February thlaa I-League Qualifying Round khel tura inpuahchah mek Aizawl Football Club official website www.aizawlfc.com chu vawiin khan Transport Minister Pu PC Zoram Sangliana, Aizawl FC president hlui ni bawk chuan Aizawl press club ah a tlangzarh.
He website hi Aizawl FC in tangkai taka an hman theihnan leh football tihhmasawnna atan kawngka pawimawh tak ni turin Minister chuan duhsakna a hlan nghal a ni. www.aizawlfc.com ah hian Aizawl FC chanchin kimchang leh Club thuthar ber berte hmuh theihin a awm a, he website kaltlang hian hmun hla zawk atang pawhin Club member ni duhte tan pawh membership fee a pek theih a, donation pekna kawng pawh hawn a ni.
Website hawnna inkhawm kaihruaitu Pu Robert Romawia Royte, president chuan Aizawl FC hmalak mekna leh hmachhawp hrang hrangte a tarlang a. Senior Team, Under 14, Under 17 leh Under 19 team an enkawl mek thu te, an vai hian Aizawl a football khelmual hrang hrangah, AFC ‘C’ License nei coach te leh NIS Diploma neite hnuaiah training pek an nih thu sawiin Lungleng leh Reiek ah Academy mumal tak din tuma hma an lak dan a sawi bawk.
Aizawl FC hian February thla tir atang khian I-League Qualifying round a khel dawn a, Group I ah team dang 6 te nen awmin, Silchar ah an khel dawn a ni. He qualifying round hi a paltlang thei a nih chuan I-League 2012-2013 Season a khel ve thei ang.
Aizawl FC thuchhuahin a tarlan danin, India team leh i-league club engemawzatah Mizote chu player pawimawh tak tak an ni mek a, hetihlai hian Mizo mipui tam berin ‘kan club’ tih fak tur kan la nei ve lo. Mizoten i-league a ‘kan club’ kan tih theih tur din tumin hma kan la mek a ni, an ti a.
Hemi kawnga Aizawl FC puitu hrang hrangte hnenah lawmthu an sawi nghal a. Home Minister Pu R. Lalzirliana, Sports Minister Pu Zodintluanga, Mizoram State Sports Council leh Directorate of Sports & Youth Services, 26th Assam Rifles, Mizoram Football Association, Aizawl North Zone Football Association, SSA Aizawl District, Mizoram Police leh Sports & Youth Services Football Team hnenah an puihna tam tak avangin lawmthu an sawi bawk.
Website tlangzarh inkhawmah hian Aizawl FC president hlui leh Club patron ni mek Pu KS Thanga, Parliamentary Secretary pawhin thu sawiin khawvela infiamna lar ber football hi hnam anga kan tuichilh a pawimawh thu leh tan tlan a ngaihzia sawi a, Mizo mipui zawng zawngin Aizawl FC chu mahni club anga en tur leh thlawp turin ngenna a siam a ni
Similar Posts:
- Mizo club tel lohna 2nd-division I-league final round
- ZH Ropuia’n enge a sawi?
- Manchester Premier Cup 2008 ah Mizoram che tha zel
- Football fan-te tan!
- Fantasy Premier League
January 13th, 2012 at 9:10 am
A that reuh saw in website chu.
Report this comment
January 13th, 2012 at 9:17 am
@1 sawi ang khi
Report this comment
January 13th, 2012 at 9:27 am
Tun dinhmunah chuan, I-league a in pet tling tur chuan Foreign Player an inzeh nual angai ngei ang.
Report this comment
January 13th, 2012 at 9:31 am
Zofooty lamah ka lo chhiar tawh a, duhsakna ka hlan nghal e. Hmasawnna tam tak nei se…
Report this comment
January 13th, 2012 at 9:37 am
I-League Qualifying Round khel tur hian club sum nei deuh hian a khelh mai theih em? Local football ah division kan then te hian awmzia a nei em? AFC te hi local ah 3rd division ah a mi an la awm.
Report this comment
January 13th, 2012 at 9:50 am
a tha e!!!
Report this comment
January 13th, 2012 at 9:52 am
mahse FB ah an group atang min lo remove daih
Report this comment
January 13th, 2012 at 10:22 am
I- league hi first division leh second division a awm a,tuna AFC in QF an khelh tur hi second division zawk ani a,second div a an tih that chuan I-League tak2 aqh an khel the chauh ang…Kum 4/5 vel nghah ala ngai ngei ang…AFC
Report this comment
January 13th, 2012 at 10:33 am
@8hnarliana,
Nikum Independence Day a Shillong Club tha 2 Kan home ground ngeiah kan la chai theihloh dan zia en khan, hmabak chu ala ko deuh mai thei. Hmalam pan zel turin Duhsakna ka hlan e. 
Report this comment
January 13th, 2012 at 10:50 am
nikum a inkhel kha chu nuihzatthlak zawk an hneh lo lutuk kha hahthlak zawk tak ani ka lo tan ve bawk sia! Ruah sur karah ka va en ve kha nia
Report this comment
January 13th, 2012 at 10:51 am
Duhsakna i hlan leh phawt ang hmiang. Blog ka siam ang a, Chief Minister ka hawntir ang. Facebook-ah account dang ka siam ang a, Minister ka hawntir bawk ang.
Report this comment
January 13th, 2012 at 11:01 am
Ka star
like like like
Report this comment
January 13th, 2012 at 11:31 am
I league ah kan ram club ngei auh chu van chakawm tawh ve, duhsakna ka hlane.
Report this comment
January 13th, 2012 at 12:11 pm
Thil tha leh lawmawm hmasawnna leh chona tha tak a ni a.
I League chu thleng ngei seng ka duhsak bawk.
MINISTER meuh in website tih vel an hawn tir leh an hawng duh hian kan ropui zia nge loh zia zawk a ti lang chiang ngei mai.
An president khan hawng mai mai zawk seng a ropui ka ti daih zawk.
Report this comment
January 13th, 2012 at 12:32 pm
A hming pawh hi a fuh riau in ka hria. A rawn than chhoh zel chuan a len poh leh competitor club lian dang a rawn chhuak leh mai ang
Report this comment
January 13th, 2012 at 12:44 pm
A tir atanga local club pangngai ang mai mai nilo brand nei deuha awm hi a tha. Member in register-na ah sawn member fee pe a in register na leh a free a in register na option dah vat teh u. fee pe ngei a in register ka duh ania.
Report this comment
January 13th, 2012 at 2:09 pm
AFC hi han vulh lian phawt ila Club dang an lo lang ve leh mai ang. Football pawh hi politics ang deuh a nia, mi dang lian ngaihtheihloh avang leh chanvo neih ve loh avangin pawl thar din duhna a piang ve leh mai….TBL te, Dawrpui Spartan te ho pawh kha khawi ah nge an awm
Report this comment
January 13th, 2012 at 2:26 pm
Report this comment
January 13th, 2012 at 2:30 pm
A tha khups mai!
Report this comment
January 13th, 2012 at 5:24 pm
Site chu ka tlawh chhin a, a tha khawp mai. Enkawl chhunzawm uluk sela, update peih se a tha a ni mai. Chuan, player profile hi tlemin hei aia kim deuh hian dah theih nise, san zawng, kum zat tih vel awm tel se a tangkai lehzual awm e.
I-League (first division)khelhphak hi thil awlai a ni dawn lo chiang sa. Khelh an tum tak tak anih chuan players te aiin hruaitute an pawimawh ang.
Report this comment
January 13th, 2012 at 6:33 pm
Han qualify ve hlauh se aw….ka tan teh ang chu.
Pune FC te mai2 poh ka lo tan ve em2 a…..Mahni ram club chu ka tan hle ang ni mai!
Report this comment
January 13th, 2012 at 6:46 pm
A vawikhatna tur ania beisei chu ka nei sang vaklo khawpmai mahse final round chu tlemin a beisei awm ve deuhin ka hre ve ngawt a. Mohammedan vel hi club changtlung leh experience ngah tawh an ni bawka an tlin chhoh ka ring deuh.
Report this comment
January 13th, 2012 at 6:56 pm
update tha peih reng ang turah ngai ang.
Report this comment
January 14th, 2012 at 12:12 am
A vawikhatna-ah chuan keipawh ka beisei sâng lutuk lo. Beisei phak bakin che ṭha se tih erawh ka duhthusam a ni.
Report this comment
January 14th, 2012 at 3:06 am
ih ih Aizawl Football Club official website http://www.aizawlfc.com chu vawiin khan Transport Minister Pu PC Zoram Sangliana, Aizawl FC president hlui ni bawk chuan Aizawl press club ah a tlangzarh tih lai tak hi bwahahaha
Report this comment
January 14th, 2012 at 10:18 am
Minister hawn tir bawk, donation khawn nghal bawk, sipawnsawr tu an nei tha vak lo anih hmel
Report this comment
August 8th, 2012 at 11:40 pm
Ṭhat viau hi a; ka lo la hre ve miah lo va…!
Mahsé mizo ṭawngin ti deuh vek zâwk ta se tlawh a hlawh zâwk ang. Mizo thil ti tùra hnam dang ṭawng hman fo hi tuman nuam kan lo ti tak tak lo.
Report this comment