Tu nge India Cricket team lei duh ? A man tlawm lai hian ka sale vek mai dawn e. A nei tu ber ang ziazang hian ka sale mai dawn hi ka ti teh fo va. Player ho hian hria sela chu an duh lo ngawt ang, sale dawn pawh ni ila tu nge lei duh ang le… Khawvel a board hausa ber hnen atang hian heng kan bungraw hlui deuh ho hi tu in nge lei duh chuang ang le ?
Ram mak taka cheng mi mak tak te leh Vaivawm :
India ram hi ram mak tak niin an sawi fo thin a. India ram hi zawng India ram a nihna a lang leh thin. A mak zia hi sawi dawn ila sawi tur a tam lutuka ram mak zia hi chu sawi lo law law mai ang. He ram mak taka cheng mipui te hlei hlei hi a nia mak ni.
An tih lam an tih dual dual avang hian an tih loh lam erawh chu an ngaihthah thak thung tih hriat reng tur. An ngaihsan lama awm a nawm em em lai hian an hmuhsit lam erawh a tawrh hlelhawm kher mai. Mipui sukthlek kal fuh tum chuan a nuai tel teh meuha inthlanna a chak thin laiin an tih loha lama awm chuan tling ngei ngei tura rin, Chief Minister bial ni chiang tur saah(ni tur pawh a ni lo, Chief Minister ni lai mek) bye election te hian tla thum tawk tawk a.
He ram mak leh dangdai takah hian thil an balance thiam thlawt lo. An ngaihsan vek vek chu an be zel a, an ngaihsan loh lam erawh chu an zawlpui in an dah duh miah lova, an rap bet a, an thinhrik nghal zel. Kan thianpa in Kuki ho a sawi ang deuhin “Class chi hnih chiah an awm a, very high class leh very low class an awm a, a lai laklawk middle class an nei lo” te pawh mi ti hre chhuak rum rum e a… A lai laklawh awm ve lo.
Chutiang mipui awmkhawmna ramah hian India Cricket team pawh hian a mipui zia a la ve tlat. An chak tum chuan an chak over a. World Cup te pawh chawi ve mai a, T 20 World Championship pawh an cha ber tawh a, Asia Cup te pawh an la mai a. An khawtualah khawvel hnen theih ngai loh an tlawm der a.
Khawvel a Cricket league ropui ber mai nilovin infiamna lam sum tamna lam hminglang tham an nei a, mahse Kumpinu ramah an zin a vawi khat mah an chak lo, World Cup an champion kumin. An lo haw a, Kumpinu team ten an rawn zui haw a. India ram team B (B team i ti mai ang, senior player an tel mang lo) ten an lo sawp leh hrep a. A lai laklawh, han chet that deuh reng lai te, chet chhiat reng lai an nei lo. India mipui ang chiah an ni. Sawi lawh theih loh, hrilh lawh thiam lo an ni.
Chalah chil min hnawm leh ngei dawn e :
Nikum nipui lai vel khan Kumpinu vaivawm team khan India team te kha an chalah chil hnawm in an lo tlawm thak tawh a. Vaivawm inkhela inhnehna zawnga mualpho thlak ber mai ‘Whitewash’ in tlawmna rawng var min hnawih haw tawh a. India leh Australia an inbeih mekah hian India hian 0-3 in an hneh lo tawh a. Match khat an chak lo leh vaih chuan mualphonna rawng var zawng an kai haw leh ngei dawn in a lang. Australia hian dim hauh lo hian an chalah chil an hnawm leh melh melh mai dawn niin a lang.
An khelh tawh dan en hian ni nga khelh turah ni nga vawikhat mah an la khel tling lova. A match hmasa berah phei chuan ni li an khel hman awrh a, run 122 lai in an han chak lo phawt a. Second test-ah phei chuan Autralia chu innings laiin an chak a ni li ah an zo der a. Innings in hneh kher kher hi chu zahthlak dawbawl tlat.
India in chawlh an la a, an rawn che na viau dawn emaw tih nak alaiin ni li pawh an daih lo mai nilovin ni thum ni chhun chaw ei thleng an daih hram ni a. Inning hnih ah hian run 200 an vaw tling zo lo ve ve mai nilovin Australia opener Warner phei chuan India lakah Opener century rang ber record a siam hem mai le. An khel rei telh telh a, an nawi telh telh mai leh nghal a, hmabak a va eng lo tak em. An khel lehah phei hi eng boruak nawi tak rawn chhawp chhuah pui leh ang mawle…
Tun tum Austalia leh India inkhel hi hmanni lawka khawvela player lar khelhna, German Club lar, Bayern Munich leh India inkhel ka ve en kha kan ang dawn riau a hriatna te ka nei. Munich khan India kha 4-0 an hneh a. Mizo Savun hampuar pet ngaisangtu te chuan Mizo tlangval lo luh hnu hian game a danglam e an ti, a dik ang Mizo player Jeje-a leh Rindika luh ve hma vek a goal hi lut a ni tlat. India player te an tha lo ka ti hauh lo, Munich khan India min chaih der der ang mai khan Astralia hian min chaih in 4-0 in min sawp ve mai ang tih ka hlau hlel love a.
Hnah hlui tilh a hun ta em ni le ? :
Thangkhat lian teh meuh Vaivawm ka lawm ve ta ka ti a, Mizo zingah phei chuan Vaivawm ka lawm ber emaw ni aw tih hial in ka in tih theih tawh nak alai hian kan vaivawm lawm hma fe a India tan lo khel lar tawh te khan an la awm nia mawle…. Ka vaivawm zin kawng kan chhui let a, kei ve chu a kahpah deuh takin inkhel pawh ka en ve chauh a, a sawi zui phei chu ka sawi zui ve vak vak ngai lo.
Mahni tui tui in ka tui ve tawp a, ka atchilh ve bur mai a ni a, heti chung a ka zin kawng kan thlir let a ka inchhuan ve em em lai hian a khelh tak tak a la khel ngar ngar te an la awm hi a lawm awm nge a lungchhiathlak zawk hriatthiam a har khawp mai.
Tar chak tawh lo, tha thum ang em chuan kan ngai ngam lo ang a. India hian an thiamna te an theihna leh an thawh tawhn hi kan ngaihlu tak zet a. An tha a thum ve tan ta emaw ni dawn le aw tih chu ngaituah a ngai khawp mai. Sachina tel lo hian test hi khel ngam a hun a, Dravid a lo hi ‘The Wall’ a tur kan chher lo ve a hun ta a ni lawm ni.
India ram hian Cricket league tha ber a nei a, khawvela team tha ber a nei thei lo a nih chuan enge league tha neih hi awm zia niang le. Tun hma chuan Aussie hi hneh lo nei lo, mi hneh theih loh niin kan hre thin a. Mahse, an par lai leh vul ni a liam a, ODI leh Test a World no 1 kha an no 1 reng thei ta tlat lo mai. An hranghlui te an til a, mi thar in an rawn thlak a, mi thar in thlak tur leh hrang hlui til darh hun lai chuan an tlahniam ve lo thei lo, mahse an ni zawng an rawn in din thar leh dawn tlat. Kei ni pawh hi hranghlui, hnah hlui te an til ve a hun tan a ni lo em ni le…
Ka sale vek mai dawn e:
India Cricket player te hi a upat leh senior dan in dawt hian ka sale vek mai dawn e. Sachin a hi a tar deuh tawh na a, a hminga that em vang hian lei duh tur chu an awm nual ang a, mahse, a mamawh ram te hian hetiang player experience nei tha hi an lei ngam ang em ?
A lei thei tur hian Sachin lei kher ngai lo hian player tharlam nei tha an inti ang em le? Dravid hi Test khel tur ngawr ngawr chuan Vaivawm bazaar-ah thut pui ila lei tum em em lem lo tam tak pawhin an bawr ve hat hat ina an la chul an la chul tho mai thei a ni. A ding rei peih a, a nghah a nghah peih na na na chuan a vaw chhuak leh teuh thin.
Sehwag hi a dawh thei lo pep pup lutuk viau na a hlap vak vak a atchilh avang hian lawm tu leh ngaina tu a nei ngah viau mai thei a. V.V.S Laxman pawh Very Very Special an tih thin na tawngkam ngei khan a special lo zia an sawi an sawi leh tawh ang a, tlai lam khawthim dawn a man tlawm deuh lo phei chuan kan hralh thei tawh mang lo ang a.…. chuan Player senior zingah tu nge kan la zawrh thei tur ni ang le..
Het het, mai mai a lo sale lo phawt teh ang. Savun hampuar pet lawm ho in a khel ve ngai hauh lova, khawvel player tha leh lar ber ber, khawvel Club lar ber bera khel te, Aizawl atang kuhva hring ei tuam tuam chunga pawn atang an position tur leh khelh dan tur sawi ve chiam chiam ang chu nih ka duh bau lo. Savun hampuar pet lawm ho tih tawkah dah teh ang… Sale ve pawh ni ila a man kan chang ve leh awm si lova.
Similar Posts:
- Zaninah UAE vs India. India tan Jeje Lalpekhlua a start dawn.
- Zin kawng thui: Kum 40 chhung zalenna sualna zin kawng chu
- Indian Football-ah Thil Thar? (Santosh Trophy-ah senior team-a mi tel phal lo)
- MIZORAM IN BIHAR A SAWP
- Airtel NE School Football tournament
a tha khawp mai
January 16th, 2012 at 1:29 pm
A man a zir a niang chu!!
Report this comment
January 16th, 2012 at 1:32 pm
Sale tak tak mai teh!
Report this comment
January 16th, 2012 at 1:42 pm
Chhiar a va nuam e
..a rawn che tha leh reng bawk a.
Cricket hi ka follow ta mang lo. Shewag hi ka tan bur! rediff chatah pawh kum hnih kalta vel khan ka tan nasa
Report this comment
January 16th, 2012 at 2:02 pm
misual.com leh Fb lam ka luhchilh tak hnu hian Cricket hi ka thlahthlam ta khawp mai. “Lions at Home, Bitches abroad” ho hian min ti tuilo tulh tulh mai. Rawlthar exciting deuh an lo chhuah leh loh phei chuan ka tuilo tial tial mai thei ani, Post tupa.
Report this comment
January 16th, 2012 at 2:03 pm
My future-u dark-u, girl-u-heart-u-black-u “Why this kolaveri…”
Report this comment
January 16th, 2012 at 2:04 pm
Engnge cricket chu? Khelh chi elo?
Report this comment
January 16th, 2012 at 2:07 pm
Tun tum chu ka thin a rim ve deuh tlat..India vaivawm tan reng reng reng hian ka hun ka hmang rei ve tawh a, neitu chan chan deuh in kan khak ve deuh a nih hi. Mahse, kan ram a ni miau a, a thlauh erawh ka la thlauh thla phal chuang lo…..
Report this comment
January 16th, 2012 at 2:11 pm
Shahid Afridi rawn lar tirh khan ka star lutuk a, cricket en ka zir phah tawp, ka tuipui ta phian a, mahse entui tur chuan hun neih hi a ngai roh lutuk a, ka en mumal leh hman tawh lo..vanneihthlak takin kan pa hian lo tuipui ve bawk a, en hman loh pawn score kan in hrilh ve zak zak thin…20-20 hi ka tuipui vak lo bawk
Report this comment
January 16th, 2012 at 2:18 pm
Ka sawi pui ang che ka tia mahse team a khel chhia leh selector in drop maise tih vel sawi i rem ti bawk si lo a. lol.
Report this comment
January 16th, 2012 at 2:20 pm
Chinese thufing pakhat chuan, “No matter how worst you start, if the ending is good, it’s okay” an ti ta in ka hria
Chet that lai a awm thei a, chet chhiat lai a awm thei bawk. Hringnun khawvel a ni tlats. A ending a that chuan, i chak tihna a nih chu. Kan chet chhiatna te a siam that theih a ni tih a entir bawk.
Ziak tha inti hle mah la, a ho ka ti :ngaidam:
Report this comment
January 16th, 2012 at 2:53 pm
Indiam team is just pathetic…Mahse next series chu indiah, pakistan nen…India an chak chuan an that loh zia theihnghilh leh vek ani ang.Ridiculous.Sa te hi ei nasa ve, an chak deuh phah mahna. lol
Report this comment
January 16th, 2012 at 3:48 pm
vaivawm hi ka tuipui peih vak lo, mahse ku chhingdailovan duh tawk a an luanliampui hi chuan, ziak sei thei viau mahse ngaihnawm ti takin ka chhiarchhuak ve ziah.. good post.
Report this comment
January 16th, 2012 at 4:12 pm
SALE lovin SEL phawt la.. chumi hnuah i duhtawkin i SALE dawn nia… lolzz
Report this comment
January 16th, 2012 at 4:41 pm
He ti em em nghehna nei lo lutk mai hi chu ka kham khawp mai…. an dawih han ti danw ila dawih rual pawh an ni tawh loh hi mawle…..hman kum Ganguly a hun lai an chet nawi vak ang kha a ni leh dawn ta emaw ni dawn ni le….
Report this comment
January 16th, 2012 at 5:15 pm
Kei Cricket Star ah chuan Yuvraj hi kan tan ve viau ringawt a. Cricket hi a hmuhnawm a nia, a bikin India leh Pakistan in an khelh hian. Last balls hi winner deciding balls ni zui bawk se, tension chu sang duh ve tak a ni.
Report this comment
January 16th, 2012 at 6:00 pm
Chhinga I va mangang hma ve a, hetiang hunah tak hian a lawm a NEITU tak tak chu kan hriat thin ni.
…Khrum
Report this comment
January 16th, 2012 at 6:44 pm
@Fonz, Sawi phal loh a awm lova, sawi chiam chiam hian awmzia a awm lo em a, tih theih kan nei si lova. Hetianga in bun ruah hi kan tih theih tawk a ni. @Sheldon, Vaivawm lam chuan beginers ah i awm rei hmel tlat. @Khumchikthei, Mangang hma pawh a ni loh hi, vawi thumah 3-0 in mualpho takin kan chak loh tawh hi…. hei pawh hi a vawikhatna a ni lo lehnghal a….
Report this comment
January 16th, 2012 at 6:57 pm
Tendulkar, Dravid, laxman tih vel hi ban se a tha ang! Team khat kum inrual lo lutuk leh profile inang lo lutuk hian effect chhia a thlen ka ring..Tendulkara te pathian ang deuh thaw an nih lai a, khawi lai ranji vel atanga rawn lut hlim te kha team khat a an khelh chuan team spirit a nep viau mai thei, naupang zawk ho kha an comfortable dawn lo si a..
Report this comment
January 16th, 2012 at 6:59 pm
Pakistan nen an khelh leh hunah India chak chuan…tunlai an chetchhiat hi chu fel leh duak mai ang
Report this comment
January 16th, 2012 at 7:15 pm
Chhingdailova@17, ngati?
Report this comment
January 16th, 2012 at 7:26 pm
@Sheldon, India leh Pakistan chauh lo pawh hia hmuhnawm ve viau zel a sin… chuvang chuan kan ti deuh mai mai mawle… tak tak in Hmuhnawm i tih phak chuan changkang tak i nih chu….
Report this comment
January 16th, 2012 at 7:31 pm
Cricket hi vaivawm nge sapvawm…?
….India hi chu rampawnah an che tha duhlo vel lutuk thin hi ninawm tawh tak ani..Mizoram Cricket Assn.hian BCCI lam pawpuina hmuthei se chuan sum pawh atam ang tun ai hian(Mizoramah)
Report this comment
January 16th, 2012 at 8:10 pm
Post tupa chu i thil post chu Times of India velah han chhuah kuau la chu i larpui phian mai thei a sin. I rawn post na ber kher misual rualah hi chuan i vaivawm aiin Savun pump puar pet nuam ti an tam zawk hmel bawk si nen, vawk hma a tuikep lung paih ang chauh ani ta anih hi
Report this comment
January 16th, 2012 at 8:34 pm
Six vawi khat vuaka Yuvraj a’n crore an hlawh vel lai kha chuan Cricket hi khelh ve mai tur em ni awm…a hlawk dawn riau mai… tiin ka inngaihtuah ve fo a nia. Tih emah chuan tlai infiamna mai maiah pawh hat-trick siam thei khawpa vawm thiam kha ka ni ve asin maw le. Tuna ka hna hi chu tul em lo se India hi vawi khat na reng reng han champion pui ve hi ka va chak em!!!
Infiamna khawvela India nih ti nuam ve bertu kha a nia, kei zawng ka tuipui ve phian. India chak tawh teh se.\
Report this comment
January 16th, 2012 at 9:28 pm
England leh Australia-ah chuan an che hit lo khawp mai…Down under ni lovin Drowned Under a ni der e
Report this comment
January 16th, 2012 at 10:14 pm
Kan inah chuan savun pump puar um luih luih aiin vaivawm kan en tam daih zawk (H). Batsmen out theih dan ringawt pawh hi a lo tam a sin
Report this comment
January 16th, 2012 at 10:16 pm
awke
Report this comment
January 16th, 2012 at 10:23 pm
Dhoni an la suspend zui last match-ah. Now he can visit the tourist spots and go go-carting an tih kha. India hi chu pitch bouncy deuh hlekah hian an nawi ngei ngei zel. Ball sâng deuh hlek han hook pawp pawp thei hi an tam lo ṭhin lutuk a.
Sachin hi an han sawisel viau ṭhin na a, tun series-ah hi chuan run 200 chuang a siam leh tawh a, a che chhe em em hran lo. Dhoni leh Sehwag te hi an nep thlawt thung. Bowler ho hi chuuuu…ngaihna awm lo. Ishant Sharma is the next Sreesanth.
Report this comment
January 16th, 2012 at 10:26 pm
Kan bowler te an tap tuau ka hmuh atang khan India cricket ah hian beiseina ka nei sang ta vak ngai lo.
Report this comment
January 16th, 2012 at 10:36 pm
Hman zan Bayern Munich leh Indian National Team inkhel mawlh kha!! Bei an tidawng mep mep.
Bundesliga team khan tum ngat se chu vawi 30 chuang an score theih ka ring. Ka OT lutuk em pawh ka hrelo
Report this comment
January 16th, 2012 at 10:42 pm
bayern awke
Report this comment
January 16th, 2012 at 11:46 pm
doc_lib,Times of India ah chuan Mizo tawng thu hi an chhuah duh lo ang, Saptawng in ziak dawn ila hetiang ang tawngkam hriam leh hnehsawh hian ka thiam leh bawk dawn silova hahaha. Vaivawm ngaina in thup tam tak in rawn in lar chhuak thin hia lawmawm khawp mai Shylo leh Jacka Pa,
kan Sexologist thar Chemtatrawta hian Vaivawm rau hi chang sela chu Misual.com ah hian a tawrhkhirh awm ve khawp ang mawle…Saitawk, Hman ni a Munich ho in India an chaih dan kha chu ropui bik lo tak a ni tiraw.. I OT lo khi keipawh in ka ziah lan khi hahaha.
Report this comment
January 17th, 2012 at 7:17 am
Cricket hi sport/game pakhat a ni ve nachungin minazawng tan invawrh kanna chance a awm lo.
Report this comment
January 17th, 2012 at 9:11 am
Thiante u, hei vaivawm lawm tu hmel thar leh an aw kan hre thar zel bawk a, engpawh nise India cricket team chu la sale leh lo phawt mai ang aw…..
Report this comment