Vawiin chu Helai Matthaia 5:13 thu hi I han belchiang dawn teh ang.
A zawm chiah chang 14 naah hian, Khawvel eng kan nih thu min hrilh a. Eng han nih chu thil tha lam leh thil ropui lam atana hman anih thin avangin Kristianna nen pawh a inhmeh thlap mai. Amaherawhchu, thil manto leh hlu ni a lang lo, a lawng/hau ringawt phei chuan han bar hawng hawng atan pawh a, tui lem lo zet mai, “Lei Chi in ni e” kan Lalpa hian min ti mauh mai si a. Lei chi nih awmzia chu I han chhui zau deuh dawn teh ang le.
A hmasain Chi chu eng chiah nge maw a lo nih le?
1. Chi chuan a zia leh nihphung a thlak ve mai mai ngai lo:
Science lam thiam kan tam a, Chi hian a nihphung, a zia a thlak mai mai loh zia chu kan hre hle awm e. Tuiah chiah ral vek mah ila, kha tui kha a tidanglam a, a lo al vek thin a, han chhuang khang leh ila, a tawpah tui a kang vek hnuah Chi kha a lo awm leh mai thin a ni.
Kan Lalpa Isua Krista hian amah zuitu te hi awmna hmun thlak hlek a mizia leh nunphung thlak danglam vek zel turin min duh hauh lo mai a lo ni. Eng ang dinhmun harsa leh hlauhawm pawh tawk ila, amah hi ring tlat tur leh amah chu engtikawng maha phatsan lo tur leh a zirtirna te vawng tlat turin min duh a ni.
Chi chu plate nalh leh nalh loh avangin a al dan a inthlak danglam ve ngai lo a, Lal Ina chi leh kutdawh- mirethei te liah chi chu an al dan a inang reng tho a ni. Chuvangin, Vairengte pelhah Ringlotute zingah kan khawsa anih pawhin, mizia leh nungchang hloh vek a, Krista zuitu kan nihna reng reng lang lova kan awm hi Lal Isuan a duh lova, Chi anga khawi hmunah pawh kan nihna zia diktak danglam hauh lova pu tlat turin min duh a lo ni reng mai.
2. Chi chuan thil dang a vawngthain a ti tui thin:
Middle Sikula kan zirlai chuan Mizo Khuangchawi velah khan Chhawng an hnawh khan Vawksa kha an inbarh lui thin a, “Chi al a nih loh avangin a tui lo deuh” tih kha a inziak kher a. Nia, Sa tui ber ber leh Chawhmeh bai leh kan tui ber berte pawh hi CHI tello chuan an lo hang tui reng reng lo mai hi a lo nia.
Chi tlawmte khan midang anmahni chauhva tuina leh hanna nei lutuk lo kha, a han tanpui emaw, a han mixed khan a lo hmui tui ta em em thin a lo ni.
Chutiang bawk chuan, Kristiante pawh hi, Kan awmna apiangah kan bula awmte ti tui tu kan ni zel thin tur a ni a, Anmahnia tihngaihna hre vak lo te, Sual kawng zawh tur te, Tanpuia thil tha ti tura kaihruaitu leh Boruak hrim hrim pawh a tichhetu nil ova, a siamtha tu nih kan tum zel tur a ni.
3. Chi chuan thil chhe tur a vawngtha thin:
Tunhma a, Refrigerator te a lo la chhuah hma chuan, thil uih chhe tur ven nan hian Chi hi an hmang ber thin a ni. Sangha te leh Sa dang mihring ei chi te hi uih chhe lova vawng tha tlat tur chuan Chi hi an lo hmang thin a, rei tak a lo vawng tha ve thei thin ani.
Chutiang bawkin Kristiante pawh hi, kan vela kan thiante ti chhe tu leh hruai sualtu ni lovin, a vawng tha tlat tu kan ni thin tur a ni. Se se a, thu veivir kualtu ni lovin, Remna siamtuah kan tang tur a ni a, Chutiang zelin, Sual kawng an dai a an pil bo tur veng tha tlat tu kan ni thin tur a ni.
4. Chi chu midangte tan a luang ral thin:
Chi hian mi dangte tana hna tha a thawh dawn tak tak a, midangte a tih tui dawn tak tak chuan, amah kha a langsar ngai lova, ava tih tuia te kha an langsar a, an lo tui a, amah Chi kha erawh chu, hmuh theihin a awm thin lo. Amaherawhchu, chawhmeh eitute khan a tuina erawhchu an hria a, an lo chhawr tangkai thin a ni.
Keini Kristiante pawh hi, Mahni langsar lurh a, midangte hliahbo tu ni lovin, mi dangte langsar turin leh, a phena rinawm taka tanpuitu nih hi kan nihna tur a ni.
Kan Lalpa Isuan, “Lei Chi in ni e” min ti si a, Kan nihna ang tak hian nun chhuah theuh I tum teh ang u hmiang.
Sunday hman nuam vek u le.
Similar Posts:
- Health Care Chhunzawmna
- Kristian sakhua leh Mizo hnam sakhua danglamna
- Pafa inbarakhaih
- Ka duhthusam
- Ringtute chunga Pathian beisei leh duhzawng{Sunday Pual}
January 15th, 2012 at 6:39 am
Ngaihnawmin i sawifiah thiam hle mai. Sunday nuam le.
Report this comment
January 15th, 2012 at 7:34 am
A va’n tha em! Mahni nun theuhah seng lut thei zel ila a tha ngawt ang. PKfanai in rawngbawlna ah Lalpa’n awmpuiin malsawm zel che u rawh se.
Report this comment
January 15th, 2012 at 8:08 am
A tha hle mai, Thlarau thianghlim hruai ang zelin, kan Lalpa i zui ang u. Nangpawh chawlhni hman nuam le.
Vawksa chi tel lova ei khi Thihthiap vennaah zawk a niin ka va hre ve, chhawng hnawhnawhnaah chuan artui an inbarh thin in ka hria. I sawi tum erawh a ti danglam chuang lo a, ka sawi ve mai mai.
tren tren.
Report this comment
January 15th, 2012 at 8:26 am
‘Lei Chi in ni e’ tih thu han ril zia leh a pawimawh zia i rawn phawrh chhuak tha hle mai.
Report this comment
January 15th, 2012 at 8:33 am
A va tha em! I point ho hi a thain a pawimawh lutuk. ‘Lei chi in ni e’ tihte hi ka lo chhiar liam mai mai thin a. ‘Chi’ pawh hi ‘chibing’ tiha ‘chi’ ang chi emaw te ka lo ti mai mai a! Ka fiah ta khawp mai. Hetah bawk hian Mizo tlawmngaihna nen a inrem hlein ka hria (ti daih teh ang).
Pu Pka, misual.com tan i va hlu em! Pathianni apianga thu tha tak tak hmanga sermon min hlui thin avangin ka lawm e.
Report this comment
January 15th, 2012 at 8:33 am
Report this comment
January 15th, 2012 at 9:27 am
“Good Morning” ti ve leh chhak teh ang.
Ralte, Mizonu,Shailendra, ‘A lawmawm e’.
Report this comment
January 15th, 2012 at 9:32 am
Pu Hv, nang pawh
.
Kan zingah chuan Hmanlai thilhlui hre deuh ber ini si a.
Chhuaklinga, Chhawng an hnawh khan, Artui bakah Vawksa kha chaw tel lovin an in barh ve tho thin a maw ka lo tia. Thihthiap ven naah chauh a lo ni emawni dawn le?
Tsa, i ti lawmawm e.
Inkhawm te pawh hi Leichi nihna vek ania, Sual tihna chance a awmloh bakah, midangte kan tiphur thin.
Report this comment
January 15th, 2012 at 9:34 am
ava tha leh si em!
Report this comment
January 15th, 2012 at 9:53 am
Post tu pa@ chi tlukin i hlu e. A lawmawm khawp mai.
Report this comment
January 15th, 2012 at 9:55 am
Inkhawm kal a hun ta tlat mai. Inkhawm ban lamah kan inkawm leh dial dial dawn nia.
Report this comment
January 15th, 2012 at 10:33 am
A va han tha em! Pu Pk, live ngei mai a; i sermon ngaihthlak ka chak thin ngawt mai.
Post ropui tak a ni. Sunday hman nuam le.
Report this comment
January 15th, 2012 at 11:13 am
A va tha leh kher em ve aw…. Pathian Thlarau thianghlim pawlna atang a chhuak sermon ropui tak tak kan dawng thin hi a ropui. PK, i rem fuh mawi thei khawp mai, Pathian in a awm pui che tih a lang. A lawmawm tak zet zet e.
Report this comment
January 15th, 2012 at 12:25 pm
★★★★★
Report this comment
January 15th, 2012 at 12:28 pm
Report this comment
January 15th, 2012 at 1:10 pm
Late 80′s vela kan branch KTP OB pakhat chuan ‘Lei chi in ni’ tih hi a sermon ngun khawp mai, ka’n hriatchhuah zawk chu. Tunah hian Upa a ni tawh a, ala chhehchhawl reng tho
Post a ngaihnawm e
Report this comment
January 15th, 2012 at 1:36 pm
Chhiar man awm thei khawp mai
Report this comment
January 15th, 2012 at 1:59 pm
Pu Pk Fanai hi i ziak tha thei dap dap khawp mai..
Report this comment
January 15th, 2012 at 2:00 pm
A tha e.
Report this comment
January 15th, 2012 at 2:05 pm
A tha hle mai. Good post.
Report this comment
January 15th, 2012 at 4:18 pm
Report this comment
January 15th, 2012 at 5:00 pm
Report this comment
January 15th, 2012 at 5:14 pm
Mizo Kohhrante avanga vawksa ei leh ei loh thu, leh nupui neihzat thu a Zangkawltuk ho an buai ve viau hian ka nuih a ti 100 ngawt mai. Vawksa leh Nupui neih theihzat hi a lo pawimawh hle ani ange
Report this comment
January 15th, 2012 at 6:50 pm
@23 Chhangte-II, Vawksa ei ngamlo te an lo awm tawh ani maw!! Ka lo hawi zau lo deuh ani maw. Arunachali Nu ho tan hi chuan Kristianna hi chu thlah phal chi a ni lo; An Pasal ten Nupui dang neih duh mahse, an nei ngam tawh si lo a.haha
Report this comment
January 15th, 2012 at 8:30 pm
Isua hian tawngkam awmze nei tak tak a va thlang thiam thin kher em! Finna lama hniam ber leh sang ber berte tan pawha chai lawih tham thusawi a ngah a ni!
Good Post!
Report this comment
January 16th, 2012 at 2:25 am
Ka comment ang nge comment lovang ka ti a, ka hel ka hel a, mahse tawite a comment ve ka chak deuh tlat mai. Thlarau lamah leh bible hriatna lamah pachhe hle mah ila “Lei Chi in ni e;” han tih hian fertilizer lam a kawk mahin a lang.
“nimahsela chi hi a dak tawh chuan engin nge an tih al leh ang ?…..” tih hian a zui bawk si a!
Science-ah chuan ‘nothing can be created or destroyed’ tih te rilruah a lo lang zut zut mai bawk si nen ! Chi da tawh, fertilizer da tawh hman thlak tawh loh khawp a da tawh ( a al-na hlauh tawh)chu hman miah hma a da an nih loh chuan hman hnu chuan a da thei dawn em ni ? te ka ti rilru mai mai a.
Chi(table salt) tak hi a dak ngai vak ka hre lova,kum tluanin a al emaw tih mai tur a ni….!
Amaherawh chu leitha (fertilizer) hi chu hman loh va dah rei chuan a da thei teh meuh mai…(Ammonium nitrate, lime tih ang ho)! Kan hna atan tak phei chuan ammonium nitrate hi lung hal nan kan hmang thin a, dah rei chuan a thawk nep hle..!
Chutiangin Chinai (Lime) pawh hi tlaklei nem tih char a, lei sakhat pangngai tak a siam nan…(Fertilizer lam hi a hmanna sawi ngai lovah kan dah deuh va)!Lei Chi nihphung hi sawi tam vak ta lo ila, mahse expire hun (dak hun)chu
a nei chiang tih kan sawi tawh a.
I tehkhin thu khi a tha hlawm khawp mai, mahse he changin a min kawh hmuh a tum zawk ni a lang chu amah zuitute, zui tha peih vak lo ho kha an hmantlak laia zui tura a sawmnaah ka ngai a. Isua tana hnathawk tur chuan kan taksa-ah pawh chak vanglai (expire hma) hi hnathawhna hun atan a tha zawk tihna lam hawi a ni thei ang em ?
Chi property-a a al-na leh mihring tha chakna hi tehkhin ta ila a awm zawk ang em tih te ka suangtuahna lamah chuan rawn kal ve tlat ia..!
Report this comment
January 16th, 2012 at 5:08 am
Vawiin 5 am to 5 pm bandh an ti leh pek a, NERIST mizo zirlai 6 Assam lei Arunachal ramriah an tang a, ka zuk hruai a, mut leh hmain kan comment lawk. @Lushai_er, 25 a Ignatia sawi ang khian, Lal Isua thil sawi hi a chai tham thin hle. I sawi ang chi pawh hi a dik ka tiin ka pawm tho. A zauvin a kawh leh entir a tam thei hle a ni. A pawimawh ta ber chu, a ZAWMTU nih hi a ni. Thatlai leh hmantlak laia Lal Isua tana nun a, atana khawi hmunah pawh danglam(da) lova rinawm taka nun hman hi kan tih tur a ni e.
Report this comment
January 16th, 2012 at 5:33 am
#27, PKF: Nia, a dangah pawh “Sanghawngsei hriau-beng” te khan ka rilru hi a buai deuh thin! Mahse i sawi ang hi chu ka pawm ve tho!
Pi/Pu-te avanga Kristian, Nu/Pa vanga ringtu…..Min thlahtute hi Hindu/Muslim pawh nise, nghet deuh chuan ka ring hian ka ring ve thin…..”enga chhun thluk/mumangah pawh hriattir” ni ve lo ta fam chuan!
Report this comment