Kha lengtuaitirtei reuh kha alawm… “Keichu mipa lu met fai veng vawng hi nalh ka ti ber mai” a ti zauh a; kei arsi ek kai that tawh pawh kha, chu tleirawl, ka U-A-Ma hman chanve a hmang ve angem tihtur khawpa naupang tihlawm tuma kan phi tak chung.!!!
Ka zing chanchinbu leina pa pawh, hla tak atanga min rawn hmu chuan ka thlen fel meuh chuan ka chanchinbu tur a lo thlep fel diam a. Chutia, ka chanchinbu zakzeh phei pah chuan, lu chu ka meh tir ve ta chhawm mai a. ZIngtina min hmu a ni bawk a, medium tih chiah ka sawi a, tunlai angreng tak mai chuan vaipa chuan ka lu chu a met zo ta mai a.
Ngaiteh, buaina intanna bul chu zan lam atang chuan a intan ta…!!! Ka lu chu a thak ta neuh neuh mai. A tuk zing ka tho ka lukham ka en chu, lu phut chu a lo awm tiar mai a. A tenawm lamah a kal thei tep lak tak a..
Tlangvala pumpa lu han phut nuaih mai chu ka zak rilru ang reng hle mai a. Puhmawh tur ka zawng ta. He case ah na na na hi chuan Chemtatrawta thawnthua Chemtatrawta’n Kaikuang a mawhpuh tluka a titu chiang ang mai khan ka lu mettu vaipa chu ka puh chat a, a dik lah a dik phian lehnghal chuan ka hria a.
Chu vaipa chu ka zuk chhuahchhal dawn nge, ka han vel hlak dawn nge, tawngkam tha takin a hmanruate tifai tha turin ka hrilh dawn aw tiin ka rilru ka khap kual a. Mahse, ka Hindi thiam hi bazarna chi chauh a ni bawk si. Chuvangin, ka tihtheih chu “LUPHUT DAMDAWI” lei a, inenkawl vat a ni tih chu ka thutlukna a ni ta a.
“Anti-Dandruff Shampoo’ chu ka zawng a, ka duh ber ka lei hnu chuan nitina ka inbual pah chuan uluk deuhin ka shampoo thar chuan ka su ta ziah a. Ni thum hnu chuan ka luphut pawh chu a reh ve ta mai a.
Ka ngaihtuah zui ta mai mai a. Kha vaipa kha puhmawhin, engang pawhin vel ila; emaw sermon tha lutuk nen zu thlak pawp pawp pawh ni ila, ka luphut chu a reh dawn der si lo. Ka luphut hrehawm tak leh zahthlak tak mai tireh tur chuan luphut rehnaa ka lu ka suk kha a ngaiin a lo tha ber zawk si a ni.
Kan mihring nunah pawh hian i han inenfiah teh ang. Kan chunga thil dik lo thleng emaw, kan rin phak baka thil thleng, kan tuar em em thin tam takte hi midangte puhmawh tur zawngin kan phi ruai a, a chhanna tur chu keimahni ni reng chung siin. Keimahniin awlsamtea kan tihfel mai theih tur hi midang tam tak tibuai kualin, kan harsatna reh tak tak mang chuang lo hian midangte harsatna kan siam fo thin.
Corruption pawh kan sawi teh fo a. Officer, politician, peon, clerk,adt leh mipuite hian keimahni theuh hi insiam ila eirukna pawh hi a reh duakin a rinawm a ni. Mahni chungah pawh kan rinawm loh chuan midang chungah engtin nge kan rinawm tehlul ang ni.
Officer/politician-in eiruknaah hian puhmawh tur dang a awm lo, keimahah hian kan chingfel ange; chutiang zelin sawrkar hnathawk leh mimal tin hian keimahni lam theuh hi insiam fel ila kan rama kan harsatna neih tam tak hi a kiam duak hian ka ring fo thin…
Similar Posts:
- Keima thu nawi bawk
- Journalist inti te hi
- Pathlawihovin Ruotmawi an ngaidam!
- Bible Chhiar Dân Tûr (Pathianni pualin)
- Hnaa rinawm!
December 24th, 2011 at 11:11 am
Chhiar phut ang.
Report this comment
December 24th, 2011 at 11:13 am
A ni khawp tak mai.
Report this comment
December 24th, 2011 at 11:22 am
Tumah mahnia insiamthat kan tum mang si lo hi ania a buaithlak lai chu.
Report this comment
December 24th, 2011 at 11:43 am
Lalpa Pathian thinurna leh zilhhauhna hlauhna leh tihna tak tak thinlung atang lo chuan hlepruk hi tihloh ngam a har ngawt ang. Tuman an hmuh a an hriat chhuah dawn loh phei chuan. Pathianin a hmu a, a chhinchhiah a, a hu tawk lak let nan min hrem thei tih hriat leh rinna tak tak neih a ngai. Pathian pawi sawina a ni tih pawm ngam tak tak a ngai.
Report this comment
December 24th, 2011 at 11:46 am
Pu Pkfanai, a dik ngei mai. Pathian hian enge a huat ber ang aw tih hi ka ngaihtuah thin a. Rawngbawltu leh thusawitu tam tak hian Suma rinawmlohna hi Pathianin a huat thu hi an sawi ka hre fo thin.
Report this comment
December 24th, 2011 at 12:22 pm
va tha reuh e.. ka duh top.
Report this comment
December 24th, 2011 at 12:23 pm
Luphut, Corruption leh Rinawmna…a lo in zawm vek a nih hi :lol: A tha hle mai
Report this comment
December 24th, 2011 at 1:09 pm
Vun ro hian lu phut chu an nei duh in ka hria. Keipawh hi ka vun a ro a, ka lu ka suk khat hlek chuan ka nei leh zauh ṭhin :happy:
Report this comment
December 24th, 2011 at 1:25 pm
Luphut hi fungal disease a ni a, inkaichhawn a awl khawpin ka hria. Kan lumeh dawr ho hi tun aia thianghlimna an kalpui a tul khawp mai. Ringworm pawh lumeh dawr atanga inkaichhawn a awl a nia aw…
Report this comment
December 24th, 2011 at 1:36 pm
caribou hi a chhiar zo lo chiang alawm.. :lol:
Report this comment
December 24th, 2011 at 1:36 pm
Rinawmna phatsan in Luphut i corrupt ni maw :))
Report this comment
December 24th, 2011 at 2:01 pm
Ngaituah chet a dawl e. Mahni luphut vang a vai cho pawng chang hi a va tam em. A tu a te pawh hian mawhphurna ka nei a ni. Khawvel ngam tur chuan mahni in ngam hmasak a ngai zawk chawk a ni.
Report this comment
December 24th, 2011 at 2:16 pm
Tha ka ti lutuk,a solution zawng lova mi dang mawhpuh hi zawng awmzia a nei lo reng a ni.
Report this comment
December 24th, 2011 at 2:20 pm
A va han tha reuh e, Luphut atang in chawbe fuh kual chho vek mai a, eirukna te hi kan sawi in kan sel vak2 a, Officer ho kan sel a, mahse keini hnahniam thawk pawh hian kan eiruk phak chin ah hian kan ei ru ve hram zel tho sia, a bik in hun hi kan eiru nasa khawp in ka hria.
Report this comment
December 24th, 2011 at 4:14 pm
A tha e
Report this comment
December 24th, 2011 at 4:59 pm
Engkim mai hi tehkhin thu thatak a lo ni e..sawithiam tan chuan.
Kristmas hnam nuam ule…
Report this comment
December 25th, 2011 at 1:52 pm
Luphut atangin kan va lut ril raih raih ve.. Post thu lairil chu ka amen hle mai, mahnia solution awm reng, midang kih hnawka tanga in hriat tlatna hi!! Weinch!!
Report this comment