Vawiin chu veng pakhat YMA chanchinbu ka chhiar a, chutah chuan, “Kan veng chhungah zan dar 10 hnu lamah dawr hawn phal a ni lo, a hawng lui chu an chungchang ngaihtuah a ni ang” tih an ziak a. Chu mi ka chhiar atang chuan thil ka ngaihtuah kual mai mai a, kan tunlai YMA kalphung hi ngaihtuahna in lo seng ve ngai hlawm emaw.
YMA te hi tlawmngai pawl nge kan nih a, dan siam pawl? Tanpui ngaite tanpui a, mite thlamuantu nge kan nih a, mite tithlabartu leh mi tana harsatna siam saktu zawk kan ni tih hi in lo chhut ve ngai emaw???
Khi chanchinbu a an ziah khi han ngaihtuah ta ila, miin ei zawnnan, chhungkaw chawmnan dawr an kai a, chu an dawr chu an ei bel ber a ni. Dawrhmun hi a awmna a zir a inhralh kal leh kal lo deuh te a awm thei a, chutiang bawk in a hun thuah pawh zingkar, tlai leh zan lam te pawh min an bawh hunlai a inang lo thei.
An dawr an hawn rei avang ringawt khan thil tha lo a thlen phah hi ka ring lem lova, dawr kan siam a nih chuan a leitu an awm chhung chu tunge “tunah chuan ka hralh thei tawh hrih lo?” ti ngawt duh ang, mi mawl ber pawhin mahni hlawkna tlansan a, mahni customer te hnar ngawt thu lah awm lo.
Khi chanchinbu ka chhiar te veng nilo pawh Aizawlah hian veng dangah pawh hetianga khap hi an awm zeuh zeuh a, hethil hi chu inrahbehna, mi chawthleng leihbuak sak angah kei chuan ka ngai.
Veng pakhat YMA chuan kawngsirah Hall lian tak an sa a, chu Hall bul kawngsir chu lirthei chi hrang hrang dah theihna a ni a. Mahse YMA chuan an hall-a kal te tan chauh dah phal an ti a, chutih laiin an YMA hruaitu te chuan an motor dah nan ber an hmang leh lawi si a, YMA hruaitu te tih atan chuan a mawi chiah lo chuan ka hre thin. A thu hrimah kawng bul hnaia ram an neih avang ngawta, kawngsir, kawng area vek tho si an mahni ta ang maia an humhalh tlat mai hi thil dik ber chu a nih hmel loh ka ti, kawng te chu vantlang ta a ni si a.
Pakhat kan sawi leh hram teh ang, ruihhlo do chungchang hi. Ruihhlo kan do a, a tha e, sorkar tha tichak tura lo tanpui pawh kan tih ngei tur a ni. Amaherawhchu roreltu leh a hrem theitu ni awm taka, kan mi mante kut kan thlak a, thenkhat phei chu an in te hial kan kalh sak thin hi eng dan nge ni ta ngai.
Hmeithai leh chhumchhia te zu fun hnihkhat kan veh kan veh laiin milian leh nei nungte’n a sen chi a case a an kawl ten tun chu kan hmuh kân leh si thin a, rethei leh harsa te thlamuantu leh tanpuitu ni lovin, an tan chuan pawl hlauhawm tak kan lo ni ta der mai. YMA hi khawtlangah hian tu ma ngam loh leh roreltuah kan insiam ta niin a lang.
Similar Posts:
- Darthlalang Sawm
- Kan mawhphurhna a ni em?
- Zan dawr hawn leh Mizo te
- Vanglaini ‘Bihchianna’ bu Zing Daifim
- Krismas bawr chhova chanchinbu chhuak lo chungchang
December 30th, 2011 at 6:11 am
Hruaitu atana eiruk vanga hausa tih hriat ngawih ngawih pawh kan iai loh chhung hi chuan kan YMA pawh hi a awngrawp tial tial ang. Val Upa tlawmngai, hming lansarh hlau leh kawng engkima khawchhung uap thintute kalphung kal pela lansarh chak leh hruaitu nihnain a ken hmuihmer chauh lawmtute’n min hruai chhung hi chu khua a var mawlh lo ang.
Report this comment
December 30th, 2011 at 6:26 am
Mizoramah chuan synod leh yma an lal ber nimaiin ka lo hria a. I la sawi loh pakhat kohhran leh yma tangrual phei chuan duh duh naah lirthei engpawh an tidingin an check thei mawle, eng dan tak ni ang maw..
tren tren.
Report this comment
December 30th, 2011 at 6:26 am
Veng thenkhata YMA hian YMA MOTTO an theihnghilh tawh a nih hi a! Eiruk thup nan, Intihlar nan leh Politics kailawn atan YMA hi kan hmang mek a nih awm hi maw! YMA hi tanpui ngaite tanpuitu ai mahin mi chhumchhiate HMUSITTU leh nekcheptuah kan chan lek lek ta a nih chuan a va lungchhiatthlak dawn ve le!
Report this comment
December 30th, 2011 at 6:54 am
Mizo te hmanlai aṭanga kan ziaa bet tlat ni a ka hriat chu roreltu nih châkna hi niin ka hria. YMA pawh hian rorelna(dan) hi nei lovin tlawmngaihna hlang chauh nise hruaitu dinhmun inchuhna hi a awm miah lovang. Kan society ah chuan eng pawl pawh ding se, eng motto pawh nei se member an tam chuan rorel an tum zel ang, dan chunga thuneih an tum zel ang.
)
eg. Pu HV hian secret NGO pahnih a zawmin ka hriaa, enge an kalphung leh tih erawh chu ka hre lem lo, mahse khatianga khawtlang rorelnaa in hnamhnawih lo pawl lian tak kha kan din ve thei ka ring lo. Mizo pa hian khawtlanga lansarh duhna a neih rualin fak tu awmlohna hmun chokaa ṭhu chunga Nu bai chawh a tih tura ngaihlohna a neih ṭhin kha kan DNA ah a awm tlat tawh (zoho te dan takin
Report this comment
December 30th, 2011 at 7:30 am
Asteric, hmanlai kan val upa te kha chu khawtlang khan an papek deuh tawp zawk lo maw aw?? Tin, val upate thu lo kha chu midang khan ro an rel tam lo khawpin ka hria. Lalte pawh khan an thu an zah thin em kha mawle.. Hei hi chu a tunlai issue deuhin ka hria..
Report this comment
December 30th, 2011 at 7:34 am
Khawi veng YMA nge?
Report this comment
December 30th, 2011 at 7:34 am
NGO te hian sawrkar dan chungah thu an neilo, neih an tum tur pawh a nilo. Dan kenkawhna lama an tih theih chhun chu dan bawhchetute, dan kengkawhtute hnen a report a ni mai.
#3 khi KZP.
Ka sawi thin fo tawh angin 7Day adventist hovin Sunday a dawr an hawng khar tura an nawr thin te, an nawr loh pawhin an dawr kawtah YMA thuthleng remkhawmin an thut thup thinte hi ka ngaithei lovin, ka mit a kham bawk. Inrinni-ah 7Day lo zawngin dawr khar tur tive sela an duhlo khawpin ka ring alawm mawle.
Report this comment
December 30th, 2011 at 7:52 am
A dik khawp mai . mimal zalen na inhumhim sak ai in ,mi chunga rorel leh thunun hi nuam kan ti mah mah zawk em aw ka ti thin . @7 Hv a sawi seventh day ho dawr an khar tir ang chi te khi ka ngaimawh thin khawp mai . .Sunday te leh zan rei ah pawh a duh chuan dawr hawng se . mipui tan tangkaina tamtak a awm .
Report this comment
December 30th, 2011 at 8:46 am
Kal dan kan thiam, kan thiam thei lo ve
Report this comment
December 30th, 2011 at 8:53 am
#6 filiz an veng han sawi kher chu a tih chi lem lo ang. Tin, khitiang chi khi branch tam tak kan awm tawh.
Report this comment
December 30th, 2011 at 9:04 am
he tlawmngai pawl (inti?) lian tak hi dan palzut nasa ber an ni! an kalphung hi zoram kalphung a ni lo thei si lo. an thiamloh a ni lo, sawrkar thiamloh a ni e!
Report this comment
December 30th, 2011 at 9:06 am
A va mak teh tawp thin ve aw… :?
YMA hruaitu mi tha leh fel tak tak an tam rualin, a tam zawk hi chu, tih tur bik hna nei lem lo an ni in ka hria. Khawtlang tan thil tangkai tam tak an tih rualin, an kuang lo an nawr tlat thin. A pawi teh e…
Report this comment
December 30th, 2011 at 9:10 am
Thu chiang hriat hmasak loh chuan comment thiam pawh a har e. Sunday a dawr khar tirtute hi kohhran leh YMA an nih chuan, an dem awm ang. Dawrkai Association an nih erawh chuan, an dem awm hran lovang. Tin, zan dar 10 hnu a dawr hawn hian veng chhungah sualna a ti punlun a, bengchheng a siam tam anih chuan, chumi veng YMA te tan chuan khap chu a awm khawp ang. Tribal Society ah chuan, Sawrkar dan chelek lutuk theihlohna khawtlang inrelbawlnain a chinfel theih chi hi a awm teuh thin. Law and Order kenkawh thuah sawrkar/Police te tan a zangkhai thlak hle thei a ni. Mahse, firfiak lutuk leh mipui nawlpui pawhin an pawmpui theih loh ang chiah chuan Sawrkar a inrawlh tur a ni ang.
Report this comment
December 30th, 2011 at 9:32 am
Khawtlang thatna zawk tur in an veng bik a tan uluk tak a ngaihtuahin an rel turah kan ngai ve phawt a…
Report this comment
December 30th, 2011 at 9:48 am
Khawtlang tan a thatur chu sawrkar dan hnuaiah/chhungah an rel turah ka ngai :undecided:
Report this comment
December 30th, 2011 at 9:53 am
#15 @H.Vangchhia, nia sawrkar dan hnuaiah hian thil chu ti thin se, tu tan mah an hnawk lo tur a nia. Mahse, rorel tu tur leh dan siam theituah an inngai ta tlat thin hi a buai thlak lai tak chu a ni.
Report this comment
December 30th, 2011 at 10:10 am
Branch thiam loh a ni. Bakah Central YMA hian an branch-te thuneihna an pe sang mah mah em ni chu aw.. An dah independent lutukin ka hria. YMA hi chuan dân siam chawp lo se ka ti. Mahse, hei hi dân kenkawh lama kan hnufum zia tilangtu a ni.
Report this comment
December 30th, 2011 at 10:12 am
#16 ka hmuh dan a ni.
Dan tha nei tur chuan dan kengkawhtute mipuiin kan puih angai. Dan kengkawhtute chauhin dan anga mipui kaihhruai an tum anih chuan enganga dan tha nei pawhin system tha a neithei ngaiin ka ringlo.
Dan chu mipui vantlang tan a siam anih angin mipuiin kan zawm tur a ni. Mimal tin kan pawimawh tihna a nih chu.
YMA hruaitu atan , OB ho hrim hrim pawh hi tlawmngai leh inhmang ringawt thlanglo hian sawrkar dan hre ve deuh te hi thlan nithin sela ania’ng chu mawle. Hetiang reng reng chuan a rampum a mualpho kan tawk chho zeuh zeuh fo ang. YMA hruaitute an man lahin a khawnawtin court kan pan hel hul zel mai te hi a MAWL THLAK ka ti.
Report this comment
December 30th, 2011 at 10:14 am
Inenlet fo chu a tul khawp mai.
Report this comment
December 30th, 2011 at 10:18 am
#18 “YMA hruaitu atan , OB ho hrim hrim pawh hi tlawmngai leh inhmang ringawt thlanglo hian sawrkar dan hre ve deuh te…”dan hria leh dan zahmi*”….
Report this comment
December 30th, 2011 at 10:27 am
YMA chang anilo,pawl zawng zawng hi akal HER velvek tawh.kan ram nuam tak hi ram hrehawm berte zingah kan siam zel ania,aram neitute ngei pawh kan thaw depdep ni ta ber hian ka hre mai.
mi tlemte kalkhawmin mipui zawm ngeingei tur rip tak kan han chhawpchhuak mai thin mai hi chu,azialo thin khawp mai,
Report this comment
December 30th, 2011 at 10:32 am
Dawr hawn leh hawnloh, zan reh thlenga hawn te chu an hawn peih mah te chuan, mimal zalenna a nia lawm. Lei mamawhtu tan malsawmna an ni zawk a lawm.
Thil thalo, khawtlang duhloh zawng an zuar a nih pawh-in, an ngen in emaw, thuneitu te hnenah an thlen/hek tur a ni dawn lawm ni?
Anmahni YMA chuan mimal zalenna ‘palzutna dan’ an siam a nih chuan an mawl hle tihna a nih chu.
Ram changkang zawkah chuan, mamawhtu te tan – Wal-mart, Seven/Eleven te a awm a..tlai deuh ah pawh miin an mamawh an lam thin. Aizawl khawpuiah te pawh awm ve thluah tawh se, tih tawh nak alaiin. Mahse, Zoramah chu nise YMA in an khap hmiah zel dawn a niang maw? Hawi zim lutuk/rilru zim lutuk te hi, ram thanmawh bawk a va ni pakhat em aw..!!
YMA hawihhawmlo/polite lo tak an awm ta nual hi a pawi a ni e.
Report this comment
December 30th, 2011 at 10:33 am
a reng reng thu ah sorkar hnathawk lo,kum lam a upa lo lehkha thiamsi YMA hruaitu a tan kan thlan theih tawh ka lo ring thin a.
Report this comment
December 30th, 2011 at 10:44 am
#22 A nih hmel khawp mai, miin 24hrs an tih laiin kei ni ramah chguan zan dar 10 pelh loh tur kan ti hlawm chu a ni si a, khua hi a la vat mai dawn lo a nih hmel
Report this comment
December 30th, 2011 at 10:49 am
Aizawl traffic dinhmun leh car parkna a harsat ngaihtuah chuan zan lama dawr hawn chu a tha khawp ang, lo ti ve ta mai mai sela aw. Zanah chuan traffic a jam tawh lova, motor parkna atam si, sumdawn thiam tan chuan tan hun tak ani. YMA lo inrawlh ve sek chu a pawi khawp mai.
#23 (latei) YMA hruaitu nih hi hlawh awm si lo hun tam tak paih ralna ani a, sorkar hnathawk lo chuan an hreh viau an ti. An hman lo. Sorkar hnathawk pawh dik tak chuan office lama buai tur anni a. Mahse kan society hi a piangsual tawh khawp a, ‘sorkar hnathawk’ hian thawh an tum tawh mang lo. Pastorin politics a khel a, politician ten Pathian thu sawi an tum phet tawh hi.
Report this comment
December 30th, 2011 at 11:25 am
25
“Pastorin politics a khel a, politician ten Pathian thu sawi an tum phet tawh hi…” :lol: :lol:
KAL HER TLEN TLEN…zia lo khawp mai.
Report this comment
December 30th, 2011 at 11:39 am
enge an zawrh? Tihchhan bik an nei khawp ang. Hnam dan hi a awm ve hrim hrim. Meitei ho hian sawn an pai ngailo tluk a ni. Chu chu sawrkar dan a ni hran lo.
Report this comment
December 30th, 2011 at 12:17 pm
# Sony YMA hruaitu nih hi hlawh awm si lo hun tam tak paih ralna ani a,sorkar hnathawk lo chuan an hreh viau an ti… sorkar hnathawk lo chuan an hreh lem lovang.Chance an hmu lo zawk ani lo maw ? chuan YMA hna hi hun tamtak paih ralna a nih chuan sorkar hna thawk tan hlei hlei thawh chi a nih loh hi. Sorkar hnathawk ho hian an nihna leh sum hmang a YMA hruaitu an chuh chhung chu YMA a kal dik thei lo ang.Thurawn tha an dawng duhlo ang a,thurawn tha pek pawh tuman an tum lem lo ang.
Report this comment
December 30th, 2011 at 12:31 pm
Pc-a, Meitei zingah Doctor nau titla thin nih a va chakawm ve. Aizawl Kohhran lian tak pakhat hruaitute pawh in hman lawk khan an Biakin bula Seventhday chhungkua dawr nei te an dawr khar turin an ngen nasa a, awm lo ka ti khawp mai.
Report this comment
December 30th, 2011 at 12:43 pm
Rethei leh pachhia, chanhai te tuam hlawmtu tur YMA hian hmun tam takah chuan hruaitu thenkhatte avangin a kalphung a hloh tial tial a ang khop mai…YMA member ni tawh thin, ni mek te hi chuan YMA tluk chhiat chu kan phal kher lo ang…YMA hian In enfiahna tur tam tak chu kan nei chiang a ni.
Report this comment
December 30th, 2011 at 12:43 pm
#27 an thil zawrh lam a nih hmel loh, dawr zawng zawng hawn an phal lo a lawm
Report this comment
December 30th, 2011 at 12:50 pm
Ka hriat sual loh chuan, Lengpui Airport an hawn tirh a, Pathianni a thlawhna tum/thlawkchhuak pawh kha helh deuh deuh an awm em ni kha?? :? Pathianni chu serh tur, chutih laiin thinlung aia pawnlam landan kan en lutuk hi chu a pawi
Nia, mr.Duhlova sawi ang khian, kan khawsak dan changkang leh kan eizawnna inthlak zel ah, zana dawr inhawng rei pawl te hi kan mamawh chho zel ang.
Entirna’n: Ka awmna ah hian, Pathianni emaw inrinni (thla khata vawi hnih) tih loh chu, lumehna hun tak ngial pawh a awm lo, ka hna avangin. Mahse, zan dar 8:30-dar 9:00 ah pawh lumeh duh pawn, dawr a la inhawng a. Ka tan a awlsam phah hle. Eirawngbawl peih loh (hmanloh) chang a, zan dar 10 vela chaw ei mai tur awm te hi a remchang ka lo ti viau asin… :happy:
Tin, sawrkar hnathawk si, thil dang a inhman nasat lutuk avang a, an office-a hmuh theih loh, “a chhuak lawk” tih reng ho hi an ngeiawm ka ti ve mai mai bawk…
Report this comment
December 30th, 2011 at 1:01 pm
YMA hi dan siamtu chu an nilova; amaherawhchu, khawtlang leh ram ṭhatna tur chuan an theihtawp an chhuah ve ṭhin. An hmalakna erawh chuan fakna leh selna a tawng a ni ber e.
Report this comment
December 30th, 2011 at 1:23 pm
A pawnga taka dawr inkharsak ngawt thu va awm suh. An veng mipuíin an zir hlawllo a ni duh hmel kala ti thau thau. Mitin chitang te hi khawtlang hruaitute tan chuan an duh duha tal tirngawt hi a dik bik lo. Bawngkawn, thuampui vengte hi entawn tlak kava ti em.
Durtlanga zuinmi ho khian an venga zu zuar an ngaithei thaklo an ti.
Report this comment
December 30th, 2011 at 2:07 pm
Alo chakai kal vel ange aw. :lol:
Report this comment
December 30th, 2011 at 2:10 pm
Pathian ni kan serh dan pawh a dik chuang lo.Mon-Sat kan dawt sawite,eirukte,mibumte adt kan sim chuang lo a,Sunday ah angel thiang hlim ang in kan in chei palh in kan in khawm a, tu kawr hi nge mawi ber ti ni awm tak in.Ni tin hun tin darkar tin Pathian tan in serh thiang hlim ila kan Pathian pawh a lawm zawk ngei ang.Isua pawn chawlhni a serh lem lo a tih tur a ti ve mai.
Report this comment
December 30th, 2011 at 2:11 pm
In veng dawr hawng rei thei deuh an awm ang a, an bengchheng bawk si ang a emaw tleirawl fel lem lohoin fuankhawm nan an hmang ang a, an khap a ni lo maw; a phenah thil awm a awm ka va ring em aw. YMA hi kan ta a ni a, Mizoin kan din kan khawtlang tana thawktu a ni a, a hotute felhlel deuh awm mahse khawtlang tana thil tha lo hi an ti mawh khawpin ka hria.
Han chin kual viau hi chuan fel lohna lai nei kan ni thum mai a, hruaitu pawh ni ila miin min hmuh dan tur tho a ni. Mi pakhatin an rawn sawi avanga an lungawi loh chhan a tha em tih hre hauh chuang lova lo thinrim lawk ang maia thawka phita lo vui thup thup hi a nep ka ti, Organisation tal an pen chhuah loh chuan enkawl hi in har em a lawm.
KHAWTLANG TANA THA BER TUR NIA AN HRIATIN AN TIAH KA NGAI.
Report this comment
December 30th, 2011 at 2:21 pm
Khawltlang tana ṭha tur an ti ah chuan ka ngai keipawhin, amaherawh chu YMA hian a huang a zauh lutuk ṭhin em aw ka ti, YMA hi an chak mah maha kan sawrkar hi a ti ṭhuanṭhu deuh ni te hian ka hre ṭhin.
Hruaitu zing ah kan Motto hre lo pawh hi an awm ve nuk ang a
Report this comment
December 30th, 2011 at 2:28 pm
tu emaw, mi pakhat thu ringawt a nih a rinawm loh a, exe. comt. memb. 30/40 vel an awm ka ring. An khel rei ve viau ang (telve ila chuan ka ding nawn zing ber ang.haha) . an khawtlang leh nunau him nan a tul hrih pawh a ni fahmiang..
Report this comment
December 30th, 2011 at 2:50 pm
Member 40,000,000,000,000,OOO,OOO awmna pawh ni sek sek. NGO ten ro an rel lutuk hi ka ning hlui tawh.
Report this comment
December 30th, 2011 at 3:05 pm
YMA hi awm ta lo thut se, thenkhat chuan Mizo nih dan pawh hi kan thiamlo ang a!! Vawikhat chu kan lennaah ‘YMA member ni ve si, khawhar in kal ngailo, thlan lai ngailo..tih vel an sawi a, kei ta pek chuan, ‘Khawhar in kal te,thlanlaih te chu YMA nih vang pawh ni loin Mizo kan nih vanga ti thin zawk kan nia lawm maw le,’ ka lo tia, midang khan an man vak loin ka hria!! :?
Report this comment
December 30th, 2011 at 3:20 pm
Dawr hawn/khar hun hi hmun dang leh ram dang tam takah chuan sorkarin a ruat fel thlap thin. Duh hun huna duh chen chen inhawn ngawt an phal ngai mang lo. Chawlhkar tluana dawr hawn leh hawn loh chungchang te pawh an siam fel kilh kelh thin.
Dawr bul vela cheng an awm phei chuan nunphung a tibuai thei a, chuvangin hunbi an tuk thin. Tihbuai tur hnaivaia an awm lem loh emaw, commercial area pawimawh bikah emaw te chuan 24-hours-a dawr hawn phal chi bik te pawh a awm thin. Damdawi dawr te phei chu tihluihnain a inchhawka zan lama inhawng tlaivar tur an ruat bawk thin.
Mizoramah chuan sorkarin hetianga dan a siam ve thlip thlep lem loh avangin vengchhung thatna ngai pawimawhtu YMA te’n dan tenau an lo siam ve mai thin a ni a, an demawm lo. Anmahni veng tana tha tur nia an hriat angin ro an rel thin a ni mai.
Thil dangah khi chuan posttupa thu ziak khi ka thlawp e.
Report this comment
December 30th, 2011 at 5:34 pm
Heihi Mizoram, khap bur tamna ram a ni. Mi in a ma inah dawr a kai a, ruihtheih thil a zuar emaw zanreia bengchheng a siam emaw anih loh chuan tinge a duh chen chen dawr hawn chu an phalloh mai le?
Millenium Centre te chu mimal building ani lova, tun Krismas Festival chhung pawn khar hunbi an siam thlap mai a. Hmundanga private dawr neite chuan an hawng tho a. Buaithlak e :rolleyes:
Report this comment
December 31st, 2011 at 12:03 am
@ Pu Hlatekhua sawi khi a dik khawp mai..
Report this comment
December 31st, 2011 at 12:26 am
Ram changkang leh Khawpui lian(Metro City) te entawn ve ngawt a theih loh chin a la awm. Thingtlang khuaah chuan zan dar 12 velah chuan an mu reh thiap thin. (Mizoramah chuan Khawpuiah pawh a ni deuh tho). Nakinah Khawpuite a lo lian zel ang a, Chhun-zan zawma thawh chi hna a tam tulh tulh ang a, 24 hours a hawn chi Dawrpui(Wall-Mart ang chi)te Guard tha tak neiin an la awm hun chu a la thleng ve mai ang. Hmanhmawh chi ala ni rih lo ve.
Report this comment
December 31st, 2011 at 12:57 am
Tunlai nun, hun kal tawh leh lo la awm tur thlenga ngaihtuah ngial pawhin a thatna tur a tam vakin a langlo. Plan fuhlo tak niin ka hria, a veng pum maia mut an khamlo thei viau a nih ngawtloh chuan. Mut hma support tan a thlawp awm khawp ang .
Report this comment
December 31st, 2011 at 3:54 pm
A dik thui khawp mai!Y.M.A hruaitu(central) thenkhat, ka hriatchian te hi hruaitu nih duh em2 vek an ni!Mizo tlawmngaihna te hi YMA vang a ni lo,Y.M.A awm hma daih a tanga mizo ten ka tihphung a ni!Y.M.A hian par chhuan a tum ringawt thin e maw aw!tih theih chang a awm!Y.M.A khawmpuina ah Pu…..Engloa ten YMA neck tie awrh sela..‘Dam takin kan intawhleh hma loh zawng’ tih hla sa in ban phar kual vel mai2 se a tawk! :cry:
Report this comment
January 5th, 2012 at 3:09 pm
A point ah lut ila, dar 10 hnu a dawr hawn loh khawtlang law and order tan a tha zawk anih chuan, an tih tur chu an ti ah ka ngai mai. Mahse a tih dan turah chuan Local Council tihtir sela a tha khawp ang, kan veng ah pawh kan tih dan ani, council te kaltlangin.
Report this comment