Zan thiang reh tak hnuai ah chuan ka hawi vel a, chunglamah chuan thlasik kawng chu a lo lang paw reih a. Chung chhawrthlapui lah inthlahrung ni awm takin chhum leng del del kar ah a rawn lang leh det det thin a. Thlifim chuan kan thutna hmun a thinghnah ro te chu a rawn chhem til leh er er thin a.
Ral leh lama in atang chuan Kenny Rogers leh Dolly Parton ngei mai chuan ‘ knowing you`re in love with me is the greatest give of all’ an rawn ti kiu riai riai bawk si. Chunglam chu ka han en leh a, ka rilru leh ka thusawi tur chu min hriatthiam pui ni awm takin chhawrthlapui leh si-ar dang te chuan chhum phen atang chuan min rawn thlir thup ni berin ka hria.
Chutah ka bula thu, ka hlimna ber ni thin, ka kuahna kut khal niap niap tu chu ka en leh a. A hmel chu fak mawi leh chuan ngai lo khawpin a nung ser a, a pian zia, a hmel leh a kimtlangah chuan sawiselna tur reng reng ka hre lo.
Ka sawi tur chu a hma a tanga a lo hriat thawi tawh a vangin a mit, a mawi tawk chauha zim a tang chuan mittui a rawn hnam chhuak tiam tiam a, min ngaina tih hriat takin ka kut chu a kut zungtang zum sel chuan a hum vang vang reng bawk a.
A har a ni. Mite chuan hlim takin krismas te hi an duhberte nen an ur lawkin an hmang thin a. Kei erawh chuan he Remna Lal lo pian hunah ngei hian ka duh ber leh ka hmangaih ber chu kumtluang a tan thenna biahthu ka hlan a ngai ta si. He khawvel, hnam , sakhua leh ramri ten a chhunga cheng hring fate an then hranna ram ah hian kan in then ve a ngai ta si.
Ka hnamah lo lut duhin ka sakhua rawn zawm duh pawh nise, ka hnamte chuan engtik lai mahin mizo ah an pawm ve dawn si lo. Ka kuah nghet sauh sauh a, ka mit a tang chuan mittui chu a hnam chhuak tiam tiam a, ka thusawi tur pawh ka sawi hlei thei bik hauh lo mai.
Ka bula thu ka angel duhawm ber ni thin, he khawvelin min hnuchhawn ta nia ka hriat chang pawha min thlamuan a, chawlhna tuikama min hruai a, min chawlh hahdam tir thintu ngei chuan hnuk ulh teuh chuan, “ Kum khuaa i bula awm ka van chak tak em..mahse i rem thei si lo tiro, engah nge mizo ah ka lo pian ve lo le” an ti sep mai chuan ka mittui chu a ti tla tam ting mai si.
A dik dawn lo tawp, hetiang chuan ka then hlei thei dawn lo, tuna ka sawi loh chuan engtikah mah ka sawi thei ngai chuang lo ang tiin ka in ngaihtuah pachang lui hram hram a. Hnuk ulh teuh chung chuan “ Dee, ka hmangaih che a, mahse kei mizo ka ni a, nang i ni ve si lo.
Ka hnamah lo lut mahla engtikah mah ka miten mizo ah an pawm ngai dawn si lo che a. Tunah hian harsatna tawk lo mah ila, tawh hun kan la nei dawn. Chutih hunah chuan rilru na reng renga i dam chhung hun i hman ka phal si lo. Ka dam chhungin ka hmangaih reng ang che . I hnampui ngei, keimah anga hmangaihtu che i tawn ngei theih nan ka duhsakna ka hlan nghal bawk che. Dee ,kum tluang atan mangtha aw”
Ka sawi zo chu ka zawi vek ni ber hian ka hria. A tap tih ka hria, a tap hnem thei turin ka pachang zo bik si lo. Ka awmah a rawn bei thlawp a. “ Midang i duh vang leh hmangaih vang ni miah lova i ram leh hnam vanga kan in then tur hi har mahse ka pawm nang e. Ka hmangaih che a, ka hmangaih reng bawk ang che. I hnampui nula, keimah anga hmangaih ngeitu che nei ngei ang che aw..” A mittui tlak nasat a vangin a sawi zo hlei thei lo.
Mittui tla zawih zawihin chunglam chu ka en chho a, van leh arsi te khian kan lungngaihna min tawmpui ni ve awm takin a hnim ruihin ka hria. A tawp nan ka kuah vang vang a, “ Dee min haw lo ti ro, min dem suh aw..” ka ti chhuak thei tawk a. Lungchhiat a vanga in sut hlap hlap chung chuan “ Ka dem lo che a, ka haw ngai hek lovang che. Ka hmangaih che…” a bak a sawi thei tawh bik lo.
A tawp nan kan in kuah a, mittui karah chuan duh thawh takin kut kan in vawk sak leh. Inthlah a van har em. He khawvel hi zawng thenna ram ani si. Engtikah mah John Lennon ten ‘imagine all the people living together in peace’ tia an lo suangtuah ram te hi a lo thleng dawn si lo. “ Dee mangtha aw, kumtluang atan..ka hmangaih che a, ka hmangaih reng ang che.
He kan hring nun hi a tawp a, khawvel thar kan kai hunah, hnam leh ram ri reng reng kham a ngaih tawh lohna hmunah ngei chuan ka rawn zawng chhuak leh ang che nga. Hlim takin kan leng dun kumkhua tawh dawn nia aw..” Kan kut in vawn sak chu kan in thlah tial tial….Ka hmangaih, ka hlimna leh lawmna pangpar duhawm thin chu ka thlah ta..
Ka dar chu rawn khawih an awm a vang chuan ka phu zawk a. Ka harh chiang kher mai..Hlim taka min nuih seih pah chuan “ Nizan kha in buai hmel ka ti renga, ka call pawh i pick hman si lo. I chau ani kha hawh lunch ei ila, chuan i room ah i mu chawl vang vang dawn nia..” Nizan kan hnathawk buai deuh a vangin kan lalnu duhawmberi roomah ka chawl phei ka lo mutthlu ni lek chuan.
Ka mumang chu ka ngaihtuah vang vang a, ka angel note chu ka kuah thut a, “ Boih engtikah mah nang nen kan in then lovang ti ro.. ramri leh hnam hian kan inkar a tih buai kan phal tur ani lo.” Nuih seih chunga min kuah let pah chuan “ Engatinge chutiang te i sawi thut, a tir a tang pawhin harsatna kan tawk dawn tih te chu kan hre lawk vek alawm..kan pahnihin kan su dun zel anga, engkim kan tuar dun zel dawn alawm”.
Hlim takin kan in kuah a, hmangaih biahthu kan in hlan melh melh a. “ Hawh ni zan i hah em kha, lunch chu va ei vat vat ila, chuan i mu hahdam vat dawn nia..chuti lo chu i chau lutuk ang..” Ka in perh tho at a, Ka mumang, rilru natna leh mittui tlakna te khawvel chu chhuahsanin hlim takin kan in kai chhuak ta rial rial a.
Similar Posts:
- Mipa leh Hmeichhia
- Lehkhathawn 2-na
- Love Story-II
- Duhtak
- Par lai a par rual ta silo!! Lenlai a ruallo hi a sawi rem theih??
a tha khawp mai
December 20th, 2011 at 9:03 am
Hei ngei hi anih hi Luangliam chu. Helamah Masi rawn hmang la a fel vek mai tur hi a nia. Poor doc.
Report this comment
December 20th, 2011 at 9:04 am
Nga1hnawm tawp.
Report this comment
December 20th, 2011 at 9:15 am
A ngaihnawm hle mai…
Phur ru tak chungin.., ‘Mizo val, lam ang a lo let leh dawn e’ ka ti hman asin le :lol:
Report this comment
December 20th, 2011 at 9:26 am
I va luangliam nasa tak ve. A….nei mai teh. Kan hrethiam mai ang che…haha
Report this comment
December 20th, 2011 at 9:49 am
ngaihnawm e
Report this comment
December 20th, 2011 at 9:49 am
give>gift?
Report this comment
December 20th, 2011 at 10:39 am
Report this comment
December 20th, 2011 at 10:49 am
doc. a post nih vang hrim2 in ka ‘KOMEN’ e..
Report this comment
December 20th, 2011 at 11:33 am
I chhuang bawk a a pic te han dah la mawle.
Tha vel vek e…a kut ah chauh fawp lo in a hmui ah te pawh fawp ve la ti nia…I hmui varzin thu i sawi i sawi te pawh hi aa…an KUT ilo lawm zawk vang anih dawn hi. 
Report this comment
December 20th, 2011 at 12:53 pm
Hnamdang neih hi ka support lo mahse, hmangaih tak2 chu eng mi pawh nise neih ngam tur ani tih hi k thupui anih avangin ka HAU trep che a, I HMANGAIH ANIH KHA NEI RAWH..
Defy anything for Love but not the Parents, I chhungte pawh hmin tumla, tunlai Nu leh Pa hi chuan Fate duhzawng chu an hnial duhtawh biklo ania, nei la i hlim zawk ang te ka tia.
Report this comment
December 20th, 2011 at 12:59 pm
Ziak tha e..Patling, thankin tawh chuan mahni duh hi tih tlang pawp mai tur. Hnam pui e, pui lo e..Chuti mai mai in hmangaihna te hi a thlak zung zung theih hleih nem chuta chhap ah min hmangaihtu tur ah phei chuan duhthlanna kan nei thei em ni?
Report this comment
December 20th, 2011 at 1:06 pm
@11 mihring te thilsiam dang aia kan danglamna chu Duhthlanna hi ani reng ani..
Patling ina a Duhthlan chu atana tha tura a ngaih ani a..a lo fuhloh leh a tuar tur.. Mipa pawh, Hmeichhia pawh, hnamdang neih ah chuan hei hi ka thupui Hmangaih nia kan inhriat chuan neih ngam tur..
Mahse, hnamdang neih ka support tihna ani chuang lo.
Report this comment
December 20th, 2011 at 1:16 pm
Mipa in hnam dang kan neih te chuan kan seng luh belh ni maiin ka hria, lal doc nei hmiah rawh, chuan mizo kan pun belh ani mai :lol:
Report this comment
December 20th, 2011 at 1:41 pm
I luangliam ve hle mai. In nu chu a zei ve pangngai a nih dawn chu. Hmangaih tak i tawng a, mi vannei chu i ni hrim hrim e.
Vai nula ngaihzawn hi chu a nawm dan riau hi a awm. Mahse a tawpkhawkah chuan Mizo nula an tluk lohna hi a tam zawk mahin ka hria. Mizotawnga biak theih loh chu ka duh tawh lo.
Report this comment
December 20th, 2011 at 2:03 pm
:lol:
Report this comment
December 20th, 2011 at 3:23 pm
Anita thawnthu ami i rawn kopi a ni lomaw
Hmeichhia avanga ṭah chu Doc_te ava MAN lo ve 
Lak nat pawhin ṭah kher loh tur a sin.
Engpawh nise in kar buaina chu hriatthiam har hle mai, hnam hrang vanga hmangaih ber neih theihloh dan chu ava ṭha dawn love ka tia, hnam selfish tak ani a ti zawk lo’ng maw….btw Josepha pawhin Aigupta mi Asenath-i nupui ah a neia, Boaza(Isua thlahtu) pawhin Ruthi-i, hnamdang nula tho an neih ve bawk kha maw. Eng harsatna tak nei cheu ang maw :?
Report this comment
December 20th, 2011 at 4:29 pm
@16 Aste a thu kal hmang khi chhiar chiang ve deuh la maw le aw, a tawp thleng khan.
@6 ninja gift ani e, niminah hmanhmawh lutukin ka edit hman tawh si lo a..sooo sorry
Report this comment
December 20th, 2011 at 4:54 pm
doc_puia post ka chhiar ve vawikhat na. Tun tum chu doc_puia kan ti ve teh ang.
Report this comment
December 20th, 2011 at 4:56 pm
Khaia Sangpuiipa chu thuikawih ringawt i buaipui laiin ka post i lo chhiar ngai nange :lol:
Report this comment
December 20th, 2011 at 5:05 pm
doc_pui, thui kawih vang hian ka lo buai rei lutuk a, ka lo chhiar hman thin lova.
Report this comment
December 20th, 2011 at 5:43 pm
Sandman-a ziah amaw ka tia, a va luangliam nasa ve ka ti hman a, ku doc-a ziah zok a lo ni mou
a story phei chu a danglam vak chuanglo ang a 
doc, hnamdang i hmangaih anih pawn puang vak vak kherlo la, hmeichhe hnamdang ngaizawng in ngaimawh leh em em si a, a in contrast tlat. Midangin thiam an chantir che i beisei anih chuan nangmah kha a ruk takin thiam i in chantir theilo tihna ania….no offence, mwwah mwah :kiss:
Report this comment
December 20th, 2011 at 6:07 pm
Rmpy coment chu ava ril ve..
Report this comment
December 20th, 2011 at 6:20 pm
ni ve tho mai. puanchhuah teh sek pawh hi a tul ka ti lem lo e.
Report this comment
December 20th, 2011 at 7:37 pm
Detective luangliam nasa tak i ni!!
Heti khawpa in in hmangaih te chuan kur kur lo khan in hmangaih tha mai mai rawh u… Wishing you both the best ti mai ang!! :wink:
Report this comment
December 20th, 2011 at 7:42 pm
Thu i thiam teh erh mange a hairehai :rolleyes: KZP
Report this comment
December 20th, 2011 at 8:23 pm
ni ru ni ru, ni ngei2 ru
Report this comment
December 20th, 2011 at 9:10 pm
21 Rempy sawi hi ka hmuh dan ve chiah tho a ni. A Hmangaih a,a khawngaih bawk a, neih a duh si; Hnamdang han neih kha a inthiam thei si lo, a chhungte a hmin zo dawnin a inhre bawk si lo a nih vel hi.Khawngaihthlak in.
“I shoot him, because, because…” tih kha ka hre chhuak.
Report this comment
December 20th, 2011 at 9:21 pm
Tis the season to be luangliam
Fa la la la laaaa la la la laaaaaa
doc_lib has poured his heart out
Fa la la la laaa la la la laaaa
Report this comment
December 20th, 2011 at 9:52 pm
Enge maw chhun mang ka rawn share che u a, min hauh luai luai le.Hetiang te chuan mang pawh nei leh mah ila, kan sawi chhuak ngam tawh nang :lol:
Report this comment
December 20th, 2011 at 10:42 pm
hman a trang khan a luangliam, neih a duh, nitheiin a hre mawlh si lo, he misual detective hi a solution pek a ngai.., hmangaihna lipuiah a pil, amahin a inhaichhuak zo tawh lo a nih hi, a ngaihna hria khan a chiri hma hian pui vat rawh u..lolz
Report this comment