Inthlahrung ru deuhin ka han Post leh hram a, Admin lamin site an lo maintain lai a nih vang nge a buai zo ta a, luhlul takin, misual kawng -khar ka rawn kik lui a nih hi. Post khat bawk si a; tu sedai mah ka thiat rih lovang chu.
Ni 17th, August kha ka fanu birthday a ni a, enge ka pek ang aw ka tih vang vang laiin, ti hian rilru lamah thu lo lutin, hei hi ka pe ta zawk khang lang a nih chu.
Ka Duat,
Malsawmna ka dawn zingah chuan
Ka tan hian i va’n duhawm em !
Ka ngaina che a, ka ngai hlu che asin,
Ka innghahna leh ka hlimna i ni fo.
Vawiinah pek tur che ka nei lo,
Mahse ka thinlung hi ka pe che a,
Chu chuan heng hi a pai tel asin;
I vawn tlat chuan a hlu chhawm ngei ang,
I nun chawmtuah hmang thin ang che.
Nun dik, belh tlak, chhen fakawm nei la,
Fa hrin manhla nih tum mawlh rawh;
Hringnun hmachhawn tur hian,
I theihna leh hriatna sawr bing la,
Chak ber leh thei ber i nih loh paw’n
Hnufum ber nih chu hlau mawlh rawh.
I lungngaiin, i lo beidawng a ni thei e,
Chunglam ban rinchhan theihnghilh suh;
Hringnun tlang sang lai berte,
A ruam thuk lai ber pawh ni se,
A chakna a kiam chuang si lo.
Hringnunah Zirtawp a awm lova;
Thawhtan a ni reng zawk thin.
Tap chung paw’n hmachhawn la,
Huaisen nun nem nih a dal chuang lo.
Thawkrim leh mi chhelte chuan,
Hlawhtlinna an phur chhuak thin.
Hawi kir leh hnung tawlh hi hmelmak la,
I rah chin chu hneh nawn fo ngai suh se.
Hmalam pan hi hmasawnna Lam lian a ni a,
Thawkrimte’n hnehna an chang thin;
Hnehtu nih hi a pawimawh kum khua si a.
I Pa.
Similar Posts:
- The poem which makes me cry
- Zanin 17.6.2012 Inkhel (Inthlahrung takin!!)
- Mizoram Nungchate tan
- Kerh Kerh– II (Ruih hi…)
- Belhtlak Pathian.
November 25th, 2011 at 8:04 pm
A va ṭha em.
November 25th, 2011 at 8:04 pm
Bleh!
November 25th, 2011 at 8:08 pm
Present tha leh hlu tak anih hi…
November 25th, 2011 at 8:13 pm
Present tha tak a ni..Good post
Mahse, i fanu chu ni ila, ka ti tau ang.
Hairehai 
(pil leh daih)
November 25th, 2011 at 8:13 pm
A thra ka ti lutuk tawp. Bang a ka thu tar hi ka chhiarchhuak ngun tawh lutuk a, hneawm toh. Hei nalh deuhin ka type ang a, kan tar ange.
November 25th, 2011 at 8:30 pm
ReMpY_ScisSoR; I tar duh a nih chuan ka sawi phak a awm lova; mahse Pu, Chawnghilhte, Pu MZ te Pu Muantea te zilhna kan tawk em lovang chu maw. Zahthlak deuh chem chem ang tih a hlauhawm lo’ng maw.
November 25th, 2011 at 8:31 pm
I fanu tana i thilpek khi fanute tan chuan a hlu teh alawm le. Eitur pe la, a ei zo mai ang a, thuamhnaw pe la, a chhe mai bawk ang. Khi erawh khi chuan a damchhung nun a kaihruai dawn si a
November 25th, 2011 at 8:37 pm
@chhimkeite, a thra lutuk lom. Hetiang soulcurry lam chi post hi engemo changa han chhiar hian min siam ve riau thrin
November 25th, 2011 at 8:40 pm
A va hlu em.
Ka’n save teh ang. Hmeichhe naupang ni lo mahila ka chhiarnawn fo duh tlat mai.
November 25th, 2011 at 8:42 pm
Kn comment a lawmawm e, ka tan fuihna tha leh kal zel rawh tih thu pek ang mai a ni a lawm. Ka lawm em em e. Mahse kan inpuang law law ang e, ka ziah lai chuan ka mittui a parawl ve kuang asin, ka thinlung ka phawrh tlat vang a nia.
November 25th, 2011 at 8:50 pm
A tir phatah chuan ka fate Pathum tana ka tih a nia, birthday te a lo thlen takah chuan ka phawrh ta mai zawk a, an vaia tana ka tih a nia, Hmeichhe ta bik tura siam a ni ber chuang lem law.
November 25th, 2011 at 8:58 pm
chhhimkeite thinlunga pai a mawi lo a ni hial mai! A va tha kher em! I fanu pianchamah chuan ei tur pe ta ni la, a ei zo mai ang. Naute lem pe ni ta la, nakin lawkah a lawm tawh lo vang. Thawmhnaw leisak ta la, nakin lawkah a tawk lo thuai ang. Tuna i thu erawh chuan chatuan a daih ang a, a rei relh telh ang a, a hlu zual tulh tulh ang.
November 25th, 2011 at 8:59 pm
Hetiang thilpek dawng fanu nih chu a nuam viau ang le. Pa hmangaihna mai nilo nu hmangaihna pawh an sual vang ni miahlo a dawng pha lo tam tak an awm si a. I fanu chu mi vannei tak ani.
November 25th, 2011 at 9:00 pm
Heng i thil pek hi lunghlu man to tak aiin a hlu zawk a,i fanu chuan heng i thilpek hi chhawm nung ngei turin duhsakna k hlan a che.
November 25th, 2011 at 9:14 pm
Chhimkeite hi a hmel en chuan fanute piancham present ah pawh chempui thlang hram mi a nih duh hmel ania!
Tawk tha rem rem hle mai, Hmel hi a lo ni berlo a nih hi!
November 25th, 2011 at 9:22 pm
Thuziak in pek hi hlutzia an hriat meuh hi chuan fate an lo nei duah tawh thin
Barbie doll, samsei nghiau mai kha pe ta mai mai la..
November 25th, 2011 at 9:25 pm
Keite meuh a inpuan chuan hringmi zawng kan tê duai duai mai alawm.
November 25th, 2011 at 9:29 pm
Abraham lincoln “letter to a teacher” leh Nehru a “letter to Indira ” nen kei zawng ang khatah ka ngai e. Thilpek ropui leh hlu tak ani..
Good post.. AWKE Kg.20 aiin ka duh zok
November 25th, 2011 at 9:38 pm
A upa tawlh2 anga,ala hlut tawlh2 ang. Pa ‘PA’ nih tling tak i nih ngei ang.
November 25th, 2011 at 9:48 pm
November 25th, 2011 at 9:53 pm
Chakloh dan zirtir ve tur che lom le
.
November 25th, 2011 at 9:55 pm
Hetiang thuziak tha lutuk ka chhiar apiang hian Pathianin talent min sem danah hian ka vui deuh thin. Nalh khawp mai.
November 25th, 2011 at 10:40 pm
tlar tina a thu lam zat awmze nei leh rhyme scheme mumal deuh zawka tih han tum leh chhin teh. i thiam em em ang. A mawi leh zual dawn em a sin.
November 25th, 2011 at 10:55 pm
A va han ropuiin a va han tha tehlul em ve aw.. I thuziak hi dahtha la, i fanu’n vote a thlak rualin pe la. A hrethiam ang a, a hrechiang ang a, a hlut telh telh ang a. Fa a neih hnuah pawh a fanu thilpek atan a la hmang duh maithei asin. Nang ang rual a nih hunah chuan i la dampui emaw, lo emaw, i present hi a chhiar nawn leh thin ang a, chutah chuan nui chungin a biangah mittui a luang ngei ang.
Chhimkeite, i ngaihawm mang e. Nikum Hmuifang MI kha kan inhmuh hmasak berna leh tawpna a nih kha. Khatah khan hetiang thu ropui leh fa la nei miah lo rilru hneh thei phuah chhuak thei tur hmuh paw’n ka hmu lo che!
November 25th, 2011 at 11:49 pm
Ka va duh em . .a tha lutuk tlat . .
November 26th, 2011 at 12:14 am
Rhyme scheme a ngai lo. Hetia sponteneous taka a rawn luang liam hi a tha zawka a natural zawk bawk. Free verse ngei mai hian thinlung a hneh fo thin.
November 26th, 2011 at 7:12 am
A tha hle mai a..chuan ti daih ila i motor a an lo ziah ran sak che kha i ti reh tawh em? NOI