Post ka thehlut khat leh ta riau mai. Tun tum pawh rilrua vei lo neih ve neuh neuh te hi ka rawn thlasik mau puah pui leh phawng phawng teh ang.:-
Tun tum Mizo Idol 2011 hian bul i’n tan phawt teh ang.
1. Saiha tlangval Lalthuthaa khan “ Buannel Ram dai” tih kha a rawn sa al al mai a. Host Zonuni khan a hla hming put chhan Buannel awmna a’n zawt zui nghal kha a nia. Ka rilru te te chuan engtin tak chhang ang maw ka lo tih riau riau laiin nui sang chungin “ Ka hre lo” tiin a rawn chhang ta a. Ka lo thaw ve huai ringawt nia mawle! Zonuni vek chuan Judge te hnenah Buannel awmna a zawhna chu a’n pass nghal zat mai bawk a. Judge zinga mi Pu Zautea ( ka hre sual maithei, Pu Robina lo zawk kha) khan confi tak hmel pu khan “ Buannel chu Mizoram-ah a awm” a rawn tisam et mai bawk a! Contestant te hmel leh ka hmuh theih sikul naupang ho hmel ka’n en vel khan he judge chhannaah hian an lungawi hmel hliah hliah hian ka hria.
Ti hian ka ngaihtuah ta nghal zak a. A va pawi tehlul em ve aw! He Mizo Idol show-ah hian zirlai naupang tak tak, hriatna lama than la mek te pawh an kal ve zel chu a ni tak si a, heng ho hmaa Buannel Ramdai, Chawngtinleri tuallenna thin hi Mizoram chhunga awm anga han hrilh tak mai chu. Naupan rilru chak laia thil hriat lah hi a nghet duh nasa mai si a. Nakin lawka ram hruaitu, historian etc. la ni mai tur thangthar zel ho hian an rawn len hunah thu dik lo zawk hi an rawn pawm nghet ang tih hi ka lo hlau ve tlat mai. Tin, thil reng reng hi kan hriatchian loh chuan hrechiang lo ngam ila, thudik finfiah tawh erawh pawm nghet tlat thung ila a that ka ring thin. Buannel ramdai, Chawngtinleri tuallenna tia mizo lunglai kuai tak mai hi Myanmar ram, Mizoram atanga hla lo tak Lȇntlang pangah khian a awm a. Hringlang Tlang atang pawhin a lang paw vau mai. Rih Dil atang khian ke-a pan maitheih a ni. Mizoram-ah zawng a awm lul lo ve.
2. Tun tum Idol contestant te’n kan hranghlui zaithiam tak tak te hla an rawn sa chhuak hlawm a, a lawmawm hle a ka hriat laiin ngaihmawh tur erawh a awm leh ta tho mai ka ti. Chhiahtlang tlangval Biakmuana khan C.F.L. Hmingthanga hla hit, chuai thei lo, “ In tawng leh ngei ang ” tih kha a rawn sa a. Mipui lawm pawh a hlawh hle mai. Hei erawh ka helh khawp mai: A chang hmasa ber tlar tawp lam, ‘ Duhluat vangin lẩm ang ka lo lȇt leh ngei ang ’ tih leh a chang hnuhnung bera tlar tawp ber, ‘ Kan tiamthu di zawng kha i vawngdun zel ang aw ’ tih kha a rawn hriatpawlh ta pek a. Tin, a chang hnihnaa mipa part, “ Ka hmangaih che duhlai di enchimloh” tih kha a rawn chham pawp ringawt pek a. Hei hi a phuahtu hian chham tura a phuah a ni lo tih hi lo hria se ka duh ngawt mai. Thangthar lo awmzel tur te’n a chhama chham tur emaw an ti nghet mai ang tih hi ka hlau ngawt mai.
Tin, Zomuanpuii pawh hian C.F.L. Hmingthanga hla vȇk “ L.D. Hmeltha” ah pawh ‘ Kan rǔnah nuthai chan min tiam a ’ tih turah ‘ Kan rǔnah nuthai chang min tiam a ’ a rawn ti tlat pek a!!! Tin, ‘ Ngaihnobei chuang hmangaih par ka thliahpui si lo ’ tih turah ‘ Ngaihnobei chuan hmangaih par ka thliahpui si lo ’ a rawn ti leh tlat bawk a. Mak thei ngei mai. Heng kan lengzem hla tha ho hi chu I modify fo lo teh ang u. Cassette-a kan siam dawn a nih phei chuan a phuahtute an la dam a nih chuan anmahni ngei be rawn hmasa ila; an boral tawh a nih pawhin an hla hrechiangtu tu ber emaw biakrawn hmasak hi I ching thar teh ang u. Idol Thuthaa’n Lalremruata hla hit, ‘ Pi zǔn ’ a sak pawh a sa dik lo bawk a, amah Lalremruata ngei pawhin judge Pi Rebecca-i kaltlanga a rawn correct sak kha mawle. “ A hla thu dika a sa duh a nih chuan ka in lamah pawh mi rawn pan mai rawh se” tiin. Kan zaithiam te kan hlut rual hian kan hla phuah thiamte pawh hi chawimawi leh hlut a hun tawh lawmni?
3. Idol contest final hma deuh lawk khan contestant pakhat te chhungkua chuan Biak In tualah an fa tana vote ve tura ngenna zuk sem a mawle! Ka vote lo chiang hlawm khawp mai. Mahni lo maha Mizo te value system tichhetu pakhat ni vea lo hriat naka laia. Sikul naupang te te pawh hian tunah chuan lehkhathiam tak nih ai chuan zaithiam lar nih zuk chak fur hlawm a mawle! Kan idol, zaithiam te hian kan state tan engtiang chiaha nasain nge tha an thawh ve thin le? Anmahni lo hmuah nana zirna sikul lo khar phei kha chu khin buai theih thil a ni. Zo chhul chhuak ngei kan IAS, IRS, IRTS, IFS, ID & AS, etc. te hming pawh sawi chhuak thei lo thalai an tam tawh teh asin. Hengho hi kan Idol zawk dawn lawmni? Idol chu lo thlang zel rawh se. Amaherawhchu zirlai naupang te sawm emaw, va telpui emaw phei hi chu chin tawh loh atan a that zawk a rinawm. Kan la thlang zel dawn a nih pawhin kum 5 danah te hian thlang ta chauh ila. Tin, Mizo takin thlang bawk teh se.
( Ngaihtuah peih te tan)
Similar Posts:
- Rinliana – Redemption Song
- Mizo Idol leh bawk
- Mizo Idol nih tu nge duh?
- Youth Idol Thu Nawi (Certificate Maksak)
- Ken Lee!
November 19th, 2011 at 10:06 pm
.
November 19th, 2011 at 10:07 pm
1st lehlo anih hi
November 19th, 2011 at 10:07 pm
lehlo anih hi
November 19th, 2011 at 10:14 pm
I ngaihdan ka tawmpui che.diktak chuan an lar chhung a reilo ve lutuka ei zawnna tlak ani bawk silo. bak ah zai thiamlo thildang a thiamna nei idol tur in tih hmuh dan thiam zawk ang u!
November 19th, 2011 at 10:23 pm
kan phak tawk alawm ilo chik a,atha e
November 19th, 2011 at 10:24 pm
(Y)
November 19th, 2011 at 10:31 pm
Mizo Idol atangin tan ang i han tih chiah khan, ka chhiar chak lo nghal ruih a. Ka en thla thuak thuak a, ka chhiar tum loh lam daih i ziak ta si a. Ka tui ta phian a, i sawi dik bawk e. Mi ten duh leh thinlung taka an phuah, inelna lehnghala an duh dan dana an han pawt sawi ki kual vel thin hi chu, a tha lem lo khawp mai.
Chuan, a tawpa i rawtna khi a tha. Idol, icon, khawthlang lelte, youth idol, ka ning khawp mai. Zaithei kan tam phah a, zaithei hnathawk tha ngam lo kan siam chhuak tam mai mai.
November 19th, 2011 at 10:32 pm
CFL eng (I) (I) (I)
Thilchik mi tak i nih hi (Y)
keini cuan internet atrangin kan lo en phu uih uih chauh va nia..
Thrangthar te zingah hian Civil Service pek tum an phet suau suau laiin a tam zawk a bik takin Zoram lam a mite hi chu an laktlak loh khawp
November 19th, 2011 at 10:47 pm
Buannel hi Mizoram-ah a awm a, ram dangah pawh a awm. A hla thu-ah pawh khan a chiang mai awm e. Buannel tih hi ramngaw sawina mai a ni. Pasaltha pension tawh lungleng khan silai hum rauh rauh pahin a lungdumtu, ramngaw lam a hawi vawng vawng a ni.
Myanmar lama Buannel hming an lo puttir khi chu hmingah an hmang a ni mai.
November 19th, 2011 at 10:50 pm
Lalthuthaa chuan zanin tlai ah kan khua a lo lut a ni awm e!! 🙂
November 19th, 2011 at 10:52 pm
(Y) Post tha lutuk, 3-na mawlh khi a tha lehzual, kan Veng-ah hian Gazette Officer chu kut zungtang a chhiar tham lek an awm a, zaithiam chu kan ngah lutuk, eizawnna atana Zai hmang thei erawh an awm ka hrelo. Naupang chuan zaithiam an ngaisang daih zawk bawk. Tin, kan Cable TV Operator, mi pangngai tak tak a ka lo hriat thin ten heti taka Mizo mipui min bawl hi chu ka rilru te hi a na zawk. ;-(
November 19th, 2011 at 10:54 pm
Ziak tha hle mai, a dik chiah a ni, hla te hi a thluk mai pawh ni lovin, a hla thu nen lam hian kan risk pawp2 mai ah, hei chu chin zui chi vak loh khawp ang, a hlutna tih bosak tu ah tan loh hram zel a tha khawp mai
November 19th, 2011 at 11:09 pm
Post tha tak a ni. Nia, kan state ang ah hi chuan Mizo Idol tih vel hi kumtin ni lo deuhin ti se a hlutna te pawh a zual ang. Mihring kan la tlem si a, nakin lawkah phei chuan Idol leh Idol an la in pel suau suau mai tur asin.
November 19th, 2011 at 11:14 pm
Buannel hi India ram chhung chu a ni lo va, mahse Mizoram(Zofate luah rama)awm chu a ni. Rihdil ang tho khian.
Kan naupan lai khan Mizorama dil lian ber chu Rihdil a nia, mahse Burmaah a awm kan tih thin kha mawle.
November 19th, 2011 at 11:17 pm
@Hotshot ch(h) plus 40-ah pawh ila hot hle mai maw 😀
” kawlhawk thau a thra…….
November 19th, 2011 at 11:17 pm
Buannel hi Pu Muantea comment ang khian ramngaw sawi nana hman a ni. Mizoram ramngaw a sawina bik pawh a ni mahna. ‘Buannel ramdai’ tih phei chu ‘ramngaw reh ruih (3r’s)’ sawina a ni mai a, Burma rama mi a sawina a nih ka ring hauh lo, he hla hian.
Pakhat leh, chham kha a phuahtu paw’n a phal ka ring tlat!
A dang chu full support!
November 19th, 2011 at 11:18 pm
Zofate ram luah chin zawng hi Mizoram chu a ni mai lawm ni? India ram pawn pawh ni se.
November 19th, 2011 at 11:20 pm
@Hotshot: Zofate ram luah chin zawng chu Mizoram ni lovin Mizo ram zawk le. Mizoram chu hei, a state-in a awm hi.
November 19th, 2011 at 11:21 pm
@Muante’n ka sawi tum min lo sawi khalh a nih pek khi.. 🙂
Nia, he hla hian Bualnel hmun tak tak khi a sawi tum a nih ka ring lem lo. An vanglai a an lo ram vah hrep tawhna hmun ram ngaw a sawina ni maiah ka lo ngai thin. Buannel hmun chu a awm ngei a. Mizo hla thu-ah hian Ramngaw hrim hrim sawi nan hian Buannel tih hi kan hmang bawk.
November 19th, 2011 at 11:21 pm
CFL, ka hriat dan chuan Buannel hi mizoram west lama khaw pakhat hming niin ka hria. 😛 (biru nghal deih teng)
November 19th, 2011 at 11:26 pm
Rempy, biru “deih” lovin, biru “daih” rawh.(khawnge ka bihruk dawn?)
November 19th, 2011 at 11:26 pm
‘Buannel’ tih hi buan kan lam hniam ang hian nel tih pawh hi lam tur a ni a, a awmzia chu kan hmun nel tawh, kan lo buan nel tawh, ram vah nan leh sapui ilo kan lo beih than tawhna hmun sawina a ni a, ramhnuai sawina chikhat chu a ni ngei mai.
Lentupui tih hi ramngaw sawina chu a ni.
November 19th, 2011 at 11:29 pm
‘buannel = ramngaw dur khup’. Ni mai lo mi? Myanmar a mi kher a ni thei lo ang. A hla thu ah pawh khan ralkhata ramngaw dur khupin a lung a tihlen thu a phuahchhuak niin ka hria.
Engpawhnise, buannel.com a sawina chu a ni lo phawt. 🙂
November 19th, 2011 at 11:31 pm
Ka lo hriat ve dan mai mai chuan, BUANNEL tih chu ramngaw durpui, lo atana la vah ngai loh na a kawk a. LENTUPUI han tih chuan, ramngaw pangngai lo vah chereu tawh, lo ngaw tha leh te hi an niin ka hria.
Dik tak maw? In vuak awih loh…
November 19th, 2011 at 11:37 pm
Inngaih dan dan ni se: (in duh leh mawl min ti ula…a duh chuan min hauh hrep ru…): kei chu kumin idol hi voi 1 chhete pawh ka en lo, idol en mai2 turin hun ka nei lem lo, ka hman chhunah idol en in ka mengpeih mai2 lo. Idol hian kohhran leh ram hmasawnna a thlen ka hre lo, political party a ang-‘chu chu lo vote ve rawh’ min ti nasa (campaign na vek)…tumah ka vote lo…ka en ngai loh avangin vote tur pawh ka hre bok lo, (ldol thlan nan mai2 ka phone balance ka phal lo) hria pawh ni ila vote hmanga thlan hi a fair ka ti lo…idol ai a ngaihsan tur leh chawimawi tur an va tam tak em.! Zofate hian idol atang hian eng nge hlawkna kan hmuh ang le…? (Ka soi duh tok phot)
November 19th, 2011 at 11:38 pm
@9 I sawi hi ka pawmpui thlap a che. Buannel khua hi a awm ve ngei a, mahse ‘Buannel Ram Dai’ hlaah hi chuan Ramngaw lam ani a sawi zawk ni (Y)
November 19th, 2011 at 11:49 pm
(Y) (K)
November 19th, 2011 at 11:51 pm
Buannel tih chu ramngaw sawina atan a hmang niin zirlaibu lamah kha chuan kan zir thin. Mizo idol an thlan tawh ho zingah hian zaithiam ka tih leh an aw ka ngainat tumah an la awm ve tlat lo pek ah! Kan buaipui dan luai luai lah hi tullo ka van ti tehlul em!
November 19th, 2011 at 11:58 pm
(Y)
November 20th, 2011 at 12:02 am
Comments chu chhiar a manhla hle hlawm mai.
@ Tsa’n CFL-a hla, ” In tawng leh ngei ang ” tih hi a phuahtu hian a châng hnihna, Biakmuana’n a chham ang hi a phal a ring a. Kei chuan a phal ka ring lem lova. Hmm, thil har a ni lo ve, CFL-a ngei hi a la dam bawk a, remchang a awm anih ngai chuan lo zawt ta ila.
@ “Buannel” hi ramngaw sawina chu a ni meuh mai. Mahse he hla, ” Buannel Ramdai” hi chuan Myanmar rama mi, pi leh puten Chawngtinlêri tuallenna an tih khi a kawk zawkah ka lo ngai a. Engpawhnise hei pawh hi thil har a ni love. A phuahtu C.Vansanga unaupa, CH.Malsawma hi a la dam em ka hre lova. Amah ngei zawhfiah leh mai chi a ni e.
November 20th, 2011 at 12:03 am
Comments chu chhiar a manhla hle hlawm mai.
@ Tsa’n CFL-a hla, ” In tawng leh ngei ang ” tih hi a phuahtu hian a châng hnihna, Biakmuana’n a chham ang hi a phal a ring a. Kei chuan a phal ka ring lem lova. Hmm, thil har a ni lo ve, CFL-a ngei hi a la dam bawk a, remchang a awm anih ngai chuan lo zawt ta ila.
@ “Buannel” hi ramngaw sawina chu a ni meuh mai. Mahse he hla, ” Buannel Ramdai” hi chuan Myanmar rama mi, pi leh puten Chawngtinlêri tuallenna an tih khi a kawk zawkah ka lo ngai a. Engpawhnise hei pawh hi thil har a ni love. A phuahtu C.Vansanga unaupa, CH.Malsawma hi a la dam em ka hre lova. Amah ngei zawhfiah leh mai chi a ni e. .
November 20th, 2011 at 12:03 am
#22 sawi hi a dik a ni ka ti ve thlap e, kan lo buannel tawh hian lung hi a lo ti leng thin em a ni. Ram chang ni lovin, mihring kan buannel pawh hian lung an ti leng thin khawp mai.
November 20th, 2011 at 12:06 am
Post tupa, i tan naah tang bur rawh. Critics ho hi chu an awm zel khawiah pawh.
Lehlawk, chuan lo zawt tak tak hlawm teh a.
November 20th, 2011 at 12:10 am
@ 33 lr, hun thawl tha leh remchang neih velah ka lo tum ange. CFL-a phei hi chu hmuh ka mamawh khawp mai.
November 20th, 2011 at 12:15 am
@34, nia. Mi siam sa lo chin pawr ve vak vak hi chu, a mawi chiah lo ka ti.
November 20th, 2011 at 12:22 am
@35, lr, ka rilru ang pumi lo ni reng che a. 😀
November 20th, 2011 at 12:27 am
A thluk tih kawih hlek te hi chu a zia a, a hla thu tih danglam chu a zia lo deuh khawp mai. Mahse thulam in ang em em, awmze in ang deuh reuh bawk si hi hlaah hian a awm ve nual a, a entirna tur phei chu sawi mai tur phei chu ka hre lo a haha, Ani emaw tih hi kei pawn ka nei nual mai, mahse ka hre reng hlawm tawh lo.
Kan changkang ve deuh tawh aniange, civil service ho te, college a professor ho te, doctor te pawh hna pakhat thawk ve mai mai ah kan ngaih tawh hlawm ni. Ani reng bawk a.
November 20th, 2011 at 12:28 am
E heu, nangmah hi CFL-a chu i ni na nge? 🙂 Buannel chungchangah chuan Myanmar a mi khi a han phuah chhan daih ka ring lo tawp mai. Tin, khi laia ‘Buannel’ an tih khi a tunhnu hming mai a ni lo’m ni?
November 20th, 2011 at 12:33 am
Kan tetlai khan Mizo zirlai bu ah Buannel awmna chu a post tupa sawi ang ngei hian an hrilhfiah chu ka chhiar tawh. Mahse khami bu ah tho Bunnel tih an hrilhfiahna chu “ramngaw dur tak” tih ni ta in ka hria.
November 20th, 2011 at 12:40 am
@ 38 muantea, Mizoramah hian Buannel tih theih chu a awm nial maithei e. Mahse kan pi leh pu te atang tawha Buannel, Chawngtinlérhi tuallenna, sa tamna hmun erawh Myanmar rama mi chauh khi a ni e. Ka pu leh ka thianpa hi kum 2008 khan lehkhabu siamnaa tarlan atan a hmunah ngei an han kal a. A hmun nawmzia te, chhawkhleiin a hual chhuah vek thu leh sa a la tam thu te, kal rau rau chuan a nawm em avanga riaklut ngeia thawh chhuah a that zawk thu te an sawi nasa mai a. A kal lo ber ka nih avangin he Buannel ( Chawngtinlerhi laitual) chanchin hrim hrim hi i hre duh a nih chuan contact na tur ka rawn pe dawn che nia. PU Ch. Malsawma’n a hlaa a phuah chhan a nih leh nih loh chu thudang nise.
November 20th, 2011 at 12:41 am
@ 38 muantea, Mizoramah hian Buannel tih theih chu a awm nial maithei e. Mahse kan pi leh pu te atang tawha Buannel, Chawngtinlérhi tuallenna, sa tamna hmun erawh Myanmar rama mi chauh khi a ni e. Ka pu leh ka thianpa hi kum 2008 khan lehkhabu siamnaa tarlan atan a hmunah ngei an han kal a. A hmun nawmzia te, chhawkhleiin a hual chhuah vek thu leh sa a la tam thu te, kal rau rau chuan a nawm em avanga riaklut ngeia thawh chhuah a that zawk thu te an sawi nasa mai a. A kal lo ber ka nih avangin he Buannel ( Chawngtinlerhi laitual) chanchin hrim hrim hi i hre duh a nih chuan contact na tur ka rawn pe dawn che nia. PU Ch. Malsawma’n a hlaa a phuah chhan a nih leh nih loh chu thudang nise..
November 20th, 2011 at 1:09 am
Post tupa sawi Buannel ngei khi kan Pi leh Pu te’n Buannel an tih thin kha chu aniin ka hria kei pawn..A ram khi Ngaw dur lh Sa tamna hmun anh avangin aram awm dan hrilhfiahna ah Ramngaw,Sa tamna hmun anh thu an sawi mai thin ani zawk lo mw?Ramngaw nazawng hi Buannel anih vek kher awm ka lo hre ve reng2 hleinem mawle.. (Y)
November 20th, 2011 at 1:33 am
@ 42, chhurbura, i sawi hi keipaw’n ka lo hriat ve dan a ni. Buannel hi pakhat chauh awmin ka lo hre thin a. Pu James Dokhuma’n mizo dictionary a siam dawn khan ramngaw tha leh sa tamna hmun hi “Buannel” tia dah a tum chu ka puin dik tawk lova a hriat thu leh, sa tamna apiang buannel anih dawn chuan sap ramah te hlei hlei buannel an ngah dawn thu hmangin a theih ang tawkin a hnial ve a. Mahse Pu James-a khan kaltlangpuiin Buannel Ramdai, Chawngtinlerhi tuallenna han tih mai pawh hian mi tam takah chuan a chiang ta lo a nih hi.
November 20th, 2011 at 1:40 am
Buannel awmna hre lovin, “Ka hrelo,” a ti ngam chu ka chhuanawm letling e. Judge lam ami, hre silovin, “Mizoramah a awm,” a rawn ti ngam kha i sawi angin thalai te tan a pawi thei viau maithei. Tawngkam leh hmun hming emaw hetiang thalai tan a hriat tlak tur chi reng reng hi chu fimkhur hle ringawt mai ila a tha ber awm e.
Hla a sak sual khi ka hrethiam tho mai, point erawh hmuh tlem phah thei sela. Tin, a sak a an lo sak thin, a rawn chham erawh khi chu a titu thu niin ka hria. A hla phuahtu emaw in RIGHT a dah anih pawhin a phalna lovin an sak ka ring lem lova. Chutiang anih chuan midang sawisel theih a ni lovang. Midang sak hluah hluah thin pawh Elvis Presley ngei khan a kar lakah a rawn chham chhuah khan mi rilru a hneh letling zawk daih thin anih kha maw!
Vote tur a thiante leh midang inhrilh kual hi a pawimawh viauin ka ring. A sem a sem chhuah em erawh chu a lutuk maithei.
November 20th, 2011 at 1:57 am
#44 chu i sawi tha emaw thalo emaw, i comment ka chhiar tawhah chuan ngaihnawm ka la tih pawl tak a ni! 😛
November 20th, 2011 at 2:02 am
Buannel ram dai, Lungdum tu…
Ka hre hauh lo a, Pu Muantea sawi khi ka ring deuh mah mah!
Specific place niloin buannel hmel deuh kha an sawi buannel deuh mai ani lo maw? Ka hre lo tak zet zet..
November 20th, 2011 at 2:49 am
muante, “Buannel” tih hi ‘ngaw’ tihna maw lo ni a, mak awm ngai ve! awih har ka ti tlat pek :-S
Buannel chu ngawpui kara phul mawi tak awm ie:Burma ram ami ang khi niin ka hre thin.
November 20th, 2011 at 2:54 am
Awih la awih suh la, #22 khi a dik.
November 20th, 2011 at 2:59 am
Buannel:
Khuaimual khua leh Tuichirh khaw inkarah a luang thla a. Tuikual a fin a, Tiau luiah a luang lut a ni. Sih pasarih awmna hmun phul chu, BUANNEL tih a ni a. A chhehvel tupui hmun chu BUANNEL RAM tih a ni. Tlangchhip phulah chuan pangpar mawi tak tak a khat tlat mai a. DINGDI leh HAWILOPAR a tam ber. Tlang Purun(Runpheng) pawh a tam hle. Thal lai chuan romeiin a bawm chiai mai a, furah chuan chhumin a bawm thung. Rauh a tam hle mai a, fur laia hmun danga a sur loh lai pawhin a sur deuh reng thin
http://www.zoin.info/buannel-ramdai/
November 20th, 2011 at 3:05 am
Awke awke…zanin weeknight chu va flop ve
November 20th, 2011 at 3:10 am
post tupa
A phuah chhan kha i sawi ang chu nimai thei, mahse buannel chu ramngaw tiha an lawmni..
November 20th, 2011 at 3:13 am
La-me-a 25 #49 link kha chhiar chhin teh khai
November 20th, 2011 at 3:21 am
49 chu a chiang viau na a, mahse a awm tho mai..
C.Vansanga hla a Buannel ram dai, lungdumtu tih hla a buannel hi chuan ‘hmun khat’ a kawk lo mai thei tho mai. Pu HVa sawi Buannel hi kha hmun hming chu ani ngei mai thei, mahse buannel hi awm deuh nual tur a ngaihna ka nei deuh!
November 20th, 2011 at 3:25 am
#53 anih chuan ‘Buannel’ dang sawi thei an awm emaw chu?!!
November 20th, 2011 at 6:40 am
Fiara tui hi a tak tak a awm rualin tui tui(tasty) apiang mai hi Fiara tui hming kan chawitir thei. Taitesena ka ni lova, vawi tam tak a hming ka inchhal tawh thung. (‘Kha, keimah Taitesena’ tiin)
Buannel hi in sawi ang hian Myanmar (Burma) ramah a awm ngei a, chumi hming chawi/chhal chuan ramngaw, ramhnuai, ngaw tha deuh apiang hi chu kan ti Buannel mai niin a lang. Posttu rawn sawi chhuah hi chu, “Burma/Myanmar ah a awm ” tia chhan tur ni ngei chuan a lang. Zonuni hian buannel awm zia a zawt lova, specific deuh takin a awmna a zawt miau a.
November 20th, 2011 at 7:11 am
Point 3-na khi ka
e.
November 20th, 2011 at 8:03 am
@55 sawi khi ka tawmpui e.
GOOD POST.
Sunday hman nuam vek ule.
November 20th, 2011 at 10:00 am
Buannel chungchangah chuan posttupa leh ku hva tanna khi a dik, tih hi ka hriat ve dan a ni.
post tha e.
tren tren.
November 20th, 2011 at 10:05 am
A lo ngai hnâwng ve raps.Buannel tih chu Ramngaw a ni reng reng hlei nem. Buannel dik tak te chu KHUM hi a lawm.
November 20th, 2011 at 10:05 am
A lo ngai hnâwng ve raps. Buannel tih chu Ramngaw a ni reng reng hlei nem. Buannel dik tak te chu KHUM hi a lawm.
November 20th, 2011 at 12:48 pm
@ 55, thiana comment khi ka thlâwp ve e.
November 20th, 2011 at 1:45 pm
Ka lo ngaih ve dan chuan ‘Buannel’ chu Chawngtinleri tual lenna, ramsate pialral, chaw leh tui, sih duhtawka tha tlan tur awmna hmun a ni. Buannel hi hla thua hman anih pawhin lasi rimnam deuh turah ka lo ngai ve thin. Ramngaw sawi nan lo hmang pawh nise a mawh lo’ng e.
Zirsangzela Hnamte hi chuan ‘Lentu romei zing hnuaiah’ hi Ramngaw sawi nan a hmang daih mai thung (Ainawni). Pu Rokunga pawh khan ‘Lentupui’ chu a hmang thin ngei mai. Pu Vankhama pawh hian ramngaw sawi nan chuan ‘Lentupui chawi vel kan Zotlang ram nuam’ a ti bawk. Chuvangin Buannel a rik hi chuan ramngaw-ah pawh lasi te telna a kawk zawk mai lo maw ?
November 20th, 2011 at 2:27 pm
Buannel he hla a, a hman dan hi zirlaia kan zir thin dan kha chuan Ramhnuai/Ramngaw a nih mai hmel.. Pasaltha kut bul tawh tanna a phuah a ni e an tih thin kha.. kha pasaltha khan Burma ram Buannel vel a lo han fang thin a nih chuan thu dang a niaa…Tin,Ch.Malsawma hi ka hriat sual loh chuan a boral tawhin ka hria…. Eng pawh Buannel zawng a awm re re e… a point thumna hi a tha hle mai…
June 9th, 2012 at 4:05 pm
He hla phuahtu Ch.Malsawma te nena tetlai atanga inkawm thin leh a hla phuah chungchanga hriatpui ve em emtu chuan “Buannel Ramdai” hla hi ramngaw hrim hrim sawi nana Ch.Malsawma hian phuah a ni e a ti. Chawngtinleri tuallenna kher khi a lo kawk lo a nih chu Tunah chuan ngaih a ngam ta e.