Help ti ve leh pawp mai ang, thupui hlapui a han vai chi em em phei chu a ni chiah pawhin ka hre lem lova.
Englo ania, hei kumin chu thingtlang atangin Aizawl lamah masi hmang turin kan rawn chhuk ve a. Kan rawn chhuk dawn atang khan ka rilru ah,’Kumin chu misual charity an siam leh ngei anga, Aizawl-a ka awm dawn avangin thawh ve ngei teh ang,’ ka ti rilru ve a.
Tichuan kan rawn thleng ta ale, naupang masi thawmhnaw leia kan bazar kha thingtlang mi tih takah it zawng leh duh zawng kan lo ngah hle mai a. Kan pawisa neih ve chhun tlemte chu kar lovah kan hmang zo titih der mai a, misual charity a thawh tur pawh ka nei ta hauh lo mai.
Tichuan kan han sawihova, kan chhungkua chuan thawh ve ngei kan duh bawk si avang chuan kan inbul dawrkai te kuhva rah thel a inhlawh kan rel ta a.
Inrinni leh chawlhni nilenga kan khehna man chu ka va thlak ve ta karh a. Kan chhungkua pawh kan hlim tlang dar dar khawp mai. Hemi zan hi chuan doc_lib khan a beng lo hup sela, thui kawih pawh a hriat hauh loh mai. 
Chuan tuna ka harsatna ni leh ta chu he charity sem leh a sem dan tur rel hun hi keini thingtlang lam misual ho te tan khawpui misual ho bula han tal ve na remchang tak anih bakah tal ve hrim hrim ka lo chak ve bawk a. Mahse motor nei velo nafam chu veivahna lamah harsatna ka nei ta tlat mai pek a.
Kan awmna lah chu a hla angreng bawk nen, kal ve ngei ka duh bawk si a. Kan awmna lah hi Kulikawn piah lam daih ah ani bawk si a. Kal lam leh haw lam min thlah/hruai peih in awm em tiin kut ka rawn dawh ve tawp mai ani e. Min hruai remchang theilo anih pawhin kal chu ka tum tho a, kal theih dan tur pawh ka ngaihtuah ve mek tho ania, inthlahrun na tur a awm lovang. Min hruai/thlah thei tur in awm theih phei chuan ka lawm ngawt ang.
Similar Posts:
- Hey Tonight! -Misual.Commers Charity bawm hawn a ni dawn ta!
- Kolasib Mi{sual} Charity Bawm hawn na
- Misual.commers Charity BAWM hûn a ni ta!
- Krismas engtia hman nge i tum?
- misual.commer ho zawng zawng sawmna
December 16th, 2011 at 9:54 pm
Phek thar hawng ang!! Tel ve a chakawm hle mai.. Ke in ka kal tan tawh mai dawn!! :lol:
Report this comment