Krismas a hnai tawh a, rilru ah thil eng eng emaw a lo lut thar leh a. Ka misual pui te bulah ka rilru kan share leh mai mai ang teh ang.
Hmanni chu ka mi hriatchian tak nu pakhat a boral a, nu taima leh fel tak mai a ni a, fanu leh fapa tlangval a nei bawk a. A damloh chhung a rei deuh a, damdawiin ah reitak an awm hnuin in lamah an inenkawl ta a. Mahni a insaseng theilo anih vangin mut hmunah engkim tih a ngai a, a chhungte tan chuan a buaithlak viau ang. A chhungte lakah khan a inthlahrung thin tih a hriat.
Ralkhat atangin ka lo khawngaih ve em em thin a. Amahin engmah a ti thei silo. A bulah kal i la, a rim a chhia a, a fate’n an tifai tawk lo tih a hriat. A sam leh a hmai te pawh an tuaimam sak lai hi ka hmulo reng reng a, ei leh intur nise ‘Kha’ an ti mai a….a dang pawh a tam mai. Tichuan a boral ta a.
A thih ni chuan a fanu chu hnem hleihtheihloh khawpin a tap nasa a. He thil ka hmuh hian thil min ngaihtuah zui tir ta alawm. A nu damlai khan a hmangaihna a lantir tawklo in a duat lohzia a thih hnu khan a inhrechhuak ngei ang tih ka ring a.
Thih hnu a in hmangaih hi a sawt lo. Kan damlai ngei hian inhmangaih tawn teh ang u. Kei pawh ka nu in min boralsan tawh a, zirna avang leh hna avang te’n a bulah hun ka hmang tamlo. Nu hmangaihna lo ropuizia hi tunhnu hian ka hrechhuak thar leh thin a, ka hmangaihna ka lo lantir thiam tawk lo te, ka lantir tlem lutuk te kha ka inchhir thin. Tunah hian la dam se, ka theihtawkin ka duatin ka hmangaihna ka lantir ang tih ka ngaihtuah thin.
Mihring tan hunruat a awm a, kumhlun tur tumah kan awm silo a, chuvangin nu leh pa, unaute mai bakah chhungkhat te, thenawm khawvengte, tuna la damte hian kan inhmangaihna kan lantir hi a lo va tul em tih ka ngaihtuah ani. Kan nu leh pa te’n min thinsan hnu a kan inchhir loh nan kan hmangaihna kan lantir theih lai hian i lantir theuh ang u.
A nachang hrevek zawk in ni ang tih pawh ka hria a, mahse, Krismas kan lo thleng leh dawn tawh a, a thar in in hmangaihna lantir leh theuh ang u tih ka Misual pui te ka chah duh che u ani. Mizo te hi hmangaihna leh duhsakna lantir thiamlo leh zak deuh tlat hnam kan ni em aw?
Harsatna leh damlohna avanga kan buai thei te hi malsawmna ropui tak a lo ni. Chhungkua leh thenawm khawveng leh khawtlang tan kan phak tawk tawkin malsawmna nih tum ila, chu chu kumin a kan Kristmas present lo nise :kiss: 
Similar Posts:
- Ka hmangaih che
- AIDS vei thar a nih saw……
- Ka hmangaih em em che asin
- Remix – From Khuanu ruat loh D to Never Alone
- Valentine’s Day Vangin i buai a mi?
December 19th, 2011 at 2:06 pm
1nhmanga1h h1 a nuam.
December 19th, 2011 at 2:20 pm
@ Ka thlawp full thak he post hi. An nu leh pa, u leh nau te thih hnua inchhir bang thei lo hi ka hmu ta nual.
@ Hmannia kan khaw tlangval boral pawh kha a thih hnu chuan a nu leh pa te an inchhir lutuk a, a dam loh thu a sawi pawha “In lo nghak la, damdawi te kha i lo ei mai dawn nia.” an tih te, damdawi pawh pek saktu nei lova a natna khum atanga a ban ve tawk tawk thin an hriatchhuah leh hnu chuan an inchhir lutuk hi an at phah lo chauh niin a lang. Tunah chuan khawlaiah pawh leng dawn se an fapa thlalak intar thlir chungin, ” Mama, ka va leng lawk anga, ka rawn let leh vat ange aw” an ti ziah ta mai. Engmah a sawt tawh si lo. I harh chhuak teh ang u. 😥
December 19th, 2011 at 2:23 pm
Nia, hmangaihna hi thiltih in a zui hian a hlu zual thin. I ziak tha hle mai.
Nimin kha ka Nu boral champhaphak vawi thumna a ni a. I thuziak chuan min khawih hle mai. Ka thuziak fahrah te te hi, ka Nu behchhan a ka ziak hi a tam khawp mai.
December 19th, 2011 at 2:29 pm
Van tawk tha thin e aw. Han in hmangaih tawn chiah ila Sheldy. Taka tunah post ka submit a, ka rindanin ka awm loh lai velin a chhuah ka ring a, Sheldy i lo monitor leh mai aniang cu. Thil hia hun laia ziah loh chuan a hnu a ziah eh hi a har thin tawh si a 😆
December 19th, 2011 at 2:56 pm
Doc_lib, Inhmangaihtawnna chauh lo chu tuma engmah ba suh u a ti em ni kha?? Bat tur zawng tura chhuah mai ka duh deuh.. 8)
December 19th, 2011 at 2:57 pm
Buai lai tak hian post hi a chhuak duhin ka hria…nia, kehpawh ka nu pual ani e.
Doc_lib, i post chu ngaihtuah suh. Ka lo vil char char ang.
December 19th, 2011 at 3:06 pm
Trawtte nia bat tam hi changkanna an ti leh zel em kha..khawnge in ba tak tak hlawm ila..Sheldy hi ka melh tai tan nghal riau. 22nd ah Lengpui ah aw Sheldy 😆
December 19th, 2011 at 3:07 pm
KZP
December 19th, 2011 at 3:34 pm
kanu boral zan hi “va chawl hahdam rawh, kan lo chhawk ang che..” an tih zan tak a nia, ka dawm hlum ta lo. a nuam miah lo.
December 19th, 2011 at 4:11 pm
Pu saint sammoo, a hrehawm dawn chu le…
Kei pawh, ka Nu kha, a natlai a thei leh thei lo a min mangtha kha ka hmuh hnuhnun ber niin, ka hmuh hnuhnun ber hnu thla hnih leh a chanve ah min peih loh san ta a. Exam ka neih lai a ni si, a haw theih der mai si lo a. Hrilh a hai duh khawp mai.. 😥
December 19th, 2011 at 4:11 pm
Mizo te hi hmangaihna leh duhsakna lantir thiamlo leh zak deuh tlat hnam kan ni em aw?
Kan ni deuhvek tih hi ka hmuhdan tlangpui chu a ni. Damloh lai hian kan in ngaihsak a, hrisel lai erawh chuan Kan inhmangaihna tepawh hi thinlung chhung tak aá¹anga lo chhuak hi a ang á¹hinlo, in tlawnna/hmaizahna hi a ang lek lek á¹hin in ka hria.
Nu leh Pa te zahpui hi kan tam khawp mai, a bik in nu te zahpui hi kan inthlahchhawng ni hian ka hria. Heti reng chuan nakin lawkah keini pawh hi kan fa ten min la zahpui ka ring…hmangaihnaa chhungkaw inphuarkhawm dan leh intih hlim dan kan thiamlo in kan practice ngai tlat lo a lawm. Ka pa in kum 9 ka nih laiin min boralsana ka nu bulah awm lovin chhungkaw dinhmun in anglo tak tak ah ka awmkuala, chhungkaw dik leh nun dan ka zirkual ve nasa á¹hin a, a bul á¹an fuh pawimawh zia pawh mi sawi mai nilovin ka exrerience aá¹ang ka hmu ve hle in ka hria. In hmangaih taka nun ho dan kan thiamlo, kn nu leh pa te keini aia an zirna a hniam chuan kan zahpui nghal tlangpui a ni. (sawi tur k la ngaha a sei ltk dawn tlat) 😀
December 19th, 2011 at 4:14 pm
Nu la hmangaih tur neite hi chu an vannei ngawt mai. Naupan lai hian a lo at theih khawp mai a. Ka nu in tihtur a sawi, infiam tura kan tlanchhuahsan laite hi tunthleng hian ka rilru ah a la cham thin. An damlaia hmangaihna lantir hi a tha ngawt mai, thih hnu ah inchhir a sawt tawh silo a.
December 19th, 2011 at 4:19 pm
Comment a tha hlawm hle mai. Chhungte boral lai hmel hi hmuh a nuamlo a, mahse kan mithmuh loha an boral hi chuan rilru hi a kalhkim theilo. Kristmas a lo thlen dawn hian ka lung hi dan theih miahloh in a leng thar thin a. Nu leh pa hmangaih tur la neite in vannei e.
Aste, sawi teuh rawh, nu leh pa pual alawm.
December 19th, 2011 at 4:20 pm
Comment a tha hlawm hle mai. Chhungte boral lai hmel hi hmuh a nuamlo a, mahse kan mithmuh loha an boral hi chuan rilru hi a kalhkim theilo. Kristmas a lo thlen dawn hian ka lung hi dan theih miahloh in a leng thar thin a. Nu leh pa hmangaih tur la neite in vannei e.
December 19th, 2011 at 4:20 pm
KZP ka chhawng e (Y)
December 19th, 2011 at 4:33 pm
A ngaihnawmin ka rilrem zawng avan nitak em! Hetiang deuh hi hmanah ka ziak ve tawh asin.
http://www.misual.com/2009/11/16/a-sawt-tawh-thin-silo/
December 19th, 2011 at 4:35 pm
Sheldy ka nu le pa te kan 2 in i hmangaih dun vel ang hmiang 😆
December 19th, 2011 at 4:43 pm
Mihring kan niha finna te, hausakna te leh thil dang ber ai pawha kan chian hmasak ber atana á¹ha chu Kumhlun tur kan nilo tih hi a ni. A bikin Kristian te chuan chiang hle a vawng ber tur kan ni ringawt in ka hria. Hnampui ho hian kwini aiin an chiang khawp mai, in thlakhlelh hun te, in duhsak hun ah te hian an insum ngai lova midang hmaizah pawh an neilo hial a tih theih awm e. Thufingte ah pawh khan “Mi â chuan hlimna ringawt a ngaihtuaha, mifing chuan thihna lam thu a ngaihtuah á¹hin” tih inziak kha a awma, khawi ber ah nge ka hre tawhlo…hlim a hnawl a nilova a sawi tum awmzia chu kan hrethiam mai ang chu. Hmangaihna hi a ni chhungkuaa din kan nih chhan leh mihring siam kan nihna chhan chu.
“Pathianin khawvel a hmangaih em em a…..” tih te pawh hi a ril asin, a thil huat ber leh a chen duh ngailohna, Setana chenna hmun kha keimahni a vangin a hmangaih em em a nih chu, a tlawm thlak awm teh e ka ti á¹hin. 🙂
http://www.youtube.com/watch?v=d7npunWUVsw&feature=related
http://www.youtube.com/watch?v=ZgibVZ9pcbg
December 19th, 2011 at 4:44 pm
@Pu Hv, Ka ti thin, ka nu leh pa te’n an theihtawpin min duat a, kan tih ve tur chu anmahni hmangaih let ve kha a nia, mi thenkhat nu leh pa rilru tina fe fe hi kan awm thin a, hei hi a pawi ka ti.
@doc lib, i va uang tak. Masi a hnai tawh bawk a, uan tur, a pawilo reng reng 😆
December 19th, 2011 at 4:51 pm
A thra ka ti lutuk a keima ziah amaw te ka ti vel 😀
chhungkua a hlim taka hman i tum threuh ang u.
December 19th, 2011 at 4:53 pm
# 19… K’u Sheldy… A dik chiah. Kan tan a an hlutzia hi chhut chian poh leh a hlu zual ting mai ti raw..
Exam chawlh ka haw a; maite pumchhum ka ei chak tih a hriat a, a hranpa ngat a lo a feh thin. Krismas kawr min thuisak tu, ka awm loh hlan a, ka hming lam vawng vawng a ei leh in tuihnai ei ngai miah lo, aw dam diai a “Mampui” ti a min ko thin tu… sawi tur a va tam em! Ka OT bik lutuk ang e. Nia, nu leh pa la nei te kha in vannei e, theihtawpin in hmangaihna kha lo hlan mawlh mawlh teh u’n.
December 19th, 2011 at 5:09 pm
@Mahminga Sailo, he post hi i nu pual ah lo ngai rawh. Hei keipawh ka lung a leng khawp mai. La dam se a bulah ka mu ang tih mai mai te hi a nia ka ngaihtuah thin. Keipawh ka nu leh chhungte hian ‘Mampui’ tiin min ko ve tak asin. Tunthleng hian min la ko.
@Rempy, haha…i ziak tluk ani e.
December 19th, 2011 at 5:10 pm
Ku Sheldon KZP ka chhawng nawn e a tha em mai 😉
December 19th, 2011 at 5:17 pm
@ Sheldon… Ka lawm e. Nia, lung a leng duh khawp mai, mahni chauh a awm phei chuan.. 😥
Chuan, zin khawthawn chang a, thian te’n ka NU kawr/shawl/adt tur ti a an lei chang hian an awhawm thin khawp mai. Nikum a ka haw ve zuai (ni 3 chamin) khan ka NU awm lo inchhungkhur chu awmdan thiam a har kher mai. A damlai a, ka lengchhuak tur mi ui theihzia te kha… Ngawi teh, kei hi, ka kur leh duah dawn. Midangte hriatthiamna ka ngen e… :blush:
December 19th, 2011 at 5:20 pm
sheldon #19 keimah hi kanu leh pa rilru chu ka tina thin teh asin. Tunah ka hrechiang tawlh tawlh mai. 🙁
December 19th, 2011 at 5:30 pm
Hmangaihna hi chi hrang hriang a awm a
1) Ṭhian in hmangaihna te
2) Nula tlangval in hmangaihna te
3) Nupa in hmangaihna te
4) Pa/Nu leh Fa in hmangaihna te
5) Mahni in hmangaihna te
adt.
Heng zing ah hian keini Mizo á¹halai ten kan bel ber leh kan lak nat ber chu 2na leh 5na khi a ni a, inlen pawh leh pawnlam ngaina hnam kan ni a abak/adang khi chu kan apply thiamlo hle in ka hria 😀
December 19th, 2011 at 5:30 pm
Kan upa tulh tulh a, nu leh pa hmangaihna kan hrechhuak ve tan chauh anih hlawm hi. Nu leh pa la nei te chuan lo duat hliau hliau teh u. Min thihsan hnu hian chuan a hrilhhaithlak teh ania, tihngaihna a awm tawh silo a.
@mahminga, misualah hian kan fiamthu a, kan hlim tlang viu a, mahse Kristmas lo thlen dawn meuh hi chuan mitthi ngaih lunglen te hi a tho leh thin a, luangliam duh tan he post hi tha dawn riau in ka hria. Inthlahrung suh.
Keipawh ka nu kha mi nunnem deuh mai a nia, a kut te kha a themthiam a, ka tluklohzia te, laina te a hmangaih thiam dan te kha tunhnu hian ka hrechhuak ve chauh a nia. Tin, ka rilru a awm thin, tunah Aizawl maiah pawh Medical facilities te a tha tawh a, phai lam chu sawiloh, tun ang hun hi nise chu ka nu kha kan enkawl dam ka ring a, a natna ka lo hrethiamlo lutuk te kha hrehawm hi ka la ti thin. Lung(heart) lam thalo kha ania, duat leh hriatthiam a mamawh tehreng nen khan.
December 19th, 2011 at 5:33 pm
Aste chu i va sawidik ve. Mahni hi kan inhmangaih hlawm em em mai a tiraw? Chutah nulat tlangval hmangaihna hi kan dah lal leh a.
December 19th, 2011 at 5:38 pm
#26 chu i van thlawh fuh ve a, i Google ani chiang 😀
December 19th, 2011 at 5:40 pm
Keipawh, ti ve zel ila, in sawi takah chuan ka nu ka ngai e, dam phei chu la dam vah2 khp mai a hihih
December 19th, 2011 at 5:43 pm
Lal piancham alo thleng leh dawn ta. In hova Lal piang lawm a kan zaiho thin lai a cham, lairil-an. Tuar a har mange intel lova Lal pianni lawm chu. Kapi, kapu ka van ngai thin tak che u em… lawmna ni turan biangah ngaih mittui luang si e!
December 19th, 2011 at 5:45 pm
4 types of Loves
1 Storge
2 Eros
3 Phileo
4 Agape
🙂
December 19th, 2011 at 5:45 pm
Rempy chu i vanneih chu. ‘Ka Nu’ ti a koh tur neihloh hi hrehawm deuh ania.
Kristmas lo thlen apianga lunglen ziah hi a hrehawm ngawt mai. Mitthi ngaih phei hi chu a sawt silo.
December 19th, 2011 at 5:53 pm
@ Sheldon… A lawmawm e, hetiang sawipui tur hi kan khawsakna ah hian an vang phian si a.
Ka Nu natna thung kha chu a thluak (brain stem) a bawk (growth) awm a ni a. Doctor-in an zai ngam silo a, kum khat leh a chanve a tawrh hnu ah, a boral ta a. Beiseina sang tak nei a ka kalsan kha a ni a. Min peihlohsan ta si… 😥
December 19th, 2011 at 5:54 pm
Hairehai #26 chu alo fuh viau a nimaw 😀
Nula leh tlangval in hmangaihna ringawt aá¹ang Hmangaihna awmzia zawng zawng hriatfiah thiam kan tuma, Pathian in mihring inkara hmangaihna hi a semzai a, hrefiah thiam tur chuan kaw khat chauh zen theih a nilo tih hi kan hrethiam silo, “Keichu hmangaihna awmzia pawh hi ka hre lo” te kan tia, a chankhan a zim thei em bawk alawm le 😆
December 19th, 2011 at 5:56 pm
#25 i Google fuh khawp mai hairehai 😀
December 19th, 2011 at 6:05 pm
Hahaha….Nimin chu Winter Cursed tih ringawt ka rilru ah awm a 😀 Rel ka chang ka rilá¹am pawnah ka chhuaka, a vawt ropui si a, chutih lai chuan kawng sir á¹awp deuh ah hian chhungkua niawm tak naupang te reuh tê2 te nen, puan pan te hi inchuhin lehkhakhawng chungah an lo mu kawm ngal mai. Naupang ho rizai changlo vawt ti hmel ka hmuh khan ka rilru khawih khawp maia. Poisa ngah deuh ila chu dawhthlak han dah rûk sak keuh kha ka nap a, thil ho tê pawh ka lo dah lo kha ka inchhir hnuhnawh angreng. Thlasik anchhedawng ka ti hial a ni 😀
December 19th, 2011 at 6:12 pm
Aste, a ni reng asin. Nimin chuan tlemte pawh han pe zeuh la tha tur. I pe lo kha tunah i inchhir leh tawh kha. Mi te tan a malsawmna nih hi a lo har miahlo. Hausak pawh a ngai em em lo. Sum ngah ila chu kan tanpui nasa thei ngei ang a, mahse, ngah loh pawhin malsawmna anih theih khawp ania.
December 19th, 2011 at 6:15 pm
@sheldon…..A dik khawp mai, Mother Teresa in “Mi 100 i á¹anpui theih loh chuan Pakhat á¹anpui mai rawh” a tih te kha a dik khawp mai.
Thil ropui tak tih theihna te hi hlawhchhuak lovin nghahchhuah kan tum ta á¹hin alawm. :Including me:
December 19th, 2011 at 6:21 pm
A tha hle mai. Tun kum Father’s Day khan ka pa hi sms ka thawn a,lungluk deuh mai,ka sen tan2 a…mahse a feedback chu a tha khawp mai. Nia,Mizo ah hi chuan chhungte hmaichhan ngei mai a hmangaih thu sawi hi a har ve ani. Sms lo chuan keipawh khi ka la ngam hrih lo chu ania. I uar thar teh ang u.
‘Ka hmangaih che’/ ‘I love you’ tih tawngkam hi tawngkam tawi,thil ti thei tak,mahse infah nawn awn2 ngai si niin ka hria. Hmaichhana ‘Ka la that ang che mawle.’ han in tih ai chuan infah ngun deuh chu a ngai ni awm ani.!!
December 19th, 2011 at 6:35 pm
Lamji, a dik khawp mai. Bialnu/bialpa te pawh ni lo, nu leh pa leh chhungte hnena ‘Ka hmangaih che’ tih chu a har khawp mai. Mizo phei chuan kan ching thang silo a, tawngkam ah chuan chetzia a ring(loud) zawk an tih kha, chetzia in kan hmangaihna lantir ila tiraw?
December 19th, 2011 at 6:45 pm
Sheldy hi 2nd Kawlhawk ini thei mai dawn a lawm. Hringnun hi i hrechiangin i man tlatin kahria. Post tha e. 🙂
December 19th, 2011 at 7:07 pm
Pu Pk, i ti lawmawm e. Rilru a lo lang hi ka puah pui ve phawng phawng zel alawm. Min lo comment sak hlawm thin a, in chungah ka lawm takzet zet.
December 19th, 2011 at 7:38 pm
Sheldie i va han ziak tha em… In hmangaih zir kan ngai te hi a pawi! In huat ai chuan in hmangaih hi a nuam daih zawk..
Ka nu leh pa thih in ka awm lo ve ve…. kei pawh ka duh angin ka lo duat lo hle tih ka in hmu chhuak tawlh tawlh..Puitling tawh mah ila, nu leh pa awm loh chuan ho tak kan lo ni. An hlutna nitin mai hmuhchhuah thar tur a awm..
Krismas hunah hian….
Fam ngai, khawhar mangang te Lalpa,
Min hnemin min awmpui ang che.
December 19th, 2011 at 8:10 pm
@mamboihi, i va ti lawmawm. Nang ai chuan ka vannei anih chu. Kei chu ka nu boral tur kha ka dawmhlum a, ka pa in min la dampui ve a.
‘I dawnlungrukah dawn ve la,
Kan vannei em e keini zawng;
Awmlai vei leh lusun faten,
Tapin an lo hmuak dawn a sin;
I theih chhun leh i neih zawng nen,
Hnemin hlimten hman tir ang che’
December 19th, 2011 at 10:17 pm
Post tha hle mai!!
December 19th, 2011 at 10:29 pm
Inhmangaih tawnna chauh hi Pathian in kan bat a phal chhun a ni reng a ni.
Nu leh Pa te hi hmangaih chin tawk i neilo teh ang u.
December 19th, 2011 at 10:40 pm
@saitawk, ni e tiraw. Hmangaih let hi kan bat, kan tihtur.
I rawn online hma thei lova, kan hrethiam lutuk che a…hihi. I rawn luh hma in kan lo in hmangaih tawn diam tawh e, misual ho chu, nangmah tiamin!
December 19th, 2011 at 10:44 pm
@Sheldy, mifel hmangaih tur ka zawng kual lawk a lawm mawle! ka hlawhtling vaklo. 🙂
I reh vung vung ka tih hemi Post hi i lo puahchah pek a ni maw???
December 19th, 2011 at 10:56 pm
50 law law ang!! 😆
December 19th, 2011 at 11:20 pm
Phek thar hawng teh ang u. :lol:
December 21st, 2011 at 12:46 am
post thra hle mai,ka tan liau2 a ilo post ni berin ka hria,lo ti zel teh.