THE BEST CHRISTMAS PRESENT IN THE WORLD.
(Tunlai Kan misual.com hi kan ngaihthah tlang deuh amawni chu aw? Ka ti deuh a. Kei tak pawh, kan exam lai ani a, ka buai lai tak ve tho chu a ni. Mahse, thahnemngaih ana ve si a, he Krismas thawnthu Lungkuai tak mai hi Part 3 vela thenin ka han letling chhin ve ngawt mai a ni. A ngial a ngan lo deuhvin ka kaitawi ang.)
Chu Dawhkan Pawhdawh nei ka hmuhna chu Thilhlui zawrh chhawnna hmunah a ni a. Dawrnghaktupa chuan Kum zabi sawmpakuana tir lam ami daih tawh anih thu min hrilh a. Chutiang Dawhkan Babu hovin Office dawhkana an hman thin ang chu, ka Pindana ka room a hnathawh nan ka itna a rei tawh a, Nimahsela, a man a to thin em avangin ka lei ngam thin lo a ni. Chu Dawhkan pianhmang chu ka duh ang chi tak hi ani na a, a hlui tawhin, a hmelhem nasa tawh a, cheithat fe angai dawn tih a lang reng mai a. Mahse chuvang tak chuan a man chu ka lei ngam tawkin a hniam phah a, ka lei ta nge nge a, Krismas urlawk niah ngei chuan ka cheitha nghal sauh sauh mai a.
Ka han belhchian chuan Tui leh meiin a lo tihmelhem nasa hle tawh mai hi a lo ni a, a khuhmawina te pawh a kauvin a ther fur mai a. A pawhdawh ho chu ka han hawng diat diat a, a hnuaiber ami erawh chu a tang ta tlat mai a. Chutah thapui thawh meuhin ka han bei ta tak tak a, ka hawng thei ta hram a. Ka han hawn chuan, a chhungah chuan a lo chhawng lehnghal a. Chu a tepen chu ka han hawn leh chuan, Rangva bawm dum tereuh te, a chhin chunga Address pakhat ziahna lehkhathem sello-tape a uluk taka char chu ka han phawrh ta hlawl mai a. Chu lehkhaah chuan he thu hi a lo inziak a.
“Jim-a lehkhathawn ka hmuh hnuhnung ber, January ni 25, 1915 a ka dawn; Ka thih hunah ka ruala phum tel tur chu”, tih hi.
Chu Bawm chu ka hawn tur ani lo tih ka hre tho nachungin, ka insum thei ngang lova, ka han hawng ta a. ka han hawn chuan, a chhungah chuan Lehkhaip hi a lo awm leh a, chu lehkhaipah chuan,
Pi Jim Macpherson, 12 Copper Beeches, Britport, Dorset.
tih hi a lo chuang kiau mai a. Lehkha inthlep chu ka han keu hawng a, a chunglam dinglam kilah chuan chu lehkha ziah hun, “December ni 26,1914” tih a chuang a. Lehkha chu ka han chhiar ta a:-
Duh tak Connie,
He Lehkha ka ziah lai hian ka hlim hle a ni; a chhan chu ka chungah thil mak danglam tak leh hlimawm tak a thleng tlat a. Nimin zing, Krismas zingah ngei mai khan, kan Tawmna khuar laihah awm hle hle thei lovin kan ding far mai a. Krismas zing dik tak tih hriat tak maiin vurte lah chu a sur seng seng mai si a, a mawi tak meuh mai. “A bul tantu kanni” tih theih ka chak teh lul nen, a bul rawn tantu dik tak chu keini lam ni lovin kan ral lehlama khuar laiha tawm ve tho kan hmelma German sipai pakhat bultan a ni.
Kan zinga tuemaw ber chuan, German ho tawmna khuarlaih atanga Puanzar(Flag) var lo lawr chhuak de de a, phe vat vat an hmu a. Chumi hnu lawkah chuan, aw kan hre zui nghal zat a, “British Sipai te u, Krismas chibai u le” an rawn ti ta lauh lauh mai le. Mak kan tiin min barakhaih kher mai. Chutah, keini lam atang pawh chuan, “German Sipai te u, nangni pawh le” tiin kan chhanglet ve ta thuai a. Chuti chin zawng chu ni turah ka lo ngai ngawt pek a, mahse, a lo ni hauh lo mai. German Sipai pakhat an Sipai kawr pawdal ha chu Flag var vai chungin a lo dingchhuak a, “Thiante u, In Thal lo thlah mai rih teh suh u” tiin a rawn au lauh lauh mai a, Tuman kan silai te chu kan hmet per ta mai lo reng a. Tichuan German Sipaite chu amal malin an rawn dingchhuak ta sup sup mai a. “Bumna a nih hi, tumah dakchhuak suh u” tiin ka han au tuar tuar na a, Bumna awzawng chu a lo ni si lo.
German sipai pakhat chuan, a luchung a Saidawium(bottle) rawn vai lauh lauh pahin, “Krismas ni anih hi, I inkawm ho teh ang u, ei leh in tur lam chu kan hnianghnar teh a nia” a rawn ti ta lauh lauh mai a. Sawm rual vel lai mai chu an tawmna khur atanga rawn chhuakin Ralthuam engmah pawh rawn paipawn lo chuan kan lam pan chuan an rawn kal tan ta mai a!. Chutah ka hote zing ami Morris-a chu lo zuangchhuak ve in, “Thiante u, ti teh u, enge kan la nghah dawn?” tiin hma a hruai ta a, midangte pawh chuan an zui ta sap sap mai a. An hotu ka ni a, duh ila chuan dang thei chu ka ni. Mahse, chutiang tih tumna reng reng ka nei bik si lo. Kawr pawdal ha leh kawr-uk ha ho chu, phur tak maiin an in pan ta sung sung mai a, kei ngei pawh chu a phur ber ber ka ni ta! Indo runpui laiin Remna leh muanna mak danglam tak mai a lo thleng ta tlat a nih chu!.
(Ka buai rih em mai, tawk rih phawt aw. )
Similar Posts:
- Santa Claus Address!
- The Best Christmas Present in the World – Part 2
- The best Christmas present in the world. Part-3
- Nghilh loh nan
- Christmas truce of WW1
December 6th, 2011 at 6:10 pm
Buai hmel juai2 tka hle mai post tupa chu
keipoh ka hman veleh ka chhiar ang, paperwork ka ngah lutuk
Report this comment
December 6th, 2011 at 6:25 pm
Hemi film Documentary hi ka en tawh.
Mizo ṭawng pawhin an let tawh, hmuhnawm khawp mai
Rempuii hi ka awm avanga lo lang zawk a nia o
Report this comment
December 6th, 2011 at 6:33 pm
German sipai sipai tawm buk atangin silent night, holy night tih an rawn sa ta mai. Lehlam pang atangin Bitish sipaiin an lo zawm dual dual mai bawk a, tichuan Chumi zanah ah chuan hlim takin, hmelma a hnu lawka in kap leh bur bur tur te chuan ‘Remna Lal’ lo piang chu lawmin hlim takin chibai an buk ani.
Report this comment
December 6th, 2011 at 6:33 pm
Ka hman veleh uluk takin ka chhiar ang a, ka komen bawk ang.
Report this comment
December 6th, 2011 at 6:50 pm
A ngaihnawm dawn hle mai
Report this comment
December 6th, 2011 at 6:57 pm
Chhiar ang le
Report this comment
December 6th, 2011 at 7:11 pm
i ziak tawi mah2 a nih hi, ka chhiar tui a sin mawle, a ngaihnawm khawp mai, rawn chhumzawm leh vat teh
Report this comment
December 6th, 2011 at 7:21 pm
he thawnthu hi chu a ropui ani
Report this comment
December 6th, 2011 at 7:37 pm
Khamawm loh ve… Part 2 lo chang ang aw..:-)
Report this comment
December 6th, 2011 at 8:06 pm
Report this comment
December 6th, 2011 at 8:06 pm
Naktuk hian kan hosteler ho winter vacation hmang turin an chhuak dawn ma, Farewel cum Prize distribution hun kan hmang mek. Vawiinah kan thawhpui pa Khoda Tana an a bawng a thawh a, ruai ropui takin kan theh. Dar 10 velah part-2 chu rawn submit ka tum ang.
Report this comment
December 6th, 2011 at 8:12 pm
11. adventure part i ka submit chiah..mahse part I hi chuan spain a la thleng lo
Report this comment
December 6th, 2011 at 8:18 pm
A mizoin a film kha ka en ve tawh a hmuhnawmin rilru a khawih khawp mai.
A chhunzawmna ka lo nghak e.
tren tren.
Report this comment
December 6th, 2011 at 8:19 pm
Mi(sual) ho hmabak a ko tan ta. Pu Pk-a Part-2 in min hmuak a, chutah lrpa Adventure Part-1 kan hmabak bawk. Kekawrte Status chu adventure ah chuan a tello turah ngai ang
‘The Best Christmas Present in the World’ hi thawnthu a mi? Real life a thil thleng emaw ka lo tia(hrechiang lo). Ka chhiarna a rei ta deuh a, ka mang hriat deuh tlat tawh, rilru a hneh khawp tih erawh ka la chiang.
Report this comment
December 6th, 2011 at 8:38 pm
Vawksa rep (Keimahni vawk talh ngei), antam leh tomato chhum pawlh hluai pahin ka chhiar. A ngaihnawm ving veng e hairehai
Report this comment
December 6th, 2011 at 8:48 pm
Hethawnthu ka chhiar chun ka nuih an zat deuh thut chu a. Duh leh thawnthu tawp hunah ka nuih zat chhan chu ka la sawi ang…
@HV, tomato telh in ka la ei ngai lo a, a tih chi zek ang a…Report this comment
December 6th, 2011 at 9:13 pm
ka buai thu ka lo sawi ve zuai
Report this comment
December 6th, 2011 at 9:55 pm
Ka buai em2 loh thu lo report ve zuaih…
Report this comment
December 6th, 2011 at 10:06 pm
kei chu hetiang ah hian ka HAPPY TEARs hi lo chhuak thuai thuai zel..ka hnuk a ulh ul ul mai…tah belh ve pangngai..Hruaitu hi chu an pawimawh ve chiang lawm…
Report this comment
December 6th, 2011 at 10:10 pm
“Part-2 ka submit tawh e” tih ka rawn report zuai. Tunah, lrpa Post chhiar tan ang; Khai aw le…:-)
Report this comment
December 6th, 2011 at 10:12 pm
ka chhiar hman meuh loh thu report pahin.. Pk a nih chuan tha hle turah ka ngai ve tawp.
Report this comment
December 6th, 2011 at 10:24 pm
Hei hi movie ah pawh an siam kha – Joyeux Noël, about the truce between the German, French, and Scottish soldiers on Christmas Eve of 1914. Thil thleng tak tak a ni e. Chuan he post/thawnthu hi hemi event behchhan in.
Report this comment
December 6th, 2011 at 10:24 pm
atuk lawkah an inkap leh ta hrep a…..
Report this comment
December 6th, 2011 at 10:25 pm
Dear Pu PK, post i submit in khawngaihin a thupui hi CAPS in lo ziak tawh lo thei la kan va lawm dawn emmmmm.
I rawngbawlpui
aduhi
Report this comment
December 6th, 2011 at 10:28 pm
@ Sammoo lo chhiar ve hram hram ta che maw le. thui pawh anih loh hi.
@Miss Aduhi, Thanks, Ka pawl…
@hovaks, lo nghak hram hram rawh. Novelist ropui ho hi chuan thil langtlang sa lutuk lam hi chu an hel daih duh riau a nia, an twist kual thiam thin riau.
Report this comment
December 6th, 2011 at 10:32 pm
To.
Miss Aduhi,
Ka lo hre reng tawh ang e.
Obediently Yours
Dated.6th,Dec,2011. PkFanai
Report this comment
December 6th, 2011 at 11:14 pm
chhiar chhuak ve chiah tih report leh zuai..(kal leh nghal)
Report this comment
December 7th, 2011 at 3:24 am
He post-ah vawiina a hmasa ber atan ka comment e.
A ngaihnawm ka ti. Mahse, a tawi mah mah. Tin, khi event khi a ropui thlawt bawk. A lehlamah daih, i letling thiam hle bawk e.
Report this comment
December 7th, 2011 at 6:58 am
In vaiin ‘Good Morning’
He thawnthu a tak ni a ka hriat riai ruai na chu Miss Aduhi#22 ah a rawn confirm e. Ka lawm khawp mai. Ka hriatrenglohna hi a chak tawh zawk sia buaithlak nih hi
Report this comment
December 7th, 2011 at 7:35 am
Good morning vek u. Vawiin buai runpui ni. Naktuk atang chuan…de ja vuuu…
Report this comment