Hlau Suh (Sunday & Krismas Pual)
Mihring nihphung pangai bak a thil thleng a lo awm hian, Mihringte hi kan sahawk a, kan hlau a, ka beng kan tun hru hru thin anih hi. Eden huana Setana(Diabola) bumna avang a Pathian Thianghlim leh Mihringte inkara inzawmna lo chat ta, rawn suihzawm leh tur a Pathian Fapa Isua Krista he khawvela mihringa alo chan dawn hian thil pangailo tak tak a thlen a ngai nual mai a. A lo dawngsawngtu Mihring thisen lum tan phei chuan hlau a phut hlum theihna hial tur khawpte anni hlawm awm e. Nimahsela, bawhchhiatna avanga Mihringten Pathian hmel kan lo zah leh kan lo hlauh tak tlatna atang hian Pathian chu kan hnenah lo cheng lehin, “Hlau suh”(Do not be afraid) tih hi Krismas in a ken tel thuchah pawimawh tak a lo ni ta a ni. Chungte chu I han tarlang dawn teh ang.
1. Thuthlunghlui lam a Lal Isua lo pian tur hrilhlawktu ber Zawlnei Isaia khan Isaia bung 9 a kan hmuh ang khan, “Thlaphanga awm tawh tan chuan nguina reng reng a awm tawh lo vang” a lo ti daih tawh a.
2. Lal Isua tana kawng lo buatsaihtu tur Baptistu Johana lo pian dawn khan a Pa Puithiam Zakaria hnenah khan Vantirhkoh a rawn inlar phut mai a (Luka 1:10-17). Zakaria kha a mangang a, hlauh pawh a hlau a ni(Luka 1:12). Nimahsela, Vantirhkoh khan, “Zakari, hlau suh” tiin thlamuanna thu a rawn thlen a.
3. Isua paitu tur Mari hnenah pawh Pathianin a Vantirhkoh Gabriel-a a rawn tir a. Mari hnenah chuan, “Chibai, Vohbik! Lalpa I hnenah a awm,” a han tih khan Mari kha a mangang hle a ni. (Luka 1:28-29). Nimahsela, Vantirhkoh chuan thlamuanna thu a rawn puang chhuak leh ta a, “Mari, hlau suh; Pathian ngaihsakzawng I ni e,” a rawn ti leh ta!
4. A nupui hual Mari a rai tih a han hriat khan Josefa kha a mangang ve ta thung a, mahse mifel/mitha tak a nih avangin a Hmangaih em em Mari chu tihmualpho a duhlo a, ngawi reng a bansan mai a tum ta zawk a(Matthaia 1:18-19). Nimahsela, Lalpa Vantirhkoh Josefa hnenah a rawn inlar leh ta a, “Josef, nang Davida fapa, I nupui hual Mari chu neih hlau suh; a naupai chu Thlarau Thianghlim laka mi a ni asin, Fapa a hring ang a, a hmingah ISUA I sa ang: ani chuan a mite an thil tihsual lakah a chhandam dawn si a,” a rawn ti leh ta khauh mai a ni.
5. Isua Krista a lo pian takah khan, Khatia Van Lalber Fa lo piang chu, In pangai pawha piang lovin Ranin chhunga Ranthlengah a piang ta mai mai si a, Doctor leh Nurse pawh an awm si lo; tumah han chiau au tu leh han lawmpuitu an awm bawk si lo. Khatih hunlaia Khawvel Lal ten an aiawhtu tur fapa an neih lemin Zaipawl leh Rimawi tumthiam ten ropui takin an awi thin si a. Van Zaipawl an insum thei ngang bik ta lo. Pa Pathian pawhin a dang zo biklo nge a thupek zawk chu kan hre chiah lo na a, Van tukverh hawngin Daipawna an Beramte riahchilhtu Berampute hnenah an rawn inlar ta mai le.
Beramputen an hlau nasa ta mai. Nimahsela, Vantirhkoh chuan an hnenah, “Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni. Vawiinah hian in tan Davida khuaah Chhandamtu a piang ta, Lal Krista chu” a rawn ti leh ta. An va han lawmin an va han thlamuang dawn tak em.
He Krismas hun hi Mihringte tan hian hun Lawmawm ava ni chiang tak em. Kan nunah harsatna leh Rilru hahna chi hrang hrang kan nei em? Kan lo nei mai thei e. Chutiang kan lo awm anih pawhin he hunah hian hlau tur leh mangang tur kanni lova, Hlim a lawm a Thlamuang tur kan ni. Chu chu Vantirhkohte thuchah ken pawimawh em em mai a ni si a. He Chanchintha hi mitin ta tur a ni a, hmaih reng a nei lo va, a duh apiang tan a ni.
Exodus 33:20 ah chuan, Pathianin Mosia hnenah, “Ka hmel zawng I hmu thei lo vang: mi hmua nung reng thei tumah reng reng an awm si lo va,” a ti a. Tin, Genesis 32: 30 ah pawh khan, Jakoba khan Pathian a hmu a a thi silo kha mak a ti zawk a, “Pathian chu a hmai hma ngeiah ka hmu a, ka nunna hi zuah a ni si” a ti he haw a ni. Heti anih laia Vantirhkohte rawn inlar a, Pathian Fapa meuh keimahni mihringte ang a lo chang a kan zinga a lo awm ta mai hi a va mak em. Immanuela( Pathian kan hnenah a awm) kha a hming ang takin kan hnenah a lo awm ta si a. Chu chu thil hlauhawm a ni lo chauh pawh a ni lo va, Chanchintha Lawmawm em em a ni si a.
Sapho tana Mizo hnam mawl lutuk, an khaw mi ni lo chu thah a, an lu tanchhum a Iptepuia ah haw tum te, Africa rama Midum Ramsa u deuh awrhte anga chan ringawt pawh Sapho tana a harsat awm nen, Pathian Fapa meuh keini a thilsiam Mihringte anga lo chang a, Mi Rethei berte tawrh ang Riltam leh Khawvawt te a rawn tuar a, Heroda Sipaite hlauin Aigupta ramah tlanchhiatpui dawr dawr a ngai a, Dawt tinrenga hek a ni a, Chinghniain Beram tlafal seh tuma an chang reng ang maiin A chetsual leh tawngsual an chang reng a, a tawpah phei chuan, thihdan a zawnga mualpho thlak leh Rapthlak, Natuar rei thei ang ber zawnga in sawisakna Kraws-ah Saruak a tihhlum a lo ni ta hial a. Chuti khawpa min hmangaihtu leh kan tana inpe zo chu Kan Pathian hi a ni.
“Puithiam Lalber kan chak lohnate min hriatpui thei lo nei kan ni si lo; Keimahni anga kawng tinrenga thlemna tawk tawh, sual erawh chu sual lo, nei kan ni zawk e.
Chutichuan zahngaihna kan hmuh theihna tur leh puih kan ngaih huna tanpuina khawngaihna kan hmuh theihna turin, khawngaihna lalthutphah chu huai takin I hnaih ang u.” (Hebrai 4:15-16).
Lal Isuan, “Ngaiteh, Kawngkhar bula dingin ka kik hi; tupawhin ka aw hriaa kawng a hawn chuan a hnenah ka lut ang a, a hnenah zanriah ka ei ang” a ti si a. (Thupuan 3:20)
He Krismas zarah hian, “Tuihal apiang lo kal rawh se; a duh apiangin nunna tui hi a thlawnin la rawh se”(Thupuan 22:17) tiin Lalpan min sawm reng a ni.
Lalpan a thu malsawm rawh se, Amen.
Similar Posts:
- Amen ti thei – Mari (Isua nu)
- Josefa Lehkhathawn
- Kristian sakhua leh Mizo hnam sakhua danglamna
- Bible Thu Chang Inkalh Anga Lang
- Tunlai ka mutmawh hnarmawh.
December 25th, 2011 at 7:01 pm
masi chibai paws tupa
Report this comment
December 25th, 2011 at 7:08 pm
ka awmna ka inkhawm lo va, he paws hi nghakhlelh takin ka lo chang a, nghahhlelh man a awm hle mai….
Report this comment
December 25th, 2011 at 7:15 pm
“Tuihal apiang lo kal rawh se; a duh apiangin nunna tui hi a thlawnin la rawh se”
AMEN.
Pu PK..inchhungin Masi chibai ule..Pathianin vengin malsawm zel che u rawh se..
Report this comment
December 25th, 2011 at 7:24 pm
Ka chhiar chhuak thlap e.
Krismas Chibai vek u le.
Report this comment
December 25th, 2011 at 8:01 pm
Hlau tur kan lo ni lo, hlima lawma fak chunga amah hnaih mai tur kan lo ni, tuinung lui kang ve theilo neitu, tuihalte tan pan ngei chi. Post tha kher mai. HALELLUIAH AMEN ka pe e.
Report this comment
December 25th, 2011 at 8:21 pm
Pu Pk, i ziak tha thin e. Phone atangin ka chhiarchhuak rawk mai a, ka mit a na vek mai. In chhungkua in Mas Chibai. Hlimtaka in hman ngei ka ring e.
Keipawh ‘Masi laia Damdawiin awm thu’ tih rawn sermon ve i la a tha ang…hehe
Report this comment
December 25th, 2011 at 8:22 pm
Krismas Sermon atan, “KHUALBUKAH HMUN A AWM” tih ka han buatsaih ve a, ka submit tawh a. Ka han preview a,Similar post ah MpaRalte khan nikum lam khan a lo post diam tawh si a, ka Trash leh a. Mari inpekna chung chang ka han buatsaih leh dawn a, Pu HV an a lo post tawh bawk si. Kum 2008 a Naharlagun Kohhran a ka sermon Computer a ka lo save that a han post ta ngawt mai a ni e. Ka tlai ta lek lek nghe nghe a ni.
Report this comment
December 25th, 2011 at 8:25 pm
@Pakak & lrpa, Nangni pawh Krismas chibai u le.
@ Sheldon, Han post ngei teh.I thuziak hi a ngaihnawm thin bakah zirtir tha deuh hi a nei thin a. Kan lo tawngtai pui zel ang che u.
Report this comment
December 25th, 2011 at 8:41 pm
@Pu Pk, i ti lawmawm thin e. Min tawngtaipui ang tih ka ring sa. Vawin tlai pawh ‘misual’ pakhat in min rawn tlawh asin.
Report this comment
December 25th, 2011 at 8:56 pm
10.Sheldy, Aizawlah awm ilang chuan rawn tlawh che u in, Tawngtaina ka rawn hmang tur hi a nia. “Pathianin kan thatna turin engkimin min thawh sak thin” tih hi rinngam a har thin ngawt mai Mahse, Hnehtu aia Ropui ni turin ka duhsak che a, Sermon(Post) ngaihnawm tak ka(n) lo beisei ang.
Kanu nau Lunglei ami pawh, Presbyterian Upa ani a, fapa 2 chauh an nei a, pakhat zawkin kumin khan a boral san a, a tuar thiam thei meuh lo a ni. Message mi rawn thawn a, “Ka fapa(hming thup) tello a Krismas han hman chu tuarthiam ava har em” a rawn ti thlawt mai a, ka khawngaih kher mai. Sum leh pai lamah chuan Lungleia nuamsa ve pawl tak chu an ni a, Mahse Fapa 2 chauh neih a 1 zawk chan chu a na ngang zawng a niang.
Report this comment
December 25th, 2011 at 10:13 pm
A lawmawm e, Sunday leh masi pual a thu tha tak min rawn chhawp chhuah sak leh ta a….
Report this comment
December 25th, 2011 at 10:28 pm
A va ngaihnawm em!! Min ti harh huaiin ka hria..post tupa kzp leh krismas leh kumthar chibai
Report this comment
December 25th, 2011 at 10:55 pm
Jacka pi, Nang pawh Krismas leh kumthar chibai le.
Nian kan meng rei a, mut a chhuak ta tlat mai.Good night all.
Report this comment
December 26th, 2011 at 1:05 pm
Krismas lai vel chuan misual pawh a reh ruih mai a. Pu Hv, Pu Duhlova, lrpa, Pakak leh Jacka pi te nen khawhar takin kan inkawm hram hram ani ber mai. :cry:
Report this comment
December 26th, 2011 at 1:31 pm
@Pu Pk, keipawh ka rawn tel ve…haha
Report this comment
December 26th, 2011 at 1:38 pm
15.Sheldon, misual lonelyheart Club(MLC) ah ka lo lawmlut a che. Keini lamah chuan Krismas chu a zo chiang kuang tawh khawp mai.
Report this comment
December 26th, 2011 at 3:37 pm
Thla a muang suai suai mai ka ti.
Report this comment
December 26th, 2011 at 3:45 pm
@Tuaisial, khawnge i awm tak???
Report this comment
December 26th, 2011 at 4:01 pm
Post tha tling kher mai. Thlamuan rukna min neihtir thei mai alawm le. Ka va lawm em. :cry:
Report this comment
December 26th, 2011 at 4:07 pm
Sheldon, kan khuaah ka awm.
Report this comment
December 26th, 2011 at 4:20 pm
TuaisialA khawi khua ah maw
Report this comment
December 26th, 2011 at 5:05 pm
Jacka Pi te’n min rawn tlawh zo chiah. Misual nih hi a lo nuam e. Khawhar leh tihtur neihloh pawn kan misual hmiah zel a.
OT phalna Pu Pka’n min pe.
Report this comment
December 26th, 2011 at 6:40 pm
E, Sheldy O.T. bawrh bawrh rawh u. Jacka pi chu a va ti tha ve. Krismas ruai theh zo ho pawh an rawn lut tan dawn tawh ang. Thudang alai chuan, post a va chhang khat ve aw.
Report this comment
December 26th, 2011 at 6:55 pm
Howdy, ku pk? misual zinga ka no.1 ho ku igtea, ku hva, sawi vek lo mai ang. Tunlai chu post pawh ka chhiar tha hman mang lo, mawngvawm ba ang mai ka ni.
tren tren.
Report this comment
December 26th, 2011 at 7:57 pm
24. Chhuaklinga, kan dam e. Sunday pualah hi chuan ka lo beisei deuh thin che a. Naktuk tukleh hian Thingtlang lamah Gospel Tour-in kan zin chhuak dawn a, ka reh deuh mai thei. Krismas ni khan Ziro ah vur tui anga vawtah mi 64 in Ringtu Baptisma an chang tih report ka dawng. Igtea hi a ngaihawm reuh khawp mai. Mahse ku Hva a rawn regu leh tan tawh a, a zia awm e.
Report this comment
December 26th, 2011 at 8:08 pm
@ku pka, i rin Pathianin hruaizel che rawh se. Nia, ku ignate-a hi chu a hring a hrang a ka hmuh chak berte zinga mi a ni awm e, nangte, adt adt…
tren tren.
Report this comment
December 26th, 2011 at 11:30 pm
A va tha lehpek em.
Report this comment