C. Lalduhawma 
s/o C. Lalpara, Bethlehem Vengthlang chu National Bravery Award 2011 dawng turin Indian Council for Child Welfare, New Delhi chuan a thlang. Chawimawina hi kumthar Republic Day lawmna New Delhi-ah Prime Minister in a hlan dawn a ni.
C. Lalduhawma hi Pu C. Lalpara leh Pi Lalrintluangi te fa tlum leh fapa mal nei turin ni 7 March, 1995 khan Bethlehem Vengthlang, Aizawl-ah a lo piang a. Naupang thuawih thei leh lehkha thiam thei tak niin, a zirlaiah fail a nei ngai lo. A boral lai hian St. Joseph Higher Secondary School-ah Class XII a zir mek a ni.
Ni 2 April 2011 (Inrinni) hian a thiante, a thuihhruaite nen ram kalin an lo haw lam pang chu Chite luia Bethlehem Vengthlang leh Zemabawk veng inkalpawhna tura Chite lei (Bridge) an dawhna tur foundation atan an lei laihkhuara tui tling, thuk tak, feet 26 bial vel, feet 20 vela thuk ah inbualin an cheng a.
A thuihhruaite zinga mi P.C. Laltlanhlua (Patea) kum 11, s/o P.C. Vanlalnghaka chu an inbualna ah chuan a tla palh ta hlauh mai a. A thianpa chhan tum chuan tuiah zuangthla nghalin a thianpa chetsualna lamah chuan a hleuh phei ta nghal a. A thianpa hi tui atang chuan a chhanchhuak a.
Amaherawhchu, a chhanchhuahna lamah hian C. Lalduhawma hi a chauh em avangin talbuaiin a chesual ve ta hlauh mai a. An bul hnaiah hian puitling an awm hnaih loh avangin a thian dangte chuan an hmuh remchan ang ang mauphel (phelsep) vawn tur an pek pawh man thei tawh lovin tuiah chuan a pil hlen ta a ni. Tichuan, a thianpa nun a chhanna lamah vanduaithlak takin a boral ta hlauh a ni.
Similar Posts:
- Mizo IR Bn. chhiat tawk
- Municipal Council Inthlan Results!
- I lo hre tawh em?
- Veterinary Officer Tling Tharte
- Mizo Aw News Editor Pu H.Tawna a boral
December 29th, 2011 at 9:32 pm
Keipawh hi huaisenna lawmman dawng tlak khawpin vaipa India Gate bulah ka chhan tawh! hehehe
December 29th, 2011 at 9:34 pm
December 29th, 2011 at 9:49 pm
A va chhuanawm em ! Thian chhan thih ngam, thian rinawm leh huaisen, chawimawi tlak a ni e.
December 29th, 2011 at 9:50 pm
Thian chhan thih phah, a va khongaih thlak ve aw. Kei chu tui hleuh hi ka thiam mang der lo.
December 29th, 2011 at 9:56 pm
A va ngaihsanawm tak em! A chhanchhuaha chuan a damchhungin a hre reng tawh dawn a nih chu le!
December 29th, 2011 at 10:03 pm
Sadness
December 29th, 2011 at 10:10 pm
A chhungte an lawmpui awm e. Khawi maw lai a lo OD vel te ai chuan a chhungte hmai pawh a uang deuh ang chu
December 29th, 2011 at 10:20 pm
Miin a thian tana a nun a pek a lo liama hmangaihna nasa a awm thei dawn em ni? A va ropuiin a va lungchhiatthlak lawi si em!
December 29th, 2011 at 10:27 pm
Thi tur theuh kan ni a, thih dan rau rau ah chhuanawm tak a ni, chawimawi a phu e.
Kei pawh ka tui tla tur chhanchhuah ka ni ve tawh a…hehe. Tet laiin.
December 29th, 2011 at 10:32 pm
A tlakna lai vel hi ka mitthla uar uar mai, kan tetlaia tui kan chen rukna vel kha anih hmel a. A chau tawh si, hah taka rawn hleuh phei a tum lai vel chu ka va lainat tak em aw..!!
December 29th, 2011 at 10:37 pm
Chawimawi tlak ani tak meuh e. Tuitla inchhan hi huaisen ngai deuh asin(pakhat leh pakhat inchhanchhuak tur ngat phei chuan risk a sang khawp mai)
December 29th, 2011 at 10:40 pm
Chite ah Lei dawh tum ani a, an chenna khur ah hian tui a hnam in a khat vat thin a, hemi ni pawh hian ban khur ah tui a tling khat in Lui luang nen a cham put a, Ban khur tih a hran pa in a hriat loh.. He nau hi a huai khawp mai, tui a nu sia a khur chin pawh a hriat loh ani tiin a chhanchhuah a Pi hian min hrilh
December 29th, 2011 at 10:53 pm
Avan ropui vele…a lainatawm bawk si!
Kum 1987 emawni khan Champhaiah, ka fanu Judy nu, chumi ni (aunty) fapa chu Tiau tuilianah a tlahlum a. A tlakhlum dan min hriatchhuah tir mang e.
Tiau tuilen hma chuan Lawi neitu thenkhat ( mi 5) chuan an lawi ral lehlam a tla te chu an khalhkhawm ani awm e. Tiau lui an han kan leh tur chu tui alo lian nasa tawh mai chu alo ni a. Judy nu ni fapa bak tui thiam awm heklo, a mal malin Tiau tuilian chu a hleuhkai pui ta a nih chu.
Chutia a mal mal a tuilian a kan pui mek, a tawpna ber daikai thei tura a hlauh pui chu a kaihza tha a chat ta ani awm e. Tuiah chuan a pil ta a ni. A khawnawtin an zawng a, civil SDO pawhin buhfai te pawh a zuk thawh nghe nghe a ni.
Khata ropui ka tih em em mai chu, Champhaiah khan dawr inhawng pakhatmah ka hmu lova, thalai pakhatmah ka hmu bawk lo. Makpa ka ni a, ka kal an remtih loh bakah inlampang lo supervise tura tih ka nih vangin tarho nen an inah chanchin ngaichangin kanlo awm a nih kha. Keimah chiah khawchhungah thalai hmuhtheih awmin ka inhria.
An zawng ngawrh em em a, ani 7 naah chiah chuan mikhual, Mission veng ami (anti) chuan a ruang chu luikam maiah a hmu ta a. Champhai tlangval ho chuan an tlawmlak tep nghe nghe a ni.
Khami tum khan tui a tlahluma kha a huaisen bakah a tlawmngai ka ti thlawt. Tin, Champhai khawmi te khan Mizo tlawmngaihna diktak an tilang niin ka hria a ka chhuang takzet bawk.
Sawi ve mai mai :wink:
December 29th, 2011 at 11:11 pm
Mi huaisen leh tlawmngai hi ka ngaisang hle mai. He naupang hian thil ropui tak a ti a ni. Mi thenkhat, fak duh vang a mi huaisen tak anga lan tum ka lo hmu tawh thin. Chungmi te chuan an hming that duh vang in thih an ngam ngai lo tih pawh ka hria. Chuvang tak chuan he naupang hi ka chhuang em em a ni. Chawimawi pawh a phu e. Mizo hnam min chhawisang tu chu thian chhan thih kan ngam hi a ni. He nun mawi tak hi i chhawm nung zel ang u. Lalduhawma hi kan thinlungah dam reng rawh se.
Mi thenkhat, mahni hmasial vang a mahni Mizo pui te ngei chanvo tur ni a lang pawh chuh pui duh kan la awm zel hi chu a va zahthlak em! He naupang rilru thianghlim tak ang hi pu thei theuh ila ka duh a ni. Mahni hma a sial lo em mai.
December 30th, 2011 at 12:28 am
Chawimawi phu a nih hi, mizo thalaiah chuan ka 2011 icon/idol a ni e.
December 30th, 2011 at 12:45 am
A va huaisen in a va lainatawm em! Chawimawi a phu ngawih ngawih.
December 30th, 2011 at 12:48 am
Tui tla chhar tih vel hi thil namai lo deuh ania sin a thiam tak tak leh chak tak tan lo phei chuan. Keimah hrim hrim hi chuan tui lian emaw lui lian khauh tak te anih loh chuan tui ah hian ka tlak hlum hi ka ringlo ve tawp a mahse mi tui tla chhar tur hi chuan ka in sit khawpmai, thiante tui tla han en liam ngawt chu har ti in chhan tuma theih tawp ka chhuah ve ngei chu ka ringa mahse kei aia rin tur leh thiam an awm chhung chuan “I dont take risk” ti chi ka nia. hehe
Tui hi chu zuam sual tehi a awl a, a thiam te chauh loh na ah hian a thiam vaklo chu kan chau mai zel. Thiante an chen phawt loh phei chuan ka cheng mai mai duhlo, hman deuh pawh khan kaveri lui ah kan kal a kan thianpa kei aia tui hleuh thiamlo kha a current chakna laiah ava kal ngawta a len tep alawm, lung pakhat a vuan fuh hloh a chu chuan a chhan ta. Hemi hma hian tui kan in hleuh chak siaka min tluklo, mahse keichu ka kal ngam ve miahlo, ani pawhin a zawng chhang lo khawpmai. lolz
December 30th, 2011 at 1:20 am
He thu hi thla engemawzat liam tawh ah khan ka chhiar tawh a. A lawmawm hle mai..chawimawiphu te chawimawi hi..
Tui a han tlak bar barh mai chuh!! nuam lo tak ani..
Thil ropui tak ti te hi kan chawimawi hi a tha em em ani! Thil ropui ti lem lo ten award an dawng ve ngawt te hian a pawlhdal miah lo :wink:
December 30th, 2011 at 1:34 am
Chawimawi tlak ani hle mai.. A nun chan khawpa a thian tan a inpekna a ropui a, chutihrualchuan, a khawngaihthlak awm hle mai. Chawimawi ngei teh se..
December 30th, 2011 at 1:35 am
mamboih..i dam tha maw :kiss:
December 30th, 2011 at 1:39 am
LRp dam e! Hei kan 2 chauhin kan awm leh tawh ava ang ve?!!
December 30th, 2011 at 2:24 am
@ A chhuanawmin chawimawi a phu hle mai.
@ A nunna chan kher ta lo se tunai hian kan ngaihsanna a hniam angem tih ka rilruah a lo awm ve mai mai a. Hairehai! :rolleyes:
December 30th, 2011 at 2:27 am
CFL pawh chu i va mengrei ve!! Ni e, thih hnu chauha inchawimawi ai chuan damlai ngeia inchawimawi theih a hlu..
December 30th, 2011 at 3:16 am
ahuaisen in a lainatawm ngei mai.
M Pautu chu tlahlum ve lang chuan huaisen lomman dawng ve mahna noi
December 30th, 2011 at 6:34 am
Kan Adventure lama tui Pu HV’an ama expirience ava thawh love.
Tui ah hian vawi 2/3 vel chu ka tla tawh a, vanneih thlak takin min chhan hman zel a, ka sim duh loh avangin mahni himna tawk chu ka thiam ve sawih sawih phah ta bawk a :happy:
Ka hmuh dan:
Tui tla hi an tal na em em a chhar dawn pawhin hnaih hmanhmawh lutuk loh a ṭha in ka hria. An hnung lamah hel phawta, liluh chunga an kawng lama chawi sak theih chuan second 1 pawh chawi kang ila an Chiai(panic) na ziaawm theih in ka ring (chu chu keimaha ka in hriat dan a ni bawk). An hmaa min hmuh vaih chuan an thapui in min kuah bet tlata keimahni tan pawh hlauhawm tak anni thei. Liluh chunga chhan te hi that ka ring tlat, a chhanchu pawn lam an hai buan2a hnuai lamah chuan min rawn kuah chawt duh miahlovang
Vaiva te ho pawhin sawi tur an hre nual maithei.
December 30th, 2011 at 6:49 am
Chawimawi tlak chawimawia an awm hi chu an lawmpuiawm takzet e. Damchhan neilo mah ila thih chhan tal i nei ang u hmiang, tih tawngkam tepawh min hriat chhuah tir uai uai e.
@ku hv, i sawi khi ka hria, khita a hruaikai zinga pakhat phei khi chu tunah kan branch yma president a ni mek.
tren tren.
December 30th, 2011 at 7:04 am
Asteric #25 rafting expedition tih velah adt. chuan kan inchhar fo alawm. Mimal huaisen fal vanga inchhan kan ni lova, phawklek vanga tuithiam leh thiamloh ngaihtuah hman lova zuangthla kan ni bawk silo… sawi tur a awmlo alawm.
Chhuaklinga #26 Champhai khua ilo nimaw?
December 30th, 2011 at 7:35 am
a chhuanawm hle mai . chawimawi tlak a ni . .
December 30th, 2011 at 7:51 am
Dear C. Lalduhawma,
I saltue you. I am very proud of you. May your soul RIP.
December 30th, 2011 at 8:33 am
Chawimawi phu mi huaisen ani. A nu leh pa te an lainatawm, fa mal a ni si a. Mahse noble cause vanga nunna chan ani a, a ropui.
December 30th, 2011 at 9:15 am
Mahni nunna hlan ngam naupang huaisen hi a van ngaihsan awm em…Puitling zawk lah mahni nunna humhim tumin kan phili reng zawk mai si a le(h)!
December 30th, 2011 at 10:18 am
A huaisenin a fak tlak takzet. A ngaihsanawm a, a awhawm ka ti hle mai.
December 30th, 2011 at 3:33 pm
Mizo naupang huaisen tih lampang deuh lehkhabuah khan tuitla chhan hi an tam berin ka hria, tui hi kan lo ngam lek emaw ni dawn ni
December 31st, 2011 at 9:15 am
1
M_Pautu # Chanchinbu ah in chhuah la, CM & PM lehkha thawn bawk la….. :lol: :lol:
Ka rilru a khawih ..a chhuanawm ka ti.