Hun & Thilsiam: Genesis 1:1-2″A tirin Pathianin lei leh vante (heavens in english ) a siam a. Tin, lei hi a chhia a, a ruak ngawt a ni a, Tui thuk tak chung chu a thim mup a, Tuipui thim tak chung chu Pathian thlarauin a awp tlat a” tih kan hmu a. Han chhiar ngawt chuan Gen 1:1 a Pathianin lei leh vante a siam hun hi ni 6 chhunga mihring te leh ransate thenkhatte a siam hun lai ami ni ve maia ngaih theih a ni a. Mahse ‘A tirin (In the beginning)’ tih a Pathianin ‘Lei’ a siam leh Gen 1:2 a ‘Tin lei chu a chhia a, a ruak ngawt a ni a,‘ tih ami ‘Lei’ hi chu an dinhmun a inang ta lo a ni, a chhan chu ‘chang hnihnaa ‘Lei’ hi chu a chhia a, a ruak ngawt a ni a’ a tih avangin.
Isaiah 45:18 : ” … Ani chuan leilung hi a din a, engmah lovah a siam lo va, mihring awm nan a din zawk a ni.” tih kan hmu a. Bible thiamte hrilhfiah naah chuan, Pathian chuan thil engmah chhia leh hman tlak lohvin a siam lova. Chuvang chuan changkhatna leh changhnihna inkarah hian kum sang tam tak hriat hleih theih loh hi tlazep tawh nia rin leh hriat a ni, Tichuan ‘A tirin’ tih chang khatna thu hi Pathianin lei leh vante siam duhna rilru a neih laia a siam tantirhna ber, ‘A tir ber’ Chatuan hmasa atanga tuna kan hman mek ‘Hun’a a lo insawn lai sawina a ni thei ta a. Gen 1:2 hi English ah chuan ‘Now’ tia ziak a nia, Mizoah chuan ‘Tin’ tih tawngkam hi hman a ni.
Tichuan, chang hnihnaa lei chhia leh ruak ngawt mai chu Changkhatnaa Pathian thil siam dik tak (Original ) kha chu a ni theiin a lang lo. Isaiah 45:18 a ‘Engmahlo‘ tih hi Hebrai Bible-ah chuan ‘tohu‘ hman a ni a, a awmzia chu ‘hmun ram, tikhawhar, rauhsan‘ tihna a ni. Tichuan hemi tifiah lehzual tur hian ni 6 chhunga Pathian thil siam chungchang Genesis bung 1 thu hi lo en leh ila:
Ni 6 chhunga Pathian thil siam: Genesis bung khata Pathianin ni 6 chhunga a thil siamah hian Bible thiamte ziak dan leh Hebrai tawng atangin ‘Siam’ tih hi lo bih chiang ila. Mizo Bibleah chuan ‘Pathianin lei leh vante a siam a,…..mihring a siam a.. etc.’, tiin ‘siam’ tih hi hman a ni ta deuh vek a, Hebrai Bible a thumal 3 te hi en ta ila,
[1] ‘bara’ – create ( engmah lo atanga siam );
[2] ‘asah’ – making, fashioning (hmanrua awm tawh sa atanga thil dang siam/din)
[3] ‘yatsar’ – mold, shape ( hmanrua awm tawhsa atanga thil dang siam chhuak.
NIV Bible a Pathianin ni 6 chhunga a thil siam ah hian ‘bara/create’ tih hi vawi thum a hmang a,
[1] Gen 1:1 – “A tirin Pathianin lei leh van a siam a,”.hetah hian ‘create‘ hman a ni.
[2] Gen 1:21 -“Tin Pathianin tuipui sa lian pui puite chu a siam a,” ..’create‘ hman a ni.
[3] Gen 1:27 -“Tin Pathianin ama anpuiin mihring a siam a’. .. ‘bara’ (create) a hmang
Tin ‘made/asah’ tih hi vawi 4 a hmang bawk a, chungte chu:
[1] Gen 1:6 – ‘Tui leh tui inkarah boruak zau tak lo awm sela’. ‘made’. a hmang a,
[2] Gen 1: 14-16 – ‘Chhun leh zan thenna turin .entute…lo awm bawk rawh se”. ‘made’ hman a ni.
[3] Gen 1:25 -‘ … Ramsa anmahni chi awm dan tur ang theuhin ….a siam a’. ‘made’ hman a ni.
[4] Gen 1:26 -‘Kan anpuiin, keimahni ang takin mihring siam ila,’ hetah pawh hian ‘made’ hman ani, a chhan chu mihring taksa kha, thil awm tawh sa ‘lei/hlum’ atangin a siam a ni.
Tin. ‘shape or form/yatsar’ hman nate:
[1] Gen 2:7 – ‘Tin Lalpa Pathianin leia vaivutin mihring a siam a…,’ ‘form‘ hman a ni.
Heng bakah hian Isaia 43:7 hi NIV Bible English ah chuan ‘Every one that is called by my name, and whom I have created for my glory, whom I have formed, yea, whom I have made,” hetah hian ‘create, form, and made‘ tih words thum hi a rawn hmang kim vek a ni. Tichuan Gen 1:9-ah chuan, khawmual chu ‘siam thar’ ni tawh lovin lo lang turin thu a pe mai a ni, chutiang zelin a dang pawh an ni.
Job 38:7-ah chuan Pathianin Angelte a lo siam tawh thu kan hmu bawk a, tin, Setana pawh hi Eden huana Evi leh Adama a thlem khan, a lo chhuahna sawilan a ni lo, ni 6 chhunga Pathian thil siam hma hian a lo awm (exist) tawh a ni tih a hriat a, Tichuan ni 6 chhunga Pathianin thil a siam hma daih tawh, kum tam tak kaltaah khan Pathian chuan lei leh van hmasate leh Setana leh Angelte a lo siam tawh a ni tih a tichiang at a ni. Chutiang a lo nih chuan Genesis 1:1 ‘A tirin Pathianin lei leh van (vante) a siam a” tih ni 6 chhunga a thil siam leh a tir bera Angelte, Lucifera leh lei leh van hmasate a siam inkar chu hla tak, kum tam tak kaltaah a lo ni dawn ta a, a inkarah hian kum engzatnge ral tawh tih pawh hriathleihtheih a ni ta lo a ni. Chutichuan hetiang hi a lo ni thei dawn at a ni; Pathianin kum tam tak hnuah mihring tana luah tlak leh hman theih turin kan awmna lei leh thil dangte hi ni 6 chhungin a lo siam tha (restored) ta a, tichuan engkim siamthat leh luah tlaka a tihfel vek hnuin a luahtu tur Evi leh Adama a lo siam ( create ) at a ni. Hetiang a lo nih chuan scientist ten leilung upat dan kawng hrang hranga an hmuhchuah dan leh Bible hi a lo inmil thei zawk dawn a lo ni.
Tichuan hriatthiam a awl nan Gen 1:1-2 chu hetiang hian han sawi ta ila, “A tir berin (Chatuan hmasa chu Huna a chantir lai khan) Pathianin lei leh vante a siam a, mahse chhiatna rapthlak tak engemaw avangin tunah chuan lei hi a chhia a, a ruak ngawt a lo ni ta a, luah tlak lohvin a lo awm ta a ni“. tiin.
Similar Posts:
- Pathian, Hun leh Chatuan
- CHHIA LEH THA HRIATNA
- Pathian, Hun leh Chatuan (Part 1 of 3)
- THIL TAK LEH TAK LO
- Van Indona Part I (Gap Theory)
(Y)
November 19th, 2011 at 7:10 am
Khai le..
November 19th, 2011 at 7:14 am
He thuziakah hi chuan a chhumbung nuaih mai a, part 3 ah a tum tak langturah ngai ang. Engpawh nise, hmm…engmah
November 19th, 2011 at 7:45 am
Bible zirtirna leh Lal Isua hnawlna lam anih lohva, hetiang bible chhuizauna changkang tak leh Science nen a a inkalhlohna chhuina ang chi, mithiam ten in rawn post thin hi chu a hlu ka ti. Ka ching pawr hran lo vang.
November 19th, 2011 at 8:54 am
hetiang hi alawm ka chhiar paih zawng chu lol..
November 19th, 2011 at 10:16 am
Ka pawm zawng tak a ni. Nimahsela, ka’n ti hram teh ang. Scientist te nena inkalh anga lang fo laia chu thil nung(life form) ho upat zawngah hian a ni zawk( eg Dinosaur te hi kum maktaduai 60 hma lama khawvela lo khawsa tawh anga ngaih an ni), leilung upat zawng hrim hrimah hi chuan a sawi rem theih maiin a lang.
November 19th, 2011 at 10:30 am
Pathian hriatna leh rinna lama thil tangkai thei tak i rawn post avangin full support ka pe a che. He thu hi theologian inti nazawng tan pawh sawifiah thiam harsa (mimawl zawkte hriatthiam phak turin) tak a nih laiin, i sawifiah tha hle mai, chuvangin ka
mawlh mawlh e. JEDP kha tlem han luhchilh pah hlek phei la chuan a tha leh zual ngeiin ka’n ring ve mai mai pek a. Engpawh nise a tha hrim hrim, tha tak a ni.
November 19th, 2011 at 10:39 am
Boihapa leh misual member puite
Famkim lo taka kan ziah ho tlom ngai taka in thiamna leh hriatna xau zawka min han chhunzom pui turin ka som che u.
November 19th, 2011 at 10:47 am
Gap theory or Re-creation theory hi Creation chungchanga theory pakhat ve mai a ni tih kan hriat a tha awm e. Kum zabi 17-na atang vel khan hriat a hlawh tan a, kum zabi 20-na tir lam atang khan fundamentalist George Pember leh Harry Rimmer te khan America ramah an vawrh lar a, C. I. Scofield vangin khawvelin he theory hi a lo hmelhriat chho ta a ni.
Biblical scholar tam zawkte chuan he theory hi an pawm lem lo. Mizo mithiam, Bible letling tute pawh hian an pawm lem lo tih chu Bible lehlin thar atang hian a hriat awm e. “Atira Pathianin lei leh van a siam khan, khawvel chuan mu leh mal a la nei lo va, tuithukpui chung pawh a thim mup a…[see footnote]” tiin an dah a ni. Hei hi a Hebrai tawng kalphungin a sawi dan tak pawh niin Hebrai tawng lama mithiamte ngaihdan tlanglawn ber pawh a ni. Genesis bung khat chang 1-na leh chang 2-na inkar hi sentence pakhat a ni a, narration pakhat, fullstop awm lo a ni zawka, a kara GAP kum sing tel lo zeh hi a rem lem lo a ni. Mizo Bible lehlinthar-in a lehlin dan kalphung hi Initial chaos theory tih a ni ve thung. Old earth creationism huang chhunga mi a ni. Scientific theory nen pawh a harmonize thui theih viau. Helam chu Ignatia te ho-in an hre thui zawk ang.
Hei hian a chhiain emaw chhe sa-in emaw Pathianin thil a siam tihna lam ni lovin, zawi muangin a thilsiamte kha mumal takin a din chho tihna lam a ni zawk — i.e ni 6 chhung khan. Theory kan pawmdanah hian fimkhur a tha khawp mai. Evangelist lar tak pakhat chuan Vanapa Hall-ah Bible lehlin tharin ‘gap theory’ ni lova ‘initial chaos theory’ zulzuia Genesis 1:1-2 a lehlin avang khan lehlin diklo emaw tiin “pawt thla-in meizial zuk nan ka hmang ngam” ti te khan thu a sawi a, zia lo tak a ni.
Lehlin tharin hetia a lehlin hi literal translation ni hauh lo mahse, a awmzia a phawk chiang berin a lang. Mizo zingah Hebrai thiam tak tak kan nei ve ta a, hetia an letling ngam hi mahni inring tawk tak leh Hebrai thiam tak an ni tih a chiang khawp mai. ‘Daring translation’ an tih ang chi hi a nih hmel.
GAP THEORY mithiamte’n pawm harsa an tihna chhan:
1) Gap theory-in a sawi anga, Gen 1:1-2 inkarah hian sualna/van indona a awm avanga khawvel hi chhe ta veka sawina Bible-ah hian PAKHAT MAH a awm lo.
2)Gap theory-in a sawi angin, Gen 1:1-2 inkarah hian helna emaw chawk chhuak tura vantirhkohte an tluk thu Bible-ah pakhat mah a awm lo. Mihringte awm hmaa vantirhkohte tluksual thu ai mah chuan mihring siam hnua sual ta niin Bible hi chuan a sawi zawkin a lang tlat.
3)Masoretic Hebrew Text atanga a lan dan phei chuan Gen 1:1 atang hian ‘(thilsiam)nikhatna’ a ni nghe nghe.
Engpawhnise, theory chu theory angin pawm thiam ila, extreme taka kalpui chi a ni lem lo tih hre tlang bawk ila, ngaihdan hrang hrangte hi zir ila, hriatthiamna min petu thlarau thianghlim dilin Pathian i hnaih tlat ang u.
November 19th, 2011 at 5:19 pm
Day Age theory tak hi chu Bible a alan dan atang hi chuan tlem chuan pawm a har deuh a, a chhan chu Pathian khan chhun leh zan a siam hmasa ber miau mai a. Mahse he mi hma lam ah hian he leiah hian nunna a lo awm tawh thin ani tih hi chu ka ring ve khawp mai.
November 19th, 2011 at 9:58 pm
angaihnawm leh pek e
November 20th, 2011 at 3:17 am
donald: