Georgetown University Hospital hi Jesuit puithiam (Catholic) ten kum 1898 a an dinchhuah niin, anni duhdan leh tum dan anga inenkawl chhoh zel ala ni. He hospital hian kum 2004 leh kum 2008 khan Magnet Award (Inenkawlna tha lawmman) lo dawng tawhin, tunah hian United States ah inenkawlna thaber top 2 ah a tel nghe nghe a ni. Hetiang Magnet Award dawng tawh damdawiin hi United States ah hian damdawiin 3 emaw chauh an la awm nghe nghe awm e. Georgetown area hi Washington, DC a hmun nuam laiber niin ka hria!
Georgetown University Hospital (Entrance 1 atangin) ka lak a nilo:
Georgetown University:
Jesuit puithiam ho nunpui, “Midang tan a inpek” (service to others) chu an thupui lian tak a ni a, hmuh theihin a lang bawk. An damdawiin pawh rampum a thaber pawl a ni kumkhua reng a. Hospital chhung (campus) a Lombardi Comprehensive Cancer Center chu Washingtin, DC area a awmchhun leh NCI (National Cancer Institute) in a pawm chhun a ni bawk.
Georgetown damdawiina taksa peng thlakna (transplant) hi rampum huap a Medicare in a pawm (Approved) tlemte zinga mi niin, Washington, DC area a awmchhun a ni bawk. Georgetown Neuroscience hi “Cyberknife” East Coast a hmang awm chhun leh rampum huapa 6 zing ami a ni bawk.
Damdawiinah hian dan ang thlap a dah, khum (licensed bed) 609 a awm a, doctor 1,300 an awm bawk. Georgetown Hospital a clinic lam pawh Washington, DC metro area a healthcare petu lianber te zing ami ani bawk a ni.
Georgtown University Hospitalah hian CCF (Center for Children and Families) a awm hrang leh a. Hemi awmna in (building) pawh hi a hranpa hlak a inenkawlna hmun niin, a hmun hming anga inpe tawp awmkhawmna hmun bawk a ni a. Kan awmna khua, Frederick atanga hla lovah naupang damdawiin tha ber pawl ani nghe nghe awm e. Hetah hian ka fanu Janis pawh November ni 14 zan khan helicopter a phurh luh a ngai ve ta tlat mai a. A luh chhanah lungawi thlak loh viau mahse, an enkawlnaah erawh a lungawi thlak viau a ni.
Min dahluh fel hnuah tul ang lehkha chu kan tifel leh chauhva. Damlo enkawltute hlim hmel leh nung sarh mai te chuan min thlamuan ngei mai. Min enkawl dan tur leh min enkawlnate chu enge an nih te, enge a thawh dan te nen kimchang takin engkim min hrilh hmasa a. An hawihhawmna chuan ka pianna ram atan rualawh ati na kher mai.
Ka fanu chu tlemin a rawn harh chhuak ve ta a. Zirlai, intern timek te chuan hlimhmel leh nelawm takin an rawn kawm hlim thin a, a hahdam thlak viau zel mai. Awmpuitute tan pawh zanlamah chuan restaurant hrang hrang ten an chaw siam te chu a thlawnin an rawn thawh thin. Damdawiina awmte tan tanpuina anih bakah an dawr fakna tha tak a ni thei ngeiin ka ring.
Doctor-in ward a rawn fanin, naupang chhungte hriatin nurse te nen a chanchin an sawinaah kan tel ve a, tul a awm chuan zawhna kan nei thei bawk. Inenhranna a awm lova, milian leh mite an kar a hla lova, damlo chu damlo an nih angin tul angin an enkawl tawp mai niin ka hria.
Naupang dam deuh tawh te infiamna pindan leh thildang te a awm bakah, a awmpuitute tan restaurant leh mamawh lamna a awm kim viau bawk.
Kan thlaphan laia min hnemtu misual thiante tan, a that chhoh dan thlalak tlem ka rawn phawrh ang e:
Damdawiin a luh tirh:
Intern timek, Ms. Catherine Campbell in Janis a kawm-hlim:
A dam viau tawh a ni:
NB: Misual thianten in hun pawimawh tak, ka fanu Janis tan a tawngtai nan in hmang tih ka hria a kan nupa kan lawm hle a ni. Kan vaia tawngtaina Pathian in mithiamte hmangin min chhan sak a, ropuina changtu Pathian hnenah kan lawm tak zet.
Similar Posts:
- Snowmageddon!
- Tunge Zawhte chu thi awrh tir ang le
- Kan thiam theihloh thil pahnih
- “I âw-ah a âw ka hre thei asin!”
- A Mak Ka Ti!
(Y)
November 18th, 2011 at 9:31 pm
Aw le..
November 18th, 2011 at 9:32 pm
Ka chunga mi chu ka pawtthla chak mange 😛
Pathian zarah in tha chho zel turin duhsakna ka hlan che u
November 18th, 2011 at 9:35 pm
Sisen, vancharlova style 😛
November 18th, 2011 at 9:37 pm
A van in load rei ve. Ka en thei lo, a link rawn dah mai teh, Sandman.
November 18th, 2011 at 9:37 pm
(Y) Hamara desh ah engtikah tak khitiang service khi nei ve tak ang maw. 🙁
Janis lo dam zel turin duhsakna ka hlan e.
November 18th, 2011 at 9:43 pm
I va reh veng veng ve le…Postupa chu (Y)
November 18th, 2011 at 9:46 pm
Lalpa awmpuina chang in lo dam thuai thuai teh u khai..
I fanu chu duhawm reuh hle mai.
November 18th, 2011 at 9:48 pm
HV, rawn zin ta ila, zan 1 thilthuah serious takin dam lo thut ta ila, insurance nei miah lo ta ila, khitiang damdawi inah khian enkawl theih kan ni ang em?
Janis, Pathianin enkawl se la, lo dam thuai2 rawh se.
November 18th, 2011 at 9:51 pm
North Vanlaiphai(goverment) hospital, 1945 a Japan Imperial Air Force in am bomb pawh an la repair lo, tih an sawi ka hre tawh a, chu ai chuan Geogetown University Hospital chu a that hret zawk hmel.
# 5@ Lamji zawhna: Hamara desh ah engtikah tak khitiang service khi nei ve tak ang maw.
Answer: Eng tikah mah
November 18th, 2011 at 9:52 pm
1.open facebook.com
2.search “Catherine Campbell”
3.me gusta 🙂
Lo dam zel rawh u…
November 18th, 2011 at 9:53 pm
Lo tha chho zel teh u
November 18th, 2011 at 9:55 pm
Janis-i te chu a va duhawm reuh ve le. A lo serious em anih khi. Tawngtai chhanna changtu nih hi hlu deuh ania. In dam zel a, kan lawm takmeuh e.
Mahse, kan ti teh ang. Rualawh i ti na. Kan nau damlo ICU kan awm nen khan ka tehkhin lo theilo. Helam pawh a thawk te chu an fel, mahse facility kan inneih that hleih em ani.
November 18th, 2011 at 9:55 pm
Kan rama awm atan a va itawm ve le….
Janis, hriselna tha tak nei chho zel turin duhsakna ka hlan a che
November 18th, 2011 at 9:56 pm
Janis-i chu a va khawngaihthlak bil bel reuh ve aw..lo dam tha thuai thuai rawh se..
November 18th, 2011 at 9:57 pm
lo dam zel teh u.
November 18th, 2011 at 9:57 pm
Janis chu a dam vat nan ka lo á¹awngá¹ai ve á¹hin a, enkawlna a dawng á¹ha bawk a, a á¹hat chhoh zel beisei ang. Pu H.Vangchhia a rawn lêt leh ta bawk a, thla a lo muang ve ringawt nia. Thlalak ho pawh a hmuhnawm e.
November 18th, 2011 at 9:59 pm
Jesuit fathers te hi chu en mai poh hian an zahawm ngoih2, an life simple (austere) top hi. Buddhist puithiam te nen an inang deuh.
November 18th, 2011 at 10:00 pm
Chuan, Catherine Campbell khi hmelá¹ha ka ti (sawi lo thei lo) 😀
November 18th, 2011 at 10:05 pm
Janis-i leh a nu leh pa, a unaute ka lawmpui e. Zantin a Staff Prayer meeting kan neih thinah thawh ka inthlahrung deuh si a, kan nupain kan room-ah kan tawngtai sak thin. Lo tha zel rawh se. 1300 doctors, Wow…!
November 18th, 2011 at 10:07 pm
Janis hi a lo na hrep a ni maw?? tha leh deuh khan i sawi deuh sia, pangngai tawh turah ka lo dah mai pek a!
Lo dam zel teh u.
November 18th, 2011 at 10:10 pm
Georgetown University Hospital Vrs Aizawl Civil Hospital.. tah te pawh a chhuak theih dawn alawm. Pu Hv, dam vat vat ula, rawn ‘regu’ leh tawh la kan ti 🙂
@kawlhawk, insurance policy i neihloh chuan a buaithlak an ti. A…i zin thlak hunah pawh damlo thut lo mai rawh, cash tam lutuk ken a theih dawn silo a, a buaithlak awm emai. Zin thla lo phawt mai teh 😛
November 18th, 2011 at 10:22 pm
Lo dam thuai2 rawh u….hriselna hi kan dam loh chiah hian a hlut zia kan hre thin si a. Natna te, harsatnate hi malsawmna kan dawn nasat zia min hriat chhuah tirtu mai a lo ni…. (D)
November 18th, 2011 at 10:23 pm
Lalpa chu fakin awm mawlh2 rawh se… lawmawm khawp mai.
November 18th, 2011 at 10:28 pm
A mak e, ka first thei ngai lo reng reng. Ka beidawng rum rum tawh, khawngaiin site adm. te khan first khi min pawhthlak sak thei em? Ka first ve chak e…
November 18th, 2011 at 10:30 pm
a dam thuai2 nan duhsakna sang ber ka hlan e.
November 18th, 2011 at 10:31 pm
Doctor 2 in damlo 1 theuh pawhin an in chan lo
November 18th, 2011 at 10:41 pm
I fanu khi lo chawm tha la,a len hun ka nghak dawn. 🙂
November 18th, 2011 at 10:41 pm
HV, Hospital atanga in chhuak hrim hrim tawh hi Pathian hnenah lawmthu ka sawi e. Kan lo tawngtai pui zel ang che u. Naupang damlo hi chuan rilru hi a khawih lehzual bik thin.
Ni e, hetiang ang a enkawl na tha leh hmanrua tha hi Mizoram tan hian ka va it ve tak em…
November 18th, 2011 at 10:42 pm
A lawmawm hle mai. Lo dam zel ang che u.
Georgetown Univ. Hospital ah chuan damlo nih pawh a chakawm thei mai dawn a lawm le. Khum leh doctor ratio ah doctor pahnihin damlo pakhat zel enkawl ang anni dawn a…..an awhawm mange.
Kan la hlat deuh keini chuan……
November 18th, 2011 at 10:43 pm
kawlhawk #8 insurance neilo pawh nila, i damloh chuan ER (emergency room) ah an enkawl thei che.
Damlo enkawltute an fakawm ka tihna em em mai chu, damlo enkawl kha an hna anih an hre hle. An hnaah an tui em em vek maiin a hriat a, hlim hmel pusarh maiin tumai pawh min be vek mai a, an enkawl bawk a. An hlim hmel leh viak tha tak mai a engkim an ti zung2 mai khan min thlamuan hle bawk.
Nurse mamawh ila, va koh buai ngai lovin hmeh tur kan hmet a an rawn lang nghal chawpchilh mai zel a. Nui sangin enge kan mamawh min zawt thin.
Janis treatment an pekna hnar a vuah chi khi an thlawn lailawk a, a hnu darkar 2 ah tih leh tur a ni a. Ani alo muhil laklawh si,tihharh hlau takin a hmaia vuah lovin a titu tur chuan a hnar bulah chuktuahin a vuan char char mai nia mawle. An zahawm tak tak ania aw.
Hreawm ber lai chu Janis damlo ka va hmu, ani na tuar mangang hmelin min rawn melh tawk tawk kha a ni. Pa tan chuan thlir avan hreawm tak em!
In mi tawngtai saknaah kan lawm tak zet e. Ropuina chu Pathian-in chang zel rawh se. (Y)
November 18th, 2011 at 11:00 pm
Pu hv, damlo rau rau ah in vannei e ti teh ang. Damdawi in a thawkte nungchang leh tawngkam chauh pawh damna sawng sawng zuk nia. Lo dam zel teh u.
November 18th, 2011 at 11:05 pm
#9,, 😛 😀
#30,,Pu Hbee sawi khi ka’n tuihnih loks..,, mi tupawh hian kan hna hi profession pakhat mai anga ngai lo in a awm chhan,a thawh tur hi hria ila.ent. Bus conductor te,taxi driver te chuan hawihawm takin mipui hmachhawn rawh se,mipui rawngbawl an ni si a. Chutiang zelin doctor,engineer,office a hnathawk,a bik takin counter-a thu te…aa…a tam mai,ti tawp mai teh ang..western countries ho ang hian kan hna awmzia leh a ken tel,a nihna hi kan hriatchian a ngai tak zet2 ani. Hlawh lak nana hman ringawt hi chu a felhlel ani.
November 18th, 2011 at 11:15 pm
sheldon #31 ni e a dam tha zel turah ngai ang 🙂
Lamji #32 a hmun leh bungrua chu thuhran nise, hawihhawmna tal hi chu nei tha ve thin ilang chuan ‘sheldon’ sawi ang khian damlo tan pawh an damdawiin te hi damna sawng sawng tham ani ve thei ngeiin ka ring. Kianga awmte a zir hian rilru thlengin a damin a damlo zual thei tlat asin.
Hawihhawmna hian thu alo sawi tam khawp mai. Upa ten “Tawngkam thain sial a man,” an tih kha a dik zia hi ka hre tulh2 mai a nih hi. He thu hian sial tak tak a man ani lova, a hlutzia sawina a ni tih kan hriat a pawimawh viau bawk ang. Mizo te man leh mual sawina ber thin chu sial a ni.
November 18th, 2011 at 11:16 pm
#24 khiii… Khipa – vanchharlova (inti) khi… Pa zangfakawm tak a va ni em! :p
November 18th, 2011 at 11:21 pm
HV, ka hriat duh min chhanga ka lawm e.
sheldon, ni e tiraw… US a zuk zin thlak ai chuan Chite ruam lamah ka leng thla zawk mai nange :p
November 18th, 2011 at 11:23 pm
kawlhawk, mr. Duhlova te rual khan ilo chhuk ve nulh dawn angin ka hre thiak thuak asin mawle. Ilo tel ta lova a pawi ka chi vawng vawng 😀
November 18th, 2011 at 11:26 pm
Ku hv, ka lo tawngtaipui ve keuh keuh che u a, kei misual hian. Lo dam zel teh u.
tren tren
November 18th, 2011 at 11:31 pm
Chhuaklinga, kan lawm e. Nia a tha chho zel turah kan ngai 🙂
November 18th, 2011 at 11:38 pm
A dam tha lai hmel han hmuh leh chu a va hahdamthlak vawng vawng ve! A pic chung ber i rawn post lai kha chuan ka lo hah ve ngawih ngawih a. Tawngtaina lo chu tih theih dang ka nei si lo. Lo dam tha zel teh se.
November 18th, 2011 at 11:54 pm
Lo tawngtaipui tak tak che u nia o misualho..hehe.. Lo dam vat vat rawhse.. A dintute nunpui thu khi ka van duh em.. Good hospitality Post
November 18th, 2011 at 11:55 pm
Janis dam zel tur in ka duhsakna ka hlan e . Damdawiin in nei tha bik hle mai .rual awh ana thin teh e . . .
November 19th, 2011 at 12:03 am
muante#39 ka beisei ang rengin ilo khawsa anih chu, kan lawm e.
KingJulien leh midang te, kan lawm lutuk tak zet.
Midang tana tawngtai a dilsak thintute hi Pathian in mal a sawm duh bikin ka ring fo. (Y)
November 19th, 2011 at 12:09 am
Pu HV,Lo dam zel teh u.in dam loh chuan mi tihdan ang ni lo, i comment dan danglam bik tak mai kha chhiar tur a awm lo thin a, a khawhar thlak fu.
November 19th, 2011 at 12:11 am
Pu HVa i post a bengvar thlakin a ngaihnawm hle mai. #8 Zawhna tha tak a ni (Y) #30 Chhanna tha tak a ni (Y) Khum 609 Doctor 1300 in an vil..ngan vee :-S Chuan ka vawi khat comment na 😀 🙂
November 19th, 2011 at 12:20 am
An mahni website atang hian thil tam tak a hmuh theihin ka ring:
http://www.georgetownuniversityhospital.org/
November 19th, 2011 at 1:15 am
A damlo tih ka hriat hma in a lo ziaawm leh tawh a a lawmawm e, dam zel tur in duhsakna ka hlan e.
@44 Damlo 36 ‘ka’ vil thin, casualty a kan case leh ward dang atanga refer te nen, midang damlo an awmve tih hrelo ang maia mahni chauh in ngai pawimawh thiau emaw tih mai tur leh nghal… tlaivar pawn a tuk chawlh awmlo, nuih sang reng chu har tak a ni 🙁
November 19th, 2011 at 1:23 am
Khum 609 leh doctor 1300 ah hi chuan buai suh u. Affiliated doctor tihna mai ania, hospital tam taka doctor ho hi full time kher in an thawk lo…
A ropui ka tih chu ..university hospital tih lai khi ani. he hospitalah hi research centre ropui tak ani tihna ani mai a,
AIIMS te pawh hi hetiang deuh a kal an nih leh nih loh ka hre miah lo, a hria an awm ang 😉
ENgpawhnise, Mizoram hi chuan hetiang standard hi chu kan la hlat hmel viau mai. Falkawn a mi lah kha an eiru zo deuh vek emaw ni :-[
November 19th, 2011 at 1:39 am
ava pui rem rem ve aw…
November 19th, 2011 at 6:25 am
Naupang duhawm tak Janis lo dam chhuak leh ta hi Pathian hnenah lawmthu awm rawh se. Thinlung takin ka lawm pui tak zet. Damchho zel tawh rawh se. (F) (L)
Tidaih ila, bawlhhlawh hi a vang ve thin ngawt mai…fai tlianghlarh vek mai a nih khi maw….rual-awh a na thin e. (Y)
November 19th, 2011 at 6:49 am
Janis-i lo dam zel rawh se. Ka nghak lian dawn ka tih thin kha.
November 19th, 2011 at 6:49 am
First te’ng.
November 19th, 2011 at 9:11 am
ka khawngaih reuh eee,,, a hmeltha si tinge maw a lo dam loh vak le… a dam hmel ka hmua ka lawmpui tak zek che… Pathian zarah a dam zel ka beisei… i rawn ziak tha khawp mai…
November 19th, 2011 at 10:14 am
E khai! A va tihzia ve le! Janis chu dam leh zual zel teh se.
November 19th, 2011 at 10:20 am
Janis damtha leh chu a va lawmawm tak em!! “coptera phurh ngai si..kein tha takin a kal leh thei tawh ania…
November 19th, 2011 at 10:25 am
chemte, min rawn call hram hram a ka lawm e.
boihapa & Puii, a lawmawm tak tak a ni. Tawngtaipuitu a ngah bawk si, kan vannei tak tak ania.
November 19th, 2011 at 10:32 am
Rualawh a na thin mang e
Engpawh nise boss te lo dam zel ula kan duh tak meuh meuh e
November 19th, 2011 at 12:48 pm
A va lawm awm ve…
November 19th, 2011 at 4:14 pm
Janis chu lo dam tha zel rawh se…
November 19th, 2011 at 4:22 pm
Rual awh a va rem2 vee. Pu HV, lo dam zel r’u. kan lo tawgtawi pui ang che u
November 19th, 2011 at 4:38 pm
Kan lawm e
November 19th, 2011 at 4:45 pm
Pu Hv, serious deuh taka han damloh te, harsatna han tawh te pawh hi kan hlawkpui thei khawp ania. Nangpawh i mangang viau ang, mahse Pathian i hnaih phah sawt ka ring. Formality ang leka tawngtai thin hian tihtakzetin Pathian kan auh phah ania.
‘Keinin vanduaina a kan ruat,
A hmangaihna lantirtu…’
November 19th, 2011 at 4:53 pm
sheldon, i sawi dik
Nu leh pa te min hmangaihna pawh nasa takin ka hre tawlh tawlh mai. Naupang tha leh thei ni ilang chuan ka fel awm mang e 
November 19th, 2011 at 5:00 pm
Nia, Nu leh pa hmangaihna pawh hi kan puitling hnu hian kan hrechiang lehzual. Kan tetlai, skul banah engemaw tihtuh ka nu in a lo sawite hian ka tlanchhuak zuai thin a. Ka inchhir. I sawi ang khian – naupang tha leh thei ni ila chuan a hma ai kha chuan ka fel ang.
Ka nu min boralsan na kum 10 a chuang ta, puitling zet ni tawh mahila ka la ngai thin, a bikin damloh nikhua in.
November 19th, 2011 at 5:22 pm
Jesuit-ho sawi tawh hi chuan an thupui-
Ad majorem Dei gloriam, an tihte
Magis, tihte
AGERE CONTRA,tihte rilruah a lo lang zawk mai.
Pa nih i tling khawp mai.
November 19th, 2011 at 7:05 pm
sheldon, avan zialo ve..
November 19th, 2011 at 9:12 pm
Pu HV in dam tha zel chu ka lawmpui che u..mahse i post a khum 6o9 leh doctor 1300 tih khian ka hnuk a ti ulh..waah!!!