A khuhhawnna
He khawvelah hian kum tam ka la cham lova,lei mihringte chhiardanah chuan kum tam la cham theitur anga ngaih ka ni. Mahse, he lei mihringte ngaihdan chu lei chhanna a nih ve ngailoh avangin thil kan hre lawk theilo. Chuvangin he hringnunah hian ‘mahse’ hi a rawn thleng thei tlat mai..
Kaihthawh theihloh zingah chuan…
Engtik zingah emaw chuan khawfing chu a ngaitein a lo chat leh anga, chu khawfing lo chat chu lawmin nungchaten thawm an chhuah anga. Chhun lamah engtiangin nge an chunga thuneitu mihringten an sawsak anga, damin zan hun an thleng leh angem tih pawh ngaihtuah lovin; an tihmakmawh leh an tihtur hlenchhuakin Siamtu fak zai an rel leh anga. Tukdanga tho nalh thin kha ka tho duh tawh tlat lo ang.
Chutah, chhiara arpa ngei mai khan thiam takin zai a rawn sa leh anga, ral lehlam arpain a rawn zawm anga, hlimtakin an zai ta.. Mahse, an hriatthiam theihloh turin ka tho duh leh tlat lovang. Dang thler dawn dawn khawpin rawl chhuah mah se..ka ngeng lui tlat dawn si a.
Khua a lo var anga, nieng chuan ka mutna khum chu rawn chhunin, tukdanga tho ziah thin kha min rawn kaihthawh leh a tum anga. Kei erawh ka tho thei tawh dawn si lova. Ni khi hrilhai takin ka la siam anga, khawhar takin vanlaizawlah khian a awm tawh ang.
Tawpna niah chuan..
Chu ka tawpna niah chuan kan in leh a velah chuan mipui an lo pungkhawm anga, an hmel chu hlim hmel ni lovin lungngai hmel vek a ni ang. Hla han sain,han zai mah se tui takin zai a har tawh ang. Chutahni a lo tlangsang zel anga, khawhar taka awm ni chuan a hriatthiam theihna turin thil a thleng tan mek tawh ang.
Thlanmual lamah chuan tlangvalho chuan ka kumkhaw hmuntur siam chuan an buai hle anga. A mawi leh nalh thei ang berin chu hmun chu an siam ngei ang.
Chutah ka lei taksa chu vaivuta kir turin thlanmual lamah chuan min hruai anga. Chuti min kalpui chu ni khian hrilhai takin min thlah ve ngei ang. Chu hun chu he lei chung khawvela ka hun hman tawp berna tur a ni tawh ang.
Thlanah min han mut anga. Leia min chilh laite chuan chu ni chuan min rawn thlir ve reng anga, a tukah chuan kaihthawh tur ka awm tawh dawnlo tia a ngaihtuah ve chang chuan a mittui a tla ve hial maithei..
Thlanah chuan keimah chauha khawhar taka awm turin min kal san anga. Ka lei ADDRESS chu THLANMUAL a ni tawh ang.
Ka sakhming hi..
Chutianga ka lei taksa he khawvel atanga thlanin a lak bo hnuah chuan ka sakhming hnaisailo ve tak hi leimihringte atangin lakbo a ni ve nghal angem? Nge, ka theihthawpa thiltha ka lo tih vena khan hriatzui zel turin a dah ang? Chuta chiang ber chu- engmah a chianglo tih chauh a ni..
November 27th, 2011 at 10:01 pm
Chhiar tan ang hmiang.
Report this comment
November 27th, 2011 at 10:07 pm
Thlan khura kan mut ruala kan hming a reh ve mai loh nan thil engemaw (thil tha) hnutchhiah i tum vek ang u..
Report this comment
November 27th, 2011 at 10:09 pm
A tha hle mai a. Good post.
Report this comment
November 27th, 2011 at 10:19 pm
Rilru a khawih hle mai,kan hmalam hun thlir chuan kan thih huna chatuan khawvel kan chan tur chu a thim nge a eng tih tumah kan hre si lo,kan hun tawp kan thlen huna lei mihringten kan hming an hriat reng theihnan thil tha tih i tum theuh ang u…
Report this comment
November 27th, 2011 at 10:22 pm
# 2, Pakak…
Report this comment
November 27th, 2011 at 10:25 pm
Hetiang ngaihtuah chhuahna hi, tute emaw tawngtaina avanga Thlarau Thianghlim hnathawh anih ka ring thin. Thil tha emaw, thil sual emaw pawh ti thei tawh lo, rilru la fim tha si a i hnukchah hun in nghah thap hunah, ‘I thla a muang tak meuh ang em?, I hun leh nun lo hman danah i lungawi meuh ang maw?…
Report this comment
November 27th, 2011 at 10:26 pm
Good post!
Report this comment
November 27th, 2011 at 10:28 pm
I kalna tur lam hawiin i i kepen uluk la, miin an hriat reng dan tur che i duh angin nung ang che.
Thu tha tak i thehput e
Report this comment
November 27th, 2011 at 11:19 pm
I thlan laitu tlangval hovin fiamthu ho deuh deuh sawiin an nui tlawrh tlawrh ang a, phawk deuh leh nangmah hre chiang deuhte an awm phei chuan i chanchin nuihzatthlak lai te pawh an rawn phawrh chhuak mai thei bawk. Khawtlang tana mi thahnemngai leh mite laitnatna hlawh chhuak pha khawp i nih chuan thuk leh zualin ruah a sur loh chuan i thlan an lai ang a. Upa emaw pastorin emaw thlanmuala a vui lai chea lei thil a rawn paihthlak te chu kuang chhungah chuan a ring viau ta ve ang. Chutah tlangval chau tawh leh makpaho chuan a rang a rangin haw vat vat duhin i thlan an vur sauh sauh ang…Chutih laia i rawn harhchhuak leh a nih ngai chuan i chan tur chu ka ngaihtuah ngam lo. I harchhuak loh anih erawh chuan i thlarau gram 21-a rit chuan i thlan chu a thlir vung vung ang a, thlarau khawvelah chuan nun khawhar tak hmangin in khawdai velah i tei rak rak tawh ang..
Report this comment
November 27th, 2011 at 11:32 pm
Ngaihnawm lutuk, dawn a tisei… Thu i thiam bawk si!
Tin, Burma mi… tih vel boruaka i kawmen dan atang hian Mizo-ah i chiang hlein ka hria a, mi va hmusitna leh tawngkam mawi lo i hmang ve ngai lo a, ka lawm a che.
Report this comment
November 27th, 2011 at 11:52 pm
Lirnghing vangin emaw, Tlangkang emaw, Nuclear/Atom bomb puak thi zingah tel ta hlauh la chu…!!! A tam zawk khi chu a thleng kher lovang a..
Report this comment
November 27th, 2011 at 11:58 pm
Report this comment
November 28th, 2011 at 12:09 am
Thlanmual ah chuan nangmah chauh in i awm lovanga, i hma a kal tawh tam tak an awm ngei ang………
Report this comment
November 28th, 2011 at 12:36 am
Thlan khura min vur hnu ah hian harh chhuak leh si ila den duh awm
Report this comment
November 28th, 2011 at 6:32 am
Kan hmalam hun tur kan ngaihtuah a, kan buai vak2 thin a, a maherawh chu kan thlir hmaih thin chu ilo sawi hi a ni. chuta kan chatuan hmun tur zawka kal thei tur chuan he lei ah hian kan duhthlan na angai si. avan pawimawh tak em. i post tha khawp mai
Report this comment
November 28th, 2011 at 7:28 am
Ngaihnawm khawp mai
Report this comment
November 28th, 2011 at 11:41 am
Mi tam tak chuan thihna hi sawi chu sawi loh ngaihtuah ringawt pawh kan hlau thin. Mahse, thlasik anga khel lova kan tawh tur a ni si. Thih hlau lo tura nun uluk hi a va pawimawh em!
Mihringte hi (Mizote a bikin) kan pualin Biakin dar vuak tum hnih kan nei – Kan nupui/pasal neih ni leh kan thih niah. Mahse dar ri hnuhnung zawk hi chu kan hre pha tawh dawn si lo.
Thihna hi tawpna ni lovin, Nun tak tak bul tanna tura kawngka inhawng a ni zawk tih hretute hi mi nihlawh an ni.
Post tha tak a ni e. Min tiharh sawng sawng!
Report this comment