Biopiracy chu ram leilung faten a chhehvel nungcha leh thlai chungchang hriatna, an pipu te atanga an rochun, a ram leilung fate tana hlawkna tel si lo va sumdawnna atana mimal leh ram changkang leh hausa zawk te’n an hmansak/ruksak hi a ni. Tin, nungcha leh thlai hmanga sumdawnna hi Biopiracy nena inthlun zawm tlat a nih avangin thil thuhmun, sawihran theih loh a ni hial awm e.
Hmelma hriatchian loh hi do an har thin. Helna (Terrorism) hi ram changkangte (developed countries) hmelma hnawksak ber angin an sawi thin. Ram thang mek (developing countries) tan chuan Biopiracy leh a kaihhnawih te hi hmelma hnawksak leh do har ber a ni hial ta ve ang.
Heng ram chi hnih daidantu lian ber chu an thilsiamna (Industry) hi a ni awm e. Heng industry zingah hian Agro-Based (thlai lam kaihhnawih) Industry leh Pharmaceutical (Damdawi lam) Industry te hi langsar vut lo mahse, engtiklai mahin an te tak tak ngai lo.
Khawvel thiamna sang zelah hian heng Industry te pawh hi an intlansiak nasa in, an thilsiam chu industry dangte siam chhuah aia tha leh changkang zawk turin theih tawpin tan an la reng thin. Heng Industry te peng pawimawh leh an inelna pui ber pakhat chu hetiang lam zirbingna (research) a ni. Heng industry neitu company te hnuaiah hian scientist rualin engtik lai pawhin research an bei mup mup reng a ni.
Heng sumdawng hausa tak tak te tan hian sum tam tak seng a, ramhnuaia thosi leh vangvat kara an mithiamte leh an hmanrua tirh luh hautak tur zia chu kan hrethiam awm e. Chuvangin, ram leilung fate (natives) lo hmuhchhuah tawh sa chu lo zirchian a, lo thlitfim hi an uar hle. Tin, ramhnuaia va zir chilh ai chuan an thil mamawh ang – ramhmul leh nungcha – lakkhawm a, an laboratory-a zir chian mai a awlsam bawk.
Heng ti tur hian sum leh pai sen hnem a ngaih mai bakah a ram neitu te phalna lak a hautak thin avangin a ruka tih a, a neitu nihna (patent) pumhmawm mai an uar hle. Hetianga neitu nihna (patent) an hauh tawh chuan midangin an thil hmuhchhuah ang kha an siam ve dawn pawh in, a patent-tu company hnenah chhiah an pek zel a ngai tawh thin. Heng company lian leh hausa tak tak hi biopiracy leh a kaihhnawih bulpui ber an ni.
Pangpar chi khat, ‘Rosy Periwinkle’ an tih chu Madagaskar ramah chauh a awm thin a. Tropical area-ah chuan a lo that theih zel si avangin ram hran hranah lak darh a ni (Mizoramah pawh hmuh tur a awm nual). Madagaskar rama mi te chuan he thlai hi damdawi atan an hmang thin. 1950 khan scientist-te chuan an han zir chiang a, chu thlai atang chuan cancer damdawi chi khat, vincristine/vinblastine an la chhuak thiam ta. Mahse, chu thlai neitu ram (Madagaskar) chuan hlawkna pakhatmah an hmuh phah lo.
Neem (Azadirachta indica) leh aieng hi hmasang ata tawh India-ah chuan ramhmul damdawi ah hman thin an ni. Kum 1995 khan chu Neem atanga anti-fungal hriak chikhat leh aieng atanga lakchhuah pem/hliam damdawi chikhat chu USA company ten neitu nihna hauhin an patent a.
India mite chuan 1996 khan khing letin, 2005 khan heng company te neitu nihna chu an hlih sak leh thei hram a ni. Hetia an patent lai, kum sawm chhung hian India ram chhung ngeia hetiang damdawi siam ve te tan pawh, ram danga an thawnchhuah dawn chuan US company-te hnenah hian chhiah an pek a ngai thin. Mizote ngei pawhin kan hman lar ‘SUNHLU’ atanga damdawi an siam pawh a neitu nihna changtu chu American Company pakhat zuk ni daih a.
Mizoram hi India hmarchhak kil tawp a awm niin, ‘Environmental Awareness’ tlachham ber state kan ni awm e. Chutih laiin ‘Bio-Diversity Hotspot’ kan nih thu kan mithiam ten an sawi kan hre fo tawh awm e. Kan thenawm te (Assam, Bangladesh leh Myanmar) hi ram pianhmang inang lo tak tak niin a chhunga nungcha leh ramhmul ho pawh danglam tak tak an ni. Heng environment inang lo tak tak intawhkhawmna ram kan nih avang hian nungcha leh ramhmul lama kan hausak dan chu kan mitthla thiam mai awm e.
A ram zau zawnga chhut phei chuan Mizoram tluka biodiversity-a hausa hi khawvel pum huapah pawh an awm kher lo vang. Chuvangin, Mizoram hi biopiracy ti tur tan chuan duhthusam a ni hial ta ve ang.
Mizoram chhunga biopiracy chungchang hi zirchianna mumal a la awm lova, hemi avang hian kan him tihna erawh a ni hauh lo. India hi economy mai bakah technology lamah a thang chak em em a, hei vang hian Mizoram tan chuan international mai bakah inter-state biopiracy hi kan hmachhawn a la ngai tel bawk.
Kum 2009 kuma central lam research scholar thenkhatin Mizorama ‘caecillian’ thenkhat an lak chhuah ruk thu kan mithiam ten an sawi kha Mizorama biopiracy kaihhnawih record hmasa ber a ni mai ang em? Kum 2009 kum tawp lam vek khan telpui (Manouria emys) sawm chuang chu Silchar lamah phurh chhuah a ni a, hemi tum hian telpui pakhat hi cheng sing chuang ten an lei a ni awm e.
Record fel awm si lo in hun engemaw ti kal ta atang khan khawchhak lam atangin saphu, sahram etc. man to tak tak a lei duh an awm thu a thang fo mai. Tunhnai mai pawh khan awke/chawke lei duh an awm thu a darh nasa hle. September 2011 chhung ringawt khan biopiracy leh a kaihhnawih chungchang hi vawi nga vel chu Mizoram local newspaper lamah kan hmu. Mau tawlh ruk phei chu ngaiah kan nei tawh emaw ni. Mithiam te sawi dan chuan, ‘Khawvel pum a Biopiracy case man chhuah zat hi a pumpui atanga chhutin 1% pawh a tling lo,’ an ti. Hetiang hi a nih chuan Mizoram hian rawk kan va tawk nasa em!
Biopiracy dona hmanrua hmasa ber chu ‘awareness’ tiin an sawi thin. YMA-in nungcha humhalh tur a hma kan lakna-ah hian biopiracy chungchang hi an sawi rik i hre tawh em? Mizorama kohhran lian berin nungcha leh ramhmul chanchin Nilai leh Beirual Thupui-a kan hman lai te khan biopiracy chungchang hi kan uar tawk i ti em?
Human trafficking leh drugs chungchanga seminar leh talk show kan buatsaih zozai te ngaihtuah chuan chhim lama kan sanctuary atanga nauban an ruk te, Silchar lama hruipui an phurh thlak tur Forest deptt. ten an man chungchangin kan ram a sawi nghin loh zia hi chu a mak i ti lo maw? Heng atanga chiang em em chu biopiracy chungchanga awareness kan la tlakchham zia hi a ni awm e.
Biopiracy chuchangah hian tunge hma la ang? Environment & Forest Deptt. kutah kan dah mai dawn em ni? Hetianga kan ram min run mektu hi kan zirchiana hma kan lak a hun tawh tak meuh meuh a ni. Kan NGO leh kohhran, mimal tin ten hma kan lak a, Excise Deptt. kan puih that ang zet a, hetiang lama hmalatu te kan puih phawt chuan Mizorama biopiracy hluar tak hi kan ti ziaawm thei ngei ang.
Kan duh emaw duh lo emaw, biopiracy hian kan hnam leh kan ram min run mek a, min la run zel dawn. Mizorama Pathianin ro a phum ruk hi a vawnhim leh a haichhuah chu Mizote mawhphurhna a ni dawn lo’m ni?
Similar Posts:
- Mizoram Economy
- Power privatise chungchang sawiho; CYMA-in company mal hnena power sem darh hna pek a remti lo
- The Food of Kings
- Mizoram annual plan cheng vaibelchhe 2300
- Hlo thahna…A him em?
November 28th, 2011 at 9:22 am
First!!
Report this comment
November 28th, 2011 at 9:23 am
Aiii.. Ka first velll.. Ka vawi khat first-na a ni khrim khrim.
Post tha leh bengvarthlak tak a ni.
Report this comment
November 28th, 2011 at 9:25 am
post sei tak anih rualin post tha tak ani Hrim2 mai…
Report this comment
November 28th, 2011 at 9:43 am
ka van 1st ve chak e, 1sttupa, min lo hnukchho teh
Report this comment
November 28th, 2011 at 9:47 am
a van sei mai2 ve, misuala mi chu nilo se ka chhiar chhuak peih kherlo maithei a ni. han chhiar chuan Post thatak erawh a ni thung si.
Report this comment
November 28th, 2011 at 9:48 am
Nakina chhiar zawm atan dah tawh mai te ang
Report this comment
November 28th, 2011 at 9:53 am
I ṭhahnemngaihna a ropui e, ka lo ngaihtuah chiang ngai hauh lo mai, engtianga hmalak chi nge niang aw?
Report this comment
November 28th, 2011 at 9:56 am
Good post.
Bengvar thlak hle mai.
Report this comment
November 28th, 2011 at 9:58 am
Tlangsam hnah tui sawr aia tha hi pem/hliam thar damdawiah an la siam chhuak lovin ka hria. Humhalh ngai ber chu, Nungcha te an niin ka hria. e.g. samak, Chhuangtuar, Chawke(Awke), adt. Perek tuiek rah palh hian, kha perek kha balhla/changel kungah vit ila, zuk pùn miah lo va, mak ve mai mai. Mit a hmarcha a luh palhin, kezungpuiah tui thlawr ila, a na/sa a reh hmak bawk. Mak ang reng tak a ni.
Report this comment
November 28th, 2011 at 10:06 am
Chanchinbu lianah artice anga chhuah nise, CYMA ah thehluh nibawk se tha ka va ti em?
Report this comment
November 28th, 2011 at 10:28 am
Report this comment
November 28th, 2011 at 1:14 pm
YMA khan kumpuanah ‘Ram leh hnam humhalh’ kha an thlang ta em kha? Ram a nih chuan a chhunga flora leh fauna zawng zawng pawh a tel vek dawn lawm ni?
OT lutuk chuangloin.. Vanglaini Inrinni issue kha keini khawlamah chuan tukin ah kan lo dawng ve chauh a,laiking chi khat an tih talh kha rul chi khat a ni mai zawkl lo em ni te ka lo ti ve tlai khawhnu a!ke a nei bawk si lo a,laiking ai chuan rul a ang zawk hrim hrim
Report this comment
November 28th, 2011 at 1:22 pm
Alu hi Ireland atanga pirated a niang a! Serthlum te pawh hi Mizoram thei a ni lo, Sap ho lo ken a ni. Vai balhla kual te pawh kha….a tam mai, Thelret thleng hian a ni lo maw?
Mipuiin kan chhawr tangkai chuan a pawi em em dawn em ni ? Hei, kan thianpa pakhat chuan Neem rah bag 2 min rawn thawn rawh a ti leh nghal.
Report this comment
November 28th, 2011 at 1:25 pm
Vai-ar lian chi, Broiler, Layer, Australian vawk, Australian Bawng…..heng zawng zawng hi Bio Piracy-in a huam vek em? Kan Zo vawk phei chu Tuikuk Vawk kan ti duh tawk chauh anih tawh hi. Kan Zo-bawngte lah chu Pu Rosanga Great Dane nen a intiat awrh si a…., Ramar tiat lek lek kan ar vulh thin te kha
Report this comment
November 28th, 2011 at 1:51 pm
# Excellent post.
# Biopiracy leh Patent hi chu ka ngaihmawhna a rei ve ta khawp mai.He post hi kan News Paper lianah te tarlan atan ka it hle mai.
# Kan fauna leh flora te kan kuta tangkai zawka enkawl tur chuan a ram leilung fate ngei mithiam kan awm a ngai lawi si a ni. Thiamna mawlh hi a va pawimawh em.
Report this comment
November 28th, 2011 at 2:57 pm
Post bengvarthlak leh pawimawh tak a ni hi. Zau zawk a chhiar theih turin puanzar atan a tha tak hle mai.
tren tren.
Report this comment
November 28th, 2011 at 4:14 pm
Var leh ta uar mai.
lusei_ber sawi ang hi chu trade anga kan kalpui an ni mai law’m ni….biopiracy chuan a ‘patent’ lampang subject kha a huam hmel a…
Anih na takah chuan a khawtual mi te ‘credit’ pek i tihna ani mai em? Product goods ho chu trade anga kal leh biopiracy anga kal chhuak chhui fe loh chuan hriat a har tawh ngawt ang…tamtak chu…
Report this comment
November 28th, 2011 at 4:21 pm
A van ngaihnawm vele, ngaihtuah lah a ti thui.
Ka rilruah ramhmul damdawi pakhat a awm fo thin. Chumi chu Tawi (tlang) kham pangah khian a tam khawp mai. Tawi puk bul kham pang, lung kehkak karah te khian an awm fur a, hnah chhah tak tak niin house plant ang chi, hniam te niin, kumtin a par ve a. Uiteka par ang, sin te tein rawng var bawr leih a par a ni nghe nghe. A hnah chu inchi 6 emaw a hlai, inchi 10 emaw laia sei emaw a ni. A kiang vel khua ie:Maite adt. chuan “Zawng damdawi” te pawh an ti a, thenkhat chuan “Tinreng damdawi” an ti bawk. Tawi tlang kan kal tum khan ka pumna tan ka ei ve tawh nghe nghe. Zir chianna a awm tawh em, zir chian chi a nilo maw?
Report this comment
November 28th, 2011 at 4:24 pm
Good post..a bengvar thlak khawp mai,ka fin phah leh sawt bawk. hehe
Report this comment
November 28th, 2011 at 4:53 pm
A ngaihnawm khawp mai.
.. He post in a a zirtir. ‘ Kan mithiam te hian kan zo damdawi te hi zir chiang in,patent rights neih tum vat rawh se.’
0T loks. Zo damdawi ah hian han rin em em ka nei lo. Keimah ngei in a a tha tih ka prove loh chuan. And I’m not Superstitious.
Report this comment
November 28th, 2011 at 5:47 pm
Biopiracy sawi takah chuan China ram hmun pakhatah khian an apple te kha a rah thei miah lo a, a chhan chu pollination tur khan khuai leh rannung dang an awm miah loh vang ani. Pesticide an hmang nasat vang ani. An kut in pollen kha apple parah khan an hnawih tawp mai.
Nature hian ecological balance thatak nei in tun hi min lo thlenpui tawh a, loh theih loh in tlangram lo neih dan hi hman angai bawk si a. Buaithlak tak ani. Soil erosion hi rinaiin a rapthlak thei a, kum 100/200 ah meuh chuan kan tlangpang te hi lungro reu ro hmun ani ang tih a hlauhawm khawp mai. A pawimawh chu thingtlang a lo neitute tan a lo hmun nghet siam sak hi ani ber mai.
Kan exotic plant te hi kan humhim angai nasa khawp mai. Pharmaceutical potential an neih leh neih loh chiah hi chu kan thiamna in a la zir phak chiah lo a, chuvang in a ´roh´ zawng a kan kal phawt angai hrih ani.
Post tha hle mai
Report this comment
November 28th, 2011 at 5:57 pm
Post bengvarthlak tak a ni
Hriatloh kan hriatbelh leh ta.
lrpa@21, China rama pollination chungchang te chu a lo va rapthlak ve. Kan rama a thlen ve loh nan awareness a va pawimawh ta ve, Ecological Balance chungchang te.
Chuti chu ‘Awke’ vai ho pawh hi BioPiracy ah an inkaihnawih chiang mai. Man hmiah hmiah ang u. Mi(sual) member te pawh hmaih loh tur
Advice to kawlhawk & zualbonez, anticipatory bail lo la lawk ru
Report this comment
November 28th, 2011 at 6:07 pm
@lrp: Ka chhuah a tul tlat mai, ka post a lo chhuah hunah i lo vil hman chuan a lawmawm ngawt ang. Agri. lam kaihhnawih tho a nia. :bo nghal:
Report this comment
November 28th, 2011 at 6:26 pm
A bengvarthlak tak hle mai a. Anachang kan hriat chhoh tial tial a hun ta khawp mai. ram hruaitu te pawhin tihtur an nei thui hle tih a lang reng.
Report this comment
November 28th, 2011 at 6:56 pm
Post tha tak leh bengvar thlak,Ram hmangaihtu te hnuk khawi mawl rawh se
Report this comment
November 28th, 2011 at 8:01 pm
Kan rama rohlu inphum ru tehi a zawnchhuah hna kan thawh siloh chuan an mahni in an rem mai dawnin alang…Kan mithiam ten min chhuahsan zela, sap ram ngaihsanna kan neih vang hian kan ram hian mithiam a nei tlem tawh em a ni…good post
Report this comment
November 28th, 2011 at 9:23 pm
ka chhiarzo chu ka lo bo zia ka hrechhuak
helai a mi te pawh hi inbo ve hlawm thawkhat ngawt ang, tin, inthlan leh a piang a tlin loh chiah hlau ho phei chu an va bo ve dawn em!! a tih dan tur A NGAIHNA han sawi tel law law la a va thra dawn ve, sorkar/YMA/NGO etc te tih tur leh sum leh pai ngaizat etc te..
Report this comment
November 29th, 2011 at 3:33 am
A van tha kher em ve aw
Report this comment
November 29th, 2011 at 3:51 pm
Hetiang lama Mizoten Awareness kan neih phah theihna a nih beiseina ziah a nih angin, a duh duhin, a remchan ang angin lo vawrh darh theih.
Report this comment
November 29th, 2011 at 4:03 pm
@lushai er. Ramsa emaw thlai emaw chu patent theih a ni lo. Amaherawhchu, a technique leh extract chu a patent theih. Eg. Broiler Ar chu patent theih a ni lo va, broiler ar siam chhuah dan erawh a patent theih. Chutiangin, Serthlum chu a patent theih loh, serthlum extract atanga thilsiam dan chu a patent theih.
Report this comment
November 29th, 2011 at 4:16 pm
@Lamji, A ‘credit’ pek ringawt loh hian tih dan a awm hmel. Sorkar hriatpuina ngei a research hi bei chu nise, a patent atanga hlawkna awm hi kan state sumah a luh theih hmel. Neem leh aieng chungchang ka rawn tarlana a patent-tu company khian kum sawm chhung khian US $25million vel revenue an hui hman a ni awm e. Tin, kan ram chhung nuncha leh ramhmul hi a hmunah rawn zir chilh se chu, a ram miten revenue kan lo hui ve nual ang.
Report this comment