Santosh Trophy khelh mekah Mizoram chuan an game vawi hnih khelhna ah Bihar chu 10 – 0 a hnehin quarter final lut turin beiseina sang tak a nei mek. Mizoram chuan an match hmasa berah Orrisa lakah 3 – 1 in tlawm mahse vawiin a Barasat a Bihar nen an inkhelhah beiseina thar nei thei turin an khingpui Bihar lamah goal 10 ngawt an thun a. Mizoram tan hian India U – 23 team captain pawh lo ni tawh Zaidinmawia Hmar tuna OIL India a khel mek chuan penalty atangin Mizoram goal hmahruai a thun a.
Hemi hnu lawk hian East Bengal first XI a hmun chang regular ber pawl leh Kolkata khaw lum hnuai tawnhriat ngah tawh tak Beikhokhei chuan Mizoram tan a thun chhunzawm leh nghal zat a. India senior team ah pawh lo tel tawh Dempo SC a khel thin, inhliam vanga khel tam lo, tunhnaia Chirag United a contract ziak thar Jery Zirsanga chuan goal thun theihzia a theihnghilh loin Mizoram tan goal a thun leh a, hemi hnu hian 1st MAP player leh goal thun thei F.Lalrinpuia chuan goal dang thun belh lehin first half ah Mizoram chuan 4 – 0 in hma a hruai.
Second half tan a ni deuh chiah a, Bihar lakah Mizoram player te hian goal an sur tir muah muah a ni ber mai. Valpui’an hatrick a siam a, Beikhokhei an a siam bawk a, Jerry an free kick atangin nalh fahran in a thun bawk a, Goan club Faria Striker a khel mek Nundanga’n goal nalh tak a thun bawk a. Hun a tawp meuh chuan Mizoram chu 10 – 0 a chakin, inkhelh tan tirh atangin game an thuhnun nghal hle a, clear chance vawi tam tak an neih kha goal ah chantir phei se chuan Bihar khan goal 20 deuh thaw phur thei tur niin Mizoram inkhel a hmun a entu te chuan an sawi.
Mizoram hian an game hnuhnung berah Railways an hmachhawn dawn a. Vawiin ah khan Railways te chuan Mizoram 3 – 1 a lo hneh tawh tu Orissa chu 4 – 0 in an lo hneh ve bawk a. Mizoram leh Railways te chuan do or die match an khel dawn tihna ani ang. India ram a state leh state football a inelna lian ber leh sang ber Santosh Trophy vawi 64 na Kolkata khawpuiah khelh mekah hian Mizoram hian quarter final inhlang theih turin beiseina sang tak an nei mek a ni. Mizoram hian cluster VIII ah awmin ni 26 july hian Howrah Municipal ground ah Railways hi a hmachhawn leh dawn a ni.
(Note: Hetah pawh ka rawn post tawh Mizoram team list kha final a nih vek hnuah player inhliam an awm avangin leh rokhawlhna neih avanga khel thei lo an awm avangin thlak danglam leh thut a ni a remchangah Mizoram squad hi ka rawn post leh mai dawn nia. Ka lawm e. )
Similar Posts:
- Santosh Trophy: Mizoram through!!!
- World Cup – Vawiina inkhel turte
- U-21 National-ah Mizoram in final lut
- Mizoram Team chak !!
- Airtel NE School Football tournament
A lawmawm thin e…
July 24th, 2010 at 11:10 pm
sawp roh se, pip
Report this comment
July 24th, 2010 at 11:11 pm
vai ho chu sawp hrep zel tur :lol:
Report this comment
July 24th, 2010 at 11:12 pm
police hrisel lo ho poh sawp hrep tur :lol:
Report this comment
July 24th, 2010 at 11:15 pm
a va nuam ham ham ve a helai chu, sang tak thleng turin kan mizoram players te duhsakna ka hlan e
Report this comment
July 24th, 2010 at 11:17 pm
Mizoram dinhmun hi lawm le, thaw dep2 in kan lo nghak a ni si a le. midang an chet chhiat chuan kan vannei ve thei. point hmusang ber bak an lut theilo hi lawm le. mahse tawngtaina nen lo tang ve phawt mai teh ang u.
Report this comment
July 24th, 2010 at 11:18 pm
tha lutuk….mizoram team inkhelh leh turah duhsakna ka hlan a che u..
Report this comment
July 24th, 2010 at 11:20 pm
We shall derail them. Comon Mizorammmmmmmmm!
Report this comment
July 24th, 2010 at 11:20 pm
Mangtha leh lo…. he result hi ka hre chak em,,,, rawn published hman dawn lo emaw ka tia, mangtha mai a nih kha.
A va han nuam ham ham ve le……sawp ang..sawp ang..World Cup kum ah hian Finalthlen ngei kan tuma ang chu…Rilru leh thlaraau nen….Tawngtai na ah hriat theuh tur.. a zahthlak loh a nia…
Chuan hmanni a ka zawh tawh nikum lama ram tana khel duhlo star rual te kha an tel nge tel lo?? enge an chanchin zel?? Post tu emaw tu emaw a hria chuan min han hrilh hram teh un…pls.
Report this comment
July 24th, 2010 at 11:23 pm
Reluai ho khan an khelh hmasak khan enge an dinhmun khah?
Zoram tang fan fan.
Report this comment
July 24th, 2010 at 11:28 pm
A lawm awm e,mahse tlailam um pawng par an tih ang hi kan ni em lawng chu maw :!:
Qr Final thlen theih na chance chu 3-1 a kan hneh loh 4-0 a hneh tu Railways ho sawpzi a ngai dawn a ni.
Report this comment
July 24th, 2010 at 11:31 pm
Mizoram hian Railways hi 2 – 0 aia tlem loin a hneh a ngai dawn a, an in draw emaw Railways hi an chak emaw a nih chuan Mizoram tan beisei tur a awm lo ang. Tun dinhmunah Cluster VIII ah Railways hi point 6 hmuin hma an hruai a, an goal difference pawh (+ 10) a ni a, Mizoram leh Orissa te chu point 3 ve ve hmu mahse Mizoram hi goal difference (+8) a ah an tha zawk a, Orissa (-1 ) ni a, table ah chuan Mizoram hi pahnihna a ni mek. Mizoram hian cluster VIII ah awmin ni 26 july hian Howrah Municipal ground ah Railways hi a hmachhawn leh dawn a ni. Hemi ni vek hian Orrisa leh Bihar an inkhel dawn bawk a. He Pool atang hian Railways, Mizoram leh Orrisa te hian luh theihna chance an nei theuh dawn.
TEAM M W D L GF GA GD PTS
R.ways 2 2 0 0 11 1 +10 6
Miz. 2 1 0 1 11 3 + 8 3
Orissa 2 1 0 1 3 4 – 1 3
Bihar 2 0 0 1 1 10 – 9 0
Report this comment
July 24th, 2010 at 11:32 pm
chak ang aw. Railway sawp ang. misual ho i tleh thla huk ang u…. Rilru tal in…
Report this comment
July 24th, 2010 at 11:32 pm
GOOD NEWS – lawmawm lutuk
Report this comment
July 24th, 2010 at 11:36 pm
hmingsanga@ i ti tha e.
Report this comment
July 24th, 2010 at 11:40 pm
ka rinai in Misualho hi kan tangna tawk lo deuh ka ti ve mai2. Hmingsanga sawi dan khi a dik, chance a va chau deuh ve le.
Report this comment
July 24th, 2010 at 11:41 pm
Football ngaisang rei tawh leh kan game a ngai tlat kan nih avang hian santosh a eng kan ang thei lo reng hi a ninawm zozai tawh. Tuna kan tlang lo leh a nih chuan inngaihtuah chian hle kan ngai ang. Orissa kan hneh lo kha ka sakhaw rilru thleng hian a na!!!
Report this comment
July 24th, 2010 at 11:46 pm
Railways team hi chu an tha ve angreng viau (CCBU a ka lo chhiar ve atanga ka hriat dan chuan). An huphurhawm ve tho mai mahse 2-0 chuan hneh in beisei phawt ila !
Report this comment
July 24th, 2010 at 11:52 pm
Bihari ho chu 12-0 tal in lo sawp nise tha tur. Mahse kan hneh ka ring tlat. Octopus PAUL’an enge a predict ang le!!! :confused:
Report this comment
July 24th, 2010 at 11:59 pm
tawngtaina nena helam tanga kan lo tanpui chuan,kan hneh ngei ang…
Report this comment
July 25th, 2010 at 12:00 am
Railway hi lo hneh ta pawh nise, semifinal an thleng dawn emawnile. hehehe
Santosh trophy ah hian kan chet that tak viau kala hrelove.
ka hriat tlem vang pawh ani maithei le, ka hriat chinah chuan an thleng sang vak ngailo chu ania. :lol:
Report this comment
July 25th, 2010 at 12:02 am
thleng sang vak ngai lem lo…hranghlui ho khan voi khat emo chu semis chu an thleng ve lo maw
Report this comment
July 25th, 2010 at 12:10 am
Spain pawh final la khel ngai reng reng lo khan final vawi thum khelhna ni tawh Holland an champion khalh thawt thawt kha. Thlen san tum te pawh awm ve thei tho nia
Report this comment
July 25th, 2010 at 12:17 am
An ti tha tan erawh a ngai hle anih khi an dinhmun en hian in.
Police hrisel lo an police luh dawn a hrisel medical certificate nei ho kha jail an tan dawn meuh chuan an lo hrisello leh hlauh ani maw.
Khatiang ang hlir kha em ni kan police neih ho kha, hahahaha
Report this comment
July 25th, 2010 at 12:31 am
@funny i sawi dik santosh trophy ah hian kan thleng sang ngai lo khawp mai, a reng thuah i va mengrei ve, zirlaite in la ni si a.
Report this comment
July 25th, 2010 at 1:00 am
Hmingsanga said “Mizoram hian Railways hi 2 – 0 aia tlem loin a hneh a ngai dawn a,”
2-0 a ngai kher dawn em ni?1-0 pawh ni se Goal diff +9 ve ve a nia nga.Chuan Goal for ah Mizoram kan tlang thei tho tihna a ni lo em ni?
chak ngawt mahse Orissa hian Bihar hi 15-0 vel a an hneh viah chuan a tlang daih thei ve tho.Mahse Railway hi an hneh phawt chuan an luh chu a rinawm viau. Khamoin…. Mizorammmmm tren tren tablelamb
Report this comment
July 25th, 2010 at 1:24 am
Railways hneh chu a va huphurh awm ve… Railways ah hian tun trum hian mizo an awm em le
Report this comment
July 25th, 2010 at 5:34 am
Laloo a tel ve nghe nghe se aniang chu
Report this comment
July 25th, 2010 at 7:35 am
Dal aiin Maian-bai a nih chu!
Report this comment
July 25th, 2010 at 8:24 am
@taia_pa, Railways hian goal 1 chauh an la chhuah alawm. Laliga angin head to head record atangin chak zawk thlang mai se!
Naktukah “RAILWAY IN MIZORAM A SAWP” in rawn tih vaih chuan….@%$&^*&
Report this comment
July 25th, 2010 at 8:55 am
Beiseina nen thlir ang aw. Mizoram hi 2-0 emaw a ai tam a an chak chuan saruakin ka lam dawn.
Report this comment
July 25th, 2010 at 9:11 am
Mizoram kan chak zel chuan an hmingin NO ka dawm ang, lawmpui nan
Report this comment
July 25th, 2010 at 1:55 pm
a va han nuam thrin m….go mizo boyz go
Report this comment
July 25th, 2010 at 5:06 pm
orissa an hneh loh tum khan kil khat aatngin kan lo en ve a, kanlo tan ve teh reng nen beisei an ang pha lo a, khatiang a an khelh chuan reluai ho chu ka huphurh pui kher mai. Khami tum khan an khel tha vaklo poh ni mai thei sin…beiseina nen…..
Report this comment
July 25th, 2010 at 7:29 pm
A eng a pawh chu lo ni se la, ….a lawm nan Pawp khai meuhin ka’n lam teh ang…..
Report this comment
July 26th, 2010 at 3:56 am
Vawiin MIZORAM leh Railway result hriat a va chak awm tawh ve le/
Zer0 an Goal chhuah zat kha chu a pawimawh vak lo ang.
Santosh Trophy ah hian eng dan nge an hman chu ka hre hauh lo a,mahse FIFA dan an hman chuan Mizoram hi an chak hrim hrim chuan sikhat (1-0,2-1,3-2 etc) lek pawh nise,Head to head rules hmang lo mahse an lut thei in a lang tlat.I lungngai lo ang u,Chance a la awm e.Hetiang dan hian an tlang thei a ni
Point; Mizoram hi an chak hrim hrim chuan point 6 ve ve hmuin an in draw chiah ang a Goal Difference a sang zawk zawk an lut ang.2-0 emaw a aia sang a an chak chuan GD ah (+10(+)- +8(-)} an sang zawk ang a an lut nghal ang.Chuti ni lo a sikhat (1-0,2-1 etc) a an chak chuan an Goal difference chu +9 ve ve a ni ang a, Goal thun hnem zawk zawk an lut ang. (World Cup 2002 a Group A a mi Paraguay leh S.Africa Point,GD a in ang a,goal khata goal thun hnem zawk paraguay in Pre-Quarter Final an lut ang khan).
Tun dinhmunah Hmingsanga Table dah khi a dik chuan goal 11 ve ve an thun tawh a,chuvangin Mizoram hi an chak hrim hrim chuan sikhat 1 lek pawh nise (1-0 a nih chuan 12-11,2-1 a nih leh 13-12)Goal an thun hnem zawk dawn tihna a ni a (goal for-ah an tha zawk dawn). Chuan Santosh Trophy Pre-quarter Final an lut mai dawn a ni.
Hetiang a nih avanghian Mizoram chu an chak hrim hrim chuan (2-0 emaw a aia tam emaw a ngai kher lo) Orissa vrs Bihar result azirin an tlang thei a nia,beisei a sang fu a ni.Mahse an chak lo emaw an draw emaw,chak mahse Orissa in 15-0 vel a Bihar an hneh vaih chuan khing chhiarkawp zawng zawng hi a thlawn vek thei thung si.
Report this comment
July 26th, 2010 at 4:08 am
AIFF rules article 9 No.2 (c)-ah heti hian a in ziak;
” If the goal difference is the same, the team with the higher number of goals scored will be placed higher.’Beisei na sang tak nen result Update lo ngaichang ang awwww…
Report this comment
July 26th, 2010 at 12:01 pm
Mizo football writer zingah chuan Hmingsanga deuh chauh hian kan mizo footballer te chanchin min chhawpchhuah sak thin niin ka lo hria a, a fakawm ka ti khawp mai. Tang zel teh se.
Report this comment
July 26th, 2010 at 6:39 pm
hetah chun Bihar kan sawp leh ta tlat mai!!
Report this comment