Pu Mzvision-a post Darkhuang tih loh Darkhuang related chu post dang ka hmu lem lo, Comment ve ka duh viau nangin 1991 kum a Arts & Culture Dept. in Seminar an neih a, “Mizorama Darkhuang hman dan, MUP-in lo rel rawh se”a tih ang leh MUP Gen. Assembly, 21 Feb 1992-a neihin Darkhuang hman dan thin hre deuh deuhte sawihona hi ka comment ve naah min ngaihsak mai se.
Darkhuang hi kan Mizo pipute siam ni lo mahse, ro thila an lo neihna a rei tawh a. Darkhuang hi hman lai chuan lal leh mi hausate chauh neih theih a ni thin a.
Tichuan, Pipute hun laia an hmanna tlangpui chu Chhiatni leh Thatni atan a ni a. Hetiang hian an hmang thin a.
*Mi an thihin, mitthi inah muang ruaiin Darkhuang an tum thin; hei hi mitthi tahtu atana hman a ni.
*Khual khuaa laina bul an thih a, zualko hmel an hmuhin leh lusun khawhar ten an lunglen hnemtu atan an tum thin.
*Chawn leh lam leh kutni hunah te, buhza aih ni khuaah te, Mo neih ni khuaahte ropuina lam entir nan an tum bawk thin.
*Sechhun, Khuangchawi leh Sakei aih nikhuain an tum bawk.
*Sakei aitu a thih a, a ruang chunga ‘thihthiap’ an venin Darkhuang leh Darbu chikim nen an tum thin.
*Sakei zim/hual nikhua leh Sakei nghal hnawh bo nan leh Sakei rikrap nan an tum bawk thin.
Tin, Darkhuang nei pa chuan tul a tih huna Darkhuang a tum chu tuma khap theih a ni bik lo va, amaherawhchu awm lo lutuk leh thenawm dam lo nasate tibuai tur chuan an tum ngai lo.
Tun lai Darkhuang hman dan :-
* Biak In dar atan.
* Vantlang mitthi dar atan.
* Mizoram rorelna sang ber (Legislative Assembly) tanna dar atan.
* Thih nia mitthi tahtu atan leh chumi hnua khawhar lunglen hnem nan an tum thin.
[Source : MUP Tlangau July 1992 issue, “Darkhuang hman dan H.Vanthuama]
December 8th, 2011 at 6:07 am
post tha tak a ni e. 1st keuh te’ng!
Report this comment
December 8th, 2011 at 7:00 am
Post tha lutuk,a bengvarthlak e. 2nd ka hauh..
Report this comment
December 8th, 2011 at 7:08 am
Post hlu tak a ni.
Mitthi an awm veleh a darkhuang kan vuak thin lai khan ka pu kual ve nasa thin khawp mai. Mi mut reh lai a kan han vaw ri bung bung mai thin te kha aw.. Nu leh pa fel deuh ho kawngka hawng ri leh tunge ni a? tih ri khan a zui thin a. Tunah hian mitthi dar a hmang hi kan la awm em le?
tren tren.
Report this comment
December 8th, 2011 at 7:14 am
Darkhuang ri hi a lunglenthlak a, a rapawm lek lek bawk ka ti. Upa Pawl member an thihte hian a khat tawk hian an vaw hlurh hlurh thin a, thinlung hi a luh ruih.
Report this comment
December 8th, 2011 at 8:14 am
A bengvarthlak hle mai. Tunah chuan a hmanna tur ho angah kan hmang mang tawh lova, MUP member boral an awm erawh chuan an tum thin a ni tawh mai a. Kan changkang ve ta a ni e.
Report this comment
December 8th, 2011 at 8:38 am
Bengvar thlal e…thatni ah vauk kauh tur a nih chu le..Jubilee dar pawh an vaw tho a…a thinglo em lo ang chu
Report this comment
December 8th, 2011 at 8:45 am
Darkhuang hi tum chi ani em ni? Darbu hi chu an tum ngei mai a(h)…kan naupan lai chuan mithi an awmin tlangvalin darkhuang an zawn a,akhat tawkin an chum ri bul thin a,a hrang mai ang tih tur khawpa ri pui ani thin…chuan a vaw tu te kha tunge thi tih kan lo zawt ta thin a…Rang vut maia darkhuang an vuak chuan tlangval an inkokhawm alo ni chawk…naupan deuh laia ka lo ekspirians ve mai2…
Report this comment
December 8th, 2011 at 8:56 am
Post tha tak ani hetiag lampag hi rawn post zel teh u a bengvar thlak khwp mai
Report this comment
December 8th, 2011 at 9:05 am
Kan naupan lai chuan mitthi an awmin khawlaiah an zawn a,a ri bung bung thin. Kan hlau thei hle. Lenglai thih chauhvin a ni ta em ka chiang ta lo.
Report this comment
December 8th, 2011 at 10:10 am
Kan branch yma chuan mizo cultural dance ah pawh hian darkhuang te kan vaw tel thin.
Report this comment
December 8th, 2011 at 12:20 pm
Kan khuaah chuan khawtlang thil pawimawh rel tura Lal leh Upate an thut khawm dawn pawhin an vaw ri vu vu thin.
Report this comment
December 8th, 2011 at 12:20 pm
A bengvar thlak khawp mai. Darkhuang hi Mizo ro hluber pakhat ani si a, siam thiam ve a tha khawp mai. Tin, Sial pawh hi kan mizo nuna bet tlat thin kha a ni a, a rem lek lek chu a ni e. Arts & Culture leh A.H.Vety lam te hian humhalh leh inthlah pun tir a tha khawpin ka hria.
Report this comment
December 8th, 2011 at 12:51 pm
Post a lo chhuak a ni maw!
Darkhuang hi a neitu apiangin a duh hun hunah a vaw thei tih hi thu ding lai a ni awm e. :bo lehnghal dawn:
Report this comment
December 8th, 2011 at 1:17 pm
A bengvarthlak hle mai.
@ Nizan chu ka mumangah Keipui kawlh tak mai ka lo kah hlum chu le…
Report this comment
December 8th, 2011 at 2:26 pm
khuang/drum hi chinese chuan 鼓 ania, khuang an lo ti ve tho em awww
Report this comment
December 8th, 2011 at 2:32 pm
a dik lo thei tho..drum zawn khan ka zawng a
Report this comment
December 8th, 2011 at 3:22 pm
Bengvar thak hle mai.
Darkhuang hlau hian thuthleng hnuaiah ka biru tat thin. 
Report this comment
December 8th, 2011 at 6:47 pm
ka comment ve e
ava bengvar thlak ve,kan naupan laia Darkhuang hmanna ka hriat ve thin chu zana mitthi awm a tlangval tlawmngaiten an zawn kual a an vuak kha a ni a, ahnu leh deuh ah chuan MUP member thi an awm in…a bak hi chu practical a hmanna chu ka la hmu tam lo khawp mai
Report this comment
December 8th, 2011 at 7:31 pm
A bengvar thlak hle mai.
Ka paManliana(mzvision makpa pa) a thih khan kapu (apa) tan chuan tuar thiam pawh har tak tur ani reng a. Tichuan, kapu chuan, Dawrpui vengthar hruaitute hnenah chuan, “Ka tah ai ka dar hi tap rawh se,” tia vengchhung a ngenna avang chuan, muangchangin tlaivarin an tum ta reng a ni. Khami tum a an darkhuang tum kha mimal tah ai an tah tir ka hriat chhun ani maithei.
Report this comment
December 8th, 2011 at 8:39 pm
https://www.youtube.com/watch?v.....re=related
‘tiang darkhuang ri hi a PA.
Report this comment