Rualawh ana kher mai!! A chhan bulpuiber chu Aizawl khawchhung karhnaite si Traffic jam avanga kalchhung reita lutuk hi ani. No vehicle zone te, Taxi intlanchhawk te, hi achhawknaa kan hriat chhun chu ani maihrih sia, mizo mifing, ngaihtuah thui ho thurolum atan chuan a inhmeh thei lo.
New Aizawl siam atulzia hi kan political party hruaitu zawng zawng hian an hre veka mahse tuman New Aizawl din hi an party thiltum (manifesto) atan zuk rawt ngam miah lova.
Khawpui thar din nitase athat dantur zia chu tunah sawi a ngailo kawng engkimah atha ani ringawt.
Khawpui thar siam (New Aizawl) an manifesto a an dah ngam loh chhan nithei te:
- New Aizawl din anih chuan an ram neihsa hlu dawn lo riau ah an ngai.
- Hun a duhrei dawn avangin an zuam lo.
- Central sorkar ah sum tam tak dil angaih dawn avang in dilhmuh an inring lo, a chhan chu central sorkar an bum fing zo tawh a, an tihhlawhtlin tak tak theih central lamin an rin dawnloh avang in hlawhchham sa ah an ingai.
- Mipui te rilruah hian khawpui thar din tul tihna ala tuah tawk lo, tin mipui ngaihtuhna in a la phalo nia an hriat vang.
- Tuna Aizawl dinhmun tur hi New Aizawl din anih hnuah engtin nge a awm zel dan tur an hisap pha lo. Mahse Aizawl hi chu commercial centre ala ni reng anga ala pawimawh reng tho ang.
- An hisap in apha lo hrim hrim.
- A hmun turah an buai, thlan tur bik an hre lo. lengpui leh sairang bawr vel khu arem mai thei… alum tih hi chu a aia lum zawk khawpui ah vek India ram hi a inhnangfak, current athat chuan buaina tur a awm lo
- Rorelna in azirloh avang in ramruak avangtawha, compensation pektur ah an buai, angaihan an hre lo ani e…
Sawive tawhru lem…….
khawpui thar din in anghawng tur te:
- Eizawnna kawng zautak in mitin tan a in hawng thar ang.
- Taxi intlanchhawk angai tawh lovang.
- Assembly House mawi leh zahawm tak kan nei ve thei tawh ang.
- Traficjam ah kan tang tawh lo ang.Damlo pawh in kawnglak ah trafficjam avanga hnukchah an tuar nep deuh ngei ang.
- Public entertainment centre tamtak a din phah ang .
- City park lian leh ropui zawk kan nei thei tawh ang.
- Sorkar in mimalin luahhawhna sum a seng teuh teuh tawh lo ang.
- khawlai a zau anga kan tlangval ten Bike chak tak tak in an khalh thei tawh ang.
- Cinema hall lian leh changkang kan nei ve thei tawh ang..
- Gas intinah inthlunzawm vek in kan nei tawh anga, gas bur intlarri bengchheng kan hre tawh lo ang.
A va nuam dawn em….
Similar Posts:
- Kalphung thar vrs Sawrkar Thar
- MIPUI TANGRUAL PAWL Press Release
- Aizawl ah Solar Energy hman tum
- Aizawl Municipal Council lo awm tur hi…..
- UDA thiltumte
January 13th, 2012 at 3:22 pm
First!
January 13th, 2012 at 3:24 pm
sawi belh tur ka hre ve lo e a!! a va nuam dawn em ti ve mai ang haha! midangin sawi phawt teh se 😛 ! Good Post (Y)
January 13th, 2012 at 3:25 pm
comment #1 delete theih 😛
New Aizawl tih vel hi chu a, engtikah mah kan puitlin ka ring lo
January 13th, 2012 at 3:28 pm
New Aizawl chuh…a nuam ngawt ang. Mahse mumang ang vel hi a ni mai ang a :-O
January 13th, 2012 at 3:28 pm
Ta se…..a tha ngawt ang. Mahse, khawiah nge New Aizawl chu kan din ang? New Aizawl din turin sum engzat nge ngai ang? Chu sum chu Central lamin min rawn pe duh kher ang em? Central atanga sum lo kal hi a nihna takah kan hmang thin si lo va. Min rawn pe pawh nise kan eiru leh teuh tho ang em? Compensation-ah a ral leh mai lovang maw..?
A sawiin i sawi phur mai mai teh ang u!
January 13th, 2012 at 3:28 pm
A vg tha dawn em!!!! ti phawt ila, englam nge chhiar ang.
January 13th, 2012 at 3:32 pm
Aizawl hi commercial centre a ni reng dawn lo e. Tin, New Aizawl din ngai lo hian Decentralisation of powers hi a takin chantir ila Zoramin hma a sawn ang a, separatism rilru inmung mek pawh hian ziaawm lam a pan ang.
January 13th, 2012 at 3:33 pm
Rempy rimna tur a hla awm emai k duhlo. Eeh.
Tha khawp mai, mahse mohamed bin tuqlaq a khawpui sawn pawh hi kan tluklo ang a, kan hruaitu en hian.
CM ina a central mikhual a puja pui na tur temple telh law2 la.hairehai
January 13th, 2012 at 3:35 pm
New Aizawl nei tur chuan brand new sorkar neih phot gai ag, tun ami te ho hi chu…. huhuhuhu. Nia sawi phur tlang hrih mai ang u
January 13th, 2012 at 3:36 pm
Tatrawta chuan New Aizawl chu Lunglei ah awm daih se a ti ngawt ang haha
January 13th, 2012 at 3:36 pm
Tha kher mai. Ka vei zawng tak mai a ni.
January 13th, 2012 at 3:41 pm
Commercial centre hi Koladyne Project tihhlawhtlin anih phawt chuan Lawngtlai a ni dawn chiang a. Economic capital leh administrative capital hi kan neih hran a tul alawm. Nakinah post ziah ka la tum tho a, ka sawi thui vak lo zawk ang. Power kan centralised tulh tulh chuan kan Zoram hi a buai tulh tulh ang. Tunah pawh hian tawng pakhat kan hman avang chauha kehdarh lo kan nih tawh hi.
January 13th, 2012 at 3:43 pm
“New Aizawl” tih anih vangin Aizawl bul chetah emaw khawthar din an tum ngawt ang e. New York leh York khua te hi a inhlat viah viah em asin. “New Aizawl” tih kher a tul angem tih te ka ngaihtuah tel ta mai mai bawk a hairehai 😛
January 13th, 2012 at 4:05 pm
India commercial capital mumbai leh administrative capital delhi pawh a in hlat em hi. 😀
January 13th, 2012 at 4:12 pm
New Aizawl chu kan la neih dawn khawp mai. Mahse engtiknge tih erawh chu a sawi mai theih rih loh a.
January 13th, 2012 at 4:12 pm
Nia mawle
January 13th, 2012 at 4:15 pm
State capital thar din kan sawi/rawtna nge ni Aizawl khawpui extension zawk? A eng zawk pawh ni se thil awlai lo tak chu a ni phawt mai.
Post-tupa hian chutiang tih theihna hmun rualrem deuh hriat a nei reng em? A neih bik loh chuan duhthusam satliah, boruaka in sak ang chauh a ni mai ang. Ram hruaitute leh political party-te dem ngawt pawh a dik lem lo ang.
January 13th, 2012 at 4:27 pm
A chhan maw? Thil ho te mawle… Hei aia thil pawimawh a awm tlat alawm, entirnan: NLUP, MIP, etc. 🙂
Tak takah, urban planning hi a pawimawh rual rualin infrastructure, industry leh power generation lamah hma engmah kan la sawn lova. Heng hi chu lo dah tha ta ila, mirethei leh kuthnathawk tam tak chawisan dan ngaihtuah hmasak phawt hi tun tut tuta kan mamawh pawimawh zawkah ka ngai. Kan state hian thawhchhuah neih dan zawng hmasa zawk ang u.
January 13th, 2012 at 4:29 pm
Thil tha chu a ni tak meuh mai. Mahse, Synod tawngkam takin, “kan la tlin rih love, a ngai ang hian la kal rih phawt ang u.” 🙂
January 13th, 2012 at 4:39 pm
Let’s be a dreamer. Tuna kan tihtheih tawk chu, Decenralization hi a ni rih maiin ka hria. Loh theih loh bak hi chu Aizawl atangin Khawpui lian dang leh Hmun rualrem tha leh Panna pawh thaah suanchuak phauh phauh mai i la.
Aunachal hi lo en ta i la:- Assembly Hall hi Itanagar atanga km 13 ahla Naharlagun-ah a awm a, NERIST hi km 20 a hla Nirjuli ah. University hi km 30 a hla Rono hill ah, DC office hi km 15 a hla Yupia ah. Sumdawnna lamah chuan Itanagar aiin Naharlagun a lianzawk. Pasighat ah M.A. zir theihna leh Horticulture Training na hmun a awm a, Damdawiin pawh Pasighat ami hi a chang tlung deuh ber.
January 13th, 2012 at 4:55 pm
2065 AD hma chuan state capital thar (New Aizawl anih kher kher a ngai lo) beisei lo phawt ang. Darngawn point #1 (New Aizawl din anih chuan an ram neihsa hlu dawn lo riau ah an ngai.) leh point #6 (An hisap in apha lo hrim hrim.)khi keipawn ka lo rin dan ani. Politician ho hian Aizawla real estate hlutna tlak hniam an hlauh vek.
Khawpui thar atan chuan Serchhip khi a that viau ka ring . A laili ber ,north-south leh east-west lama tehin. Anih loh vek chuan Thenzawl. Lui lian tawk bul khera dah a ngai. Airport hmun tur th tawk nen. “Old” Aizawl plan tute khan vision an lo nei lem loh vanga heti hrepa chep kan nih hi. In lo ngaisang ngawt ange.
January 13th, 2012 at 5:00 pm
new aizawl pawh lo nei dawn ila a thra,mahse tun a a awmsa pawh hi tihthawl dan dap tho a trul a nih hi,awlsam deuh a tihtheih hmasa ber chu, office mahni building neilo a mimal in luahhawh zawng zawng hi bawngkawn leh kulikawn inkarah awm phal lo se chumi pawnlamah luahtur zawng mai se, a thar leitur leh sorkar hmun/building lei tur reng reng pawh bawngkawn leh kulikawn inkarah lei awihlo phawt mai se traffic 1/4 hi chu a thawl hrim hrim ang
kawngpui hi a zim em em hranlo a, motor tlan na leh kal nan chauh hmang se hun reng leh din reng nan hmanawihlo se, parking thra deuh hi siam thlehthluah se
sorkar building hlui thriah a sakthrat ngaireng reng hi bawngkawn leh kulikawn inkar a mi hi chu a ngaiah sa tawh loin bawbfkawn leh kulikawn pawnlamah hmundang siamin sa zel se anhmunhlui hi mipuitan pe zel se openspace/parking a tan…
January 13th, 2012 at 5:01 pm
new aizawl pawh lo nei dawn ila a thra,mahse tun a a awmsa pawh hi tihthawl dan dap tho a trul a nih hi,awlsam deuh a tihtheih hmasa ber chu, office mahni building neilo a mimal in luahhawh zawng zawng hi bawngkawn leh kulikawn inkarah awm phal lo se chumi pawnlamah luahtur zawng mai se, a thar leitur leh sorkar hmun/building lei tur reng reng pawh bawngkawn leh kulikawn inkarah lei awihlo phawt mai se traffic 1/4 hi chu a thawl hrim hrim ang
kawngpui hi a zim em em hranlo a, motor tlan na leh kal nan chauh hmang se hun reng leh din reng nan hmanawihlo se, parking thra deuh hi siam thlehthluah se
sorkar building hlui thriah a sakthrat ngaireng reng hi bawngkawn leh kulikawn inkar a mi hi chu a ngaiah sa tawh loin bawbfkawn leh kulikawn pawnlamah hmundang siamin sa zel se anhmunhlui hi mipuitan pe zel se openspace/parking a tan… (*)
January 13th, 2012 at 5:02 pm
(Y) Thenzawl ah khawpui hi sawn se ka ti….Planning mumal lh felfai tak nen khawpui thar fel fai tak awm se tiin k dream ve mai mai thin…..Karnataka state capital poh Mysore atrang Bangalore a an sawn a,Bangalore chu India rama fastest growing city ani mai alom!! (H)
January 13th, 2012 at 5:06 pm
Thu mawlmang ve tak mahse, in thil sawi atanga sawi ngai a ka hriat vangin kan type tak tak ang e hairehai 😛
Tun hma chuan Kulikawn hi Aizawl luhka ber a ni thin. Kulikawn hi veng pui tak a ni thin a, sumdawng leh zin veivek te intawhkhawmna hmunpui a ni thin. Tunah chuan a hmar tawp lam, Bawngkawn lam Aizawl luhka a nih daih tawh hi. Thil thlak, sawn tumna tak2 a awm chuan a harsa lemlo a nih hmel. : Sawi ve niah nuah mai mai.com:
January 13th, 2012 at 5:27 pm
@ralte alchemist, A DIK!
State Capital hi Thenzawl ni sela, plan mumal tak neiin tuna a la thawl lai hian hma la ila, nakin kum 100 lo awm leh tur ngaihtuah tel chungin kawngpui pawh mumal takin plan thlap ila, Sawrkar hmun pawimawh leh Park eng ilo zawng zawng ngaihtuah telin a remchan lai hian duan fel ni sela, a tha ka ti ber mai. Tin, Thenzawl tluka hmun laili leh rem hi a awm lovang, kan ram tan hian.
Aizawl hi tun ang zela a kal chuan a tuar tu ber chu Aizawla awm te hi an ni tho ang. Tuna inti Aizawl khua leh tui tak tak ho hian Aizawl khua leh tui nih hi an la zak mai thei a nia. Aizawl chauh thlir lo, ram pum huap thlir pha hruaitu kan va mamawh tak em!
January 13th, 2012 at 5:53 pm
# 24 & 26.. (Y)
Lunglei lama pawl pakhat chuan kum 4/5 kal ta atang khan Thenzawl hi an sawi tawh thin a. Vut laka vawih ang a nih ber awm hi. Khawpui chep lutuk vang hian kan la in haw them thum mai thei asin… ;-(
January 13th, 2012 at 6:01 pm
Traffic jam chhan maw, Aizawl khaw la len loh vang ani..Han ngaihtuah mah ula kan chhuah khawmna hi a tawi lutuk a. Kulikawn atangin lirthei a tlan dum dum a, Hmun thumah han in then phawk mah se ( khatla kawnghnuai, kawng lai, tuikhuah tlang ) Zodin ah kan in tawk khawm leh vek a. KM 5 vel bak ani nang. Hmar lam atanga rawn kal pawh chuti tho..chaltlang leh ramhlun road ah han in then mahse, chanmari ah an in tawk khawm leh vek a. Km 2-3 awm vel lekah. Chuvangin tuna Aizawl hi ti lian ila, Secretariat leh hmun pawimawh zawng zawng hi Durtlang, Melriat, Sakawrtuichhun, etc..velah sawn darh chiam mai se. Chuan Civl Hospital hi Refferal, falkawn ah sawn phei se, Civil hospital hi chu duh leh emergency atan trauma centre ang lekin first aid pekna hmun ni chauh se, New Aizawl din teh rup ai chuan a hau tak loh zawk bakah tih dan awlsam zawk niin ka hria. Zokhawsang hmun Assam Riffles an pe te sawn ka ui ania, Aizawl tih lenna tur hmun tha ber pawl anih teh lul nen.
January 13th, 2012 at 6:15 pm
District hrang hrang lo piang pawh hian Aizawl a ti thawl phah phawt a. Dist. Capital te kan cheidan a zirin a thawl phah zel ang. Mahse, capital a ni miaua, Aizawl hi chu.
January 13th, 2012 at 6:19 pm
@doc_lib, i sawi takah chuan thil theih chu a nih hmel viau mai. Mahse, tun dinhmun chauh i thlir a ang riau. Tuna Aizawl population san chak dan (increase percent) ngaihtuah hian i rawtna hi puitling nghal thei ta pawh ni se, tun atanga kum 50 thleng tal pawh ngaihtuah ta ang la, a theih tak tak chuang lo. Aizawl hmun hi a rem thlawt loh bakah a hmun hian min la zo dawn chuang lo hrim hrim tlat a ni.
Aizawl mi leh sa, Aizawl rilru pu tlat tan chuan Aizawl, Mizoram Capital ni ta lo mai tur anga han ngaihtuah chuan a lawmawm vak lo ngei ang. Ka hrethiam. Mahse, thil thui zawk ngaihtuah hian a fuh tlat lo a ni. Mizoram tan hian khawpui thar siam hi a tha a, kan vaia tan a tha zawk a ni tih hi pawm ngam a va tha em ve aw…
Helaia tai pawng pawnga tanga kan lo sawi ve hi sawt lem lo viau mahse.. 🙂
January 13th, 2012 at 6:23 pm
State Capital thar ni lo, khawpui thar hrim hrim din tum nise a awlsam deuh ang. State dang aia Aizawl khawpuia sumdawnna (market/business)hmun leh mihring chenna (residential)hmun inchiahpiah nasa bik tal hi chu tihdanglam a chakawm. Sumdawnna tur hmun thar, tuna khawpui awmna hlat lutuk lovah awm se, tuna Aizawl dawrkai a tam thei ang ber sawn bawk se, khawpui tawt zualpui, traffic jam, inluah tur vang, adt. a ziaawm ngei ang…te ka tia 😛
January 13th, 2012 at 6:37 pm
@thachianga, Mizoram eizawnna zawng zawng deuh thaw hi Sawkar hnathawkte kutah a la awm a ni. Chuvangin Sawrkar hnathawkte’n an awmchilh lohna hmunah hian eng sumdawnna mah hi a hlawk vak thei lo. Sumdawng lian ho hi Aizawl chhuahsana khawpui thara inbengbel turin tilui ngawt mah ila, an ti tha peih chuang lovang.
Chuvangin, a sawrkar hmunpui zawk hi sawn darh a ngai a, sawn dawrh an nih chuan thawktu tam tak te hi a hrana tihluih ngai lovin sawn nghal an ni mai dawn a ni. Tichuan, demand a awm phawt chuan Sumdawnna chu automatic-in a lo awm mai ang. Semrual kan nih loh Mizoram hi Aizawlah hian a tawp reng anga, hmasawnna a awm loh mai bakah Aizawla awmte tan pawh harsatna hlir a ni zawk ang.
He post-ah hian hnialhrat viau teh ang.. :inthlahrung deuh: 😀
January 13th, 2012 at 6:52 pm
Mizoram mipui zawng zawngin miram khawpuia cheng lirthei pawh kan zat lova, kanlo buai ve em em a. Aizawlah hian inchhung khawm vek ila, kan changkang zawk ang lo tive chhen teh ang.
January 13th, 2012 at 7:00 pm
A thar din tawp ai chuan Spread hi awl zawk turah ka ngai. Sawrkar hmun pawimawh te, zirna leh sumdawnna hian mipui a ko tam ber a chuvangin heng hmun te hi compact lo thei ang bera kan dah hran thiam a pawimawh. Dawrpui, Aizawl ah te hian mipui mamawh in ang lo kan in hmu khawm hnem lutuk mah mah a ni 🙂
Referral Hospital te pawh a hla kan tih avangin kan Dr ten an luah peih loa, heng te hi pawi tak a ni.
January 13th, 2012 at 7:01 pm
@Pc-a, a dik asin! A hmun hian min zo sela, plan mumal tak neiin a khua hi lo cheibawl tawh ni ila chuan tha tak a ni. Thingtlang kilkhawr te te a, kan inbawk hran thliah thliah hi a buaithlak tam mai mai tlat.
Mahse, tun dinhmunah hia chuan a ngaihna a awm ngang si lo a nih hi.
Chaw ka ei lawk anga, chhiat rupna a thlen palh a pawi dan tur ka rawn sawi chhunzawm leh ang.
January 13th, 2012 at 7:01 pm
Aizawl khawpui bik atana han tihtheih mai tur chu; Assembly House, Vanapa Hall leh a bula Petrol Depo, leh DC.Court(Office) te khaw daifem lama sawnchhuah leh, AR Lammuala inkhelh tam zawk hi Mualpui leh Ramhlun Sports Complex lama tih thin hi a ni ang.
January 13th, 2012 at 7:01 pm
Martin Luther ‘ I had a dream’ kha kan hriat chhuah zawk chu.! (Y)
January 13th, 2012 at 7:04 pm
ChhanaPa, karleh ni 16 hi Martin Luther King Jr. Day ania sin. Midum mai nilo, mingo lo tawh phawt tan a a thil nawr lo hlut zia hi ka hrechiang tulh tulh mai.
January 13th, 2012 at 7:08 pm
I had a dream tih kha chu lar ve ngawt mai 😉
January 13th, 2012 at 7:22 pm
I sawi ho khi 99.99% khi dik ka ti. Traffic jam erawh hi chu khawpuiah chuan a bet ve hrim hrim. London khawpuiah meuh pawh EPL khel tur pospond ngai hial khawpin nikum lawk pawh khan a awm.
January 13th, 2012 at 7:24 pm
Good post. Thar chhuah, laih chhuah, thawn chhuah atanga sum lakluh neih ve hma hi chuan hma a lak tak tak theih loh. Kan tihsual atanga inzirin tuna kan chen mekna pawh hi siam that theih tam tak chu a la awm ngeiin a hriat a ni. Intlawn kan uar a, hmai eng zah kan tina bawk si a buaithlak a nih hi khawpui siam tha tur pawhin.
January 13th, 2012 at 7:32 pm
Decentralisation hrethiam hruaitu kan neih hma chu kan Zoram hi a heti reng ang.
January 13th, 2012 at 7:36 pm
a tak tak thleng sela aw . .a va nuam dawn em . .
January 13th, 2012 at 8:12 pm
Ayush Hospital lung pawh Thenzawlah an phum ve tan a ni lawm ni kha..!! (Y)
January 13th, 2012 at 8:45 pm
Tun dinhmunah hi chuan lirnghing nasa deuh tak hi Aizawlah thleng ta se, Zoram pum tan chhiatna a ni dawn leh zual em asin! Sawrkar hmun pawimawh zawng zawng awmna a nih avangin Aizawl ni lo hmun dang atang hian tih theih dang a vang khawp ang.
Hmun khata in ek beng vak mai hi a thatna tam tak awm mahse, a that ziktluak lohna hi a tam khawp asin. Ngaihtuah chiang ang u.
January 13th, 2012 at 8:48 pm
new generation politician kan mamawh.
January 13th, 2012 at 9:42 pm
Let me be a dreamer too…Thenzawl or Serchhip chu ni ta se, town plan mumal tak nen Sorkar hian hma han la rup rup mai se. Mi in in a sa dawn anih pawhin a inhmun luahkhat veka insak te phalloh nise, a in dinna hmunah hmunawl, thingkung mawi tak tak phunna tur te, kawtzawl turte a zuah ngei ngei tur ani te han ti se, kan khawpui chu a hring nuam sawt bawkin ka ring.
Aizawl hi chu han enchiang ila, a bawn teh a nia. Building tamtak hi chu khawichin hi nge lehlam pa in chin hriatduh chuan thlek fe a ngai!! In leh in inkarah hian kutphah pawh zenluh len lohna a tam mai. Tukverh hawn te chu sawiloh. Mihrang daih in ni si hi a insi thup mai anih hlawm hi.
Tichuan, ka ngaihpawimawh tamtak zinga pakhat, bawlhlawh paihdan leh tuihawk luantir dan hi, a tir atangin mumal takin kan mithiam tak tak te hian han ruahman bawk se. Tun anga kil tin a bawlhhlawh darh niaih nuaih te hi hmuh tur a awmlo ang. Fur a lo ni a, tuihawk luan ngaihna hrelo te hi aw!!! Kan ram hian chhiatrupna a tawk ang tih a hlauhawm lutuk. Huihams ;-(
January 13th, 2012 at 9:46 pm
# An hisap in aphalo hrim hrim..
January 13th, 2012 at 9:58 pm
Aizawl hi a bit em em. Bus a tawt, bazar a tawt, khawlai a tawt, tawtlo lai pawh a awmlo. Sorkar hmunpui zawng zawng Aizawlah lo chuan a awm thianglo ang deuhin kan ngai emawni.
Eng Department lian deuh pakhat emaw te hi Aizawl khawchhung kherlo ahte han inchhungkhawm se, a dawr duhtan pawh hmunkhat a an awm chuan a awlsam daih zawk dawn a, khawthar an din ani mai dawn sia. Aizawl khawpui chhungah, chep em em in motor parkna lah awm mumal lo, kan inekbeng vak mai. Office thenkhat khawpui chhunga dah ngei ngei chi te chu a awm ang a.
January 14th, 2012 at 12:31 am
Comment a ngaihnawm hlawm kher mai. Ka sawi tum chu ka hmaa mi huai hmasate hian an sawi fo vek tawh tih ka puang e.
January 14th, 2012 at 12:42 am
Phek tharah kai ta ila, realistic deuhva thil thlir hi a tha. Tuna kan sawrkar, sum indaih lo, zirtirtu hlawh pawh pe tha hleithei lo hian khawpui thar dinna tur sum a nei hrih lovang.
Chu ai chuan ram khawpui changkang zawk (eg: London) te tih dan angin Aizawl hi inner area thliar hrang se. He inner area chhunga private motor lut apiang chu chhiah/toll sang tak pek ngai se. Hei hian private motor neitute a discourage anga, chutih rual chuan public transport system (bus, taxi, auto) tha tak awm bawk se. Hetia ruahmanna felfai tak an siam thei a nih chuan khawpui tawt lutuk chu a ti ziaawm ngei ang.
January 14th, 2012 at 1:28 am
Khawpui thar ‘New’ din tawp hi chu thil theih loh ani a. Mahse chep lutuk, mihring tana hlauhawm khawp Aizawl angte hi manage dan chu ‘tih zauh’ a tul mai bakah in lian, thenawmte tana hlauhawm te ‘demolize’ angai a. Entirnan, Salvation temple leh vaivakawn inkar ami, lung tolawt chunga insak angte..khing ang chi khi hlauhawm tawp ani.
Aizawl hi tihzauh nan chuan office lian ho sawndarh nasat angai, Lengpui lamah te hmun a tha a, helam hi extend na remchang lam niin a lang.
Engpawhnise, thil buaithlak em em chu pawisa nei hoin duh duh zat ram an lei pawp pawp thei hi ani. Kan hria a, kan hmu a. Mi hausa ho hian ram hi an lei pawp pawp a, a let tam taka hralh/compensation hisap in. Hei hi sawrkar hian a block tur ani. A block loh chuan mirethei tan hmun a awmve lo. He mi block na dan, Tax system hi siam tha phawt ila a tha ber..
January 15th, 2012 at 10:26 am
nia trafic mawlh mai leh in in hniah hlawm lutuk hi rilru a ti pik