Mitin lawina chu a lo ni ngei mai – Treasury Square hi! Aizawl Treasury Square hi ania ka tih ni. A tawp ru riau a, a ngainatawm riau bawk a, eng emaw ti takin ka tih riau a, nuam ka ti ru phian bawk si!
Zing khawvar phat atangin a lûn nghal char char a, a tuk khawvar a bantlang thin. Chanchinbu zuar leh sem chhuaktute’n khawvar phat atangin he hmun hi an luah tan a. Patling zing chhuakvakte’n chawlh hahdam nan tak an hmang a, titi hlimawm tak nen zing nilum an ai tlâng thin.
Chawhmeh leh eng ilo zuar an lo lang tan a. Chutih rualin a hma zan lam thing rim nam ram ram chunga lo tawng bawrh bawrh tâwk lah bo lo. Treasury Square khawvel a intan tlat.
DC Office leh sawrkar office hmunpui a nih avangin sawrkar hnathawk an lo zi chhuak a. Ukil an lo lang a, thubuai neite nen. Police kan hmu âwl lo, traffic police thlengin. Khar chhâwng leh standing an lo inzep a, a dawrtute nen.
Petrol la turin lirthei nei an lo inhawrkhawm a, press neitute leh thawk te, Hnam Rûn leh Bhavan mi leh sa te nen an insùlpêl zut zut a. Dâk Inpui a ding luah a, a bulah tangkaina ngah lo takin Assam Rifles an inkulh mup a. A khât tâwkin chak tak taka an mi leh sate pen guau guau hmuh tur a awm reng bawk.
Tlai meng si sakte hun a lo intan a. Nam huam huam chunga tu tute emaw nena an kal dâl dâl hmuh tur a awm fo. Hamfiri ri thawt thawt te, lirthei au râwl ring tak takte chuan beng an luah a, ngaihtuahna te nen lam a kiu vawng vawng thei nia!
Zan a lo ni a, thim thiltihtheihna a lo intan e! Mipa leh hmeichhia, an hmel en atang reng reng pawha Genesis rim nam lo tak takte chu an thu khawm tuau a, eng nge an sawia eng nge an tih kan va hriatpui tawh lo. Zan thim hnua Treasury Square-a thut zahthlak leh nuam lo khawpin chu’ng ho chuan hmun an hauh a, an luah tlat a. Anni leh an thuihhruai, thil zuar leh mahni inzuarte’n rinawm takin chu hmun chu an luah zankhua ta thin a ni.
Sawrkar hmunpui, Police hmunpui, Dâk In hmunpui, Petrol hmunpui, Press hmunpui, Chanchinbu hmunpui, Ukil ho hmunpui, Puipunna hmunpui, Bazar hmunpui, Party hmunpui, Khawvel mite hmunpui – Aizawl Centre a lo ni ngei e, Treasury Square hi!
December 13th, 2011 at 2:02 pm
Va tha ve
December 13th, 2011 at 2:15 pm
Hahaha.. Comment first hi post nen a inhmeh lutuk! Court ni-ah Treasury Square-ah ka hmu deuh ziah che a…hahaha
December 13th, 2011 at 2:25 pm
Ka mitthlain ka hmu a, min ti pik mup mup!
December 13th, 2011 at 2:27 pm
Hmaaan ah PUC kan kal ve thin laia College Bus kan chan thin na 🙂 *akekek*
December 13th, 2011 at 2:45 pm
Pikchar awm dawn maw ka tia
December 13th, 2011 at 2:49 pm
I ziak kim tawi thiam hle mai
December 13th, 2011 at 3:10 pm
I ziak kim lutka sawi belh tur pawh ka hre lo 😀
December 13th, 2011 at 3:18 pm
Admin: Inthiamlo tak chungin ka post Heading saw ka change a min lo hrethiam dawnnia. Thupuia sas han tih kha nalh chiahloa ka hriat vang a nia. 😉 Nizan ni chiahlo, tukin zinga ka ziah edit mumal lova submit ani bawka kan in hrethiam aniang chu. 🙂
December 13th, 2011 at 3:22 pm
Asteric, i inla-young em alawm. I post tur pawh saw ka chhiar vek tawh…hihi..
Littleboihsuk, phone chhetë atanga tukina Treasury Square-a ka awm laia ka rawn post mai mai mawle.. 😛 Lem lamah chuan ka laktlak fahran loh eeeee…..
December 13th, 2011 at 3:24 pm
@Asteric, aw le 🙂
December 13th, 2011 at 3:37 pm
I ziak thiam khawp mai, sawlai muk lutuk saw keipawhin ka vei ṭhin khawp mai. Khawpui zauh dan lah hi kan thiam lo khawp maia, ram hmun leh hma neih ṭhat ngawt pawh a ni lova, mipui punkhawm dan tur leh zirna leh Hospital a chimbuai loh dan tur te, sorkar office in hna a thawh paha midang a nek buai lohna lai hmun te planning mumal taka duan a ngaia. A hma in zosap ten an ti sual pawh nilovin a spead zawngin kan khawsa lova, a insawhmuk zawngin kan khawsa ta reuh a, thingtlang hmasawnna nen kan inkhuangrual lo nuaih tawh mai a ni hi.
@TuaiSial…engtin nge ilo chhiar bik a, a fair lo ka trash leh dawn 😉
December 13th, 2011 at 3:37 pm
pen guau guau — mizotawnga g hmanna awmchhun a nih hmel mang e :-O :-O
December 13th, 2011 at 3:38 pm
…a bulah tangkaina ngah lo takin Assam Rifles an inkulh mup a (Y)
Hman zanah nula pakhat inah ka leng a, chu nula kawngka luchungah chuan… T.S KHUPCHONG tih a intar! 😀
December 13th, 2011 at 3:44 pm
Ka rawn inlar zuai. Ka la chhiar hman tlat lo. Out leh nghal.
December 13th, 2011 at 3:46 pm
@Bena Ralte: Ka in luahna hlui a nih kha! Name plate kan la lathla lova, nulain a chhawm ta zel a nih kha! A chung chung lehah ka awm.
@Asteric: I blog post nen khan a inang ang chu ka ti mai a..
December 13th, 2011 at 3:50 pm
G…hmanna tih takah chuan Sudden muanga min ti hre chhuak zawk, ‘Gei gui’ tih a uar theih viau kha…
December 13th, 2011 at 3:52 pm
@rose, gei gui pawh.
December 13th, 2011 at 4:00 pm
@Tuaisial…hihi… ka blog hi type/edit nan ka hmang ṭhin a. Mahse in ang chiah tawh lovang, chhiar leh rawh. Thu hi tlema a dan hlek hian rilru a her danglam duh teh a nia 😉
December 13th, 2011 at 4:20 pm
#9 Tuaisial ph tawng ten i post vel a? I va ti tha ve
December 13th, 2011 at 4:25 pm
Aloha! TuaiSialAn Lersia se chi tha Treasury Squere ah a rawn khalh phei e.. 😀 😉
December 13th, 2011 at 4:26 pm
TuaiSiala hi a luck ber mai : ngaisang:
December 13th, 2011 at 4:27 pm
va tawi kim tak ve. (Y)
December 13th, 2011 at 4:30 pm
A post-tupa thlir lohna tlang atangin kan thlir ve daih teh ang.
Square hi mizo tawng hian ‘Kawn’ tihna a ni thei ang em, a dik chiah si lo ? England ram a an Square sawi dan nen hi chuan a dang daih mai.
JF-a dictionary chuan ti hian a sawi :-
“square (skuer), n., adj. thil killi nei sir inchen leh kil intiat tlang chhiah ( ) , khawtthler hniam laili, kilkli neia sipai tlar, killi nei, nambner mahni inpuntir. v.t. kili nei inbiala siam, (awm) tic ar mahnia inpurtir, ching fel, siam rem.”
Concise Oxford dictionary chuan ” an open, typically four sided, area surrounded by buildings” a ti kher bawk!
Tin, hmanlai a Treasury Square hming put chhan ‘Treasury’ ber khi Mal-khana-ah an hmang daih lo maw?
Square ni chiah bawk si lo, Kawn ni chiah bawk si lo, a hmun hming hi thlak daih chi a ni lo maw 😛
December 13th, 2011 at 4:31 pm
Sa sahna kha a la awm bawk em? 🙂 taxi stand, a bulah pharmacy, chumi chhakah fax thawnna a awm a, ka hman laiin a chhe lehngal..heheh. A bulah tea stall class lo ve tak, a kawtah thei den lolzz lung te poh i ti leng e
December 13th, 2011 at 4:55 pm
#23
Hmingah buai a ngai vak dawn em ni!hming chu hming!Tun sunday tlai pawh khan Lalrawngbawla zurui buaipuiin a nia kan thenawm khawveng kan buai!Lalrawng chu bawl lo ve hel hawl deuh a nia,mahse hming chu thlak a tum bik lo a niang!Hairehai.. 😛
December 13th, 2011 at 5:08 pm
#25 : Thim Lal rawng a bawl anih chu 😛
December 13th, 2011 at 5:13 pm
littleboihsuk, eng luck nge i sawi tak ni? :ngaihna hre lo:
ReMpY: I awmna rei tawh aniang a.. Taxi stand chu Zodin hnaih lamah a awm ngei mai a. Sa sahna chu Tennis Court bus stand thlenthlak hma chhukthlaah a awm bawk a. Chu bazar chu, chhak lam atanga chhukthlakin sarep leh ar puah sa an zuar a, thingpui dawr tawp deuh, lûn zet si a awm bawk a, incheina eng ilo vel a awm leh a, thlai hnah a awm thla leh a, sa sahnaah sa, thovin a bawm huai huai a awm bawk a. A tawpah zunin a awm a, kawngpui kan thleng. Kawngpui chu Temple lam panin kawngchhak lama kan kal chuan fu herna a lo awm ang a, chuan, thlai chi, rannung thahna hlo tih vel zawrhna a awm bawk ang. Chuan…chuan…chuan… Treasury Square-ah chuan, Food & Civil Supplies directorate bul venghlui panthlakna hnaih lamah restaurant a awm a, a chungah beauty parlour a awm bawk a, a pheiah nepnawi zawrhna dawr leh top up vel zawrhna a awm a, a kawt bus stand bul chiah thei den eng ilo zawrhna a awm thut a.. Kawngsir zawng zawng chu nuho chawhmeh zawrhna a ni tih hre bawk ila. Venghlui lama penthlak chuan damdawi dawr chu a lo awm ngei mai. ZNP Office pawh a awm.
Heeeetah, petrol pump lam han hawi ila. Petrol pump a awm a, a bul velah diesel emaw ni vel an lo thutpui bawk a. Chhukthlak deuh chuan Vanapa Hall kan thleng nghal a ni mai a, chutah chuan MSU Office tih te, magazine office te, press te, lumehna hmun te a awm a. Chaw eina hotel te pawh. Chuan, chhukthlak leh chuan temple a ni mai.
Chuan…heeeetah insawn ila. DC Road lamah chuan…nepnawi dawr, xerox dawr, thingpui dawr a indawt phei a. Hetah chhukthla lamah vethung…press leh chanchinbu chan a ni mai, Bhavan nen. Ka lawm e. Ka kut a kham, ka mit pawh.
December 13th, 2011 at 5:25 pm
Tuaisial nvrmind
December 13th, 2011 at 5:45 pm
A dik fû ni.
December 13th, 2011 at 5:46 pm
TS-a, i sawi dik angreng viau mai, i sawithiam aniang ka mitthla kual zet zet mai hairehai 😀
Hmanah DC pisa chhoh dawn lungrem vel khi chinai hnawihvar-in ka inhlawhfa a. Ka thian thenkhatte chuan min hmu thalo der vel. A then lahin min be tho si khan an tawngkam hman leh hawiher kha an ti danglam ta vel a hahaha ho hi kan ti teih teih khawp a hairehai 😛 😉
December 13th, 2011 at 5:58 pm
Post kekawrte tak a ni e. (y)
(tfk) :d
Hetah hian alawm traffic police pakhatin ka wrong side min man an tumna chu, mahse thingtlang atanga kal kan nih thu leh one way leh way lo pawh ka hriat loh thu te ka sawi luam a, min hrethiam ta hlauh. Tun thleng hian ka la lawm.
tren tren.
December 13th, 2011 at 6:07 pm
Zion phi-hrít chanchin han ti leh la. (a zängkhai zawngin).
December 13th, 2011 at 6:10 pm
31 chhuaklinga idea khi hriatreng chi haha
December 13th, 2011 at 7:24 pm
TS i va han ziak thiam em em!! Kan thil hmuh leh hriat in ang reng pawh keini chuan ziak ve ila melh pawh in melh peih lovang!!
Treasury Square hi chu “A Hmun” a ni tawp!! 😛
December 13th, 2011 at 11:47 pm
hahaha… hmun dang pawh rawn ziak leh teh a… Tuaite! (Y)
December 14th, 2011 at 12:38 am
TS=Treasury Square…
Hman deuh lawk khan TS-ah hian pick pocket ka tawng tawh. bus chhungah kan dinga,ka kekawr ipte hnung lama ka pawisa dah chu a awm lo tih ka hriat veleh ka pawisa bo thu ka thianpa ka hrilh nghala, mahse vanneihthlak takin pawisa chu bus chhuatah a lo tla bal maia, amaha a zuan chhuah chu ka ring bik chiah si lova,ka hnung chiaha ding kha ka ringhlel khawp mai. A bo tih ka hriat veleh amah ka va vuan nghal chawt sia, a ak hman lo a niang.
December 14th, 2011 at 1:00 am
Ka lung a tileng.
December 14th, 2011 at 3:57 am
Ka van ngâi Aizawl:(