“Nimahsela a hun bi a lo kim khan fa nihna kan hmuh theih nan Dan hnuaia awmte chu tlan turin Pathianin a Fapa, hmeichhe hrin, Dan hnuaia lo piangin a tir chhuak ta a”. (Galatia 4:4,5).
“Ama hmingin Simna thu leh Sual ngaihhnathiamna thu JERUSALEM khuaa tanin, hnam tin hnenah an hril ang”. (Luka 24:47).
Kristian hmasate chuan, “ He Khawvela Pa Pathianin a Fapa a rawn tirh chhan leh, a Chanchintha rawn ken hi Khawvel zawng zawng tan a ni a, Khawvel zawng zawngah, hnamtin hnenah chu Chanchintha chu a rang thei ang bera Puanchhuah vek tur a ni”, tiin an sawi thin a.(Johana 3:16, Matthaia 28:18-20, Tirhkohte thiltih 1:8). Khatih laia mifing leh Lehkhathiam tak tak ho kha chu an nuih a za deuh thin a ni. Chung mifing zing ami Greek mi Celsus-a phei chuan heti hian a sawi hial a ni:-
“Pathian Muhil han thangharh hlawl chuan, Leia mihring zawng zawngte chhandam duh ni ta sela, a Fapa chu khawvel kilkhawrah a rawn piantir in ring reng reng a mi?…’ Pathianinin a Fapa Juda-te hnenah a rawn tir’ tih hi chu Fiamthu lehkhabu ziak thinte chauhvin an sawi duh ang” tiin.
Khatih lai khawvel atanga ngaihtuah chuan, a thu a fingin a pawm awm hmel khawp mai. An khawvel hriat kha Asia, Europe leh Africa ram dai dar loh kha ala ni mai a, America Continent zau lutuk te khu a rim a ara pawh an la hre lo kha a nisi a. Palestine ram lah chu a dung mel 150 vel, a vang mel 75 vel chauh a ni a, Isua lah kha ramri a pelh awm sawina record a awm der mai bawk si lo.
Mahse, Tunah hian Khawvel Map kha bangah han pharh la, han bel chiang teh. Celsus a thu vuakthlak hi ziah that a ngai tih I hrethiam mai awm e. Hetiangin:-
“Pathian hian He Khawvela Mihringte hi a rang thei ang bera a Chanchintha hrilh chhuah vek a duh a nih chuan, Khawvel lai tak(Centre) Jerusalem atang ngeiin bul a tan ang” tiin. Pathianin Mesopotamia Rama Ur khua atanga Abrahama a ko chhuak a, Canaan rama a lo hruai lut leh, Aigupta ram ata hruaichhuak a, he Canaan rama a lo hruai lut hi tihpalh thil zawng a lo ni hauh lo mai. Ruahmanna fel tak a lo ni.
Pathianin a Fapa Isua he leia a rawn tirh hun hi lo ngaihtuah leh ta i la.
1. Rome Sawrkar hnuaia Remna leh Muanna a awm lai leh Inkalpawhna a that lai a ni.
Rome Sawrkar chak tak hnuaia Remna leh muanna a awm lai leh Inkalpawhna lama Khawvelin hma a sawn tan lai, Rome Sawrkarin a ram awp chin chhung zawng zawng a helna a lo awm palh te, Suamhmang an lo awm pawh a, awlsam tak a, a Sipaite a tirh zung zung theih na tur atan, Inkalpawhna a ngaih pawimawh em em hun a ni a, inkalpawh theih vekin a siam bawk a ni. Hei hi Isua zirtirte leh Ringtu hmasate khan an chhawr tangkai em em a; Chak takin Chanchintha an hril darh zung zung theih phah a ni.
2. Greek tawng leh Ngaihtuahnain Khawvel a awp lai a ni.
Khatih lai hunah khan Politics thilah chuan Rome kha Khawvel awptu an ni a. Nimahsela, Tunlaia English in Khawvelah ro a rel a, Khawvel ram hrang hrang ten, inbiak pawhna ber (Common Language) a an hmang ang hian, Greek tawng kha Rome ram awp chhunga inbiak pawhna ber a ni. Lal Isua zirtirte leh abikin Greek tawng thiam tha Dr.Luka te, Tirhkoh Paul-a te ho tan kha chuan a rammi tawng zir hran ngai lovin, khatih laia khawvel hmun tin an kalna lam apiangah khan Greek tawngin Pathian thu an sawi thei a ni.
3. Hebrai ho Sakhua Lar lai a ni.
Khatih hunlai khan Rome hovin Khawvel awpin ,Greek tawng khan Khawvel awp mahse, Sakhaw mumal leh Lar ber chu Hebrai ho Sakhua kha ani tlat a ni. Chu Hebrai Sakhua chuan, Pathian dik Pakhat chauh a awm thu leh, Mihringte(Judate) chhandam turin Pathianin Amite hnenah Fapa pek a tiam thu kha Zawlneiten hrilhlawkin an beisei em em lai a ni a. Tin, Juda ho kha Sumdawn thiam leh hausa an ni a, Khawvel hmun tinah an darh a, an awmna hmun apiangah lah khan An Pathian kha an be tlat a, an Biakin Synagogue kha an din zel a, Sabbath an serh tha em em zel bawk a ni. Tirhkoh Paul-a te pawh khan chung Synagogue ah te chuan lutin Pathian chanchintha an hril fo thin a ni. He Hebraite Sakhua hian nasa takin Lal Isua tan kawng a lo sat lawk a, mite thinlung a lo tihnip a ni.
Heng a chunga point hrang hrang kan han tarlan atangte hian, Pathian hian awmze nei lovin a Fapa hi khawvelah hian a rawn tir mawl tawp lo va, a hma atanga lo ruahman lawkin, a Hmun lo ruatlawk dik takah a rawn piantir a, a hun dik takah a rawn tir a ni tih kan hre thei ang. Bible ah hian Pathian Program chatuan hawlh tlang zak hmuh tur a chuang vek a, a hun a lo thlen chuan tuma dan theih tak tak a ni dawn lo. Mak takin a awm thlup zel mai dawn a ni. Tuma dan theih a ni lo vang. A Ram leh a Felna zawng hmasa tu te chuan an tifuh zel ang a, Pathian ngaih a ‘Mifing’ anni ang. Thil dang zawng aiin I Pathian tawk turin I inbuatsaih em? Tunah khan I Pathian tawk thut dawn ta la, I inpeih chiah em? Tih hi I in zawt thar leh teh ang u. Chu chu Kumin Krismas kan hmuah naah hian ngaih pawimawh berah I nei theuh teh ang u.
Lalpan kan za atan a thu malsawm rawh se. Amen.
Similar Posts:
- Pa hun tiam.
- Zui tlakah an ngai
- Pathian A Thi Elo!? {Sunday Pual}
- Ho mai mai
- Tunlai ka mutmawh hnarmawh.
November 20th, 2011 at 6:37 pm
ka la 1st ngai miahloa 1st ve hrim2…chiar ila niami lom
Report this comment
November 20th, 2011 at 6:37 pm
Sunday Pual chu zan sermon ah chang mai rawhse. Tukin inkhawm hunlai khan Bangalore Titi a chhuak a, i post scheduled hi ka hmu a, a timing han switch se ka lo ti rilru ve mai mai a. A that vek tho rualin Sunday inkhawmlo te pualin Sermon hi kan nei tlangpui thin in ka hria a, mi(sual) ah hian.
Report this comment
November 20th, 2011 at 6:58 pm
Nia..
Report this comment
November 20th, 2011 at 7:01 pm
A tawp khar nan Krismas a sawi bawk a, krismas hman nawm dan thuruk chu hei hi a ni ‘Pe rawh u ti chuan pekin in awm ang’ Hlimna a pe ngei ngei ang che u. Kum 2008 a tang khan hlawh a tangin sawma pakhat pek bakah bur hranah tlem te te ka dah khawm thin a, chu chu krismas a lo thlen hian thawhlawm thawh ve thei lo emaw, harsatna tawk deuh emaw ah han sem ila, hlimna chhiar sen loh min pe ani. Kum 2008 kum tawpah phei kha chuan ka hmangaih em em, mahse leng dang chhai ta nen kan pe dun a, tichuan keimaha huatna rilru kha dah bovin a lo awm ta a, he lei ah hian remna a lo leng ta ani. Ka hmelma ni kum khua tur chu thianah siam in a lo a awm a. Tichuan Kei chu tun thlengin tlangval la ni mah ila, zalen tak leh hlim taka awm thei turin chunglamin min lo duang ta zawk a. Hlim taka ka awm theih nan thian dang lam tak chunglamin min pe leh a. Chumi a vanga Himalaya kham kar Sathar te pawh kan khawi nung thei anih chuan pu PKfanai te ho hi chuan min dem thei hauh lo ang le
Report this comment
November 20th, 2011 at 7:08 pm
Good Post
Report this comment
November 20th, 2011 at 7:10 pm
Ka 1st tih ching tawk hi anla reh theilo ani maww…
Hman deuh khan kan tawngtai sak tawh asin mawle he site-ah ngei hian. Thlarau sual hnathawh ah ngaih hmiah toh tur heng ho chi hi chu
Report this comment
November 20th, 2011 at 7:16 pm
a ngaihnawm khawp mai….han tuihnih tur ka nei ve nuala ka time a up leh tlat mai, remchang ah sawi zawm ve ngei tum ila tha ang
Report this comment
November 20th, 2011 at 7:40 pm
Sunday zan inkhawmna tur nei ve lo tan chuan Sermon tha tak a ni
Report this comment
November 20th, 2011 at 7:50 pm
Vsn ths em aw! Ksn hriatns ximte atangs thutlukna hi cu Pathisn engkim siamtu leh min siamtu hmssh chuan nuihzatthlsk an tling fo reng a ni.
Report this comment
November 20th, 2011 at 8:28 pm
a thupui khi let ling thawk la ka ti mange! Ka chunga mi hawrawp han hman dan mai2 chu(h).
Report this comment
November 20th, 2011 at 8:33 pm
ka fone atanga a lan dan chuan ‘next page’ ngai lovin a siam rem theih chiang maw le..
Report this comment
November 20th, 2011 at 8:49 pm
Report this comment
November 20th, 2011 at 10:22 pm
Nimin atang khan, Pastor leh Kohhran upa rual mikhual kan nei a, ka buai ve riau a. Sunday pual pawh chhuah thei lo turah ka inngai fel tawh a. Mahse Chhuaklinga ten, “Enga ti nge?” an ti leh dawn khan ka hre si a, mikhual ho mut fel hnuah, zan dar 12 velah ka han type zawk zawk a, ka han submit leh hram kha a nia. Sunday ah a chhuak hman a, a tha e. Hei tunah pawh mikhual ho an mu tan a, ka han on-line leh thei tan a nih hi.
Report this comment
November 20th, 2011 at 10:29 pm
@ Doc, i khitih vang khi a lo nih dawn hi, hmeichhia reng reng i rinhlelh a, i rilru i pek theih tak tak loh ni!. @ Sammoo, i sawi ang khian ka dah hmasa a, mahse ka han chhiar khan, a hmun chungchang kha ka sawi hmasa zawk si a, ka thlak leh zuk pek a lawm maw le. @ Asteric, a tawi thei ang ber a ka kaihtawi a nia, han tuihnih ta che.
Report this comment
November 20th, 2011 at 10:43 pm
A thupai chu a tak tha leh ngak ngak hle mai. Thlarau tana chaw tha a ni e.
Report this comment
November 20th, 2011 at 10:48 pm
Vawikhat chu vaipa hi Pathian thu ka hrilh ve ngial a. Adama leh Evi chungchangte, chhia leh tha thing rah chuangchangte. Tichuan, Mizoram chungchang, lu la hnam kan nih thu leh kristian kan loh nih tak dante ka sawi a. Ani pui roh pek chuan ‘chhia leh tha in hriatte chuan engatinge mi lu te in lak?’ a ti roh a. Sual tawp ber a kan ngaih chu mahni mihring pui thattu te alo ni lawi bawk si a, ka dang chiah lo na a, ka dang deuh thuak chu ani mai..
Engpawhnise, Pathianin khawvel a hmangaih em em a, mihring Amah pan tute pawh a hmangaih em em ani.
Report this comment
November 20th, 2011 at 11:03 pm
lrpa, i ngaihsan awm hle mai. Kan bul vela mite leh kan lehkhazirpuite vei pha leh a tak a Pathian thu hrilh hi engzat tak awm ang i maw?
Report this comment
November 20th, 2011 at 11:14 pm
PKfanai,
european ho hi chu ka hrilh peih lo! awmzia a awm lo, pathian chu keimah hi ka ni mai te an ti mai mai a..
Report this comment
November 21st, 2011 at 12:23 am
Pkfanai nge nge min hlui tha thin khawp mai, a lawmawm khawp mai, Lalpan mal a sawm ngei ang le i thu ziak te hi.
Report this comment
November 21st, 2011 at 2:39 am
Report this comment
November 21st, 2011 at 7:07 am
Ka chhiar ve chiah, schedule lam ka en lem lova, sunday pual a chhuak lo emaw ka lo ti mai mai a. A tui mi leh chenchilh tute thu ziak han chhiar hi chu a manhla thin teh e. Hetiang hawi zawnga sawi hi ka vawikhat hriatna a ni. Ku pka nge nge, ka lawm e.
tren tren.
Report this comment
November 21st, 2011 at 12:45 pm
Mahni remchan hun hunah hian han comment ve chawt zel ila. I sawi engah hian sawi ve hlek teh ang.
Pathian thil rel dan hi a makin a lo fel thlap zel mai. I’n ti daih teh ang- Nova hun laia tuilet a kam leh hnua Nova lawng innghahna hmun Ararat tlang pawh kha geography lam mithiamte chuan, ‘Khawvel khawi lam hawi zawng pawha awlsam taka pem darh theihna, hmun remchang tak a ni e,’ an tia lawm.
Ararat tlang- Nova lawng innghahna atanga kal chhuak tur khan daltu tlang sang emaw, thlaler ramro kal tlang hrehawm emaw, ram chhengchhia kham chhawrdawh emaw, tuifinriat daidangtu emaw pawh a awm hauh lo. Ke ngat pawha Europe ram perkai mai theihna a lo ni a. Asia khawmualpui lah chu chhak lam hawi zawngin a pharh chho duai mai bawk si. Africa rama kalkai theihna khawmual ringrek awmchhun lah chu piah lawkah a awm nghal diam mai bawk si nen.
Nova thlahte atang khan khawvel hmun tinah hnam hrang hrang kan lo darh ta a ni tih hi Biblein a sawi satliah ngawt ni loin, chumi atana hmun remchang tak chu a lo buatsaih diam a ni tih pawh a hmuh theih ta zel a lo ni e. Chuti ang bawk chuan Lal Isua Krista pianna tur hun leh hmun pawh buatsaih lawk a niin, tawng leh sorkar inrelbawl dan thleng pawha tangkai tur kha buatsaihtu chu a awm a ni. OT kutuk loah inngaiin ka’n ngamtlak deuh che a ni e. Post tha e.
Report this comment