“Pathian thu hi a nung a, thil a ti thei a, khandaih hriam tawn eng ang ai pawhin a hriam a, nunna leh thlarau, ruhtuah leh thlîng phêl hrang khawp hialin a chhun thei a, thinlunga ngaihtuah leh tumte hi a hre nghâl thei a ni” tih thu Hebrai 4:12-a mi hi kan chhiar foin a rinawm. Pathian thu hi thil tithei lovin a awm ngai lo tih kan hria. Nimahsela, mi thenkhat chuan Bible kan chhiarin third person-in kan chhiar thin a, keimahni tân kan chhiar lo fo. History chhiar angah te kan inngai a, thu ngaihnawm satliah ang maiin kan chhiar fo maithei bawk.
Bible chhiar dân tûr dik tak chu First person (a titu) angin kan chhiar thin tûr a ni. Chumi awmzia chu kan thu chhiar rêng rêng kha keimahni inchanin, kan chhiar laiah khân kan tel ve zêl tûr tihna a ni. Chuti a nih loh chuan keimahniah thiltitheiin a awm thei ngai lo.
Midangte bula chhiar dân tûr ni lovin mimala kan chhiar huna chhiar dân tûr a ni tih erawh theihnghilh lo ila. A hnuaia mi ang hian entîrna lo siam ila, a fiah maiin a rinawm.
Entîrna 1: Johana 3:16&17 “Pathianin khawvêl a hmangaih êm êm a, chutichuan a Fapa mal neih chhun a pe a,… Khawvêl thiam loh chantîr tûrin Pathianin a Fa khawvêlah a tîr lo, khawvêl amah avanga an dam theihna tûrin a tîr a ni zâwk e.”
Chhiar dan tur: “Pathianin Awmtea a hmangaih êm êm a, chutichuan a Fapa mal neih chhun a pe a,… Awmtea thiam loh chantîr tûrin Pathianin a Fa khawvêlah a tîr lo, Awmtea chu amah avanga a dam theihna tûrin a tîr a ni zâwk e.”
Entirna 2: Isaia 53:4&5 “Ani chuan kan natnate phurin, kan lungngaihnate pawh a phur ngei a:… Nimahsela ani chu kan bawhchhiatnate avângin hliamin a awm a, kan khawlohnate avângin vuak thitlinin a awm a: kan thlamuanna tûra thununna chu a chungah a tla a; a vuakna vualtea tihdamin kan awm ta.”
A hnuaia ‘chhiar dân tûr’-a a kâr âwlah hian nangma hming dah khatin han chhiar ve chhin teh.
Chhiar dân tûr: “Ani chuan ________ natnate phurin, ________ lungngaihnate pawh a phur ngei a:… Nimahsela, ani chu ________ bawhchhiatnate avângin hliamin a awm a, ________ khawlohnate avângin vuak thitlinin a awm a: ________ thlamuanna tûra thununna chu a chungah a tla a; a vuakna vualtea tihdamin ________ chu a awm ta.”
Heti ang zêl hian tihtak zetin Bible hi chhiar thin ila, kan nun ram a thlengin mi pawh a khawih thûk ngei ang. Midangte tâna chhiar liam mai lovin keimahni tân ngei kan chhiar tawh ang a, kan thu chhiar laiah chuan a changtu kan ni zêl tawh ang. Chutichuan, kan chak lohnate siam tharin Pathian tan rinawm taka thawk zel turin kan inpe zual deuh deuh ngeiin a rinawm. Lalpa malsawm rawh se. Ka lawm e.
Similar Posts:
- Pathian rilru a dam em?
- A ram leh a felna zawng hmasa la engkim a pe ang che.
- I Duhlai Hlu Ber Kha…!
- Duhthusâm
- Pathian Remruat (I duhzawng vana an tih angin leia mi’n ti rawh se- Mt 6:10)
May 6th, 2012 at 11:42 am
Ka chhiar chi tak a nih hi, he post chu.
tren tren
Report this comment
May 6th, 2012 at 12:09 pm
GP (Good Post)
Report this comment
May 6th, 2012 at 12:29 pm
Ka duh lutuk, a tangkai dawn riau, ka nupui fanau te pawh ka hrilh ang.
Report this comment
May 6th, 2012 at 2:02 pm
ekhai, bei tha hle mai….
Report this comment
May 6th, 2012 at 3:25 pm
Clarity, meaning bo thak khawp hian thil hi a chhiar theih.
A hrim hrim thuin RECITATION COMPETITION han neihah te pawh hian poetry anga zirtir thiam chiah lo zirtirtuten an naupang lo hrual ve mai mai thin tih ka hmu tlat thin zu nia.
Meter lam ngaihtuah tel hauh lova rawn recite, a lam thawp nalh deuh vang an tih leh a action/gesture zei deuh vanga lawmmam hui ta mai mai ni awmte hian ka ngai a.
Tawng hi chhiar leh sawi a ni a. Kalhmang nei tak a ni. Accent chu thu dang ni se.
Hebrai Bung 6-naah pawh, “thiltih thi simna te …” tih pawh an thluk dan azira SIMNA ber THILTIH THI ni awm taka rawn tiri chhuak Pastor leh Evangelist ka tawng tam tawh viau. A awmzia an hriat loh vang a ni tih ka hai lo nghal mai.
Engnge SIM tur Hebrai 6-in a kawhhmuh? THILTIH THI (chung chu Thuthlung hlui inthawina ran thisen leh a kalpui zawng zawngte an ni.
“The faith of Jesus Christ” tih pawh “Isua Kristâ rinna” tih ni turah, Isua Krista KAN VA RIN LAM ni zawk hial khawpa chhiar ka hre fo.
I rawn ziak tha hle mai. Linguistic/Phonetics lam pawh hi zir tel a lo ngai khawp mai!
Report this comment
May 6th, 2012 at 3:33 pm
tha e! Ringtu pangngai tan erawh chuan thil thar vak ni turah ka ngai lo thung.
Thluk uluk hi chu a tul, ka vei bawk.
Report this comment
May 6th, 2012 at 4:14 pm
VIPP( Very Important Post )..
Report this comment
May 6th, 2012 at 4:15 pm
Tha khawp mai
Report this comment
May 6th, 2012 at 4:24 pm
Thanks u to u all
Report this comment
May 6th, 2012 at 4:40 pm
GP., sermon/thusawi ngaihthlak pawh hian mahni in hmuh kana ‘chu mi..kha mi..’ chuan ngaithla se.. ti a, midang tan emaw tih tlat a awl khawp.
Report this comment
May 6th, 2012 at 4:56 pm
Va tha ve, midang tana chhiar tlat hi awm thei viau nih duh hmel riau mai.
(Y). Mamawh vang leh duh vanga chhiar ni lo midang tana chhiar tlat mai chu mak ka ti deuh hlek.!!!!!
Report this comment
May 6th, 2012 at 5:55 pm
Bible thu, Mahni tan bik-a inlak/inbel zel hi a tha tia uar leh ngaisang pawl an tam hle a. Hemi avang hian ‘Life Application Bible’ pawh hi a pian phah reng a ni. Biblical & theological meaning chu phawk chiah lo deuh mahse, ringtu nun than len zelna atan a pawimawh khawp mai.
Report this comment
May 6th, 2012 at 6:27 pm
@Dr John#12: Bible hi keimahni in en na tur a ni lo emaw ti hi kan tam viau ni awm a ni, midang en-na(correct) tur nilovin.
A zirna lampang(theology) chuan mission lam a kawk ni in ka hria a, zawhna chhan har te, leh mi te hriatthiamloh chhan theihna tur, hrilhfiah tu tur a ni in a lang a. Mahse chung chu thlarau thianghlim a tel loh erawh chuan a buai duh khawp thung in ka ring. Mahse, Biblical a nihlohna erawh ka hmu thiam tlat lo??? mahni kan in en a, a kawng te kan hmuh thiam theihna tur chu Bible hi a ni miau mai. Thlarau nun hi tumah in a in sawi pui theih emaw, in kal sak chi emaw, ticket han in lak kep a theih hmel loh chuvang chuan mahni nun in en nan a hman ngei2 tur zawk a lawm…..chumi nung chhuak atang chuan mi ten Lal Isua hmel an hmu tur a nih duh hmel zawk ka lo ti deuh…..Han sawifiah deuh teh a ?
Report this comment
May 6th, 2012 at 9:39 pm
a va tha ve
Report this comment
May 6th, 2012 at 10:21 pm
Ka’n try ve chhin dawn ange, mi hneh dawn tlat.
“Ani chuan _Chhana_natnate phurin, ___Chhana_____ lungngaihnate pawh a phur ngei a:… Nimahsela, ani chu ___Chhana_____ bawhchhiatnate avângin hliamin a awm a, __Chhana______ khawlohnate avângin vuak thitlinin a awm a: __Chhana______ thlamuanna tûra thununna chu a chungah a tla a; a vuakna vualtea tihdamin __Chhana______ chu a awm ta.”
A va’n ropui em, Awmte@ ka lawm e.
Report this comment
May 7th, 2012 at 1:21 am
Report this comment
May 7th, 2012 at 6:28 am
A tha hle mai
Report this comment