Thlasik rim a nam tan tawh tih hriat takin khua lah chu a vawt tawh in, thli thaw te pawh vun ah a rawn na thak thak tawh a. Ka sana ka en a, zanlai a pel tawhin ka room tukverh atang chuan Aizawl khawpui chu a lang mawi in hmuh a nuam hle a. Mahse, he khawpui mawina lam chu rilru ah a leng hauh silo, ka bianga mittui te chu hul tawh mahse, ka rilru na erawh a reh lo in, ka tawrh ang tuar tan hi chuan zan mut te hi a har reng ani.. Ka room piah lama mu ka nu leh pa te pawh chu an la mu bik lo tih leh ka rilru hreawmna leh manganna tho hi anni pawh in an pu ve dawn tih ka hre chiang si.
Keimah avanga hian kan chhungkua a inhauhna vawi tam a thleng in, zan in ah ngei pawh ka pian a hnu lama a vawi khat nan ka Pa in kut min thlak ta hial reng ani.. Ka Pa kut tawrh ana ka tih lam ai chuan kut min thlak duhna thinlung chu kei a fanu hian a na ka tiin, ka Pa mi zaidam, min duat a, kehthei dawma min dawm thintu khati khawpa ka laka a thin a rim kha tawrh har ka ti ani. Ka Nu kan ngaihtuah a, mi tam tak ang bawk in ka Nu hi ka ngaina in ka Pa aiin ka nel zawkin thuruk pawh ka hrilh hnem zawk a, zanin thilthleng avang pawh khan a thin a na dawn tih ka hria a, mahse ka thiam lohna chin a awm ve tho si. Ka Pa in a mi hauh a, ka chhang leh, tu fa mahin an Pa te laka an hman loh tur tawngkam hmanga ka Pa ka tawngkhum lai te pawh khan ani chu ngawi rengin a bianga mittui hru chungin kan inchhung a thilthleng chu a lo uipui tuipui lian thlir ve ringawt si.
Mahse, heti fakau a kan inchhunga buaina ka thlen hi tu thiam lo nge, Ka Pa nge, Ka Nu nge kei an duhloh anga awm thin an Fanu neihchhun leh an hmangaih em em a thiamloh hi?
Ka thil tawn hi mi tlem te lakah bak ka la sawi chhuak loin, ka tan pawh sawi a nuam lemlo, mahse thil in lo hriatthiam theih nan leh keimah anga harsatna tawk te inlo hria anih chuan an laka rilru inlo put thiam theih a, enkawl dan inlo thiam theih nan kan sawi ange.
Tuna nula kum 24 mi ka niin, Aizawl a chhungkaw pangngai tak atanga seilian chho ka niin, ka Pa hi Sailo lal thlah, Mizo mipa ah chuan a lian pawl leh ngo tak aniin, ka chhun ania nge ka kum rualpui ah chuan a lian pawl leh a hmeltha pawl an tih thin ka ni ve a.. Mahse sakruang mawina hi zawng khawvel mipa te tan chuan thlemna rapthlak tak a ni nge, kum 11 mi ka nihin ka chungah thil rapthlak lo thlengin kan chhungkaw hmelhriat hnai leh ka nel takin tharum nen ka chungah a rilru bawlhhlawh leh ngaihtuahna tenawm tak chu ti hlawhtlingin min khawsakpui a, kei kan rualpui ah pawh a lian pawl leh â pawl tak chu, min vau nasat em avangin ka chhungte pawh ka hrilh mai lova.
Mahse vawi tam chutianga min awmpui hnu chuan, tum khat chu ka Nu bulah ka sawiin,a na ka tihthu te ka sawi a, tunhnu hian ka sawi ni a ka Nu leh Pa rilru nat tur zia ka ngaihtuah hian ka khawngaih let thin. Ka Pa phei chu a thinrim lutuk a, chu mihring chu phone nghalin a kut a tuar anih pawhin Chunglam hnenah thiamthu sawia ngaihdam dil a tum loh thu te sawi hialin, Police mantir anih tur thu te hrilhin a rilru natna a zu hrithla a. Mahse, engti kawng mahin ka chunga thil thleng chu a siam that theih silo. Ka Nu leh Pa pawh chuan rilru fim tak nen ka tana tha tur zawk ngaihtuahin tuna hnena sawi chuan loh an rel thlu ta a, ka chhungkua bakin an hre loin, U Mama pawhin emgmah a sawi loin a mittui a tla zawih zawih, Ka nau erawh naupang mai ala nih avangin engmah an hrilh lemlo.
Pianphungah rualpui te aia lian mah, naupang hlim thei leh mawl phuang ang chi ka nih avang chuan keimah ah danglamna a thlen lemlo in School te pawh nuam ka tiin ka hlim thei hle a. Mahse, Naupan lai rilru thianghlim te kha thansan hun alo awm si. In awihlo maithei, mahse ngaihzawng chungchanga ka harhchhuah tlai vang te pawh ania nge pawl 10 ka pass thleng khan virgin leh virgin lo awmzia hi ka hrelo. Taksa a thang a, rilru pawhin hriat ngailoh a hre chho a, nulat tlangval te ka hre chho in ka dinhmun diktak ka hriat chhian chhoh hnu phei chuan, nasa takin ka rilru ah hreawm tihna a rawn lian chho a, ka khawvel hian awmzia a neilo te hian ka hriain, dai chhoh alo tamin thenrual hrang hrang ka kawm chho ta bawk nen, Tiranga pawh eilo khan rilru hah a dam phah ang tih beiseiin Zu, Ganja, leh dmdawi ei lam chi te ka khawihchho a, harhfim a awm chu ka tan hreawmna mai anih avangin, ka hriat thiam kum phei kha chuan zu ka in nasain harhfim lai ngah talo chu ka chhung te pawhin an hre chhoin mahse min hau ngai lemlo, hauh pawh awmzia ka awmdawn lo tih hrechiang tu an nisi, mahse Zu in te ching mah ila ka thiante bulah bak ka in loh a, ka mizia ah a hriat lemloh avangin hetiang hi ka ni tih ka chhungte bak, thenawm khawveng leh chhungkhat dang ten an hre ngai lemlo. Zan lamah lah harsatna ka tawk chhoin mang thalo pui pui avanga mu tha theilo in, mutthilh te pawh mihring tan chuan hahdamna ni mahse ka tan erawh zawng hreawmna belh chhahtu mai ani si.
Ka dinhmun avang chuan ngaihzawng neih lam rilru ka pulo in, ka phu loh khawp duh dertu tawng mah ila ka tan zawng mipa hi eng tihna mah an nilo in ka ring hlawl silo. Mahse, hmeichhia ve bawk tih takah ka thian tena bialpa an han nei a duattu an han nei bik thin te pawh chu chakawm chang a awm a, mahse ka dinhmun ka hre chiangin Pasala ka duh loh tur hi chu ngaihzawn ka tum ngai lo. Tichuan, bialpa ka han nei vein ka bialpa chu ka dinhmun chiang taka hrilh in ani pawhin, min hnar phah lohin min hmangaih tu ka hmu chu ka lawm hle a. Mahse Mipa hi chu in lo inang tlangpui ani e, min hmangaihtu ni a ka hriat ka bialpa pawh chuan remchang a hmuh veleh min mutpui a tumin hnial mah ila a tum zel si, ka lo duh ve bawk nen ka mu dun ta in, a tirah ka vanduaina min hriatchhuah tir in hreawm ti mah ila, nuam tura duan tih takah kan ti kan ti ta mai a, inngaihzawnna ah chuan harsatna te a lo awmlo theilo in ka hlimna emaw ka tih kha tahna thlentu ani ta fo in, a tawp ah phei chuan min then ta a. Bialpa ka nei chho ta zeuh zeuhin mipa hi chu in lo inang tih hi ka pawm, nge ka lakah hian an ni zawk, a ngai hian an awm leh thin. Sawi vek pawh a nuam lo e, tawn hriat ka ngah tial tial in, pawisak loh ka ngah chho ta tial tial a, mahse mi inzep thei ka nih avang in kan veng ah chuan nula fela ngaih ka ni a. Mahse mipa tam tak lakah chuan nula sihhnip ka ni dawn si.
Chunglam hnenah pawh khian ka vui fo thin asin, mahse thil kal tawh avanga rum a hnungtawlh chu a thalo tih hriain hma lam pan pawh ka tum ve thin, mahse a har ani e !! Ka Nu leh Pa te thuthlukna pawh kha a chang chuan ka ngeiin misual hrem loha a awm kha ka rilru ana in phuba lak te pawh ka chak thin.. Mahse chunglam ami khian rorel a thiam in ka chunga thil thalo titu pawh kha a nunah harsatna bak a thleng ngailo. Ka tawrh ang tuar tam tak hi an awmin, nu leh Pa tam tak an fanu mualpho aia thu zep tam tak hi an awm tih ka hria asin. Ka hmeichhe pui tam tak, hurherh, a ler, a buan chaklo ti a in hmusit tam tak te pawh hi hetiang hi nual tih ka hria a, chuvang in Mizo nula chemawilo fal emaw mualpho an awm te hian awlsam taka dem mai lo hian, enga tinge, an chhungkua ah harsatna enge an tawh, nge keimah ang hi anlo ni zawk tih te hi ngaihtuah ve thin turin ka duh che u ani.. Ka tawrh ang tuar te phei hi chu, mipangngai aiin insumtheihna kan tlachham in, pawisak kan neilo a, thil hreawm alo nilo bawk nen midang ai chuan kan awlsam thin.
Mizo Mipa fel tak tak te khan kan rama pawngsual, kum tlinglo laka chet mawiloh te hi min han veipui ula, min sel a, in nula te awm khawlohna thlalak, video te a lo awm anih pawh in, min humhim a min pui turin ka ngen a che u. Pawngsual phei chu kan ramah a tamin MHIP ho vei ai chuan kan Mizo Pa, tlangval te hian vei tak meuh a vein han do in, tan la ula, a hlawk zawkin ka ring si. Hmeichhe khawlo tam tak zingah hian keimah ang hi an tamin min tawngtai pui ula, kan tan zawng kawng ngil zawh a har ani e. Kei ngei pawh hian a har ka tiin mahse Ka nu leh Pa te an tawngtaina avang hian kei chu ka la pangngai deuh zawkin, an dilna anga Piantharna ka neih hun te pawh ala awm ka ring a, mahse ala har ani e. Ka tan sawi nuam ani lo a, mahse hun lo la kal tura rilru put in thiam theih nan ka han sawi ani e, ilo ngaihtuah ve dawn nia.
November 20th, 2011 at 12:34 am
Chhiar phawt ang.
November 20th, 2011 at 12:49 am
E khai a, a sei tehlul nen, kan chhiarchhuah dap chu a, ka rilru a khawih ngei mai. Mizo society, kan chhuan em em, close-knit society chhung nget zia i rawn pho lang dik ngei mai. Mipa min rawn dem tlangpuina khi a dik, ka pawm e, kan diklo a ni, mizo mipate hi…..khawnge puanven sawichhing teh ang…. shala…
November 20th, 2011 at 1:11 am
I pa in kut a thlak na chhan chiah che chu ka va hre lo ve!
Ziak thui tha duah duah khawp mai (Y)
Hmeichhe thi neih hma a pawngsual an nih hian ‘an hur uchuak’ thin an tih hi tak tak em ni? ka awih chiah lo deuh a, mahse hei hi ka hriat dan thin ani.
A dik khawp mai, Mizo mipa te hi sex lamah chuan’opportunist’ dik tak kan niin ka hria.. Kan in en fiah deuh chu angai ani. :-[
November 20th, 2011 at 1:15 am
Shala….maimai mipa te hi a ni a lawm diklo ve bawkthin, min ti dik chiah e, a van rapthlak thin tak em, Aizawl ah hian hetiang hi mi engzat tak awm ang maw? hetah hian Nuleh pa hi an van pawimawh tehlul em, fa te incheina kawng ah hian kan in rawlh thuk hi a ngai takmeuh a ni. kan ti daih teh ang
November 20th, 2011 at 1:22 am
Tha reuh hle mai. (Y)
Niah…kan rilru sukthlek pawh a dang ve hret2 zel alawm..last paragraph ami ang chi,a engemaw hleka ‘Mizo mipa/Mizo hmeichhia’ tih reng hi a vei awm ta…a hnam anga thil zawng2 lak hi a fuh ber lem lo,khawvel kalphung ani e.(with all due respect.)
November 20th, 2011 at 1:44 am
lrp-a sawi khi ka pawm zawng tak a ni. (Y) Hmeichhia an fing tawlh2 anga rape/attempt to rape case awrh pawh kan la tam thei khawp ang hairehai 😉 hria maw zualbon? 😛
November 20th, 2011 at 1:47 am
Kan thian ho, hnam hrang, ram hrang, culture hrang a mite hman ah kan thu ho tawh a, nupui nei tawh vek kanni a, sex vel kan sawina ah nupui pawh nei eng ang mah ila, nula sexy em em maiin a fal in min han thlem ta tak tak mai sela chu ka tluk ka ring ka ti pek a. Chung ka thiante chuan mak min ti ta pek a, an lo tawng tawh a, an tluk loh thu an sawi tlat a ni.Mizo mipa te sex mentality hi a lo diklo tawp tih ka ngaihtuah zui ta a ni. Nula theih tam a kan inel te, tawm pui a, tha te te a inzahtawn a thusawi a tin leh lam awm ta lo va, kan rilru a dam nghal ta em em maite hi a lo normal reng reng hleinem mawle. Exposure kan lo neichhe em a ni e.
November 20th, 2011 at 1:52 am
Mipa, hetiang a nunrawng taka che thinte hi ka dem takzet, an phu tawk bak hremna pek chi niin ka hria.
Mahse kan ti teh ang, mipa thenkhat awm that duhloh vang leh kawhmawh an bawl vanga mipa zawng zawng dem vek mai hi dik ka ti chuanglo, chutiang bawkin hmeichhe thenkhat an lepchiah deuh avanga hmeichhe nawlpui dem em em ringawt pawh ka ngaihdan a ni chuanglo.
Kan Pathian ngei pawh khan khawvel ah hi chuan buh lem leh buh tak to za tir kha a phal asin!!
November 20th, 2011 at 1:52 am
Kan la tam tawlh2 dawn a ni H.vangchhia sawi ang chiah hian. (Y) a ni reng dawn a sin kan la ti kan la ti mai ang (@)
November 20th, 2011 at 2:25 am
#7 khi ka thlawp e. Mipa nawlpui hi kan rilru a dik vak lo tlat a ang. Mi va ti hmasa huam ngai lem lo ho pawh hi itawm tak mai nen hun remchang nei ta ila, amah zawk chuan min beisei ta bawk se, a tam zawk hi chuan kan tlanchhiat san thei lo mai thei a ni. Hmeichhe tam zawk ve thung chuan an hnial tang tang tlat.
Mipa kan harh a hun e!
November 20th, 2011 at 2:43 am
Lainatawm hle mai!!
Mizo mipa tam tak te u min zirtu ni rawh u…ti ngawt ila …hahaha…. 😀
In sum hram hram ila in ah haw veleh mahni in bathroom ah keuh a ni mai, anih loh pohin rim hma hian keuh ila a insum theih bawk 😀 (ka ti ngai chuang miahlo nangin)
November 20th, 2011 at 3:16 am
MIZO MIPA TE HIAN ‘ENGNGATINGE’ AN NGAIHZAWNG TE HI MUTPUI/THEIH KHER AN TUM THIN LE??????
HMEICHHIA TE ABIKIN AN NGAIHZAWNG AN DUH NGAWIH2 TE CHU ZAH ZAWK HLIAH2 TUR AN NI ASIN.
NUPA INKARAH PAWH HIAN…PASAL HIAN A NUPUI REM TI LO CHUNG MUTPUI LUIH A TUM CHUAN ‘RAPE’ A NI THEI DAIH ASIN.
SAP HO..HIAN TI LEH MAI TEH ANG…HMEICHHIA AN CHHAS TE HI AN TI LUI NGAI LO…AN DUHLOH CHUAN KHAWIH POH AN KHAWIH HLEI NEM…MIZO MIPA TE U THANGHARH TEH U.
November 20th, 2011 at 3:18 am
#12 (Y)
November 20th, 2011 at 3:28 am
12 jellybaby…explanation chu ka ngha…mahse a practicla zawng chuan i thil ve3i hi ka nun pui,..comment no 13 chu tinge a lo thums up ve ringawt a 😛
November 20th, 2011 at 3:29 am
Mipa tam zawk te kan rilru thlek dan hi a diklo deuh ani.. ” Nula ngailo Pawlan a sai ang tih mentality kha kan la paih hleitheilo ani”.
Ka vei pakhat, VIRGIN NGAT NUPUIA NEIH DUH, VIRGIN LO KAN VA TAM EM..a tam zawk hi chuan, Nula virgin lo te kha, mahni gin ngawtlo te hian kan han hmu hniam khanglang zui a..NULA TE HO PAWH KHAN TLANGVAL THIANGHLIM NGAIHSANNA HRE THAR RAWH U..in hmeichhiat pui thianghlimna in ngai pawimawh ang khan mipa ah pawh a hlutna hre rawh u..Ka zawh kual hian in la ho tlat..Mipa leh hmeichhia ah a hlutna a inang..
November 20th, 2011 at 3:31 am
#6, kan hmeichhiate hi fing ta viau mahse, attempt a inpuh lampang aia, a reality a tam hi ala buaithlak anih hi
November 20th, 2011 at 3:33 am
#14 thumbs up tehreng mai. Hmeichhia in an mahni chak ve vang reng anih lovin tawngpawng mutpui ka tum ngai lemlo tlat alawm. Mood a awmlo chung2, “Mawh mawh” ti a an hnute emaw tham sak a tih chak tum luih talh emaw ang chi hi a thing uih sawhbeh ka ti ve tlat. A thuhrimah duh sela chuan India danah pawh “Attempt to rape” in case an file theiin ka hria. (N)
Zei leh hipna ngah (charm nei) chuan an chemistry milpui an hmu zel tho. Tawngpawng ‘risk huai’ hi mawlna lian tak a ni. Lungin tan theihna a ni bawk.
Mipat hmeichhiatna hmanpui turin kan kawppui turte hi basa ngam chi anilo, indona a nilo. Zei taka sengluh chi zawk a ni e hairehai 😉
Chuvang alawmzei velo ta chu … ka la varzin 😛
November 20th, 2011 at 3:40 am
#17 ka like.. A then hi chuan ka tum lui tut2 in, by force hi tam tak awm ve thin a.ka thianpa pakhat ang deuh, min 20 chuang kan inbuan, a duhlo a, a tawpah thei hram tih ang chi te hy a tamin duh chuan Rape case file theihin ka hria
November 20th, 2011 at 3:43 am
mipa ang bawkin hmeichhia te pawh categories ah a then theih a, a then chuan sex an la casual a a thenin an la casual lo a , a la casuqal lo mutpui chu a pawi vak lo…mahse a la causal lo ho bum chunga (eg ka duh lutuk che, nang bak ka nei duh chuanglo) sex hmanpui hi chu no no no…a sual thlak lutuk…an khawngaihthlak ..generally, mipa leh hmeichhe dang na chu mipa chuan physical thilah kan ngai tlang puia hmeichhe ho chuan emotional level in an la tlat…my adivce is not ot do unto them what u would notn want other guys to do nunton your sister/s
November 20th, 2011 at 3:45 am
19. (Y) 😛
November 20th, 2011 at 3:47 am
#19..
November 20th, 2011 at 3:59 am
advice to hemcihhe ho: sweet talkers leh pawn lama tha deuh kan awma chuan bozos ho mahse chhungrila tha deuh pawh kan awm….pick your stuff well
November 20th, 2011 at 4:07 am
Keimah ah hi chuan zei leh zei loh aimahin a feedback hi ka hlau a ni, sex ah hi chuan ka rilru a fim ve tlat 😀 . Duhna ah chuan zei hawr hawr tak ka ni….CD pawh ka pai fo, fa ka neih hun pawha min hrem thei chunglam ah a awm tih ka chian avangin ka in khap dai hram hram zawk ṭhin. Zei tih thu ah chuan rawlh na tur pakhat nanana hi chu ka hmu ve fo…..eh 😀
Mizo mipa te infiamna/inelna leh ṭawngkam hi a diklo alawm, hmeichhe la pawl lo chu zeilo tehnan te kan hmang a, chumi a nih avang chuan intih zeina leh ṭhiante chhaih hlauh vangte in kan rilru ah a intuh ta ṭhin alawm. Chuvang ania ngaihzawng neiha intih loh chu kimloa hriatna an nei deuh fur tawh. Inngaihzawn awmzia chu reilo te inkawma inl*k a ni deuh fur tawh, chutiang anihloh chuan ṭhian satliah nimai.
Zei thu ah nanana chuan kei aia d*p zeilo leh khal thiamlo zawk fe fe tur hi ka enthla ve nual tawh. He rilru hi kan thlak a ngai a ni. Tun ang laia porn film enlo a bar pawh kan awm tawhlo, kan zei vek a khalh dan pawh kan thiam, sir khen thlengin kan hre tawh 😉 insum mai tur.
November 20th, 2011 at 4:08 am
zualbona hi chhuanlam i ngah lutuk, a zei loh thlak em mai a 😛
November 20th, 2011 at 4:11 am
#23 hi ka first example sawi ang chi kha nia in #22 😀
November 20th, 2011 at 4:13 am
23 Arteric, Zei thu ah nanana chuan kei aia d*p zeilo leh khal thiamlo zawk fe fe tur hi ka enthla ve nual tawh.
haha (Y)
November 20th, 2011 at 4:13 am
lozzz.eich vee…tak2 lom..hei zanin pawh a fel leh fel lo kan inthen anih hi..a fel chu clubbing zuai hnuah ka ron misual leh mai mai a, ka thian fel lo chuan mi mutpui turin a riak chhuak daih 😛
November 20th, 2011 at 4:14 am
Chaw kan pawngsual lawk teh ang, Ch.. chakna a tam tlat ka rilruah hian 🙂
Zualbon, in rilru kha lo hur hiam huam mah sela, insum thei takin ‘bawh thut policy’ te kha lo dahbo ula, pa fel leh hawihhawm nih zirna a ni ngai e. Hlathu-in, “Tumtawk leng an piang silo,” a tih te kha chu chauh thubarawh mai mai ani tih hria ula, in chantawk chu khawvelah hian 1 tal an piang hrim hrim turah ngai ang aw hairehai. Chuvangin…. 😛 😉
Zeilo ho tan:
Dawt ani emaw dawtlo a ni emaw hmeichhe lêm thiam leh thiamlo kar hi hla deuh ania. Dawt a bum erawh a tha ka ti der lova, mahse an lawmna sawi thiam erawh a hlawkna a tam khawp ang . :My advice to zeilo ho: 😛
Condom aiah polythine nuai nem te kha hman sim bawk ula hu huuuu 😉
November 20th, 2011 at 4:17 am
late night gang ho chu in lo va titi nasa leh tawh ve!
November 20th, 2011 at 4:19 am
eich veee…i thil sawi hi red indian ho thufing ang vel ani-tha tak mahse tuma awiloh 😛
November 20th, 2011 at 4:20 am
Zualbonez..vai larki ngatin a sual tum che kha han sawi ve la!! haha
November 20th, 2011 at 4:21 am
bmw..guten tag
November 20th, 2011 at 4:22 am
@ 31…tu ber kha and which one ber kha,,incidents tam e mai 😛
November 20th, 2011 at 4:23 am
#28..bawhthut policy..hairehai..kuhva hring kawr hmang ka hre tawh..truck driver..ruber in a trawn..lolz..
#29, sandman an min bum khawlo a niang, tunkar chu tiang lam hi a lang tlat..hnuailamah pawh Zahmawh post a awm khu.hehe
November 20th, 2011 at 4:27 am
la me 25 …mi nrilru leh character hi ka man tha ve em a chuan ka interpret dan chu i npost contetn hi nangma experiece anilo tih ka sawi thei 😉
#36..astreric chu pawr sawt ve 🙂
November 20th, 2011 at 4:28 am
Kan nula ten ka ṭawng lo haw lo se la, kan inngaihzawna min rin tawh chuan hmeichhia chu an t*h theih deuh vek :my opinion:
A harsa fal deuh an ṭang rei deuh e tih a ni mai. Hei tak hi Pathian thu ah pawh dik in ka hria, hmeichhia hi mipa tana siam a ni a, chumi control theihna chu mipa in kan nei a ni. Kan inngaihzawn tirha minduhna atang khan control theihna leh kan thuhnuaia intukluhna thinlung an pu daih tawh, min duhna khan a kengtel daih tawh.
Kap lum zenin mu hmeks teh ang….
gudnnn…morning all
November 20th, 2011 at 4:32 am
Hi ZB…i dam sek treng trawn em? 🙂
Asteric, mipa ve thung chu, an ngaizawngte an rin loh pawn an t*h theih vek tho an ti!! lolzzz
in titi a heavy em mai…mut san dawn che u. Tar mut a hun tawh sim sim
g’night all (F)
November 20th, 2011 at 4:35 am
BMW a tar chuan kei chu mummy hairehai 😛
November 20th, 2011 at 4:36 am
bmw…aw dam sek teng tung e..hehe
hetaing lamah hi chuan opinion ka ngah lutuk…engpawh ni se kan superficial hlawm tlang e mai (N) 😀 ahmei a pa in
November 20th, 2011 at 4:36 am
tar leh mummy in nih chuan keichu fossil neinung tak
November 20th, 2011 at 4:36 am
#35 a dik.. Mahse, hetiang mi hi ka tawng tawh in ka rilru an khawih hle thin..Hmeichhe awmtha lo ka hriat tlemte zinga a tam zawk chu chhungkaw harsatna nei emaw, molest tuarlo an nih chuan sex hmang hma (mipa in an bum hma) an ni tlangpui..
November 20th, 2011 at 4:37 am
#37 dam sen teng tung lo chi ani hleinem… a bleed khat bawk si, nula tlachham bawk si…sen tel tul vek ang . Puak thei sela chuan a puak der dur thin ang hairehai 😉 😛
#41 a dik tam khawpin ka ring. Entirnan: Khawpui lianlo leh thingtlang lamah phei chuan naupang tleirawl hman lovin an khawih chhe rang thin khawp mai. Pawi tak a ni.
November 20th, 2011 at 4:38 am
la me..councellor emaw ngo hruatu emaw kohrhan hruaitu i nilo maw…chuan i kum hi 27-35 classha ka dah che
November 20th, 2011 at 4:39 am
chak chuan typewritter hmang lova kuta chhut mai tur..hairehai, mu dawn. Mangtha ule
November 20th, 2011 at 4:41 am
eich vee.hairehai…kan mizo dik tak pa le..hei doagram ka siam hi ent eh
http://i43.tinypic.com/el5e7a.jpg
November 20th, 2011 at 4:41 am
Ka NUPUI hmarcha rawt tui tak leh Dal-bat puar teng tawngin ka ei kham ta hairehai. 😛
#45 (Y) 🙂
November 20th, 2011 at 4:45 am
#25@zualte…hehe…ka sawina key khi i man lo mei mei lawm, in sawi sweet na lam nilo kan Mizo rilru change ka duh lutuk vangin ka experience chhe te ka lo uanpui a nih khi.
Uar deuh takin ka han belh leh ange, kan fanu pawngsual tawk te leh a pawngsual tute hi an nu/pa te sex inthlahdah vanga Pathian hremna te hi a ni thei angem aw ka ti hial ṭhin a ni, a tlangpuiin chhungkuaa sex avanga harsatna tawk ṭhin ho hi nu leh pa tleirawl lai nun an tuar a ni thei angem ka ti ṭhin. Pathian hremna hian tlai lua a neilo, Davida sex abuse pawh a faten an tuar zek a nih kha….
Rizai inthawh mek…. 🙂
November 20th, 2011 at 4:48 am
asteric…thuthlang thar i chhiar tlem deuh anih chu…fa ten nu leh pa te tih dik loh avangin anchhia an dawng ngailo 😀
November 20th, 2011 at 4:49 am
#45, ka like, ka save hmak.. A va tha kher vele..Idol chungchanga kan inhnialna te pawh kha awlsam takin a sawifiah..
November 20th, 2011 at 4:51 am
@ 49,,la me…diagram vel hian a awmlsam ber thil explain…i ti lawmawm e…hehe 😀
November 20th, 2011 at 4:52 am
#47 unlke.. Kan sual man fa ten an tawrh zelin nupui neiin , fa neih kan ngaihtuah ngam nang
November 20th, 2011 at 4:55 am
#48 & 51 😛 Ka la conselling ang che u. Mahni Nu leh Pa te fakna post misuala pawh inrawn chhuah uaih2 fo a ni lawmni, nangni pawhin in nu & pa ṭhat rah chhuah sawi tur in hre teuh ang chu….. Mu tak tak tawh teh ang :-O
gnyte
November 20th, 2011 at 4:57 am
isua’n mi a tih dam dawn khan phatrisai ho khan tinge anu leh pate thiamloh vang ami a tuara antia…Isua’n chutiang a awmlo a tih kah @ asteric
November 20th, 2011 at 4:59 am
Asians are small an ti thin, hei vang hian emaw ni mihring hi kan tam em em..! a small na na na chu thisen lumin a ti tho kang hma deuh a…hahah
November 20th, 2011 at 5:02 am
lrpa …dont get a complex..anything seen from the top will look small while side views will make it larger..chuvangin urinal in a series ah pawh hian a lang englo tlat….invest in a good full lenght mirror
November 20th, 2011 at 5:04 am
#53 Zualbon….i hre ve nilnual a nih kha, Pharisai te nilo in a zirtirte zawkin piantirha mitdel kha tu thiamloh nge tiin an zawt alawm “Pathian ropuina lo lanna tur a ni” a ti.
Case hrang hrang a awm alawm, kawi pawh a kawm a that chuan a rah a tha, thlahtu ṭha nanana chu fa te pawh an ṭha narawh e…sawi tur a tam…
mu mu mu mu mu :-O :-O
November 20th, 2011 at 5:07 am
asteric mu rawh….and if you die before u wake pray to the lord your soul to take
November 20th, 2011 at 5:07 am
zualbonez..leh 😀
November 20th, 2011 at 5:26 am
gudnite all
November 20th, 2011 at 8:14 am
In va meng rei ve.
November 20th, 2011 at 8:16 am
Hindustani liquor rim a nam hairehai 😛 😉
November 20th, 2011 at 10:35 am
Comment ve chauh teh ang. hetiang ang case hi mi tam tak chungah pawh a awm fur ang chu(pawi tak a ni). A bikin mipa te in siam that kan ngaihzia a lang chiang hle mai. Mahse kan ti teh ang, mipa zawng zawng hi hetiang rilru pu vek kan ni bik lo. A chhe zingah a tha, a tha zingah a chhia chu an awm ngei ngei..
November 21st, 2011 at 10:03 am
I tawrhna hi ka tawrh pui khop mai che, Mahce thil eng emaw avang a sual lam kawng zawh thin hi a rilru huaisen loh thlak ka ti… Enge ni tih zawng a tan lak hi a tha deih jok a sin.. mahce in thiam lo ltk bik duh suh, hetiag tong kher lo poh hi a hrat hlei2 an tam jok nia…i soi agin a lo hrehom loh bok em a ni… an tih thin kha mo, a la tog lo ten an chak a, a tawng toh ten an jog chhag bok…Pastor meuh leh Pastor tur meuh pon an tlak phahna thin kha nia…. I thiam loh na a om lo, ka dem lo a chee…. Mahce hmasawnna tur cu i nei in ka hria…
November 21st, 2011 at 10:16 am
inthiamlo duh hauh suh ang che aw, ziah chhuah duhna rilru i neih atang khan han in ngaihtuah chiangla, huaisenna chhete tal inei tih kha han hre chhuak leh la, a la tawng ve lo nun ang mai khan han nung pawp mai la, Lalpa ah han kal phawt mai teh, lawmna tawp theilo awmna thlamuanna awmna hmun ah, ‘KS’ te pawh Lalpa ah an in tukluh chuan Lalpan a hman nasat theih em hi, La tawng velo te ai in rawngbawl na tur in ngah in Lalpan a hmang duh che u asin