Khawnge, a vawikhat ta nafam chu Krismas thuchah i han ziak ve luklak teh ang. Pu vakul, pkfanai te hoin Greek tawng nen, Hebrai tawng nen han bei se zawng, Keyboard phen atang pawh hian kan ding phu suau duh hian ka ring a ni. Mahni insit tak chung si hian, in kel be ve rawng rawng mai teh ang.
Krismas hun lawmawm a rawn thleng leh a. He hun hi i tan nge i hman dawn midangte tan?? Mahni nihna leh zahawmna zawng zawng sawr ral thak khawpa a thilsiama rawn chang kan Pathian tan hian enge thil tha kan tih ve ang? Thilpek hluber min pekna hun champha ah hian nangma tanghma haiin, i hlimna tur ngawtin i hun i hmanhlel mai dawn em ni?
He hun lawmawm lo thleng tur hi i kianga mi rethei leh mi chhumchhia, khawtlang pawhina engahmah an ngaihloh leh tanpui en pawha an en lem lohte leh midang thatna dawng tur khawpa dinhmun sang chang pha ve lo te tan engemaw tal i tihsak ve thei angem?
Nangchuan Inrinni tinin sa i hmeh a, a thei lehzual deuhte chuan nitin maiin sa an hmeh a, an vurbawm pawh sa chi hrang hrangin a khat dul thin. Mahse, i kiang hnai maiah khan sa chu sawi loh, Krismas tuka dal leh alu mawm taka kan tur nei zo lo an awm em?? Nu leh pa, thisen zawmpuite hmangaihna an damchhunga la dawng ngai miah lo fahrah te kha i bulhnai maiah mi tam tak an awm e. An tan tun hun ropui hi chhinchhiahtlak leh, chawhmeh tui tak an hmeh ve theih nan i chawlhni vawi khat sa tal kha an tan hian i pe phal em?
I tana chawlhni sa vawi khat lek kha an tan chuan an kumtluan sa a ni thei. Mi hausa tihlungawi nan cheng sing khat pawh pe la, a lungawi har ngawt ang. Amaherawhchu, heng mite tanpui nan hian cheng 500 chauh pawh han thehchhuak teh, an kumkhaw lawm i siam ang. Mi zawng zawng angkhat veka entu mithmuhah a va mawi dawn em..!!! Midang lawmna i thlen avang hian i lawmman tur i chan dawn mawlh si lo.
Kum khat chhung chu i tan chauh leh nangma tanghma ngai takin hna i thawk a, he hun reilote chhung chauh hi chu midang tan hun i hmang ve ang. Sum leh pai pek tur i nei lo maw?? A pawi hleinem.. Sum leh pai aia hlu zawk, i hun hlu tak kha midang tan hmang teh. In venga mitthi avanga lungai khawharte kha he hunah hian mi zawng zawngin an tlanbosan hunlai a ni dawn a, chuvangin sum aia hlu zawk i hun hlu i pe anga, i kawm hlim teh ang aw… Nangmah avangin lungngai hrehawm leh khawhar taka hun hmang tur, nikuma an zinga tel ve thin, tuna tel ve thei ta lo te ngaia an tap tur hnemin i hunhlu an tan pe la, nangmaha hlimna i dawn let tur hi han enchhin teh.
Mahni hlutna pawh hmu theilo khawpa inngaitlawma i tana inpetu inpekna hriatrengna hun anih avangin, he hun lawmawmah hian i hlutna leh i programme zawng zawng sawi danglam mawp khawpin midang tan hun han hmang la, he Krismas hun awmzia dik tak hi mahni theuhin i enfiah chhin ang u. Kan in leh kan taksa pawnlam mai chei lovin, kan thinlung zawk hi hmangaihna leh duhsaknain midangte tan i cheimawi ang aw….
Similar Posts:
- Thilthlawnpek
- Krismas Midangte Tan
- Nausen Lal Isua hi engtin nge kan lo lawm ang?
- Chaw hmeh
- Ka dawn sei ngamlo e
a tha khawp mai
December 19th, 2011 at 8:14 pm
Kan veng a kan Kohhran hian Thlatin chawlhni vawikhat sa ei ai bawm an hung ṭhin a, rawngbawlnan alo ṭha kher mai. Tun thlengin an la ti ngat ngat a ni
Report this comment
December 19th, 2011 at 8:21 pm
I thinlunga khatliam dik tak i rawn bun chhuak niin a lang a, a ropui ka ti hle mai. Hetiang lam ka ngaihtuah fuh chang hi chuan Hausa deuh nih a, insiam danglam a, tanpui ngaite hnenah an mamawh ang zel a tanpuina sem chur chur hi ka chak fo thin.
Report this comment
December 19th, 2011 at 8:23 pm
Rilru chhung atanga inpekna thil i ngaihtuah chhuak anih hmel e. KZP
Report this comment
December 19th, 2011 at 8:31 pm
OT:
Tuikuk vawk iang, pa te dulkiar leh mihur ngawlvei Kim Jong Il chanchin ringawt mai TV News a ri mai hi ka van ning tak em >:<
Report this comment
December 19th, 2011 at 8:41 pm
# 4 :undecided: hets saalaa ka dear leader a thi a tikhan i tia maw..u capitalist tyrant :rolleyes:
Report this comment
December 19th, 2011 at 8:51 pm
#4 hahaha…Tuikuk vawk iang :lol:
Pu PKa ngaihtuahna chu a diklohna awm miahlo in a exilent lo mange
midang te ṭanpui rilru kan put rual hian hausak phawt chakna hi alo lang nghal ṭhin tlangpui in ka hria(including me)….chutianga kan khawngaih avang chuan pe turin Pathian hian min ti hausa duh chuang der lo nia 
:ngaihtuah peih te tan:
Report this comment
December 19th, 2011 at 9:08 pm
#6 continue…Mihausa tak rethei te khawngaihtu hi he khawvel ah hian an vang zek a nia, an retheih puite ṭanpui tur ni awm tak a ni. Tin, kut chak leh thil tithei Pathian mi hman te hi mi naran an ni chek bawk.
Bible in mihausa tan vanram kai a har turzia a sawi te kha dik fu a ni.
Report this comment
December 19th, 2011 at 9:12 pm
6. Aste, tih theih tawk tawk hi chuan kan ti ve tho mai a, a duhkhawp awm thin loh em a ni. Hmanni pawh kan driver in, nu leh pa a nei lo amaw a intih laiin Karbi Anglong atangin an rawn zawng chhuak a(Gurkhali an nia, a pian hnu lawkah a nu a thi a, a pa in missionary nu 1 a pe tawp a) a zuk kal a, an lo rethei lutuk a, ramhnuai ti tihah hian an awm a lo ni a. Kan thawmhnaw neih ang ang leh sum lam pawh tlem azawng kan ken tir a, an han Lawm thiam em em zia mai chuh. Phone a lawmthu an rawn sawi pawhin an hnuk a ulh a, an tawng tha hlei thei lo. Pek tam tur neih hi a chakawm thin lutuk a…
Report this comment
December 19th, 2011 at 9:13 pm
min lo khawngaih ve teh u..in aid of bonez solely charity box ka mamawh thlawt
Report this comment
December 19th, 2011 at 9:35 pm
@9,hahaha :lol:
Kan sawi ve leh lawk; Aizawl khawpui chhunga kawngpui sira mitdel kuhdawh zai thin te, kutdawh dang te pawh thenkhat hi chuan fiamthu titak deuhin ‘Pek pek an ngailo, tlaiah zu ruih nan thenkhat chuan an hmang leh mai mai’ te an ti a. A dik em chu ka hrelo a.
Mahse, ka ngaihdan chuan, kan thilpek an hmanralna lam ai chuan a petu rilru kha a pawimawh ka ti zawk tlat mai a. Zu in nan emaw sa lei nan emaw pawh lo hmang mahse a petu in phal taka a pekna thinlung kha ka dah pawimawh zawk. An hmanna tur ngaihtuah tello in kan phal anih chuan pe mai ila tih hi ka ngaihdan a ni ve tlat.
Report this comment
December 19th, 2011 at 9:49 pm
#10 ka ngaihdan chiah
Report this comment
December 19th, 2011 at 9:56 pm
Comment thui deuh ang, ka reply tur hi a puitling thoa ka thukhawchang hi a hrethiam turah ka ngai
#8 Pu Pk i sawi chu ka hrethiam lutuk khami rilru i putna chhan tak kha i ngah tawkloh vanga khawngaihna leh hmangaihna tinlunga chhunkhah alo ni ta a ni. I neih baka liam chu nise atan rilru pawh i seng zui kherlo maithei(may be).
Hmanni chu naupang te hian ka kekawr ah a rawn pawta, ka indaihloh rilru buai lai tak a ni, a kut a rawn pharh, ka khawngaih lutuk pek tur ka neilo tlat. Ka khawngaihna chuan thil a ti thei ta lo ni der hian ka hriaa, rilru buai nen chhuahchhal ṭawngṭai ang deuhin “I mamawh hi Pathianin min pe lo a ni. Pathian hian i mamawh pe turin a khawngaih tak taklo che a nih hi” ka ti rilru deuh a. Chuta ka rilrua chhanna lo lut chu “A mamawh ber i hria a mi?” tih a ni a, ka ngaihtuah zui ta nauh nauh a.
Samari nu, tuichawi tura lokal khan enge a mamawh ber Isuan a hriaa a mamawh ber nilo dang char tih hnawnna kha alo dil khalh keuh mai, in tur an in pe ta em kan hre lo. Lal Isua chuan “Hria la chu tuna diltu zawk che hi i dil let tura” a ti a, kha nu khan zawlnei thu emaw ala ti ta deuh deuh a nih kha. “Ka pu, khaina tur pawh i nei silo” alo ti. Isua chuan kha hmeithai mamawh ber kha chhungrila tuihal leh tawhlohna tur a ni a mamawh ni tih a hre kar mai si a.
Hei hi ka ngaihtuah chhunzawm mai maia, hrilhfiah thiam pawh a har khawp mai. Kha naupang te khan a mamawh kha ka neilo hulhual emaw ka ti a, kha naupangte mamawh ka neihloh avang khan khawngaihna pe theilo emaw ka lo inti a, ka lo teh zim hle a ni. Samari nu in mamawh ni a a inhriat kha Isuan a nei lo, mahse Isua samari nu mamawh ni a a hriat erawh a neih thu a hrilh si, an in manlo hle a ni.
Comment thui ta:
Isua chuan mi hausa tan vanram luh harsat thu min hrilh a, keini chuan rethei te ṭanpui nan min ti hausa hram mai tache kan la ti ṭalh angvel hi a ni. Keia vanram luhloh phah nana hmanga midang ka khawngaih kha Isuan a duh bik teuhlo mai, chu aichuan rethei tlang mai rawh u a tih duh zawk ka ring.
Report this comment
December 19th, 2011 at 10:04 pm
#10 Full support. An hmanna tur kan ngaituah tel thin hi chu a tha lo khawp,kan pe tawh a, an mahni thu thu a nih tawh mai, an hmanna tur ngaituah ai chuan pe lo law law ila a tha zawk mai, i chunga an tih i duh angin midang chunga pawh ti ve rawh.
Report this comment
December 19th, 2011 at 10:08 pm
#13, a dik khawp mai. Mi hnenah kawr/puan ka pe a, a hak hun tur leh a sin huntur ka va tuksak dawn em niang tiraw? Mizo hi chu kan fel fel nen kan sual tlat :lol:
Kan vanneihzia te hi kan hre thinlo. Hetia kutdawh ngailo a kan awm te, Misual a kan la comment zut zut theite hi malsawmna vek mawle.
Report this comment
December 19th, 2011 at 10:11 pm
12. Aste,Pathian chuan kan pek tam leh tam loh lamah a teh loh kha maw ti raw? Neih zawng zawng atanga engzah percent nge kan pek phal? tih zawk khan a buk daih si a. Kan Hmangaih tak tak kan nu leh Pa, ka nupui/pasal, fanaute enkawl dam nan chuan kan neih bak pawh Puk hial khawp pawhin kan inseng so duh a lawm ti raw. :cry:
Report this comment
December 19th, 2011 at 10:25 pm
Taksa chei tumin vawiin chu lu na bur khawp a kan han bazar ve chu le!!! Ka pian a hnu lama ka thawmhnaw tur kan lei tam ni ber a ni.
Report this comment
December 19th, 2011 at 10:49 pm
#15 Pu Pk ni tehreng mai, Quantity hi Quality amaw kan ti fo thin a, Pathian mit leh mihring mit hi chu in anglo tak asin a nih. Eden huan aṭanga min kalsanna kha thinlung ah ania, mihring thinlung ah a cheng tawh silo thuthlunghlui ami te kha pawn lam aṭang a biaa a fuih ṭhin a ni a. Kal san tawh kan nih avangin Pathian zia hi kan hre lo hle a ni. Tunah chuan kan thinlung chhung ah a duh duh tan sawm luh theihin alo awm leh ta a nih hi.
Pu Rokûnga’n
A liam si lo khâr dan hliapan,
Chhîngkhual a ding reng e;
“Ngai teh, kawngkhâr bulah ka lo ding e,
I chhûngah ka lo lût ang e,
I thinlung kawng min lo hawn rawh,
Tiin min dîl fo ṭhin.
alo tih kha
Kristmas a hnai bawka sa hluah2 mai ang aw 
Report this comment
December 19th, 2011 at 11:38 pm
Shillonga lehkha ka zir ve laia kan tlai leng, khaw vawt vin tuk hnuaiah chuan mi pakhat bal zet hian bawlhhlawh a lo zawng khawm a. Ka khawngaih ta riau a, ka thiante ka fuih a..kan coins neih ang ang theuh kan pe a, kan neih tlingkhawm chu cheng 25 chiah a ni a.. Kan han pe chu, ka thil ka pek tawhah chuan khatiang tluka lawmna nasa kha hmela langchhuak khawpa puakkeh ka la hmu ngai lo. Khata tang khan mirethei tanpui hi ka inchhir ngai tawh lo.
Report this comment
December 20th, 2011 at 12:10 am
Asteric hi Dawrpui a awm tihna a ni mai lo’m ni. :undecided:
Report this comment
December 20th, 2011 at 2:37 am
Tha ve thawkhat e..
Report this comment