French Bible-ah chuan ‘Chatuan’ (Eternal – the Eternal or the Eternal One) tih hi Pathian hming sawi nan leh Pathian hming aiawhtu atan te an lo hmang a, Entirnan French Bible a Sam 106: 48 an ziak dan chu :
Chatuan Pa, Israelho Pathian chu fakin awm rawh se
Chatuan ata Chatuan thleng pawhin!
Mi zawng zawng chuan ‘Amen’ ti rawh se
Chatuan Pa chu fak rawh u.
Isaiah 9:6b “A hmingah chuan Maka…..Chatuan Pa..” tih kan hmu bawk a. Tin Sam 90: 2b “…. Chatuan ata chatuan thleng pawhin nang chu Pathian i ni,” tih ka hmu bawk a. Heng Bible chang leh a dang atangte pawhin Pathian hi kan awmna Universe siamtu, hunte an lo pian hma leh Chatuan hmasa pawha Pathian a nihzia chiang takin kan hmu a ni. Tichuan Chatuan hmasa a awm a, Chatuan dang lo thleng leh tur a awm bawk a, Chatuan hmasa leh Chatuan lo thleng leh tur inkarah chuan ‘Hun’ a awm. Tunah hian Hunah chuan kan cheng mek a. Chatuan leh Hun chuan danglamna an nei a.
Tichuan Engvanga Huna lo awm nge kan nih? ‘Hun chu engtiklai khan nge a lo intan?’ tih leh Enge a pawimawhna? tih zawhna chi hrang hrangte hian kum 2007 Feby thlaa ka u duh takin motor chetsual avanga min boral san ka han hriat hnu chuan ka thinlung an luah tlatin ‘Chatuan’ tih thu hi a cham reng avangin hriatna beitham tak chung leh mahni insit tak chungin he article hi ka han ziak a ni.
Hun leh Scientists: Bible a Pathianin ni 6 chhunga lei leh van a siam dan leh mihringte min lo siam dan atang chuan kan chenna khawvel upat dan hi kum 6000 erh awrh vel chauh ni maiin a rin theih a. Scientists-te thil hmuhchhuah leh leilung upat dan an finfiah nen chuan thil inmil thei lo leh inkalh tlat niin a lang. Chu mai pawh ni lovin mihringte kan lo pianchhuah dan leh kan chenna Universe lo awm tan danah pawh ngaih dan hrang hrang ‘Evolution theory leh Big Bang theory’ te a lo piang a. Engpawh nise, Bible thiamte leh Scientists-te thil hmuhchhuah leh rin dan atang chuan Thilsiam tantirh (Universe lo awm tirh) atangin tuna kan hman mek ‘Hun’ hi a lo intan a ni tih hi an thutlukna leh ngaihdan thuhmun an neihna leh inanna chu a ni.
Mahse engtinnge lei leh van hi a lo insiam a, engtinnge mihringte kan lo awm? tihah ngaih dan hrang hrang a lo awm avang hian Kristian tam takte chu rinna kawngah chauh phahin tam takten Pathian awm rin loh hialnate an lo neih phah a. Evolution theory leh Big Bang theory te ai hian Bible hian kan hmuh leh hriat theihah chuan thudik an tarlang fe zawk a ni. Entir nan: Evolution theory hi a dik theih loh zia finfiahna chu, Pathianin ni 6 chhunga a thil siamah khan thlaite, thingkung leh ramsate chu ‘anmahni nih dan tur ang theuhvin’ a siam a, tuipui lily te thingkung lian taka lo changta pawh kan hmu ngai lo a, chuvang chuan nih phung bik leh awm dan tur bik tak neiin a siam vek a, chumi ramri pela thil lo thang danglama thil chi danga lo inthlak pawh hmuh leh hriat tur a awm lo a ni. Tin Big Bang theory ah pawh, thil engemaw sakhat (Singularity) atanga kan awmna Universe hi lo piang ni anga pawm dawn pawhin kha thil sakhat a bul ber kha siamtu awm loin a awm thei chuang reng reng lova. Tichuan, science lama mi thiam ber berte pawhin Universe lo intan dan hi an finfiah thei chuang lova, chuvang chuan ‘Evolution thoery’ leh ‘Big Bang theory’ te hi thil ni theia rin leh ngaih mai an ni a, a dikna tuman an finfiah thei chuang lo tih hi Kristian ten kan hriat chian a pawimawh hle a ni.
Scientist-te thil hmuhchhuah dan hi chu a danglam fova, kum 10 kalta vela thil chiang (fact) ni ngeia an hriat kha kum reilote hnuah hmuchhuah dan chi dang an nei leh a. Bible erawh hi chu englaimahin a inthlak danglam ngai lo a ni. Tin Bible hi Science zirtirna tura ziak a ni lova, misualte Krista hnena kan hawikirtir leh theihna tura ziak a ni a. Tin, Bible hi mihringte hnena Pathian inpuanchhuahna leh leilunga mihring kan lo awm vena china kan chanchin ziahna leh Thlarau lam thil kan mamawh te ziakna bu a ni. Scientist te erawh chuan thil lo awm tawh sa an zir/hmuchhuak mai zawk a ni.
Tin, Bible hian kan awmna Lei upat dan hi a sawi lo a, mihringte he Universe-a kan lo awmve na chin hi a sawi mai a ni. Tin Bible hi chu Pathian leh a siam mihringte inlaichinna tur atana thil pawimawh chin min hrilhna mai a ni, Gen 5:1 “Hei hi Adama thlahte chuanna lehkhabu chu a ni,” tih kan hmuh angin. Chuvang chuan Hun lo intan dan atang hian Pathian chu Chatuan ata Chatuan Pathian a nih ziate, Lei leh Van siamtu a nih ziate Genesis bungkhata a thilsiam chungchang Bible thiamte hriat dan atangin i han sawi dawn teh ang.
Similar Posts:
- Pathian, Hun leh Chatuan
- Universe hi Pathian siam a ni lo! – Stephen Hawking
- The Oneness of God
- UNIVERSE PIAHAH ENGE AWM?
- Pathian, Hun leh Chatuan (Part 2 of 3)
(Y)
November 18th, 2011 at 7:04 am
Chhiar tan a nge..
Report this comment
November 18th, 2011 at 7:11 am
Chhunah chhiarah khek ang.
tren tren
Report this comment
November 18th, 2011 at 7:26 am
A ngaihnawm dawn e. Inhnialna tur pawh a awm leh nual dawnin a lang tlat mai. First part chu hnial rih lo phawt teh ang. Han ti zel phawt teh. Kan mithiamte ho lo hnial vak vak ai chuan, intihphur tawn phawt hi a tha e.
Report this comment
November 18th, 2011 at 7:43 am
Science peng pakhata thang duang ber chu, evolution a ni. Evolution han tih ngawt hi chuan nunna neite lo inher danglam dan (biological evolution) kawhtir a ni thin a, tunlai thiamna inlumlet chak tawh tak karah hi chuan leh leh vana thilawm zawng zawng lo pian dan leh danglam dan (chemical, cosmic origin and evolution) te hi a huam deuh zel tawh. Heng thu hi a BIBLE thu nen a innekna a tam zual a. A inpersan dan phei chu a nasa hlei hlei, chuvangin Acedemy ah hian evolution hian sawi a hlawh hle.
Pope John Paul II thusawi hi kan zep hram teh ang. “a theory is a metascientific elaboration, distinct from the results of observation but consistent with them. By means of it a series of independent data and facts can be related in an unified explanation. A theory’s validity depends on whether or not it can be verified, it is constantly tested against the facts”
I harh em? Bye heart hial tlak a ni.
Michio Kaku chuan, “Endikna (experiment) te chu a ngai kher lo, theory hi a tawk) a tih kha. Big Bang ah zukzinin (Einstein a time travel theory a takin hmang thei ila) kan zuk finfiah kher dawn em ni? Teuh lo. Kir leh thei tur kan awm lovang. Chu ai chuan, radiation hmangtea an chhut chu kan pawm mai a ni. Chutiang theory hrang2 hmang chuan, kan hriat loh hi a tam zawk pawh la nise, kan hriatchin a lo tam tawh avangin “A tirin Pathianin lei leh van a siam a” han tih tawp mai chu thingzika zawng dan ang ta deuh a ni.
“Tih ziak a ni” tih hmanga teh fiah chi chu a ni ngang lo alawm. “Nothing in biology make a sense in the light of evolution” ti thei khawpa harhna changte tan chuan tuiah leh thisena pianthar chauh lo chu bak a awm lo. Amen thuai2 a va chakawm ve.,
A sei ta duah e.
Report this comment
November 18th, 2011 at 8:01 am
@vancharlova,
Theory leh hypothesis pawm awm tak tak tam mah se, kan thurinbu BIBLE erawh ka pawm bur thung.
“Life originated from non-living objects” tihte hi chu a awihawm lo tawpkhawk a ni. Theory pawmawm tak tak a awm, mahse theory zawng zawng erawh pawm chi leh pawmawm deuh a awm. Nunna ngei mai chu, Pathian thawk khum atanga NUNNA nei kan ni zawk.
Report this comment
November 18th, 2011 at 8:05 am
Vancharlova chu ka mi hriatchian deuh Mama_B, caribou leh Ignatia te han nawp tir nek che ka va chak ve aw.
Report this comment
November 18th, 2011 at 8:05 am
Kei pawh kan Bible thu pawm thlap mai hi a hahdam thlakin a him berin ka hria.
Report this comment
November 18th, 2011 at 8:10 am
@Lr hlonchhing, ka phu lo che.
Ka pawtthla dawn che mawn le?
Report this comment
November 18th, 2011 at 8:15 am
The Vancharlova chu leh fiamthu i thiamin, fiamthu i duha; tawngkam i thiam a. I rilru zek tho bawk si. Misual awm tha duhlo i ni chiang
Report this comment
November 18th, 2011 at 10:01 am
ngaih nawm leh pek dawn e
Report this comment
November 18th, 2011 at 10:31 am
Part 3 ah comment chauh ang
Report this comment
November 18th, 2011 at 11:55 am
lr, vanrochhara hi ka nau, ka chhang (ka hnuai) chiah a nia. Kawmenah pawh ka nau, ka chhang (ka hnuai) chiah a awm thin a nia, i lo hau na lutuk ang e.
:sheldon hrechhuak, lu hiat, a phut tril chum2 tawh bik lo:
Report this comment
November 18th, 2011 at 12:08 pm
@kawlhawk, nuihza thar leh
(nui char char)
Kawlhawk vrs Vanzarlova Update:Rebecca -I ami kha ka la fuh lutuk a, in 2 zarah vitamin tamtak ka dawng. Tunah pawh a za leh tawh
Report this comment
November 18th, 2011 at 12:16 pm
vancharlova hi a comment tawngkam atang hian mi(sual) dang pakhat nen an va inangin ka van hre deuh vuai vuai ve!!
Report this comment
November 18th, 2011 at 12:29 pm
Science thiamna hian kan Pathian Thu dik zia a tifiah thin. I thu ziakin a tum hi a tha viau niin ka hria. Pathian Thu hi a bo tawk leka zir a hlauhawm ang bawkin, Pathian ringhlel tawk chauha khawvel thiamna hriat sil ve tingtang hi thil hlauhawm tak niin ka hria. Post tha tak niin ka hria e.
Report this comment
November 18th, 2011 at 12:31 pm
J pi, Hnam Sakhua (?)
shelte, duhtawk tawh mm rawh, min nuih reng bik mai… :mitthlaah i nui char2 hmel hmu fua fua:
Report this comment
November 18th, 2011 at 12:43 pm
hawk,Hnam Sakhua chu ni dawn mi??
Report this comment
November 18th, 2011 at 12:46 pm
Vawikhat leh chiah :
kawlhawk Says:
November 16th, 2011 at 3:42 pm
3
vancharlova Says: November 16th, 2011 at 3:07
pm Chu chu engtia tih tur maw?
Kawlhawk pakhatna atang khan ka pawtthla dawn che
:a ngaihna hre lo, luphut hiat tril chum chum::-P
(Nui ve ru:-D )
OT loh nan, post tu, i ziak tha(Y)
Report this comment
November 18th, 2011 at 1:05 pm
#18 – Tleirawl nuih duh tak hi chu aw… Haha…
J Pi, a ni hrim2
Report this comment
November 18th, 2011 at 1:08 pm
Khawnge vancharlova hi, pu kawlhawk hi lo pawtthla rawh hei.
Report this comment
November 18th, 2011 at 1:32 pm
Awke(OK)(pun intended) chuti chu vancharlova chu Hnam Sakhua ah puang hmiah
Report this comment
November 18th, 2011 at 4:41 pm
I ziak tha khawp mai. Science leh kan biak Pathian chungchangah hian ngaihdan mawlte- pawmtlat ka nei ve a chu chu- Science hmang hian Pathian ropuizia leh A thilsiam nihphung hi tlemte bak kan chhuichhuak thei lovang; thil pawimawh tak tak- hun intan dan, thilsiam intan dan, etc., angte phei hi chu kan chhuichhuah theih turah ka dah lem lo. Naupang inkhualtehlem naa puitling kan tel ngai lo ang hian Pathian nihna leh helaia thil kan lo chhui ve hi chu inthlau lutuk ni hian ka ngai tlat. Ani lakah chuan engmah kan ni lo. Kan ngaihdan leh thilchhuichhuah tamzawkte hi A tan chuan thilnuihzatthlak lutukte pawh a nih ka ring hial thin. Chutiang khawp chuan Pathian finna leh thiltihtheihna hi dah ropui a tul chang a awm a ni.
Tin, science zirna hi engmah dik chiang bang a awm thei bik hauh lo, a bik takin theory anga kan neih ho hi. Thil nihphung kan hman tangkai theih dan tur zawngin a sawifiah a nih chuan an pawm a ni ve deuh mai. A dik a ni tih proof a ni chiah lem lo a nih chu.
Cosmologist leh Astrophysicist tamtak chuan Big Bang hi an awih hauh lo. An model siamah chuan universe hi bul tan hun leh tawp hun awm lo angin an ngai tlat thung. Hemi hmang hian Big Bang theory-in a sawifiah theih loh tamtak sawifiah thei niin an inchhal tlat a ni. Buaithlak ve deuh pakhat chu Physics chhungkuaah rau rau pawh hian High Energy/ Particle physics ho hi an subject hi a lai em em a, an thahnem bawk a, a thiam tak takte pawh an ni chawk- chumi avang chuan anni thil chhuichhuah hi vawrhlar leh leklam a ni chawk ni awma ngai pawh an tam a ni.
Ka sawi tumtak zawk a chu i sawi ang khian Big Bang pawh hi miin an ring lutuk bik chuang love tih hi a ni. Indian Comologist lar tak- Jayant Vishnu Narlikar thusawi ka ngaihthlak ve tumin physics professor ho a deusawh vel kha ka nuih a tiza. LHC vela an experiment-in Big Bang a sawifiah loh tur thu leh Big Bang temperature mamawhzat an siam theih loh tur thute deusawh taka a sawi kha ka la hre reng a ni. Ani pawh hi Sir Fred Hoyle nena hnathawk dun ngat, Big Bang theory paihthak tum em em tute zing ami ve tho a ni.
Mahse fimkhur ngai deuh mai chu- mi hi an lo fing tawh khawp a. Khawvel thil ang taka thil sawifiah a tul chang hi a tam tulh tulh dawn niin a a lang. Mizoramah ngei pawh hian ala ni ve deuh deuh ang. Rinna hi a pawimawh ber a; mahse mi tamtakte hi an fin tulh tulh hian rinna awmzia hi an bosal tlat a ni. Mizote rinna hi chu ala chak alawm; mahse chak reng chung hian Science kan ngaisan luat lutuk avangin thil dik hlel tak tak atang hian Pathian hi kan zir chiam chiam ang tih hi ka hlau ve deuh mai mai thin.
Report this comment
November 18th, 2011 at 4:53 pm
Jacka Pi, ka hnam sakhua love. Dawta inpuh loh tur nia aw.
Report this comment
November 18th, 2011 at 5:12 pm
Bible-a inziak pawm hmak duh si lo khawi maw laia rin dan dang inziak pawm tum leh viau lawi si, Bible zirtirna han kalh deuh kha zir sang leh hre thuka inngai bawk si mihring kan ni ang tih hi ka hlau ber mai.
Report this comment
November 18th, 2011 at 5:32 pm
#24:
Report this comment
November 18th, 2011 at 6:05 pm
Big Bang Theory pawm tute pawh hian an la chhui Basic lo mah mah…heh
(i ) Big Bang thlen tir tu particle kha tu siam nge ni ang le?
(ii) Big Bang Theory chuan Universe a expand thu min hrilh a, khawi ah nge a expand a, khawnge a boundary chu a awm ang le?
(iii) Big Bang theory atang hian nunna lo insiam dan engtin nge ni ang le?
Report this comment
November 18th, 2011 at 6:50 pm
Post hlutawm tak a ni e.
Report this comment
November 19th, 2011 at 6:25 am
Article min hlutpuitute in vsia chungah ka lom e. Pathisn awm ringlo te hi foreigner (ram dang mite) thenkhatte chauh an ni emaw ksn tih laiin zofa thslai thenkhatte chhingril lamah nuai ru tak tak an lo awm ve nual toh mai. Puitling zawk ten tan kan lsk a hun viau in ka hre thin.
Report this comment
December 23rd, 2011 at 11:18 pm
Ladies outfits…
[…]Pathian, Hun leh Chatuan (Part 1 of 3) | mi(sual).com[…]…
Report this comment