Mizoten kan culture vawn him kawnga kan hmalak dan te, culture tihmasawn tura kan beih tlemzia te hi kei ve mai mai hian ka lo vei ve thin a. A sawt tam lovang tih hre mah ila, mahni lam tal kan thawl ve phah deuh takin hmanni deuha function pakhata ka thusawi zinga tlemte ka han tarlang ve teh ang.
Culture chu hnam bik kan nihna tilangtu, midang nen inang lova min siamtu, Mizote min ti Mizotu a ni a. Nitin kan khawsak dan te, kan ei duhzawng te leh mawi kan tihzawng thlengin culture hian min thunun a. Sari kan inbel ve loh chhan leh hrenpereng kan kaih ve loh chhan hi culture vang a ni a, Naupang Inkawibah te, hmeichhe puanbih leh pa khumbeu te hi Mizo culture niin, bai leh tlakte hi culture huang chhunga mi an ni. He culture, hnam lungphum hi nghet taka kan vawn nun tlat a ngai a. A nghin vaih chuan kan hmalam hun chu kutbul motor khalha chuan ang chauh a ni ang a, accident a hnai hle ang.
Tunlaiin changkanna leh thil dangin kan culture an bei nasa hle a, engemaw chen chu min hneh tawh nghe nghe niin a lang. Naupangho rilruah ‘Sirvate’ hla aiin ‘Ponyo’ hla a lar mek a, kan Nulate puanbih lai pawt thlain kekawr a haktir a, sap an tumin khawchhak thawmhnaw min haktir a, kan tlangvalte kekawr, mawng chanveah a pawt thla tawh bawk a. Changkanna hi do ngawt chi a ni lo va, hneh pawh kan hneh kher lo vang. Her rema kan culture nen inrem taka kan kal kawptir thiam a tul.
Tunlai natna HIV/AIDS do nan cultural activity lemchan kan hmang ang hian, tunlaina leh culture hi inrem taka kan kal duntir a tul. Kan Culture vawng him turin mimalin kan beih theuh a ngai a, khawtlangin kan vawnhim tlat a tul a, sorkarin nasa taka tan a lak a tul. Chuti a nih loh chuan cigarettes Rs 20 man lekin Cancer a thlen hnuah tidam tura pawisa a nuai tel nen phai lam pan a ngai thin angin, a run dal chauha hma kan la a nih chuan ngaiawh turin a vaibelchhe tel loh theih loha kan sen hun a la thleng palh thei. Kan changkanna leh hmasawnnate hi ‘ti Mizo’ tlat ila, kan hnam lungphum a nghin loh nan leh Mizote kan Mizo reng theih nan i ‘MIZO’ zel ang u.
Similar Posts:
- Mizo ho tak hi chu aw….
- Art & Culture Minister-in KHSS Lungphum phum
- Sakhua leh Culture
- Mizo Nationalism leh Indian Nationalism Indona!!!
- Mizo Music
(Y)
January 9th, 2012 at 4:05 pm
Chh1ar 1la
Report this comment
January 9th, 2012 at 4:07 pm
Duh ila chu ka 1st thei rengah!
Report this comment
January 9th, 2012 at 4:15 pm
Post tha
Ngotekherh leh Ipte chei hi class ah ka hmang ve thin a, vai ho paw’n mawi an ti ve khawp mai, a then chuan min chah vel thin! Kan mizo thawmhnaw alo nalh zia hi
Report this comment
January 9th, 2012 at 4:25 pm
khawvel hnam hrang hrangte hmeichhe traditional dress zingah hian, mizo hmeichhe Cheraw kan dress aia mawi hi a awm ka hre bik miah lo. Keipawh Iptechei(khiangkawi ipte) hi ka lek lam khawp mai. Mizo kawr pawh hi Suit dum lampang nenhian a inhmeh phian. Kawihrui te hi humhalh i la. Inchheu leh inhnawk kha kan hrat thin a nia aw.
Report this comment
January 9th, 2012 at 4:26 pm
good post
Report this comment
January 9th, 2012 at 4:37 pm
First comment in misual.com!!!
Report this comment
January 9th, 2012 at 4:40 pm
Mastea, welcome…Enjoy your stay…thil tha zet zet phur chhuak la, chumi zat zet tho chu rawn phur lut rawh aw..
Report this comment
January 9th, 2012 at 4:42 pm
pkfanai, mizo hmeichhe cheraw kan dress hi engnge? Ka hriat vawikhatna nia aww..tren tren..
Report this comment
January 9th, 2012 at 4:46 pm
♪♫Sirvate…i hla mawi ka hria. Sangzuali….♫♪ hmmm,a thluk kala hria, a thu ka hre der talo mai. Ka zak tep mai a. A hla thu hria in awm miallo maw, ka fanu ka zirtir duh mange.
Report this comment
January 9th, 2012 at 4:54 pm
@8.chemtatrawta, Mizo hmeichhia hian mipate anglo takin Puan chihrang leh kawrte pawh hi an nei nual mai a. Chungho zing rau rauah chuan, Cheraw an kan hian, Puanchei, Kawrchei, Vakiria leh Thihna hi an inbel ber hi ani thin a. Chumi ka sawi tmna chu a ni e. (The Combination of Puanchei, Kawrchei, Vakiria and Thi-hna, of course along with the fair and tall Mizo maiden, haha)
Report this comment
January 9th, 2012 at 5:40 pm
Ka thlawp che! I post khi a tawi thei ang bera sawi dawn chuan, ‘Kan culture hi tunlai mila kan her rem a tul’ tih a ni berin ka hria a. Ka thlawp dai dak e.
Tin, i post tha lutuk, rawn post zel rawh.
Report this comment
January 9th, 2012 at 6:43 pm
OT lawks:kan sep nasa bawka site hmel thar chu a khrum khawp mai kan hotute nge nge, in ti tha hle mai.
…Khrum
Report this comment
January 9th, 2012 at 6:51 pm
#9 hei Sirvate hla aw:
Sirvate, I zai sa,
Ngaiin i hram mawi ka hria;
Sang zualin i thlain,
I leng thangvanah.
Isua naupangte kan ni,
Nang leh kei min hmangaih a;
A thatna kan changin,
Kan hlim kumkhua ang.
Beramte ni lengin,
hmun hring nuamah an cheng ho;
Tual an chai, hlim takin,
An lawm em em fo.
Report this comment
January 9th, 2012 at 6:53 pm
I post tha hle mai. Kan culture humhalh kan duh a, chutih rualin khawvel changkang zelah thangthar te chuan kan culture hi an hlat hret hret mai si a, tunlai khawvel mil a kan culture kan her rem ve zel a tul.
Post thatak ani.
Report this comment
January 9th, 2012 at 6:58 pm
A khai a ka tan ve chauh emaw ka tia arsi pakhat lai chu ka lo bel ve reng tawh a ni maw.
…Khrum
Report this comment
January 9th, 2012 at 7:45 pm
kan culture hi a kal char char.
Report this comment
January 9th, 2012 at 8:07 pm
kan culture hi silchar a nilo,kan kal char a ni!
Report this comment
January 9th, 2012 at 8:52 pm
Sirvate hla kan sak ho dal dal lai kha a ngaihawm ta hle mai. Mizo Culture humhalh kawngah chuan i sawi lan ang khian, a nihna ang anga humhalh bur ai chuan ‘her rem’ policy hi a fuh ber chuan ka hria.
Chanmari YMA hla (ka chiang chiah lo) ang chi te kha kan culture humhalh nana ka duh dan leh sawt bera ka rin a ni.
Report this comment
January 9th, 2012 at 9:15 pm
First post na chu rawn hlap thra khop alom, insum lo la, rawn hlap zaw zawt rawh…thuchhiar tur duh kan inhnawh hung hung reng hi..
Hnamdang VIP deuh, kohhran emaw sorkar lam emaw an lo kal chang a kan mizo culture thup bo a western dishes nen chaw kan eipui, western-styled building ah kan lo thleng a..hengte hi enge i ngaihdan? hehe . Anni helai ram kilkhawr a chengte khawsakzia hmu chak, kan lo western khum vak thin hi lo kal man a awmlo an ti thei ngot ang a..heheh.
Dress chauh lo in kan traditional foods leh dishes te pawh hi kan chawilar chhoh zelte pawh a tha ka ti deuh a..
Report this comment
January 9th, 2012 at 9:23 pm
I irhfiak chhuak tha e
Report this comment
January 9th, 2012 at 9:27 pm
#19 Van fing thei tak (my girl)
Keipawh hei Bekang ro ka nei 
Report this comment
January 9th, 2012 at 9:43 pm
Ka thlawp zawng post a ni e. Post dang pawh rawn siam zel ang che aw.
Report this comment
January 9th, 2012 at 10:57 pm
Kan duhtawk hlawm niin a lang, ka’n tlip ang e! Rempy, kawnga, tuaisiala etc..in comment-in a thawhtu min chawm e. Western dish chungchang chu, thingtlanga kan zin changa min thlengtuten sa min hmehpui phet an tum thin hi a lawmawmin a tui a, mahse an hmeh thin min hmehpui ngam se kei chu ka vui lo ang a, an nih ang an lantir ngamnaah ka lawm ang. Hmanni lawkah Copenhagen ka zin ve a, an thil changkang ber ber aiin an nihna lantirna (souvenir) ka zawng ber a, an siam key chain a vang lutuk a, Europe ho ka ngaihsanna a hniam phah nasa….ka chhang chiang em aw?? Hehehe
Report this comment
January 9th, 2012 at 10:57 pm
Kan duhtawk hlawm niin a lang, ka’n tlip ang e! Rempy, kawnga, tuaisiala etc..in comment-in a thawhtu min chawm e. Western dish chungchang chu, thingtlanga kan zin changa min thlengtuten sa min hmehpui phet an tum thin hi a lawmawmin a tui a, mahse an hmeh thin min hmehpui ngam se kei chu ka vui lo ang a, an nih ang an lantir ngamnaah ka lawm ang. Hmanni lawkah Copenhagen ka zin ve a, an thil changkang ber ber aiin an nihna lantir tur (souvenir) ka zawng ber a, an siam key chain a vang lutuk a, Europe ho ka ngaihsanna a hniam phah nasa….ka chhang chiang em aw?? Hehehe
Report this comment
January 9th, 2012 at 11:04 pm
@mamtoyz: I comment pawh a tha e. Bai ka ngaina khawp mai. Hnam dangte hnenah a tuizia i hriattir zak lovang u. Tin, Europe i zin leh hunah min hruai ngei ngei tawh ang che.
Report this comment
January 10th, 2012 at 3:22 pm
Hei pawh ka comment hman lo tep a nih hi.
Ka thlawp e.
@13 thachianga
Kan hnam tih dan nilo, hnam dang tih dan kan zir chhung chu eng ang a tha leh nalh, mawi pawhin ti thin mah ila, kan hlawh chu A ANG VE tih chauh a ni ang.
tren tren.
Report this comment
January 10th, 2012 at 7:49 pm
Middle school kan kal lai in mahatma gandhi khan simple living and high thinking tih hi a nunpui tih vel kha kan ziritrtu te khan an sawi thin a. khristian ang zawng pawn hei hi tha khawp in ka hria. tun a kan zoram her dan hi chu simple thinking, high living a ni ber tawh a. Tin ei leh in ah hian kan thlai rep ho hi chu hlui vak lo mah ila poi lem in ka hre lo.mahse kan samtawk te, berul te, maite te hi chu an tui khawp mai. Bekang phei chu ka haw ziah ka ei hian…
Report this comment
January 10th, 2012 at 8:04 pm
#13 ka lawm e
Tlai skul banah, homework a tih zawh hnuin ka zirtir nghal teh ang. 
Ka’n sa chhin a, ka sa nawn ka sa nawn mai. Ka lung avan tileng tak em. Naupanlai a thian hluite, mualliam hnute, la dam mek tlemte, an awmna chin pawh ka hriat loh te thlengin mitthlaah an hmel alo lang thar leh e. An hmel hmuh leh ka van chak tak em!
♪♫Sirvate, I zai sa,
Ngaiin i hram mawi ka hria;
Sang zualin i thlain,
I leng thangvanah.
Isua naupangte kan ni,
Nang leh kei min hmangaih a;
A thatna kan changin,
Kan hlim kumkhua ang.
Beramte ni lengin,
hmun hring nuamah an cheng ho;
Tual an chai, hlim takin,
An lawm em em fo. ♫♪
Report this comment
January 11th, 2012 at 12:07 am
Hei hma kan sawn alawm mawle, kan nuzephung tepawh ‘Culture’ tiin kan sawi tawh a
Report this comment