Hmanni Krismas leh Kumthar inkar a Arunachal ramri dep Assam chhung a Gospel Tour kan ve nei chu, Subansiri Tuikhuah duh loh avanga Bandh siamte avangin kan duh aia hmaah kan hawn a ngai a, a zia lo ang reng hle mai. Tunah hian Bandh huaihawttu te leh Assam Sawrkar an inbe mek a, amaherawhchu, Bandh huaihawt tute thil phut hi “Tuikhuah tih tawp” tih anih bur avang hian Boruak ala muanawm tak tak thei rih lo.
Map-a kan hmuh ang hian, Arunachal leh Assam hian ramri an nei thui hle mai a, Arunachal-ah hian Lui lian tak tak Assam a luang lut a, Brahmaputra zuk fin ta a awm nual a. Chung zingah chuan, Siang, Dibang, Kameng leh Subansiri te hi a lian zual te anni a, Hydro electricity Power siamchhuahna tur a tuikhuah nana ‘Duhthusam’ an tih theih awm e.
Heng te hi khuap ta vek sela, Arunachal hi India rama Power pechhuak tam ber anih theih piah lamah India rama Electricity lama intodelh velo State te a chawm theih vek bakah Myanmar lam te thleng pawh a thawnchhuak thei tur hi anni a. North Eastern Electrical and Power Corporation (NEEPCO) leh National Hydel Project Corporation (NHPC) te hian phur takin hma an la mek a, Arunachal leh Assam sawrkarah pawh Royalty Cheng vaibelchhe tam tak Advance in an pe a ni.
Subansiri Lui pawh hi Assam ramri bulah NHPC ten an khuap tan mek a, Mega Watt 4000(sangli) pechhuak thei tura duan ani a.(Mizoram hian MW 100 vel chauh kan mamawh tih hria I la). Hma pawh an la chak hle mai. Thawktu Engineer leh Labour 2000 chuang an bung mup mup a ni. Mahse Harsatna a lo awm ta.
Assam ram chhungah chuan Gandhi-a leh Anna Hazare te ang maia an ngaihsan, Akhil Gogoi-a te hovin Assam atanga Tuikhuahna tur bungrua lut tur reng reng an dangchat ta vek mai a ni. Ei tur nei lovin an talbuai hman thelh a, Mahse, eitur chauh chu lakluh an phalsak hram a ni.
Engatinge Assam mipuite hian Arunachal a Tuikhhuah Lian ho hi an duh loh a, an do em em le?
1. An tui tlan (ei leh in, insuk/inbual nan leh Leilet atan) a kangchat deuh thaw thei dawn ani.
2. Tuikhuah ho hi an sah zeuh zeuh loh chuan, chirh-dum a tling tam tial tial a, a lo pawn tial tial thin a, Power alo pechhuak tlem tial tial thin a ni. Chuvangin Sah zeuh zeuh angai dawn a, An sah hunah chuan, Luimawng lama awm mipui sang tam tak chuan, Tuilian(Flood) hlauhawm leh buaithlak tak an tuar thin dawn a ni.
3. A berah chuan, Compensation an beisei vang a ni .
Siang khuah an tum kha an pamtul der tawh a, Tunah Subansiri lah chu, hna a chawl thuap mai a, khawi lam nge a pan zel dawn pawh sawi a har khawp mai. Amaherawhchu, Arunachal hian Tuikhuah lian ve tawk tak leh tlema te deuh te chu a nei nual tho a. Ziro kawng a, Ranganadi tuikhuah hi a lian vaklo na a, Tlang Kilometre 4 vel an verh tlang a, Megawatt 400 lai chu a pechhuak thei tho a, North East ah chuan Power pechhuak tam ber ani tho mai thei.
Heng ka han sawi duah chhan chu, Mizorama kan Lui liante Tuichang, Chhimtuipui, Tuirial leh Tlawng te khuah chungchangah State dang atanga dodalna kan tawk lo hi a vanneihthlak hlein ka hria a, Dodalna a awm hma hian Khuah puitlin thuai thuai hi ava tha dawn em tih hi ka ngaihtuah neuh neuh thin ani. Enge in ngaihdan le?
Assam rama Luanglut lui erawh hi chu, Assam tan a hlauhawm dawn em avangin dodalna a awm thei mai thei. Tuna dodalna a awm hma hian hma lak vat vat chi ava ni em ka han ti ve a ni.
Bonus Pic. Ranganadi Tuikhuah.
Similar Posts:
- Serlui ‘B’ Tuikhuah hi
- Tial Tial
- Tuikhuah Chungchang Hi
- Hre thei rawh le…
- Bairabi Dam Project 80MW leh Tlawng HEP 55MW tan a MoU ziah fel a ni
January 10th, 2012 at 11:05 pm
Thlalak nalh tak i post tel a, chhiar peih lo tan pawh en a hahdam a, a ziaawm e
Report this comment
January 10th, 2012 at 11:18 pm
@50.Sangpuiipa , Keipawh Tuihawk hi malpui thleng thleng a khuah chu ka thiam ve thin a sin.
Report this comment
January 11th, 2012 at 12:23 am
Hahaha….comments atangin banner a Henry lo dak ker chu ka han hmu ve chiah.. Arsenal a chhuahsan lai vel kha chuan EPL ka en ve thin..lung te pawh a tileng e. An intihhlimna an eizawnna a ni nghal bawk a, an larpui bawk nen, an vannei ngot mai footballer ho hi
Report this comment
January 11th, 2012 at 12:26 am
Assam Akhil Gogoi ve sek lah hi.. Congress sawrkar a paihthla zo lo chu a nih kha, a beih nasat ve nen..a hnam ang a lak dawn chuan assamese (ahom?) ho hi inhnial thei pawl tak an ni..an han trong tak tak chu tlirrrrrrr ni mai
Report this comment
January 11th, 2012 at 12:32 am
Hydel power hi chu kan sawrkar hun ah kan hmang lutuk lovang, Environment in a tuar emai Nuclear power lam kan uar tawh zawk anga, semi-superconductor hlir kan hmang tawh bawk ang.
Report this comment
January 11th, 2012 at 12:37 am
^A tet laiin Superman a nih a dream thin a, a lo puitlin hnuin bus conductor mai a ni ta sia, a t-shirt ah Superconductor tih a ziak hram..
Report this comment
January 11th, 2012 at 12:51 am
^ Harry Potter lemchuang kekawrte a lei a, a tir chuan an hmel ṭha hlawm lutuk chuan chuan….sawi zawm zel duh ngem
Report this comment
January 11th, 2012 at 7:57 am
Tuikhuah..a buaithlak a ni. Kerela leh TN Poh an buai reng mai. Serlui poh kha hmar pawl tih nge a tang a awm mai kha. Sawrkar chak deuh a ngai.lungawi lo eg compensation,polution etc an awm zel si a
Report this comment
January 11th, 2012 at 8:24 am
puipuia pa, ani ngawt mai. Bairabi te pawh hi hma han la dawn tak tak ta ila, dodalna leh harsatna neuh neuh a tam ka ring. Assam lam atang pawhin a awm ngei ang.
Report this comment
January 11th, 2012 at 9:06 am
Tlai khaw hnu ah…
A bengvarthlak thin e. Thil tha nei tur chuan kan neih/thil thenkhat kan chan ngam te a tul fo si thin a ni. Engtikah tak P&E ah hian kan ram hi intodelh ve tak ang maw..??
Report this comment
January 11th, 2012 at 9:34 am
Power lama intodelh dan tha tak mai chu sorkar hian power siam chhuah tum lo sela, sem darh emaw, policy siam chauh tum sela. Private/multi-national company te power generation phal in encourage sela. Tichuan chung ho atang chuan man tha tawkin lei sela. Mipui hmangtu leh industry hnenah hlepin hralh leh sela. Tichuan power lama indaih lohna kan nei miah lovang.
Mahse kan minister te vision piah lam daih anih hmel.
Report this comment
January 11th, 2012 at 10:06 am
Pkfanai@ Power inhnianghnar em, thingtlang lamah te.
Report this comment
January 11th, 2012 at 10:10 am
Ni ngawt mai. Kan sawi kan sawi mai anih hi, Kan Serlui (?) khuah ve te lah a tir atangin hlauhawm, tui put !!! A mak ani e..
Thil tha duh sawrkar neih hun hi a nghahhlelh awm ngawt mai.
Report this comment
January 11th, 2012 at 10:25 am
Pu PK, Pu Mr Duhlova, Pu Keimah, Pu Vakul, Pu Shylo, Pu Sekibuhchhuak leh Pi Rose-i te kha Missionary Day chibai mawlh mawlh U!
If I could relive my life again I would surely start preaching about Christ much much earlier than I did in this life!
Christ is the answer………..
Report this comment
January 11th, 2012 at 10:28 am
@62.Pca, Mizoram aia an hnianghnar na ka hre hran lo. Kan awmna hi khawpui ani a, kan ziaawm viau na a, kan thenaw NERIST ho hian Diesel generator lian(in 500 vel chawm thei) an nei a, keini pawh hian Buhherkhawl ang chi kha kan nei. Maintenance lamah an hniam. Ruah a surin mau tluin hrui a vua a, an off phah a, Transformer te hi a chhe zing ve khawp mai.
Report this comment
January 11th, 2012 at 10:34 am
In Ropui e
Report this comment
January 11th, 2012 at 10:34 am
Ignatia, Thanks. Nangpawh le.
Report this comment
January 11th, 2012 at 10:38 am
in lo dam tlang maw?
Report this comment
January 11th, 2012 at 10:41 am
Ni e, vawiin hi Mizoram Chanchin Tha thlen ni a kan hman a ni e.
Chanchin tha lawmawm thlentute ke chu a va mawi em!
Tin, tuikhhuah hi a tha hle a ni..!!
Report this comment
January 11th, 2012 at 10:43 am
65 Pk@ a nihtak chu maw le. Kan tìh deuh kherna chhan chu, Mizorama lumehnana an hman thin Electric Hair clipper ang hi Arunachal leh Manipur ah chuan a hman ve theihlo ang power supply a chhe e mai titu ka tawng tawh a. Mahni khamkhawp power tharchhuak state an ti bawk si che u kan ti mai mai a nia.
Ka lawm e.
Report this comment
January 11th, 2012 at 11:10 am
Arunachal/assam lam bawk maw
Report this comment
January 11th, 2012 at 11:28 am
@70.pca, chutiang em em chu ani bik dawn em ni? Keini pawhin kan hmang reng a lawm. Electric thingnawrna nen hian a nachang an hrelo hrim hrim a, kan tìhhmuh tan deuh.
Report this comment
January 11th, 2012 at 5:52 pm
Tuikhiah lian tha peng pawng megawatt 100 vel pe chhuak thei hi chu neih ve a chak awm mai mai ngawt mai.
Report this comment
January 12th, 2012 at 12:42 am
Assam lam pawh hi an thiamawm viau a nih hi le, kan chan tur ni ve ta se.
Report this comment
January 12th, 2012 at 1:05 am
ranganadi dam hi a hmunah ka tlawh ve tawh, a nuam reuh asin aw…an power house pawh ka lut tawh a, ground level atang lei hnuai 250m thleng ka lut tawh, NEEPCO enkawl a ni a, an ti fai nuam asin, turbine 3 (135×3 MW) a awm a, pui rem rem khawp mai (Serlui nena han khaikhin phei chuan), an khawl hman hi BHEL company siam deuh vek ania..tichuan an power pek chhuak dan banga an tar chu ka en a, line thui deuh chhui hnuah MIZORAM tih hi a lo lang ve, a lo kalna a van thui ve aw
Report this comment
January 12th, 2012 at 8:08 am
@darkhuanga, 2010 a Ranganadi an repair lai khan mizoram pawh a effect nasat kha.
Report this comment
June 17th, 2014 at 4:24 pm
chiropratie sherbrooke
Tuikhuah | mi(sual).com
Report this comment