“Sacrament” han tih hi chuan rilru ah hian a puithu riau mai a. Puithu awm pawh a ni reng a. Kan chhandamtu Isua Christa’n a zirtir te nen a zanriah hnuhnung ber an kil tuma amah hriatreng nan ti thin tura a chah thu kan Bible in min hrilh a.
Sacrament chungchang ah hian kohhran hrang hrang rin dan leh pawmdan a in ang lo hle. Augustine-a te ho leh mithiam tamtak in Sacrament hi kawng chi hrang hrang in an hrilhfiah a. Roman Catholic leh Protestant inkar ah pawh pawmdan leh kalphung a in ang lo bawk. Amarawhchu, Christian a in chhal zawng zawng te hi chuan “Sacrament” hi kan ngai pawimawh hle a ni.
Tumkhat chu Birmingham, Selly Oak a Protestant kohhran pakhat ah ka inkhawm a. Sacrament sem tura an in buatsaih mek lai chuan, naupang ho chu an phur khawp mai a. Reivak lo ah an Pastor a rawn ding chhuak a, naupang ho lam chu hawi in “Sacrament kil duh zawng ban phar rawh u”! a tia.
Naupang kum 3-4 vel pawh ban an phar sap sap mai a. Mak ti tak chung leh hriathiam lo tak chung in ka thlek reng a. Naupang ho chu phur tak in, an in tlar ve sap sap a. Pastor chuan “Naupang te te ka hnen ah han kal tir ula, hnar suh u! Pathian ramchu hengtiang mi te tan a ni si a” tih Bible chang kha a chhiar a. Chumi hnu ah chuan naupang intlar zawng zawng chu Sacrament a sem ta a.
Inkhawm kan bang hma hauh atang ka ngaihtuah nasa hle a. Sermon pawh tuitak a ngaithla hleithei lovin, ka thiltawn chuan ka rilru a luah in ngaihtuah na tamtak min neihtir a. Lal Isua’n a mah hriatreng nan ti thin tur a min chah “Sacrament” hi kei ni Zohnahthlak kohhran tamzawk te chuan puitling (adult) chauh kil theih ah kan ruat a. A chunga kan tarlan ang in naupang te hi an naupan lai atang Sacrament kil tir ve ta ila, Kohhran hi an hlat phah ang nge, an hnaih phah ang? tih hi ka ngaihtuah nasa ve hle a ni.
Naupang an nia, engmah an hre tak tak lo! kan ti dawn nge?
Kohhran tihdan a ni lo va, kohhran tih dan pangai hian kal mai mai ila, a tha ber! ka ti dawn?
Kan fate hi an naupann tet atang hian Sacrament chungchang hi nu leh pa ten tha tak in zirtir ila, kil tir ve bawk ta ila, kei chuan a pawi viau nachhan tur ka hre lem lo va.
Isua Christa he khawvel a hring a chan lai khan naupang te hi a ngai pawimawh in a ngaina em em a. Naupang te rilru thianghlim zia leh an rin na entawn tlak zia pawh min zirtir fo a nih kha. Chutianga rilru thianghlim leh kan Pathian lawm em em kan fanau te hi Sacrament chungchang ah hian kan hlamchhiah tlat ni a hriat na ka nei a! A tha ber erawh ka hre hauh lova, eng nge kan ngaihdan ni hlawm reng reng ni?
Similar Posts:
- Katholic Kohhran hi
- Lalpa Zanriah (Sacrament)
- Zanriah hnuhnung leh fanghma
- Sex Education
- THINLUNG THIANGHLIM
November 17th, 2011 at 11:43 am
Chawngchilh, No.17,& Teatak2, No.12 te sawi hi a mis-leading thei dawn tlat ka lo inrawlh ve lawks. “Do this in remembrance of me,” (Min hriat reng nan hei hi ti thin rawh u), tih hi hetiang hi a ni,
Greek tawng chuan, ”Touto Poieite Osakis Ean” tih a ni a, a literally chuan, “Touto (this) Poite (do) Osakis (as often) Ean (as)” (You do this, as often as…” tih a ni.
Tichuan, a Grammatically chuan, “Present Imperative Active” a ni a, chu chu, “Tih-nawn fo” a kawk (tihna)a ni.
English hian “tih-nawn fo lam hi a kawk lo lek lek zawk” a, a Original Greek tawng-ah chuan “ti thin, ti-nawn fo” tih hi a tum ber a ni zawk a ni. A chhan chu,,,Sacrament hian entir pawimawh tak tak a nei a,,,
1). Chhang hian Isua’n ama taksa ngei kan tana a inpekna a entir a.
2). Wine hian Isua thisen, sual ngaihdam nana luang kha a entir a.
3). Wine hian sual ngaihdamna kaltlanga Pathian nena kan inzawmna a entir leh a.
4). Chhang & Wine hian Lal Isua Thihna Hriatrengna leh a lo Kal lehna beiseina a entir a ni.
5). Chuvangin, Lal Isua lo kal leh hma zawng chu Chhang & Wine (Sacrament)hi tih-fo (eia-in fo) tura thupek kan ni tihna a ni.
Sawi tur a tam na a, duhtawk rih mai ang. Ka rawn tlailam umpawng par a, hriatthiamna ka ngen e.:-)
Report this comment