Hun rei tawh tak hnuah hei ka lo ziak nawn leh e. Mi hawi zau tak tak mai chhiar atan ka duh si a. Mi ngaihtuahna hmang vakloin an ti ti hmanna ah “thihna hi Pathian siam” an han ti tawl tawl mai hi chu a mak em em a. Han hrilh dawn pawh ni ila an beng an chhungawng lui tlat mai bawk si. Hetah pawh hian tihian ziak chhuakin pharh mah ila min sawiseltu chu inawm leh dawn tho sa a. Mahse mi, Pathian thu chik leh ngaihven peih tak tak miin he misual.com alo hawn ni a alo hmuh ngei nan ka rawn vawm bei leh a ni e.
Eden huana sual hmasa ber hi dan zawmlohna nge a nih tih hi sawi tham a tling khawp mai. Miin hei hi a man fuhloh avangin thihna chu Pathian siamah a chhuah ta mai zel si thin a. Miin thihna hi Pathian siam ni a a ruat chhung chuan setana tih ve lam engmah a awm dawnlo tihna a ni a. Setana a awm ngaihna pawh a awm dawnlo tihna a ni.
Ni e, sual te, thihna te, natna te reng reng mai hi tunlai zirtirna tam takah chuan Setana hnen atanga chhuak niloin Pathian hnen atanga chhuak niin kan ngai ta mai si thin a. Miin lusun in a kal chuan “Pathianin a nunna ala ta”, “Pathianin a koh ta” te kan han ti leh mai thin.
He tawngkam “Pathianin a la…” tih ber kher hi mihringah alo lar tak em em dan hi a mak a, chutih rualin Pathian hian thilo tura min siam laiin thihna hi Pathian thu thu leh Pathian siam ang maia kan ngaihna rilru hi chu eden huan kan nihna te nen khaihkhinin ava han inhlat rem rem teh lul em ka ti thin!!!
Dispenstion kan bih chuan BC 3000 hmalam, Mosia hunlai atang chauh DAN hmanga rorel na hi Pathianin a kenkawh thu kan hmu a. Mahse eden huan ah “ei suh” tih thupek anga ngaih theih lo awm mai avangin miin Adama leh Evi chu Pathian dan bawhchhia a, Pathiain a hrem leh anchhelawh hial tlukin kan ngai ta hmak mai si! Dan bawhchhiatna hi a ni em sual kan tih dawn chuan Isua ve thung chuan “mi tumah anchhialawh suh” a ti mauh mai bawk si a, Dispensation nen kan dah dun pawn DAN hi eden huanah khan ala awmlo hrim hrim zawk tihna a ni bawk si. Mahse DAN anga ngaihtheih chu a ni kan ti miau hek bawk si a!!
A hmasa berin DAN hi lo enchhin teh ang. DAN reng reng chu a siamtu hian a hremna a siam tel nghal ngei ngei a. DAN siamtu nilo hian a hrem ve a thiang lo a, a bawhchhiat a hian a hrem thianglo bawk a, a siamtu ngeiin a hremna chu a lekkawh thin a ni. Chutichuan eden huan bawhchhiatna hi DAN bawhchhiatna lo nita se, “thihna” hi Pathian hremna a ni dawn tihna a ni a. Mahse Paula chuan “thihna tur chu sual a ni” a ti hmak mai bawk si! Pathian atang sual a chhuak ngailo a, Setana hnen atanga sual chu chhuak chauh a ni bawk si a. A nih chuan “ei su” tih hi DAN a nilo tih a chiang ta mai a. Eden sual kha DAN bawhchhiat vang niloin mahni nihna tur an phaklohna hi a ni ber mai awm e. Chu chu thi lo tur, thih hi a ni.
“Thihna” tih pawh hian “thlarau thihna” ah ala ngaih theih cheu bawk a. Pathianin eden huana mihring a siam laia “nunna thaw” a thawkluh kha “thlarau” ah kan ngai zui ta a ni ber mai. “Thlarau” a kan ngaih zui tak dan hi a mak em em. Ramsa leh ransa dang zawng zawng pawn nunna thaw chu an hnarah a awm ve vek bawk si a. Mahse mihring chu “thlarau” nei dim diam bik leh special bik ruiha kan ngaihdan hi enge a chhan ka man fiah thei chiahlo! Tawngdangah chuan “nunna thaw(Gr. Neshemah)” hi “thaw”, “thlarau”, “boruak”, “thli”..adt tih mai te an ni si a. Kan nunna atana kan thawkluh leh chhuah hi a ni mai a.
Chutianga kal nul nul thei leh special bik vak a nihna a awm der silo a, Bible pawh hian a sawi bik hauh lo. Mahse chuti chung chuan thu awilohna chuan “thlarau thihna” a thlen a ni kan ti kur duah mai bawk si a. Setana hi Pathian nen thlarau inmihranna an neihna a rei tawh em em chung hian Bible hian vawikhatmah “a thi” a ti ngai hauh lo a. Bible hian mi a thih chuan a “thlarau(Gr. Neshemah)” kha Pathian hnenah ala kir vek dawn a ti deuh deuh zui zawk. Lal Saula ngei pawh ramhuaiin luhchilh mahse a thlarau chu Pathian hnenah a kir tho dawn tihna a ni. Amahah hian a bik taka thlarau thihna bik emaw lam hi a awm reng reng lo bawk.
Anih chuan “ei suh” tih kha enge lo ni ta ang? He thu khela chhui tur chuan a bawklawka la mai loa Pathian hmangaihna-in Setana tana chance a pek hi a dik zia finfiah nan a ngai tih kan ngaihtuah hmasak phawt a ngai thin a ni. Ni e, “nangmahni hmangaihtu chauh inhmangaih let hian enge inhlawh chuan, chu chu misual te pawn an ti thei…”tih a nih kiau kha maw. Miin rawng dum hi hriat a duh chuan rawng var nen a khaihkhin a ngai thin a lawm. Chu chu Pathian ze dik tak, mawi leh ropui em em, kei ngei pawn Pathian hi ka lamah tanglo mahse ka ngaihsan leh duh zawk zia tilang fo tu a ni.
Tichuan Pathian thatna leh dikna hi rawn hnial turin setana a din phalsak a ni ta tihna a ni. Chu chuan HUN(time) leh KALPHUNG(sequence) tuna kan neih hi alo chhuak ta a, Pathianin hmun za-ah 50 hi hun a neih chuan Setana hian hmun za-ah 50 bawk hi a nei ang tihna a ni. Hei ngei hi ani mihring Pathianin a siam pawh khan Pathian thununna hnuaia thanglian nghal tura siam kha phal a nilo reng reng a, mihring chu engmah la hre lo, mahnia inhaikawchawp a, Pathian hriatna a thanglian emaw, setana hriatna a thanglian tur tih a ni a.
Anmahni(Pathian leh Setana) pawh hi hetiang lam ngaihtuah tir tum hian an power inrawlh theihna an neilo ve ve bawk a ni. Heta tang hian “ei su” tih hi DAN a nihleh nihloh chu kan manfiah mai tawh awm e. DAN hi hman khap a ni ve ve a, awareness erawh neih phal ve ve a ni a, chu chu an bawchhe thei ve ve bawk . Hetiang hian, miin a fanu hnenah “mami, kha tlangval kha hnaih suh aw” a tih chuan, a hnaih chuan pawnsual a tawk thei tih sawina a ni a. DAN a nihloh avangin a hremna pawh a hrilhtu a Pa lam niloin a pawngsualtu tihchhuah a ni.
Eden bawhchhiatna pawh hi hetiang chiah hi a ni a. A tirte a DAN hman hi Pathian rorelna dik zia tidiklotu a nih zia leh a ngheh zia tilangfiahlotu a ni a. DAN hmang lo a “awareness” neih a, anlo tlu ta hlauh pawh hi Pathian mawhpuh chi a nilo a, keimahni vang a ni zawk ber a. “Thihna” pawh hi Pathian hremna leh anchhia a ni lo reng reng bawk a, setana avanga keimahni a lo awm zawk a ni.
Miin “Pathianin ala ta…” an tih te, “Pathianin a hrem..” tih te, “Pathian kohna a ni a thihna chu..” an han ti mai thi te hi hmuhloh phena spiritual war, Pathian sawichiatna rem chang em em a ni a. Joba’n “Pathian hnen atang chuan thil tha pawh kan hmu a, thilthalo pawh kan hmu dawnlo em ni” a tih case ah pawh hian Pathian tih reng reng a awm lo a, Pathian hian Joba hi “ a tha chiah em” tih fiah turin politics dik takin Setana hi a khing a ni zawk e……
Similar Posts:
- Battle Ground (Mihring)
- Eden natna
- Nunna thing vs a chhia leh a tha hriatna thing
- Second death hi enge?
- Chawkidar rinawm lo (Sunday pualin)
August 2nd, 2012 at 9:44 am
uluk taka chhiara comment chi a nih hi.
August 2nd, 2012 at 10:45 am
i ngaihdan dan le
August 2nd, 2012 at 11:05 am
Dan a la awm lo.
August 2nd, 2012 at 11:12 am
@3 Pathian thupek kha dan chu a ni mai lawm ni, nge a CrPC zawng kher i phut deuh?
August 2nd, 2012 at 11:27 am
‘A sang em a ka phak lo a niiiiii……’ (8)
August 2nd, 2012 at 11:36 am
a thui em a..ka ban pha lo ani (F)
August 2nd, 2012 at 12:11 pm
@4, Pathian thu an zawm lo a ni mai, Dan chu a la awm lo (H)
August 2nd, 2012 at 12:22 pm
Hei lo liama,AN, chiang fekfawk hi a awmthei dawnchuang emni? EI suh, tihkha, DAN a ni mai’a. Tin, a hrem dan turpawh, a hrilh nghalvek, chuchu, IN THI ANG, a tihlkha. EI SUH! tih DAN kha, an bawhchhia’a, IN THI ANG, tih DAN, hmangin a hremnghalbawk.
August 2nd, 2012 at 1:35 pm
A ril lutuka ka bo map mai. He2
August 2nd, 2012 at 2:15 pm
Thil i chhui vak vak ringawt a, hriatthiamna tak tak nei turin Bible i bel tlem si a, Bible zirtirna aiin internet leh hmundanga zirtirna danglam deuh deuh i tuipui tih a hriat khawp mai – hman atang tawh khan. Heng hi thil thalo tak phei chu a ni lova, mahse Bible hlamchhiaha heng buaipui vak erawh chu thil hlauhawm tak a ni. Pathian thu ril haichhuah i duh takzet a nih chuan, a hmasa berin Pathian hnenah tlulut la hriatthiamna dil chamchi rawh. Banglova tawngtaina bakah Bible hi a summary i hriat a pawimawh khawp ang. A panoramic view/idea man tur chuan vawi tam tak chhiar chhuah a tul – Version hrang hrang ni thei se duhthusam a ni. Chumi hnuah detailed study hi neih chauh tur.
‘Chuan i thil rawn sawi khi Bible atangin lo enfiah ang aw:
Sualna chu eng nge? ‘sual chu dan bawhchhiatna a ni si a’ tiin Bible chuan a sawi tawl mai. ‘In ei tur a ni lo’ tih kha thupek (commandment) a ni a, chu thupek bawhchhiat chu sual a ni. Khata chin kha mihring chu bawhchhetu alo ni ta a, a bawhchhiatna chu sual a nihzia tifiah turin Mosia hmangin DAN kha pek a lo ni ta bawk a [Rom 3:20].
“Eden sual kha DAN bawhchhiat vang niloin mahni nihna tur an phaklohna hi a ni ber mai awm e. Chu chu thi lo tur, thih hi a ni” i tih hi heti zawng hian sawi ila: Sual(sin) chu tawngbul lamah chuan HAMARTIA tih hi an sawi i hre tawh a nih hmel a; sual awmzia chu nih tur ni pha lo tihna a ni reng a. Mihring sualna (a nih tur a nih phak lohna) chu thi lo tur a thi kha a ni e i tihna ni berin a lang a. Mahse ngaituah la, thi lo tur a thihna chhan (sual anihna chhan) kha eng nge? ‘In ei ni la la-in in thi ang’ tih khan a sawifiah mai alawm. Mihring sualna/hamartia/nih tur ang nih lohna i tih chu thihna a ni a, thihna (sual) lo awm chhan chu thupek/Pathian dan zawm loh vang a ni e.
Chu sualna chuan thihna a rawn hring nghal pang bawk. Nunna petu chu Pathian a nih avangin, thihna thlentu pawh Pathian tho a ni. Engtin nge Pathian chuan thihna chu a thlen? Bible bawk en leh rawh.
“Ama thlarau chu ahnena a lak kir a, Ama thaw chu a hnêna a lak khâwm leh chuan, Mi nung zawng zawng an boral rual ang a, Mihring chu vaivutah a chang leh mai ang” – Joba 34:15
“An thaw chu i laksak a, an thi a, vaivutah chuan an kir leh thin” – Sam 104:30
“Tin, Juda fa tîr Era chu LALPA mithmuhin mi sual a ni a; tichuan LALPAN ani chu a tihlum ta a” – Gen 38:7
Kristian te’n “Pathianin a nunna ala ta” kan tih hi a mak lova, a dik em em zawk a ni. Setana hian nunna a pe thei lo ang bawkin THIHNA tak tak (thlarau leh taksa boralna) a thlen thei hauh lo.
“Tin, taksa tihluma thlarau tihlum thei lotu chu hlau suh ula; Gehena-a thlarau leh taksa tiboral theitu erawh chu hlau zawk ang che u” – Mt 10:28
Tichuan, “Thihna pawh hi Pathian hremna leh anchhia a ni lo reng reng bawk a, setana avanga keimahni a lo awm zawk a ni” i han ti dap dap hi i sawisual chiang hle tih Bible atang chuan a lo lang ta a ni :-S Setana bumna avanga lo awm chu a ni ngei mai, mahse Setana hi kan burbun vek thei hauh lovang; amah ngei pawh khan Pathian anchhia chu a dawng a nih zawk kha (Gen 3:14). Thihna chu ‘Ei suh’ titu Pathian thuawihloh avanga Pathian hremna leh anchhia a ni tih hi engtin nge i la hriatfiah loh theih zawk chu le? Bible hi i chhiar ngai miah lo em ni aw..!!
August 2nd, 2012 at 2:45 pm
commentary ilo leh theology lam phak tawk ve tea han bih ve zeuh zeuh pawh hian thil hi an sawi huai pawp pawp lova sin maw le. kan nauva hi chu i elh tliak rep rep mai a…ni lem lo leh ni ve thei sawi luh theih ang chi pawh i tumna zawnnah i hnuk zung zung mai a.
Dan awmziaah i bo nghal pang; theologyah hian Pathian thu sawifiah nan mihring tawng bawk hman a ni a. .politic tawngkam te..science tawngkam te..law and judicial lam te…entirnan chhandamna sawifiahna hrang approach tam zia hi i ngaihtuah ngai em…Pathianin ‘ei suh’ a tih hi dan a ni tih i phat tum dan hi ril hmel deuhin i ziak hnawk kual peih ka ti deuh.
Joba chungchang i sawi a “Pathian tih reng reng a awm lo” i’n ti pawp te hi provoke tum hrim hrim i ang. rin dan tlanglawn ril lo riauva hriaa kikawi kual deuh zawng reng mai..kohhran a awm thiam reng reng lo…Bible zirna tak tak aia mahni thurin vaw nghet tura eisegesism hi hlauhawm tak a ni. Joba tawngkama Elohim kha engtia sawi tur nge…ka hebrai bibleah hian a va awm si ve.
i fimkhur deuh a ngai a ni
August 2nd, 2012 at 2:57 pm
Tha ve pah reng mai. Kan Pastor te sawi atan chuan Ka duh miahlo na a, hetianga thil kher ril peih in lo awm a, in rawn puak ve phawng phawng hi a tha ve thovin ka hria, donald leh Vakul ten tlawmngaìh chhuahin an lo hrilhfiah zel ang che u ang a, hlawkpui tak tak kan awm zel ka ring.
August 2nd, 2012 at 3:00 pm
Ha ha ha! Dan leh dun awm lovin khatih lai kha chuan hebraiho kha an khawsa mai mai a ni lo’m ni? Saruakin pûk vêlah an la tawm te pawh a ni mahna… Hmanlai Aiguptaho erawh kha chu an lo changkang fe tawh mai thei bawk,… Grikhote pawh. Hunhlui-chanchin hi chu a ngaihnawm ve hrim hrim.
Thil hi chu a nihphung pangngaia zira hriat ve mai hi a á¹ha asin; Hammurabi-a kha dan siam hmasatu a ni lo’m ni kha? :-S
August 2nd, 2012 at 4:34 pm
mahni ngaihdan te te maw lta chhakchhuak chuan a ziah… (I)
a ngaihnawm viau hi..mahse awih tura min duh chuan bible tan chhan te han dah ve phawt la…
August 2nd, 2012 at 5:49 pm
Ka hriatdanin Bible a Hamartia lo awm nachhan ber chu ‘misuse of freedom’ a niin ka hria. Thelogical debate tham a tling. Detail reading ka nei phawt ang e.
August 2nd, 2012 at 6:35 pm
Hamartia tih hi a meaning ang zawng hrim hrim chuan sawifiah dan a tam thei khawp ang. Theologically erawh chuan debate tur a awm vakin a rinawm lem lohvin ka hria; a chhan chu hemi concept hrim hrimah hi chuan Bible hi a chiang thawkhatin, Kristiante pawh kan lungrual tlangin a lang.
“Mi pakhat tihmawh (parakoees/disobedience) avang khan mi tam tak chu misual (hamartooloi/sinners) an lo ni ta a” – [Rom 5:19] tih a ni a –
Biblically chuan sual (hamartia) awmna chhan OR misual (hamartooloi) kan nihna chhan chu mi pakhat, Adama tihsual/thuawihloh vang a ni a, chumi avang chuan mi zawng zawngin thil kan tisual tawh vek a (Adama-ah khan), Pathian ropuina kan chang zo ta lo a ni (cf. Rom 3:23)… hence missed the mark.
August 2nd, 2012 at 7:15 pm
Tihian ngaihtuahna ka lo nei deih pek a. La nau deuh, Bible pawh la chhiar chhuak lo, mahni zeldin thubawl tuipui zawk, Bible aia google leh internet a Pathian thu zir tum, tawngtai ngailo leh Pathian pawh hemi chungchanga rawn ngailo, mahni puah puaha puak ve phawng phawng, midang ngaihdan rawn ngai lem lo, mahni rindan chauh huai taka puang thin….. ni hian min chhuah a ni ber mai.
A chung ami zawng zawng hi min thlirna zawn a nia, mahse ka la tih ngailoh vek an ni tih hi a thuhma ni teh se 🙂
August 2nd, 2012 at 7:28 pm
Tihian han sawi leh ta ila-
Bible chinleh hrep hnu ah he ngaihdan mumal leh dik tak hi ngaihtuah chhuak thei chauh ka ni a. A diklo a ni tih hnial thlakna tur Bible hian vawikhawt te mah sawi hek lo le. Chuvanga huai tak a sawi ngam rih mai chauh ka ni. A hnial thlakna fak a awm chuan tlawm zawkah ka tang ngam e.
Pu Donalh, Vakul leh Pu Pka fanai-
In comment a awm hian ka lawm hliah hliah thin. Nangni hian ka post hi intihlu em em zel mai a. Mi pawn chiar tlakah anlo ngai ve chauh a nih hi. Nangni chuan rawn comment lo ula a khawlai ui thih ve leh mai ang tih ka hlau em em thin a sin.
THIHNA hi Pathian enkawlna hnuai ah chuan a awm ngei a, Joba ngei pawh setana khan a nunna Pathian phalloh chuan a khawih ngamlo a nih kha. Mahse chetsual palh thilthu ah setana demand erawh chu THIHNA hi a ni tlat si lai hi a ni e.
August 2nd, 2012 at 8:03 pm
lol Lt,
khiti ang em em chuan kan ngai hleinem che.. tawngtai tam, Bible chhiar tam a pawimawh zia sawi uarna mai a nia. Nang chauh nilo keini paw’na kan mamawh vek a lawm.
I thu leh hla hi i ziak mai mai lova, sawiho hnu hian nguntakin i ngaihtuah leh thin hi i danglamna a ni reng a lawm. I rilru i thlak leh thlak loh chu thuhran 😀
“chetsual palh thilthu ah setana demand erawh chu THIHNA hi a ni tlat si lai hi a ni e” tih lai hi sawi leh ang aw..
Thihna hi a demand tu original chu Pathian a lawm. Setana hi chuan mihringte hi Pathian hmaah a hek thin zawk a ni. Pathian judgement base-in Setana hi a che ve chauh zawk tihna nih chu.
August 2nd, 2012 at 8:36 pm
“Freewill”, “free thinking” leh “death punishment” hi Bible history ah hian inziaklo mahse a phenah hian a origin dik tak a awm zawk a sin. Miin rawng var a hriat duh chuan rawng dum ah a inkhaihkhin phawt a ngai a ni tihna zawk a ni e. Engkim siamtu chu Pathian, mahse demand chhuaktu erawh Setana…..!!!
August 2nd, 2012 at 8:46 pm
“Engkim siamtu chu Pathian, mahse demand chhuaktu erawh Setana…..!!! ”
Bible chinleh hrep hnu ah he ngaihdan hi nei i nih chuan khawilai Bible chang atangin nge hetiang ngaihdan chu i neih han sawi la mawle..
August 2nd, 2012 at 8:48 pm
lta chhakchhuak hi eng sakhua nge ni ve ta!! 😀 😛
August 2nd, 2012 at 8:58 pm
Donalh-
Hetiang lam hi chu ka hratlak avangin ka man ve viau tawh a. Question lo khan han chhang zawk la… 🙂
August 2nd, 2012 at 9:12 pm
Ka zawhna che chu i chhang thei lo a ni maw? nia.. i chhan theih ka ring lo reng a ni. A chhan chu “Engkim siamtu chu Pathian, mahse demand chhuaktu erawh Setana” tih hi Bible zirtirna ni hek lo 😛
‘chuan eng chu maw ka chhan ang a.. engmah min zawt si lova!
Engkim siamtu chu Pathian, a demand chhuaktu chu Setana a nilova, A Siamtu tana siam tih hi Bible zirtirna chu a ni zawk e. Lo en rawh..
“Amah atang leh, amah avang leh amah atan thil zawng zawng a lo awm a ni si a” – Rom 11:36
“amahah chuan engkim siam a ni a, vana awmte, leia awmte nen, hmuh theihte, hmuh theih lohte nen, lalthutphahte pawh, rorelnate pawh, lalnate pawh, thuneihnate pawh; engkim ama siam a ni, ama ta tur bawka siam a ni” – kol 1:16
Setana demand vang tihlam a awm eih lo ve !!
August 2nd, 2012 at 9:16 pm
Kan thai pir hlek teh ang… 😛
SUAL hi Pathian siam a ni em?????? 😛
August 2nd, 2012 at 9:25 pm
a bo ve tual tual ni maw chhakchhuaka chu!!
August 2nd, 2012 at 9:28 pm
“Eng ka siam thin a, thim pawh ka siam thin a ni; remna ka siam thin a, SUALNA pawh ka siam thin a ni; kei hi LALPA, chung thil zawng zawng ti thintu chu ka ni”
‘Bible chinglet hrep’ tawh chuan Isaia 45:7 kha ilo chinglet lo deuh ava ang ve 😛
August 2nd, 2012 at 9:43 pm
Hahaha
Pu Donald leh….. :-O
Mi i hruai sual lutuk palh ang e. I hriat thiam reng thilah midang rinna tlem zawk hmuh atan Bible chang pakhat la chhuak suh, an tluk phah thei a nia… 😀
A principle lam ai chuan mi hnial chak ve hrim hrim hi i ang ka tia… 😛
August 2nd, 2012 at 9:52 pm
hruai sual tur chuang i awm tawh em ni? Tuten emaw an hruaisual tawh reng lo che maw 😀
Thu ka’n zawt che a, i chhang thei lova. Zahzelah min han zawt let ve a, Bible kan quote mai a ni si a.. ‘mi hnial chak ve hrim hrim i ang’ i ti leh ang hleuh va :-[
August 2nd, 2012 at 9:57 pm
Q: Pathianin sual hi a siam em?
A: Synod-in Rawngbawltu chawimawina a pek dawngtute zinga pakhat Pu Lalkherha khan a sawi thiam hle mai. Sual hi Pathian siam a ni em tih zawhna a chhan dan chu, “Mizo pain in kan sa a, kan sak zawh meuh chuan kan sak tel ve loh ‘in hnuai’ a lo awm ve ta mai ang hi a ni,” tiin.
August 2nd, 2012 at 10:05 pm
Pu Donald thin hi a. I ngaihdan atang chuan hruai sual tur chuang ka awm tawh lo e… 🙂
SUAL hi Pathian siam tihah zawh i cho zek zek bawk a….
SUAL hi Pathian siam a nih chuan setana hi Pathian siamah a tawlhthlu a ni maw????? 😛
August 2nd, 2012 at 10:12 pm
Pu Donald: (Y)
August 2nd, 2012 at 10:25 pm
Dan awmzia i hre lova, Eden huana sualna pawh thupek bawhchhiatna a ni tih pawh i hre lova, sual concept man ngaihna a awm lo a ni tiraw.
Dan hi engtin nge siam a nih? A siamtu leh duangtu an awm a, an duan ang chu dan a lo ni mai a ni. Sual Pathianin a siam tih hian Pathian hi A SUAL tihna lam a ni lo ve. A felna leh thianghlimna ni lo nihna danglam, a duhdan dodaltu kha sual a ti a, sual chu a lo awm mai a ni. Sual hi Pathianin sual a tih avanga lo awm a ni e. Amaha rawn evolve emaw i lo ti e lo? :-O
August 2nd, 2012 at 10:26 pm
Lta chu i harh hawk hawk lo maw? Bible chang behchhan chat chata kawng dik kawhhmuhtu i nei a. Tu nu hnialhrat emaw anga “Mah reng reng se” ti a tang tang tang i ang ta deuh tlat mai.
August 2nd, 2012 at 10:42 pm
Pu Pka, ka nui nasa lutuk. Chutiang chu ni lahlo e. Thu dik hi hriat ka chak em em a. Ka beng hi a za zek zek ni ber hian ka hria 🙂
Pu Donald-
I comment hi tunlai politician hoin a side B nei hauhlo a A a dik an ti ang hi a ang lek lek thin. Sual hi Pathian siam a nilo ka ti lo a, a demand chhuak tu hi a ni e Setana ka ti mai a ni.
Chu chu Setana hian manifesto ah a rawn hmang a ni zawk e….
August 2nd, 2012 at 10:54 pm
A ni maithei a.. side A leh B a thun vek tur hi chuan rinthu, Bible a awm hauhlo, Bible zirtirna kalh te thun tel a tul thin a, side B lam hi chu ka dah pawimawh lem lo a ni 😀
Bible zirtirna dik tak chauh hi cult ho hian an duhkhawp loh vang a nia an kal sual thin.
Tichuan sual chu Setan ropuia chuan Pathian hnenah siam turin a ti a, Pathian chuan a lo siamsak ta a maw..? chutiang bawkin Engkim chu Pathianin a siam, mahse demand chhuaktu erawh Setana maw ?
Bible tanchhan tur han phawrh ve tawh rawh le.. i hre ngang lo a nih paw’n i source hrim hrim. Source pawh nei lem lovin i rinthu liau liau emni zawk?
Ka rinthu a ni e.. ti mai zawk la a tha ang a!
August 2nd, 2012 at 11:01 pm
Hahaha, ni lahlo e….. 🙂 Tunlai chu colour indicator lam hi ka chik an reng a..White colour hi ti colour tu chu BLACK hi a ni mai a. Pathian hi THA HLANG(Kei ka thianghlim si a) a nih chuan THA HLANG hi “how” tih hmang hian measure a ngai tlat pek thin a lawm mawle……
August 2nd, 2012 at 11:02 pm
Hahaha, ni lahlo e….. 🙂 Tunlai chu colour indicator lam hi ka chik an reng a..White colour hi ti colour tu chu BLACK hi a ni mai a. Pathian hi THA HLANG(Kei ka thianghlim si a) a nih chuan THA HLANG hi “how” tih hmang hian measure a ngai tlat pek thin a lawm mawle…… THA LO hi a pian ve a ngai tlat a ni…..
August 3rd, 2012 at 12:15 am
Lt: I thu lak dan a tha viau nangin a tawpin i sawi dan hmang hian Isua pian hma daih a Greek mi fing hovin an thubuai pui ang chi zawng khan lo phek thlir niin a lang. A nihna takah chuan he thil hi idea in philosophical units lo awmna a ni. Thil rih zawng hre turin a zang ka mamawh, chutiang zelin thil san zawng hre turin a tawi kan mamawh….
Greek ho kan khawvela element awm zawng zawng kha earth, air, water leh fire niin an hria a. Chutah chuan heng element-te hian hlutna an neih theihna turin opposite an nei theuh an ti leh a, hetiangin – earth leh air, tin water leh fire. I innghahna black leh white ang deuhin.
Hetih hunlai atang daih tawhin Epistemological takin engkim hian opposite an nei vekin an hria a, chumi awmzia chu Lt-a a awm chuan nangmah opposite tu chiah kha a awm dawn niin an ngai tihna a ni, a bik takin concepts leh ideas lamah hian hman a ni nasa hle. Mahse hriat reng tur chu tangible angin a awm tam ngai lem lo – hmuh theih angin a awm lem lo tihna a nih chu.
Number theory zawng zawng leh Mathematics – logic lo chhuahna pawh hi hemi tho hi a ni. Indian Mathematicians te’n zero an hmuhchhuah khan khawthlang lam finna avangin negative integers hi hmuhchhuah ve nghal a ni. Chumi awmzia chu number hian a opposite quantity a nei vek tihna a nih chu. Mahse chu idea kan dahna (incorporate-na) chuan thil nihphung a hrilhfiah tur a ni. Vawk hian a opposite nei thei hauh lo a nia, a chhan i hria em? Vawk tih ringawt hi teh tling a ni ngai lo… Lt-a opposite a awm lo ang chiah khan..
Science zirna zawng zawng pawh hi chutiang vek chu a ni. Electron a awm a, chuan proton a lo awm ve leh a. Chuan matter an awm a, mahse a sawifiah nan antimatter mamawh a ni leh a. Chutiang zelin. Mahse chung zawng zawng duangtu leh siamtu chu PATHIAN a ni ang chiah hian SUALNA pawh hi kan PATHIAN siam ni turin i pawm thei ang em? Bible tel lova han tih kual vel hi nuam i ti deuh bawk a…
August 3rd, 2012 at 1:14 am
Ha ha ha…! #39 Ignatia (33-115 AD) chu tünlai i thusawi apiangah “inlaichinna” (relative-NESS) lam a lang vek tih theih zuk nia… tàwpkhäwk (absolute) awm theih lohna lam nèn… ha ha ha. I hre ril viau chu a ni phawt ang ah… i sawi duah thei riau mai … ha ha ha
August 3rd, 2012 at 1:35 am
Houdini mihring lam pang ni lovin kan thusawi topic lam zawk thlir zawk ang aw. Kristianna tha teh lovin mihring teh talh thintu hian comment tlahawlh tak tak i hnutchhiah leh mai thin. I duh phawt chuan RELATIVITY concept hi ka la hlui dawn che nia… Tin, sawi ve tur i hriat loh chuan ngawi mai ta la a pawi lo mai thei a ni…
August 3rd, 2012 at 2:09 am
Relativity i tih chu a post-in la rawn siam la a bengvarthlâk khawp ang 🙂
I sawi khi chu relativity ai mahin relativism niin ka lo hmu deuh roh va… 😀
August 3rd, 2012 at 4:07 am
Bawhchhiat hma in DAN a awm thiang lo, dan hi mifellote(bawhchhe tawhte) tan a siam a ni, a tir ah Law covenant a awmlo a, Vanram aka Leithar pawh pawh Law covenant a awm dawn lo, chuvang chiah chuan Dan pakhat marriage covenant pawh hi a awm dawn tawhloh thu isuan a sawi ngei kha, mahse an la inthlanhpung tho dawn tih Isai’n a sawi bawk.
i.e. Eden thuthlung kha DAN a ni lo, hmangaihna au aw a ni zawk, THIHNA hi hmelma a ni a, mihring a lo thlen tirtu pawh Setana a ni ngei e, chu hmelma hnuhnung ber chu hneh a ni tawh a(Isua in), a awm leh tawh dawn bawklo, mi pakhat,a tichhuaktu tlawm rual rual in, Pathian erawh chu chatuan in a awm reng thung ang.
Pa in a fa chu “hei chu ti suh, tichuan ti suh, in THI mai ang” a ti a, an ti ta si a, an thi ta ngei a, an thihna chhan kha PA vang a ni lo, tu emaw, tih tir tu vang a ni zawk e.
Pathian in fiah kek kawk a thil a sawiloh thin nachhan hi, The Silence of God, Setana thil claim a finfiah hun chhunga kan lo pian vang a ni e, Court room scene ang hi a ni e, Tuathattu pa in a THIAMTHI a sawina hun pek a ni a, Pathian a ngawi hrih a ni.
August 3rd, 2012 at 4:07 am
Bawhchhiat hma in DAN a awm thiang lo, dan hi mifellote(bawhchhe tawhte) tan a siam a ni, a tir ah Law covenant a awmlo a, Vanram aka Leithar pawh pawh Law covenant a awm dawn lo, chuvang chiah chuan Dan pakhat marriage covenant pawh hi a awm dawn tawhloh thu isuan a sawi ngei kha, mahse an la inthlanhpung tho dawn tih Isai’n a sawi bawk.
i.e. Eden thuthlung kha DAN a ni lo, hmangaihna au aw a ni zawk, THIHNA hi hmelma a ni a, mihring a lo thlen tirtu pawh Setana a ni ngei e, chu hmelma hnuhnung ber chu hneh a ni tawh a(Isua in), a awm leh tawh dawn bawklo, mi pakhat,a tichhuaktu tlawm rual rual in, Pathian erawh chu chatuan in a awm reng thung ang.
Pa in a fa chu “hei chu ti suh, tichuan ti suh, in THI mai ang” a ti a, an ti ta si a, an thi ta ngei a, an thihna chhan kha PA vang a ni lo, tu emaw, tih tir tu vang a ni zawk e.
Pathian in fiah kek kawk a thil a sawiloh thin nachhan hi, The Silence of God, Setana thil claim a finfiah hun chhunga kan lo pian vang a ni e, Court room scene ang hi a ni e, Tuathattu pa in a THIAMTHU a sawina hun pek a ni a, Pathian a ngawi hrih a ni.
August 3rd, 2012 at 5:41 am
Pathian thu kan chin leh peih ang hian awih peih ta ila (H)
August 3rd, 2012 at 6:19 am
Di-Aa-En DAN thumal hrim hrimah kan buai a ni maw 😛
Ni e.. (Mosia) DAN te kha chu Eden bawhchhiat hnu fe-a pek a ni chauh a, Eden bawhchhiat hma chuan awm ngaihna awm hek lo.
Thiam loh chantirna rorelna chu mi pakhat avangin a lo awm tih kan hria (Rom 5:16). Thiam loh chantirna rorelna chu eng vanga lo awm nge a nih? Bawhchhiatna vang nilovin tumah thiam loh chantir theih a ni lo. Mosia DAN (Sinai tlanga mi) bawchhiatna nilovin Pathian thupek/dan (Eden huana mi) bawhchhiatna a ni. Mosia DAN nena kan ngaihfin lui tlat dawn a nih chuan DAN ti lovin THUPEK ti zel mai ila a tha maithei.
Chu bawhchhiatna chu SUAL a nihzia a lanfiah nan Mosia hnenah DAN chu pek a ni chauh zawk.
Tin, Biblical concept of creation kan man lo a ang hle bawk. Dr. Hrekima tih dan takin Setana hi kan pathian biak lo chauh a ni.. kan dah ropui ber ber lutuk a. Bible thu pumpui hi Pathian judgement leh justice chungchanga Pathian leh Setana warfare lam a ni lo. Pathian chu engkim siamtu, engkim chunga thuneitu a ni a; a rorel danah hian tum hmaah mah a in JUSTIFY a tul lo. Bible thuchah laimu chu Pathian hmangaihna nasatzia leh a thilsiam mihringte nena an inkar a ni zawk. Pathian leh mihring inkarah Setana alo tlazep ve zeuh a ni zawk, Pathian leh Setana inkara mihring lo tla zep nilovin.
Setana hian THIAMTHU sawi tur a nei lova, sawina hun pek a ni lova, pek pawh a ngai hek lo. Eden huanah khan chinfel nghal a ni – “chu mi [Isua Krista] chuan i lû a la tithitling ang a, nangin a ke artui i la tithitling ang.”
Isua a thawhleha vana a chhoh hnu lawk khan vanah indona a awm a, Setana leh a hote hi van atanga paihthlak an ni tawh – mihring sualna chu chinfel a nih tawh avangin.
“Tin, vanah chuan aw ring takin, “Tunah chuan kan Pathian chhandamna leh thiltihtheihna leh ram chu a lo thleng ta, a Krista thuneihna nen; kan unaute hektu, kan Pathian hmaa achhun azana hek thintu chu an paih thla ta si a” [Thup 12:10]
August 3rd, 2012 at 6:30 am
Van hi rorelna hmun a ni a, Isua Krista’n tlanna a thawh hma, Adama bawhchhiat hnu si khan Setana hi van atanga paihthlak a la ni lo tih chiang takin Joba bu-ah kan hmu.
Tlanna thawh zawh a nih hnu erawh chuan Setana hian sawitur a nei ve tawh reng reng lo – Pathian hmaah emaw vantirhkohte hmaah emaw pawh. Van atanga paihthlak a ni tawh. A tihtheih awmchhun chu leia thinur taka chettlat vel a ni ringawt tawh. Thupuan bung 12 kha chhiar la i fiah deuh mai thei 🙂
August 3rd, 2012 at 9:30 am
@zoho,
A ruh langin ka’n sawi law law teh ang…
Sual chungchanga in misconception hi chu Thupuan-in 12:7-a van indona a sawi hi out-of-context-a tute’n emaw an interpret-na in pawm vang a ni. Thupuan bung 12 hi uluk takin zirchiang la chu i ngaihdan a danglam maithei a ni (danglam chuang lo maithei bawk).
Helaia van indona hi eng hun laia lo awm nge tih hi ngaihtuah tur chu a ni. Mihring siam tawh hnu a ni tih chu chhiar thuak ringawt pawhin a lang reng. Back date-a, Genesis bung 1-na chang 1 leh chang 2 inkara dah chi a ni awzawng lo. He van indona hi Setanic rebellion, mihring siam hmaa lo awm a ni lo. A rem lo chung Isaia 14:12-te leh Ezekiela 28-te nena harmonize tum phei chu zia lo tak a ni.
“Tin, vanah chuan indona a lo awm a; Mikaela leh a vantirhkohte chuan drakon chu an do va; drakon leh a tirhkohte pawh chuan an do ve a” – Thup 12:7
Hei hi lei leh van siam tirh lai vela thil thleng a ni reng reng lo. A chang hmalam chiah (chang 5-na) kan chhiar chuan tihian kan hmu a: “Tin, fapa, hnam zawng zawng chunga thir tianga rorel tur a hring a; tin, a fa chu Pathian hnenah leh a lalthutphahah chuan lak chhohvin a awm ta a”. Hei hi Isua Krista sawina a ni tih hai rual a ni lo. Tichuan he van indona hi Isua Krista vana Pa hnena lakchhohva a awm hnua thil thleng a nih hi a chiang em em a ni.
Chu indonaah chuan Diabola leh a hote chu hneh an ni a, “an hmun chu vanah a awm ta bawk hek lo..Tin, drakon lian pui, rulpui tar Diabola leh Setana an tih, khawvel zawng zawng bumtu chu an paih thla ta a; leiah an paih a, a tirhkohte pawh an paih thla tel ve a [Thup 12:8,9]” tih kan hmu leh a.
Heng zawng zawng hi mihring siam hnu-a thil thleng mai a ni lo. A hnaivai angreng khawp lehnghal; Isua Krista thihna leh thawhleh hnu-a thil thleng a ni nghe nghe. Chu chu a chang dawt chiah khan a tichiang: “Tin, vanah chuan aw ring takin, “Tunah chuan kan Pathian chhandamna leh
thiltihtheihna leh ram chu a lo thleng ta,a Krista thuneihna nen; kan unaute hektu, kan Pathian hmaa achhun azana hek thintu chu an paih thla ta si a” – Thup 12:10
Heta tang hian van indona hi Genesis hunlaia thil thleng a ni lo tih a chiang ta a ni. Gap theorist te sawi dan, ‘atirin lei leh van Pathianin a siam a, Setana leh a hote helna avangin vanah indona a chhuak a, leiah an ni chu paihthlak an ni a, chung ho sualna avang chuan lei chu tihchhiat a ni… Chumi hnuah ni ruk chhungin Pathianin lei chu a siamtha leh’ tih vel hian Scriptural support a nei mang der lo..! Sawi tawh angin Thup 12:7 thu te chauh hi lakchhuaha Gen 1:1,2 inkara zeh luih tlat chuan awmang ve deuh chuan a chhuah theih ang.. mahse belhchian a dawl lem lo khawp thung.
Heng hi i hriafiah chuan Pathian leh Setana inchaltauh tir ngawr ngawr hi i bansan ve mial mahna le..
August 3rd, 2012 at 9:39 am
*** Heng hi i hriatfiah chuan BIBLE ZIRTIRNA TLUANGTLAM HER DANGLAM DAWRH KHAWPA Pathian leh Setana inchaltauh tir ngawr ngawr hi i bansan ve mial mahna le..
tihzawk tur a ni e (L)
August 3rd, 2012 at 10:01 am
Pu Donald….i comment atang hian hei hi sawi rik ka duh ta hlek mai a nih chu mawle….
Setana leh Mihring siam dan chungchang hi…
1. Setana chu perfect beuty a siam a ni a. Mihring pawh Pathian “anpui” a siam a ni.
2. Setana awpram Lei ah hian a superior ber a nih hmel a. Mihring pawh leilung ah hian thu ber a siam a ni.
3. An bawhchhe ve ve a…
4. Mahse Bible ah hian Mihring chauh a ngaihdam thu kan hmu daih..Setana hi a ngaihdamna leh a tlanna chungchang a ziak miah lo
(Hei hian setana kan ngaihpawimawh leh rura lam a kawklo a, “Lungpui pawh lungtein a kamkiloh chuan…” tihna lam zawk a ni)
Khing point atang khian i man fiah thei em? Isua ngeiin “i unauin i biangah a ben chuan lehlam pawh dawn rawh”…”Miin i chungah vawi 7 a thilsual a tih chuan hmuh 70 ngaidam rawh” a ti tawl mai si a.
Setana hi Bible hian a ngaihdamna a lang ve hauh lo, mihring chiah a lang a. Anih chuan Pathian chu JUSTICE niloin DUHSAKBIK(Tunlai politics ang) a nei tihna a ni thei a sin????
Pathian HMANGAIHNA dik tak chu JUSTICE hian a fiah zawk hlei hlei a sin…Chu chu i sawi ang khian Bible a Pathian nihna laimu dik tak a ni a.