Kristian nun a min ti hrilhhai fotu chu a changa Pathian ngawi tlat ṭhin hi a ni. Pathian hnena thinlung leih baw veka ka ṭawngṭai chuan chhhanna ka beisei ṭhin a. Eng ang chhanna pawhin lung a tiawi thei mai ang. Mahse, a ngawi vung vung mai si! Nang pawh beidawn chang i neih ve ṭhin ka ring. Thil mak tak nia ka hriat chu, ka mamawh ber laia Pathian ngawi tlat ṭhin hi a ni. Mittui sur zung zung khawp hiala Pathian ka auhin, kam khat pawhin aw rawn nei sela a thlamuan thlak dawn tehreng nen – a ngawi leh vung vung ṭhin.
Tun laia buaina tam tak lo thleng ṭhinte hi Bible keuva han chinfel mai theih lohte pawh niin a lang a. Chung harsatna tawk tute tan chuan Pathian aw kam-hnih-khat lek pawh a ṭangkai dawn tehlul nen- a ngawi tlat si ṭhin. A chang chuan zawhna mawl tak tak ka neih ṭeuhte hi rawn chhang turin Pathianin angel rawn tir se te ka ti hial ṭhin. Heng hun ah hian Pathian chuan, “Kei ka awm alawm,” rawn ti mai se chuan a va han thlamuanthlak dawn em! Mahse, a ngawi leh tlat ṭhin!
Hriat thiam tiharsa lehzual turin, Bible chuan kan thil duhte chu Pathian hnena kan dil chuan min pe ang tih min hrilh a. A mite hnenah chuan a awm ṭhin a, a ṭanpui ṭhin tih Bible-ah kan hmu bawk a. Pathian chu hmangaihtu Pathian a ni tiin Bible-in min hrilh a. Kan dil chuan min pe ṭhin ang tih min hrilh bawk a. Hei vang hian kan dilna chhan a nih lohin hriatthiam a har ṭhin. Chung hunah chuan Pathian kan ngai em em ṭhin a, mahse a ngawi vung vung si. ‘Pathian nghah‘ tih hian awmzia a nei lo a ni ang, ti hialin ngaihdan siam chang kan nei te pawh a ni mai thei e.
Lu i sûn emaw, vanduaina rapthlak takin a tlakbuak che emaw a ni mai thei. I vanduaina chu Pathian remruat a ni tih rin hram hram i tum a, Pathian chuan a theihnghilh hauh lo che a, kawng ala kawhhhmuh ngei dawn che a ni tih rin i tum hram hram a ni mai thei e. Mahse, heti chung hian i rilru chhungrilah chuan i bei a dawng a, Pathian awm hial pawh i ringhlel rum rum a, awm pawh ni se a ngaihsak lo che a ni ang tih i ring hial pawh a ni maithei e. Eng emawti talin rawn inlan se chuan a fel duak mai tur a le!
“Harsatna namen lovin min tlakbuak a, Amah kan ngaih ngawih ngawih lai hian Pathianin enge a tih ṭhin?”
“Engtin nge kan tih ang”
Hengtiang hun atan hian Josefa nun hi kan ngaihtuah pui ve ngai emaw, tleirawl kum 17 anih aṭangin a harsatna a rawn in ṭana kum 30 a nih hma zawng kha chu a nun kal zel dan tur ah khan Pathianin eng thu mah a rawn thlen sawi leh tur a awm lo. “A ni te chu Pathian mi ruat a lawm” kan ti a ni maithei e, amah ah khan chutianga chiang taka hriat tirna reng reng a nei lo a ni. A naupan laiin chianglo ruai in mumang chu a nei ve bawka, khang zawng zawng te kha a rilru ti mangang tu leh a unau te leh a pa hial ti thinur tu a ni a. A unaute huat hlawh phahna mai piah lamah an tihhlum hial duhna a hring chhuak a, an u ber zangaihna vangin an ti hlum lo ta hlauha. Ismael khualzin ho hnen ah an hralh a, Potiphar-a sal ni turin an hralh leh ta a ni a. Naupang mai ala ni, a mangang ve hle in a rinawm.
Pathian a ring a thuawih leh rinawm takin a pu hna a thawk a, duhsakna a dawng nghal mai bik lova kum engemaw zat chu chhiahhlawh junior ah a awm ngeiin a rinawm a. A thil khawih apiang a hlawhtlin ṭhin avangin a pu chuan mi danglam a ni tih a hre ta a, inchhung hotuah a siam ta hial a. Potiphara rintlak ni tur hian eng ang taka nasa in nge a thawh ang. A khawih apiang a hmuingil a ni tih hriat theih tur hian engtia rei nge a thawh anga, eng engte nge a thawh ang, heti taka Potiphara ti lawma a dinhmun ang luah thei hial tur hian?
Potiphara in enkawltu leh hotu ber dinhmun alo chan tak ah chuan, ‘Pathian malsawmna leh hruaina hlawhtling a ni e’ tih theih tawh awm tak a nih laiin atan chhiatna rapthlak zawk ko chhuak tu/hringtu a ni leh tlat si. Potiphara nupuiin dawt a puhin jail ah khung a ni a. Heti lai ah hian a chanchin hi han rek bung ta mai ila Josefa nuna Pathian chetdan hi kan hriatthiampui lo hle in a rinawma, mak kan ti ve ngei ang. Ani pawhin zawhna tam tak a inzawt ve ngeiin a rinawma, a pu Abraham-a Pathianin mal a sawm dan te, a pu Isaka chunga Pathian thu thlen dan leh a pa Jacoba a biak dan te pawh a bel em em in a rinawma. “Engatinge hetia manganna ka tawh lai hian min lo biak ve loh le” ti tepawhin a in zawt ve ngei ang.
Jail ah hian kum 7-8 vel bawr vel a tang niin sawi a ni a. Ram danga lung inah, thubuai sawi hun tur pawh awm chuang lovin, a kum tel tang turin han inngaihtuah teh. Josefa chu sal a ni a; a thiamthu sawi thei pawh a ni lo. Pharoa hnena sawipuitu tur tumah a nei lo va; chhungte kan tu tur a nei hek lo. Bible a kan hmuh dan ah chuan Jail ah pawh taima tak leh rinawm takin hna a thawka, heta kan hriat tur chu eng chen nge misual lung in tang pangngai anga a awm kan hre lo tih a ni. Hemi chhungzawng hian Pathian chuan aw a nei hauh lo a ni.
Josefa chanchin rawn tidanglamtu chu lal uain petu leh chhang siamtu te an ni a. An mumang a hrilfiaha pakhat zawk chuan a dinhmun ngai a luah leh dawn tih a hria a chuvangin a chhuah hun ah a chanchin sawi pui turin a ngen ve lawm lawm a ni. He thu aṭang hian a mangang ve em em a chhuah a chak ve tawh hle a ni tih a hriat theih awm e
“I chan that leh hunah chuan mi han hre reng la, khawngaih takin khawngaihna ka chungah rawn lantîr la, Pharaoa hnênah ka chanchin han sawi la, he in ata hi mi hruai chhuak ang che: Hebrai-ho ram ata mi’n rûka mi rûk bo ka ni a: he ramah pawh hian rip chhûnga mi khûngna khawp engmah ka tisual hek lo” Gen 40:14-15
A sawi ang chuan lal uain pe tu chuan a dinhmun ngai a luah leh a mahse “Josefa chu a hre reng ta awzawng lo va, a theihnghilh ta mai a” Gen 40:23. Josefa tan beidawnna ti zual tu mai a lo ni;
Pathianin a theihnghilh ta che niin i hre ve ngai em? I ṭawngṭaina ten siling bak a thleng lo ni tein i ngai ṭhin em? Ringtute hian Pathianin min theihnghilh ta nia kan hriat chang emaw, thil dangah a buai lutuk a, min ngaihtuah ve hman lo a ni ang, tih chang emaw kan nei fo ṭhin.
NGAWI RENG MAH SE, A AWM MAI MAI LO
Josefa chunga thil lo thleng hi mumang pawhin a man phak ngai loh a ni ngei ang. Pathian chuan khawvel chhandamna tura a remruatna chu amah hmangin a rawn thawk ṭan tih pawh a hre hek lo vang. Josefa chanchin zawng zawng kan sawi seng lo mahse a nun aṭanga kan hmuh chiang em em mai chu ‘Pathian chu a ngawih vung vung pawhin min theihnghilh ta tihna a ni lo; min ngaihsak lo tihna a ni lo’ tih hi a ni. A thawm kan hre lo a ni mai thei e; mahse, a awm mai mai lo. Pathian che chang lova kan hriat avanga engmah ti lova kan ngaih ṭhin hi a dik lo va; kan hmuh theih leh kan hriat theih aṭang chauhva a thiltih kan chhut ṭhin hi a dik lo a ni.
Chutiang bawkin ham ṭhatna kan tawh leh tawh loh a zirin kan nuna Pathian a inrawlh leh inrawlh loh kan chhut ṭhin a, hei pawh hi a dik lo. Thil engkim tluang taka a kal lai chuan Pathian chu kan hneah a awmin kan hria a; min enkawl a, min veng a, kan mamawh engkim min petuah kan ngai ṭhin. Amaherawh chu harsatna kan tawh veleh “Lalpa, khawiah nge i awm? Engatinge min ṭanpui loh? Min va ngaihsak lo ve,” kan ti leh si ṭhin.
Kan nuna Pathian inrawlh dan chu kan chunga thil lo thlengte aṭang ringawta teh chi a ni lo. Thil pahnihin a teh theih: Kan nunin hma a sawn dan aṭang leh a remruatna a hlawhtlin leh tlin loh aṭangin. Josefa chu kum 13 lai harsatna hrang hrang tawkin a awm a; a harsatna tawh zawng zawngah hian Pathian chu a inrawlh reng a ni. Josefa harsatna tawh hmang hian a ni Pathian chuan a remruatna ropui tak chu a tihhlawhtlin ni. Chutiang bawk chuan Pathian chuan kan harsatna hmangin a thil ruahman chu a tihlawhtling dawn a ni.
[Source:- How to Handle Adversity (by Charles Stanley) + Asteric]
Similar Posts:
- Please help: “NOKIA tih alang vung vung”
- First Love Never Dies
- Zawhna sawm………..
- THIAN RINAWM
- Hmeltha
:)
November 20th, 2011 at 4:34 pm
A ngawi vung vung a ni mai 😛
November 20th, 2011 at 4:34 pm
chhiar phawt ang
November 20th, 2011 at 4:35 pm
a tawng lo a niang 😛
November 20th, 2011 at 4:39 pm
A beidawnthlak zual…
November 20th, 2011 at 4:41 pm
A tha hle mai. Ka chhiar chhuak dap. Ka nun a ka thil tawn tawh a ni a, Pathian rorel dan hi hriatthiam a har a ni.
November 20th, 2011 at 4:53 pm
Amen! Mahse kan ti teh ang, Josefa kha chu tanin a a tan chhung pawh khan Pathian in a awmpui hle a ni tih hriat theih nan mumang hrilh fiah theihna te a la pe tlat mai a. Ruat bik zawng a ni e. Pathian hian he tia mangang a kan awm lai hian min awmpui reng a ni tih rin hi a har em bik a ni mai lo maw?
November 20th, 2011 at 4:54 pm
Ka lo thlasik mau puah pui ve lawk.Kan Pathian thu in malsawmna chu a nghah a nghah lo tur min ti a,kan Pathian chuan mi hlawtling ni turin harsatna kan tawh min phal tih hi kan hriat ve a tul in ka hria,kan Pathian hi fiah lo turin k chah duh che a ni…..
November 20th, 2011 at 4:55 pm
Ka post hmasa a Asteric mi hril kha tha ka va tiem,tu ami pawh hi ka lo chhiar vek ang e. (Y)
November 20th, 2011 at 4:57 pm
Amen, a van dik tak em! ka mamawh laitakin ka chiar chule, minti harh song2 mailawm…:-), tlaingailo Pathian hian min awmpui reng thin tihhi hrereng ang u.. (Y)
November 20th, 2011 at 5:13 pm
Hmanlai anga a hring a hrana Pathian a inrawlh tak loh vang hian a ngawi ta vung vung emaw tih a awl em bawk ani. Mahse, kan hnenah a awm reng a, kan tawngtaina a ngaithla a, ngaihdam kan dilin min ngaidam tih hi a chiang ngawt mai. Min ngaidam lo se, kan thatna avanga dam tur ni ila tumah mi(sual) tur pawh kan awm tawh lovang chu. Mahse, mihrinna atang hi chuan a hmanhmawhthlak thin khawp mai.
Hmanni a kan damloh kha kan zep ve lawk ang a, harsatna beiseiloh lam atanga alo thlen hian Pathian hi dem a awl khawp mai. Engatinge, engvangnge, ngati bik nge kan chungah kher, zawhna hlirin ka khat a, mahse a ropuina lantir a duh vang a lo ni zawk. Doctor te tihtheih bakah a rawn inrawlh a, a thiltihtheihzia kan hriatna’n.
November 20th, 2011 at 5:14 pm
(Y) Ka sms dawn pakhat hi…
God upset our plans,only to setup his plans for us. ‘Cause we see our present and plan for our future ; but HE sees our future and gives us our present.
November 20th, 2011 at 5:22 pm
Good post. Ka hun kal tawhah kum 2 chuang thim chhah mupin min bawm a, tawngtai ka thlah ngailo, mahse Pathian han ngawih theihzia kha! Ka han ngaihtuah let leh thin hian eng thleng nge ka break hmaa ka tuar theih tih kha min test ni berin ka hre thin..
November 20th, 2011 at 5:30 pm
Kei chu a changin a ngawi a, a changin a che.
November 20th, 2011 at 5:36 pm
Pathian hnathawh lo lang tur hi nghah peih leh nghah ngam a har chang a tam thin khawp mai. Nghah chhuah hram pawhin hriatthiam a har em em chang a la awm thin bawk si. Pathian ngaituahna leh a thil rel dan hi mihring te ngaihtuahna nen a inang thin si lo. Amaha innghat ngam, beiseina nena nghak peihte erawh chu Pathian hian a tihlawhchham ngai lo.
Pathian chuan kan tawngtaina zawng zawng a chhang vek thin – kan dil ang ngei min pek chang a awm a, a aia tha min pek chang a awm bawk.
Thil awmdan tidanglam kher lo-in keimahni leh kan ngaihtuahna min tihdanglam zawk chang pawh a awm thin.
November 20th, 2011 at 5:40 pm
@Jacka Pi, i sawi ang deuh hian Pathian hian kan theihchin hi min enthla aniang ka ti fo thin.
Tum tamtak ka beidawng a. Pathian a complete faith neih hi a va harsa em. Mangang tak a awm chang ka ngah, min theihnghilh tawh emaw ka tih tum te pawh a awm, mahse tunthlengin A zarah ka la dam chu anih hi.
November 20th, 2011 at 6:05 pm
He thu ka chhiar a ka rilru a lo lang zawk chu ‘foot prints’ kha..
@7 khia kan chhang ve lawk..Kan Pathian ngeiin ‘ min fiah ula’ tiin a sawi a vangin in rinhleh chuan fiah rawh u. Kan Pathian hi Pathian dik anih zia a lo lang mai ang. MBBS ka zirlaiin tumkhat chu pawisa min thawn tur an nei ta lo..Ka u in Pathianin min pe mai ang a tia, kan challege ange a tia, Sawma pakhat aiah khami thla chhunga a hlep a tangin sawm ah sawm a pe ani awm e.Ka nu sawi ka la hre reng thin. Kar khat chhungin a pek let sawm aia tam a la lut hman.. Ti chuan kei pawh chu ka mamawh zat chiah min rawn thawn thei ta a.
MBBS ka zir chhung zawng khan 1st yr- 3rd yr kha rs 1500 in ka in manage thin..mess fee 700-800, a la bang ka chanpual ve..Final year ka nih khan, a ni em em lo an tia, anmahni thuin rs 2000 ah an rawn ti pung.
OT deuh hlek mah ila, zirlai kan nih chhung hi chuan nawmsak tum lovin kan zirlaiah rilru pe ila, Pathian pawh hian min tanpui nge nge thin.
November 20th, 2011 at 6:11 pm
#16 doc_te: OT love, ilo chhuanawm hle mai….i thil tawn avang chuan thil tam tak pawh i ngaihtuahna ah chenga puitlinna thlentu niin, harsatna tamtak i ‘go through’ ka ring tlat. 😉
November 20th, 2011 at 6:14 pm
#10 Amen! Ka thawl ta huai mai
November 20th, 2011 at 6:24 pm
Political fitness neih loh avang a mbbs seat ka hmuh phak tura ka ngaih ka hmuh loh vangin Pathian ka dem lek lek a. Political fitness ka neih loh vang bawka hna lakna ah ka tlin loh a vangin ka dem leh lek lek a. Mahse kan Pathian,danglam ve ngailova hian a hun takah PG seat, a leia lei dawn chuan rs nuai 80 – 1 crore in kara lei ngai( engtik lai maha ka lei theih loh tur ) hi, a ziahin min in ziah tlin tir ta zawk a. Kei zawng Pathian hi fak lo thei ka ni lo ve..Kan Pathian hi Pathian nung ngei a lo ni e. I nun ah harsatna hrang hrang i tawk ang, mahse Pathian hian thiltum i tan a lo nei zawk a lo ni. (Tunah chuan fair lo taka tling te huai taka sawisel turin min lo ruat ani tih ka pawm thiam ta)
November 20th, 2011 at 6:31 pm
He hla hi kalo thlan sak ang che u.
http://www.youtube.com/watch?v=BGPmMcDeRpM&feature=related
November 20th, 2011 at 6:31 pm
doc_lib chu a va ropui ve. Tunlai anga 1500/month chu a ropui takzet. Tuna zir mek tamtak entawnah lo chang se ka ti hle mai, 1500 chuan in manage theihtawh loh mahse a hautak lo thei ang bera nun min zirtirtu ah tang se.
He post ah hian Pathian rorel dan kan nun a lo thleng kan in share anih phawt chuan kan OT lovah ka ngai. Nun beidawnna leh harsatna, natna atang te a Pathian chhanchhuah kan tam ka ring. Chungte chu thawhkhawm ila, he post tu tum hi a thelh lo tawp ang.
November 20th, 2011 at 6:36 pm
Article ropui tak a ni, comments te nen. Loneeagle chu post thra hle mai. (Y)
November 20th, 2011 at 6:38 pm
#21@sheldon: sawi khi a dik chiah, hmeichhe fing tak zawng i ni e 🙂
Post ah khian harsatna thleng zawng zawng kan ziak seng lo, ka ruahmanna hmasa ah chuan Lazara te chhungkuaa a farnu pahnih te manganna kha belh leh zauh tum ka nia a thui dawn lutuk a ka tel ta lo mai a ni.
Silent reader tam tak an awm, kan harsatna lo tawh te hi midang tan malsawmna a ni. Nunna hial a chhanchhuak thei a ni 🙂
November 20th, 2011 at 6:40 pm
Asteric, he post hi ila ciar loh cuan chhiar v ngei2 roh..hit tops
November 20th, 2011 at 6:41 pm
Zorempui i lai 😉 Sawi ve rawh, fur laia i mittui tlak kerh kerh te kha 😉
November 20th, 2011 at 6:43 pm
comment aiah hei hi ka thawh ange..a in zul khawp mai post nen pawh.. (Y)
http://www.youtube.com/watch?NR=1&v=THhp4U2KdnA
November 20th, 2011 at 6:43 pm
Sheldon, 2004 ah ka pass chhuak a, lo hisap ve tawh mai rawh. Break fast a tan thingpui no 1 leh samosa 1 ka hmang thin a, chu chu rs 3 man, a bak aia tam ka ei chuan thlakhat chhung financial crisis ani mai( engkim kha chhut thlip thlep a ngai, chutianga theithawpa ka in manage chuan kumkhat ah cinema vawi khat ka en thei thin. Kum nga ka awm chhungin cinema hall ah vawi 5 chiah ka en reng a ni 😛 ). Mess ami lunch nan loh phei chuan chu nen chuan ni lenga hun ka hman kha a van tam tak em..Mahse engkim tan hun ruat ani tih ang khan, kan Pathian hian riltama min siam reng hi a phal bik lo a, puar hun min pe nge nge zel ania
November 20th, 2011 at 6:48 pm
#27@doc_te: Sum, i in manage na atang ngawt pawh chuan engemaw chen chu phaia awm tawh chuan kan imagine thiam awm e. Ilo hetih vang a nih hi i thluak a chak em em 😉
I ngaihtuahna pawh i seng tam ngeiin ka ring, i harsatna tawh te’n min ti phur thar khawp mai (Y)
November 20th, 2011 at 6:51 pm
Doc, wow! 2004 chuan class 11 vel kan nia, tin, ngaiteh, kan lerh hle. 😀
November 20th, 2011 at 6:52 pm
Ekhai, Doc nang hi tlukloh rim i va nam ve. Tuna zirlai brilliant tak tak ho hi ka sawiselna ni lovin, i harsatna tawh ang tawk chung khi chuan kan sualchhuak peih ve meuhin ka ring lo. I zir chhunga i nundan khi sermon ropui tak a tling.
2008 kha ka tan hunthim a nia, a detail te chu heta han share chi ani lem lova. Mahse, beidawng/mangang tawp in ka awm a, a chang chuan ka tangtai thei thin lova, khatia hrehawm taka ka awm lai khan Pathian hi ka dem thin, mahse ka mangan tak tak chuan tawngtaina hmang tur ringawt pawh ka au ruai zel si. Thil tha pawh kan hmu ang a, thil thalo te pawh kan hmu ang. Pathian erawh chuan min kalsan hlen ngailo.
November 20th, 2011 at 6:52 pm
lrpa te,funny te pawh hi zirna kawnga an chanchin a ngaihnawm ngawtin ka ring alawm le 🙂
@sheldon: same to you, 2008 kha keipawh ka tan hun thim a ni ve in ka sia 🙂 kawng hrang hrang chi 4 ah ka hlawh chhama, ka hlawhchham dan lah Pathian hnena thin ti ur tawk vel hlir….ka rilru pawhin a dem lek lek fo. 🙂
November 20th, 2011 at 6:56 pm
Pathian hi a muhil ve ngai lo. A hun takah, kan hriatthiam phak lohin a hna chu a thawk thin zawk a ni. Don Moen-a hla hi lo ngaithla ve chhin teh u…
http://www.youtube.com/watch?v=Dv-m5D8tLAA&feature=related
November 20th, 2011 at 7:14 pm
Harsatna kan nuna lo thleng hi harsatna angah ngai lovin, a sual chhuak thei tura min chher hriamtu ah kan hman thiam phawt chuan he hring nun khawvelah hian i tlawm hlen lo tawp ang. Tlu mahse la a tho leh ang tih ang khan, harsatna hrang hrang ten min den tluk mawlh mawlh mawlh lai hian i tho leh thin ila, tichuan, ‘ Krista zarah hnehna chu ka ta’ tiin hnehna hlado chhamtu nih i tum theuh ang u
November 20th, 2011 at 7:15 pm
Ti daih ila Jupiter in hmu chak hlawm em? tun ang hun vela kan arsi hmuh theih eng ber hi Jupiter anih hi, van lam han hawi chho ula in hmu thei ang. 1672 a Newton-a’n Royal society a present tak telescope khan he Jupiter hel tu thla pali te hi a hmu phak tawh. Zing khawvar dawn vela rawn chhuak eng tak hi chu venus ani tih kan hre fur anga Jupiter hrelo kan lo awm takin. hehe (inti hre bik. lolz) 😛
November 20th, 2011 at 7:17 pm
@29 kan ReMpy-i mai mai chu..thutak laiin mi rawn ti ho zo vek mai..kum 6 velin kan inthlau anih chu..a mawi tawk viau e..kei hi a zai lam chi a tam viau maia, chuti anih chuan nang chu anaesthesia lam rawn ti ta mai la..uai, family din a va phur awm dawn ve 😛 😛
November 20th, 2011 at 7:24 pm
Tawngkam thiam tak nih hi a chakawm chang a awm ve zeuh2..
November 20th, 2011 at 7:25 pm
@funny: “anih khi”ti turin ka offline veleh ka va dak chhuak ange, chaw ei pahin ka lo thlir ang 🙂
@doc_te: Zoremi chu rilru paukhauh tak anga lang si hian tah kerh kerh a chinga, i thlem thiam viau angai ang aw….rilru tet chang te a nei a nia 😉
November 20th, 2011 at 7:28 pm
Asteric#31 mai mai che chuan, keichu ka che ropuilo thei hle a ani ringawt. lolz. Pawisa te mai mai chu han broke ila thiante pawisa tehi han puk rap rap ila life a ti challenging zawk.
Vawikhat chu dinner atan artui 2 ka hip tawp tawh. Mahse pawisa ka neihloh lutuk vang amaw te inlo ti mai mai ange, rawng ka bawl peihloh vang zawk ania. hahaha. 😛
November 20th, 2011 at 7:38 pm
Asteric hetiang hriat ve mai mai hi a scoring thei ve viau ania. Zanah tu emaw te te nena han awm changa, “khi khi andromeda, orion… etc” han tih vel pah a an kut han khalh sak niap niap hi chuan a chet romantic ve theih viau ania aw. 😀
(ka la ti bik miahlo mahse. hahaha)
November 20th, 2011 at 7:38 pm
@37 ASteric, nuam ka tih zawng tak. Kei chu hmeichhe lungchhia han tap kerh kerh duat tawka han thlem vel hi nuam ka ti 😛
November 20th, 2011 at 7:39 pm
Thianpa chu va post thui veee… hman hunah chhiar tur a nih hi 😉
November 20th, 2011 at 7:42 pm
A ropui a ni
November 20th, 2011 at 7:48 pm
@funny…eh!eh!….a hmanna tur nen lam maw! chanloh khan ah a applicable dawn hle maia. A boring lo zawnga zir dan i thiam phian mai ka ti. 😀
November 20th, 2011 at 7:52 pm
@doc_te: Dawhtheihna i ngah viau a ngai dawn anih chu, nuam i tih ringawt loh chinah chuan a nungchang i buaipui viau maithei a nia 😉
November 20th, 2011 at 8:02 pm
Jupiter hi emawni ta kha le aizawla ka awm laiin MZU-a ka thianpa (ka u ani ber ang chu) in, “ka thianten International Space Station, a ti” a tia. ka awihlo in thla (moon) nen ka compare-a kan tukverh darthlalangah marker in ka trace chiam tawh. lolz
ka tehna kha accurate lo tak mahnise an solid angle subtend atangin thla a hnai zawk ni a ka teh kha alo dik anih dawn hi… Ve leh tlat mai a. 😛
November 20th, 2011 at 8:22 pm
post tha tak a nih hi.
November 20th, 2011 at 8:28 pm
Josefa khan kan Pathianin kan tana a plan a rawn reveal hma chu, kan hna theuh ah ( mission field kherlo ah pawh) rinawm leh taima taka thawh a pawimawh zia a ti lang chiang ngawtin ka hria. Reponsibility leh chawimawina sang zawk kan dawng tlak em, tih hi Pathian hian min en ve reng si a. Talent tih pun thawnthu nen khan han chhut pawh hian, Josefa khan a talent dawn a tipung nasa lulai em a, chawimawi tlak a ni. Tuna i hnthawh kha, i dream job a ni lo maithei..mahse lungngai suh. Rinawm tak leh tuarchhel takin thawk la, Pathianin a aia thra a pe chho zel ang che. (tleimin topic lam atangin ka peng lawks..excuse me!)
He post hi a thra lutuk. Pathian a ngawi vung² thin….Lazara thih pawn ni 4 lai a ngawi tlat. Mahse a rawn chet chiah kha, a ropui zia a lang zual ta.
He is worthy of our praise!!
November 20th, 2011 at 8:34 pm
Jupiter in tih sek khi engemaw’n le 😀
OT: Look into the uniqueness of today’s date – 20112011
November 20th, 2011 at 8:43 pm
post tha ngei mai. (Y) (Y)
November 20th, 2011 at 8:57 pm
Post tha tak, rilru hnehtu a ni e.
November 20th, 2011 at 9:08 pm
Phek thar hawng law law ila.
November 20th, 2011 at 9:20 pm
Ka chhiar chhuak dap a. Post tha tak ani e. Mimal takin ka hlawk pui khawp mai.
November 20th, 2011 at 9:25 pm
Harsatna kan tawh laia Pathian a ngawih vung vung lai hi a hrehawm lai ber a ni reng a ni.
Sam 139- kan chhiar hian kan ruhrel la famkim hma pawhin Pathian chuan ngun takin in lo en chhuak vek mai hi alo ni a,min hrechiang em em a ni. Mahse, mihring hi kan rinawm loh avangin rei hi kan ti hma mai thin a ni.
I rawn sawi Josefa hi chu a entawn thlak thlawt reng a lawm.
November 20th, 2011 at 11:05 pm
A va tha em..!! Post leh comment ka hlawkpui e.
November 20th, 2011 at 11:36 pm
Mega
November 20th, 2011 at 11:57 pm
Kan tawrhna avanga midangin A ropuizia an hmuh theihna tur a nih chuan Pathian hian kan tawrh hi a phal a ni. Post ṭha hle mai.
November 21st, 2011 at 2:23 am
Post leh in tawnhriat atanga in rawn comment liam2 hi a ngaihnawm thin khawp mai.
November 21st, 2011 at 8:10 am
Doc, political fitness velah chuan ka relate thei khop mai che!Tuna ka hna a ka luh hma hian hna atan hian ka va han interview zing malh malh tak em.. Post ruakah te a nghet loin ka han thawk lawp lawp a,pu te’n min duhsakin dah nghehah min va dilpui a, the power-that-be ho hi post ruak a awmthu kan va hrilh bengvar hi ni ringot zel.Beisei deuha nghah chhungin midang hian min luah khalh thak zel.. Mahse khang hun laia ka rinna kha a mak ka ti thin,rinna tak tak hi chu mihring atanga chhuak ni loin Hebrai lehkhathawna inziak ‘Isua,kan rinna siamtu leh ti famkimtu’ tih hi a takin ka chang ve a ni ber…OT ta lua em aw
November 21st, 2011 at 8:30 am
Post tupa atang hian a tha ang tih ka ring sa a, a tha ngiang reng e. “min chhanchhuak dawn lo mahse Aw Lalber, I pathiante rawng chu kan bawl chuang lovang” tih theihna rilru put theih tum ila, a ropui ngawt ang.
November 21st, 2011 at 11:04 am
Comment a ngaihnawmin fuihna pawh a ṭha hlawm hle mai.
PKfanai hi ti lawmawm ṭhin mange a der mah nise. I post khi hmu hmasa ila chu hmanlo chung chungin ka submit awm love te ka tia
November 21st, 2011 at 11:12 am
Tha hle mai hei chu.
November 21st, 2011 at 11:30 am
Ngawi vang vang hi chuan thil hi chik tak leh muk tak in kan ngaihtuah tihna a ni chawk reng a sin..kan Pathian hi ngawi vung vung mahse a thil rel hi chu a buai ngai lo ang..post