Ka nula ve tan dawn dek dek a, ka naute, ka nute-i te, ka pi leh pu te ho hian ‘Mami hi zawnpui teh u, a ban tlang tak ngial dawn’ an ti teh fo a. Thian te pawh an bang lo, a bikin mipa ho. Engvanga pasal nei thuai thuai tur a mi duh nge an nih le? Ka thianpa pakhat chuan ‘Hmeichhia chu engang hna pawh thawk ula, pasal inneih loh chuan inzahawmloh alawm’ a ti a. Ka thiannu pakhat ve chuan ‘Pasal i neih loh ten i tar hunah tuin nge enkawl ang che?’ mi ti thung a. A khawi mah mah hian pasal neih chakna emaw..ban tlang hrehna chhan pakhat min pe lo a nih chu. Mak thei ngei mai.
Hmeichhia in pasal a neih loh vanga a zahawmloh nachhan ka hre lo reng reng. Bible pawhin kawppui nei lo awm theih chu a tha a ti nih kha (I Korinth 7). Mipa nupui neilo hi an zahawmlo ve tho em le? A tleirawl emaw… a that lai a uluk lo taka a nun avanga ban tlang a nih chuan thudang, mahse chutiang mi chu nula senior ka hriatah an awm lo. Tlangval senior ho ve hi enge an an ve le?
Kan veng a nula hnah khat ho phei hi chu an va zahawm tak. Chhungkua ah fanu, u emaw nau ni chungin PA chan changin chhungkua an enkawl a, an chawm a, vantlang zah kai hna an chelh theuh a, an huaisen bawk. Tawn hriat an ngah tawh avangin an tihsual anga midangin an tihsuala inchhirna an neih loh nan thahnem ngai takin thudik nia an hriat chu an sawi chhuak mai thin.
Nun hlutna an man tawh vangin khawvel thil nazawng hian an nun a tibuai pha lo. Kawppui tur hmu lo emaw luck lo pawh an ni lo, a hre chiangtu tan chuan an to lutuk a, MIPA ka ni e in tichin lo tan chuan cho rual an ni lo ni ber in hria. Tlangval hnahkhat hian nula hnahkhat ang hian tehna an dawng ve awm pawh ka hre lo.
A eng a pawh chu ni se, NULA hnahkhat te hi an zahawmloh na leh an nuihzatthlakna an nunchangah hian ka hmu mawlh lo a, ka ngaisang zawk mah. Tlangval senior chungchang sawi tur ka hriat loh kar a Nula senior chanchin sawi tur ka hriat hnem bik lutuk vang pawh hian khawtlang hian Tlangval senior aiin Nula te hi kawppui nei thuai thuai turin min dah bur ni ber maiin ka hria kei chuan.
Entawn tur an tha em…nula hnahkhat nih a ban tlang thak hi sihsen tia pawhin hrehna ka nei lo e.. PASAL ni tur a kawppui neih ai chuan..PA ni tur a chhungte enkawl ka thlang let zak mai a…ka senior hun lo huphurh lutuk duh su…
Similar Posts:
- Inneih hi
- Nula Senior
- Thlawi Fakna…! (Ka Ṭhianpa Pual)
- ZO PA LEH NU KAN LA INDUHLO TAWN ANG NGEM ?
- Tlangval ni leh thei ngat i la chuan tlangtlan nula ngat ka nei ang..
December 8th, 2011 at 9:37 am
#47, min tih chhan vang chu a ni miah lo a nia….
Report this comment
December 8th, 2011 at 9:38 am
Nula siniar chu hit hle mai
Report this comment
December 8th, 2011 at 10:14 am
kawr to deuh leitu awm lo chu an discount leh nge2 thin.
(fiamthu + uang + tlanchhia)
Report this comment
December 8th, 2011 at 11:27 am
nula senior chu a tha lo, an lu a lawk lal tawh phei chuan an hlauh awm. A lang lo ah hian danger sign lian tawk tak a intar tih hriat tel tur.
Tlangval senior te chu a zia lutuk, senior luck a awm a, vanneih phei chuan he mi dawtah hian ‘senior duhawm’ in a zui leh nghal zat thei.
Report this comment
December 8th, 2011 at 11:47 am
I va’n ziakthiam tak em!…
Ka sawi tur min lo sawikhalh vek hlawm a a fair lo khawp mai
Mizo chang hian kan lo hrat lo. Vai ho phei hi chuan kan kum hre hawt lo hian, a hming a hna chhete thawh tawh chuan, “Engtiknge nupui i neih dawn?” min ti ngawt zel. Nupui neih chu sawi loh, a rukin * kan nei ngam ve ek ek chauh a nia
Kei pawh nula senior, fel tak tak, a ruk te a * ve deuh pawh ka nei
Report this comment
December 8th, 2011 at 11:50 am
Post tunu lengrei tura tan tu kan tam e. Lengrei mawlh ang che
Report this comment
December 8th, 2011 at 12:09 pm
@ Msi.. Augustine chuan Nupa nun chu ral atanga tlang mualpawng rai nuam tak phul hmun,thlir a nawm hmel em em, mahse ahmun a chenchilh a rin ang a nuam leh silo ang hi ani, ati a,chuvangin nupui pasal inneih hi anuam em em lo aniang, bantlang iduh pawh kha iti fuh zawk mai thei, neihfuh loh phei chuan…
Report this comment
December 8th, 2011 at 12:11 pm
Nula senior mai lo, tlangval senior te pawh nupui nei vat vat tur a mi in an tih hi an ning ve hle bawk in ka hria. Keipawh ka tlangval senior chuan chutia min tih ka duh miah lovang. Kum 20 ka ni ve tep tawh a, ka senior ve tep tawh in ka hria.
Report this comment
December 8th, 2011 at 12:17 pm
A tulna avanga nupui/pasal neilo, hmeichhiat mipat lama invawng thianghlim theite hi chu an fakawm a lawm. Tam tak hi chu, duhsakna avanga fiam te pawh an awm ve bawk ang chu. Neih dawn rau rau chuan hma lutuk lo, tlai lutuk lo hi chu a thain ka hria.
Report this comment
December 8th, 2011 at 12:17 pm
Chhungkaw support tu nih vanga pasal neih rem mai lo te hi chu an ngaihsanawm ka ti tawp. Mahni a nun thiam leh tlei zok vang te pon a single reng ve theih bawk. Tlangval ten chhai en a an en ngam loh khawpa strict, attitude neih leh duhtui vanga senior tak reng eroh a awm ve thei tho bok.
Report this comment
December 8th, 2011 at 12:19 pm
Nia, nula te hi senior an tihma thei viau a, nula puitling khek khawk hi nupuiah an thlanawm zawk daih.
Report this comment
December 8th, 2011 at 12:22 pm
Ka hmeichhe thian te hnenah hian “IN ZIRLAI IN ZAWH A,HNA I THAWH CHUAN,PASAL NEIH IN TUM CHUAN I NU LEH PA TE TAN LOAN LA HMAK SA,PASAL NEIH HUNAH RUL RAWH, I NU LEH PATE CHUAN AN DUHLO MAI THEI, MAHSE LAWMTHU SAWI NAN I BAT ANI” Ka ti thin a, emge in ngaihdan
Report this comment
December 8th, 2011 at 12:47 pm
A tam zawk ah chuan….senior hi in chak tlat alawm mawle..kum 23/24 kai dek2 hi chuan in han in ti senior ringawt a…a bik in Kristian Thalai,YMA vela active ho hi..chak na na na chuan in rilru sukthlek pawg kha lam ah a awm ang chu.. Mahse tam tak ah ani lem lo,a tam zawk ah ani tih erawh ka chiang.
Kum 30 tlin hian in lak ’emo’ tan tur. 
Thil puitling taka ngaihtuah tur,mahse a naupang thei ang bera nuna nun chen tur.
Report this comment
December 8th, 2011 at 12:50 pm
Keipawh hi Rempuii’n mi neih mai loh chuan ka senior dawn tlat in ka hria… a ni lo hi chu an hla dûk tawh mai si a
Tin, kan nula te hi senior in inti hma ka ti khrim khrim, ngaihzawng neihloh vang maiin “Kei chu ka senior tawh alawm” tih fiamthu nan in han in hmang a. Mahni senior in ti nanana chu a kum lam en tawh lem lo in kan lo hmu senior ve tial tial tawh mai ni. Chuvangin senior tih hi nangmahni pawhin hmang hmang suh u
Report this comment
December 8th, 2011 at 12:51 pm
#62
Report this comment
December 8th, 2011 at 12:59 pm
#63 hahaa..23/24 hi an la inti senior lo..30 pawh..mahse a ni lo ho hian an hmu senior zawk lawm…zirna lam a buai tan phei chuan zirlai an la nia..an la nula lo reng reng..haha
kei phei chu YOUNG lutuk…nauten min nulat khalh vek…
Report this comment
December 8th, 2011 at 1:07 pm
Senior chak tak tak pawh hi an tam khawp mai. Keini tlangval ti pawh a kan la in sawithat ngam loh, rawlthar kan in tih lai in naute rual an lo in ti Nula Senior em em ringawt thin a. Keichu nupui/pasal neih hi chu a hmanhmawh thlak loh ka ti. Hmeichhe tan kum 18 – 25 inkar a pasal an nei mai thin hi chu a la hma deuh ka ti thin. Mipa tan Kum 30 tal hi chu kai ila ka ti bawk. Ngaihdan a in ang vek kherlo thei.
Report this comment
December 8th, 2011 at 1:31 pm
Kum 35 velah bialnu tur melh tan ve chauh ila a tha ang.
Report this comment
December 8th, 2011 at 1:49 pm
Ziak thra tawps
mahse
Zing lam hna Tlai lama tran hi chu a hahthlak dan a dang khawps
Report this comment
December 8th, 2011 at 3:53 pm
Pi Ms,..:-D..i ziak tha a, comment pawh a ngaihnawm khawp mai ka chhiar chhuak dap e.
Report this comment
December 8th, 2011 at 4:14 pm
He post chu a siniar hle mai
Report this comment
December 8th, 2011 at 5:05 pm
Senior-fakna, nula senior ziak, inla-senior ho in an comment-sak liam liam, senior ve tep in, ka chhiar thlak mual mual chu le…
Report this comment
December 8th, 2011 at 5:41 pm
Senior chhan tha tam tak in han sawi in han sawi a, a that hmel vek e. Mahni thu thu. Mahse a hun ve tawh tho hi chuan tlem a zawng tal chuan duh rilruk na ve chu a awm thei hian kan ring khawp a. Mahse mahni dinhmun ngaihtuah lova desperate chiam hi bawhsual te pawh a awm thei khawp ang.
. Hun lo kal leh zel se, enge kan an ang tih chu ka sawi thei law…. 
Thian ten an neih zawh vek tawh chuan kawm tur an vang duh e….. an ina va tal va tal ani tawh si lo. haha
A hun hma deuh kha chuan ngaihtuahna ah leh mumang a lo neih ringawt pawhin kan hlau chhe lo chauh chu a ni a, kumin a zir chhoh ve tan chuan a pawi kan ti viau lo (chak em emna ni lovin) chu anih tawh hi
Report this comment
December 8th, 2011 at 8:01 pm
Nula senior chauh a ni bik lo, kei rawlthar kum-30 chuang tawh pawh hi “Engtik nge i neih dawn? Nei ve vat vat la? I upa lutuk chuan a tha lo a nia, nei ve vat rawh…adt..” a tam mai, mi fiam vel hi nuam an ti em em ma ni. heihi chu kan Mizo nungphung pakhat deuh a ni a, thil tha a ni lem lo, chhungte pawn min lo nawr ve sek hi chu,”Ka nupui neih tur leh tur lovah hian lo inrawlh su!!!” ka ti hmak.
Report this comment
December 8th, 2011 at 8:35 pm
Msi chu … puak tha pep pep hle mai….tha lutuk…
ahmei apa hian nupui pasal neih loh chhan leh neih har chhante chu a awm ngei ang le…
kan thenawma tleirawl kum 18 mi chuan kei chu nula senior nih ka chak ber a ti a,a chhanah chuan nula senior chu an fel duh si,kohhran leh khawtlangah miin an zah a, sum an nei a,an duh duh thil an lei thei a, chhungkua an chawm a, tuman an hau ngai lo a ti…
Report this comment
December 8th, 2011 at 9:20 pm
#70 i in pi lo te’ng
ka lawm e i chhiar chhuak dap a
#72 nula senior ziah a ni lo
#75 in thenawm tleirawl te reuh chu…a chhun che a, a fing nih chu..
In zavai chungah ka lawm e..
Report this comment
December 9th, 2011 at 12:11 am
Nula senior ho hi an kum tam vang mai mai a senior an nih ang a! comment tur ka hre thlawt lo rak ve mai mai
Nula senior chu a meng rei rei hi an ni mai 
exampyt..ka sawi lo ang 
Report this comment