Facebook lamah ka lo tarlang tawh na a, ka la khamkhawp lo tlat mai. Khawpui chhungah 2 Wheeler hman a lo remchan zawk hnu hian, ka ‘environmental awareness’ a lo sang ve ta viau pawh a ni mahna. Tunlai chu tleirawl/nula scooty khalh traffic police tena an chhaih lai hi ka hmu fo mai a, a zahthlakin a ninawm ta hle mai.
Nimin tlai dar 4 khan zodin square traffic point ah 2 wheeler kan inhnawh khawm hlawm a, ka veilam sira ding nula pakhat hi traffic duty pahnih te hian rawn panin an rawn be mawl mawlh mai a, a tirah chuan an hmelhriat anrawn bia emaw ka ti a, amaherawhchu, nula hmel ka han en chuan a mitmeng atangin a hriat mi te an ni hauh lo tih ka hre thei a, an tawngkam ka han ngaihthlak chian chuan a rapthlak hle a ni tih mai loh chu han sawichhawn chi pawh a ni meuh lo. A bul hnaia rawn kal meuhin a biang chul sak tum niawm tak hian an rawn ban zuai zuai a ni. Chu nula chu awmngaihna a hrelo hle a, a hlau bawk si, a zak bawk si, nuih tur nge tah tur pawh a hrelo niberin a lang.
Thinrimpui nachang ka han hriat chhuah meuh chuan kan hmalama motor dingte chu an lo che ve ta si a, hnunglama dingten min nawrchhuak bawk nen, chu nula pawh chu a tlan tlang ve ta mai a. Kha thil thleng kha ka han ngaihtuah chian hian ka thin hi a rim telh telh a, kha nula kha ka farnu/fanu lo ni ta se engtinnge ka tih ang? tihte hi ka inzawt mawlh mawlh mai.
Similar Posts:
- Two-wheeler taxi an ti maw?
- Lirthei khalh thei chin – kum 18
- Traffic Jam
- Ka ti ta lova…! Part – I
- Tunlai Mizo Nulate leh Scooty (Feminizing the city/town space)
November 20th, 2011 at 6:51 am
‘ti hian kan phun mur mur a, kan duhtawk leh mai thin. A hmeichhiain complaint a thehlut lo a nih pawhin midangin thehlut thin tal ila…
Kawng chhia, Power supply mumal lo, etc kan tih zawng zawng pawh hi phunnawi ah kan tlak a, bawhzui loh theih loh zawng hian kan che chhuak lem lo a ni lawi lo maw ?
Report this comment
November 20th, 2011 at 8:06 am
#51.. Like like.. dik lutuk, mizo chu kan lungawi loh hian kan ti hluai a, sorkar in hma lak min tiam a, kanlungawi leh mai a.Sorkar hma lak dan a tha emaw a tha lo emaw, kan ngawi zui mai thin a nhhi maw. He zia hi chu ooooooo…. tha lo tak a ni. Kan phut ang thlap a sorkar in hma a lak loh hian kan lungawi lohna hi a tir phat a mi ang trang khan lungawi lo zui zel in lantir bawk ila tha tur….
Report this comment
November 20th, 2011 at 11:10 am
Jonah post tha kher mai…
Traffic police chauh lo pawh..thingpuidawr,pisa canteen thawk nula te leh a dangte hi kan mizo mipa thenkhat hian kut thawh meuha chhaih an ching hi chu tha lo ka lo ti ve thin khop mai.
Kan nula tam zawkte lah hian huat nachang pawh an hre mang lo thin a
Report this comment
November 20th, 2011 at 12:25 pm
Tianga Traffic Police meuhin an tih thin vang anih hi, tunhma deuh khan ka u hi scooty nei hmasa pawl ania, thingtlanga thawk anih avangin khawkar kawngah a tlan tam thina. Driver mawl deuh2 hian sut tum ni awm hian an in pelh dawn hian an tai leh thuak thina, thihna leh natna thlen thei ani lehnghala mawl ati thei rap ami.
Report this comment
November 20th, 2011 at 12:52 pm
Report this comment