka pe ve ngei tawh ang
Report this comment
November 18th, 2011 at 2:23 pm
Mahni la tawn loh, tawn tawh ang tak te hian in ziak thiam bik thin mange.
Kat zaithei ka dawng ve tawh tak e :lungleng:
Report this comment
November 18th, 2011 at 4:02 pm
Report this comment
November 18th, 2011 at 5:18 pm
A chhiar a nuam khop mai. Keipoh hman veleh xmas card zong khom ila, ka theih2 kn thon leh teng..i post hian min ti phur thar!
Report this comment
November 18th, 2011 at 7:29 pm
A va ngaihnawm lungrun ve.
Report this comment
November 18th, 2011 at 10:51 pm
Min thawn se kan tih em em te khan a nachang an hre mai si lova, a thawn hmasatu nih tlawmah kan la deuh ngei bawk…
Report this comment
November 18th, 2011 at 11:20 pm
Mai mai lo chuan, dawt pawh va ni suh, khawngaihthlakin, lunglai a kuai ngei e, naupangte i hit fuh ve tlat zel.
tren tren.
Report this comment
November 18th, 2011 at 11:58 pm
Heta tang hian, misual zawng zawngte muttui vek u le.
tren tren.
Report this comment