Kan naupan laia kan infiamna leh kan intihhlim ve na thenkhat kha thluaithlum kual vak loin ziakchhuak dawn teh ang:-
- In-bihruksiak: In bihruksiak ah hian tihdan chi hnih kan nei a, in dapa awih leh awih loh a ni. In dapa awih ah kha chuan a changtu(a zawngtu) khan min hmuh kim hmaa kan dapa hman chuan a chang nawn leh thin. A pangngai zawkah chuan min hmuhkim vek hunah a hmuh hmasak ber kha a chang ve leh mai thin. In dapa kan tih hian achang chuan a ngai an chang nawn tlut tlut thin a, a phakar deuh chuan an chhungte’n an koh miah loh pawh hian, ‘eih ka lo haw nghal’, an tia, an haw daih thin.
- In theng kah: Pawl pahnih ah kan inthen a, kan indo lem a ni deuh ber. Lehlam pawl kan hmuh chuan ‘theng mawia’ kan tia, anni’n, ‘ka pil hman’ an lo ti deuh ngei bawk a, kan inhnial luai luai thin a, a hming pakhatah pawh ‘inhnialbuai’ kan tih phah nghe nghe. A hun lai mipa naupang infiamna ah kha chuan a nuam ber pawl a ni ve.
- In burchhe vawm: In bihruksiak nen a in ang tep. Sangha tin bur ruak chhungah lung kan thun a, a tlang kan chhu chip leh a, thin zawngin a ri raih raih thei a ni. Chu burchhia chu hla tawkah kan vawm vak a, a changtu tur khan ava zawng a, a zawn chhungin midang kan lo biru a, a hmuh hnuah a dahna tura kan siam, a langsar laiah a dah a, midang biru ho chu a zawng ta thin a ni. A hmuh kim hmaa bur chu tuin emaw thinrik emaw, a pet per emaw hman chuan a chang nawn leh thin. A tira a changtu tur hi ‘hik sek sawk(?)’ in kan zawng thin.
- In um: In um a ni deuh tawp. Pawl pahnih ah kan inthen a, a changtu tur lam kan ruat fel hnu ah a chang lo lam tur an tlanchhia a, ‘tiiiaam’ an tih hnu ah a changtu pawl hoin kan um vak a, kan man kim vek hnuah lehlam pawlin min um ve leh thin. Pelhchin pel a tlanchhiat a awl hle.
- In vanram leh hremhmun: Heihi hmeichhe ho nen kan tiho thin a, hmeichhia leh mipa inelna ang deuhah pawh kan hmang thin. Pawl pahnihah in siamin, inhlat tawk takah line pahnih kan siam thin. Kan pawl leader khan hming lem min vuah vek a, chumi hmang chuan game kan khel ta thin a ni.Inhlat taka kan line siamah khan pawl lehlam ve ve chu a inepin kan thutung thap mai a, kan pawl leader khan lehlam pawl zing ami a duh ber mit kha a hup a, chutah a hming min phuahchawp hmang khan kan pawl zing ami a duh ber kha a rawn ko a, chu chuan mithupsakpa chu a va pen ta thin a ni.
A pen zawha a awmna ngaia a let leh hnuah a mithup chu a thlah a, a pentu chu tu’nge tih a ring ta thin. A rindik hlauh chuan amah chu hmalam zawngin a zuang vak a, step khatin hma a sawn tih na. Chutiang chiah chuan a rindik loh hlauh chuan a pentu kha a zuang ve thung thin. Lehlam pawl line va zuangthleng hmasa apiang kha chak a ni ta maiin ka hria. Chuan, trick kan nei bawk thin tak e, kan leader khan kawng a dawm chuan min pentu chu chumi chu a ni tihna tih ang vel trick kha kan nei thin a, kan khelh hmain trick neih awih loh, kan ti ziah a, kan nei ziah tho.
- In ngunhnam vai: Rua emaw, mau chang tha deuh emaw kan la a, ngunhnam lem kan siam thin. Pawl leh pawl ka insiam a, kawng a chin hnuai lam thi tiin kan invai chiam thin; Intihpalh erawh a hlauhawm deuh.
- In Kungfu: Mipa naupang keini ang rual kha chuan kan atchilh deuh vek awm e. Tun hnua ka ngaihtuah let leh hian veng tinah khan kungfu master an lo awm vek a ni awm e, ka ti ta. Kan master te lah kha an han tualchher ve thei mai mai khawp lehnghal. Aia lian leh insualah pawh kan ngam loh turte nen min han in kungfu tir a, min han fly thum dawp mai kha chu na ve duh tak a ni.
- In perh luh chhiar: Marble hmanga kan infiamna chi khat kha a ni a, a nuamin neuh neuh a lo tam reuh ngawt mai. Bikhur kan lai a, kan luh apiangin panga, midang marble kan perh fuhin panga bawk. Duh leh perh ai kan dur thei a, mi durna hmun atangin kan change chhuak thei bawk a, khatianga change kan duh loh chuan kan dur hmain ‘engtiama tih loh’ kan ti vel thin.Kan perh fuh te marble leh kan marble inkar kha khap khat aia a tlem chuan ‘khap’ an tia an dur daih thei bawk. Chipte mar at, tih vel pawh a awm. Point za kan tlin khan ‘ral’ kan nia, midang kha kan perh fuh vaih chuan an thi a ni tawh mai, chuvang chuan tlanchhiat theihna chance an nei ve bawk. Marble lam sawi laiin in perhchhuah sawi nghal ang- panga bet kan tia, bikhur kan han pawk nalh mai te kha chu hlimawm ve tak a ni. In N pen leh In H pen te kha chu hmeichhe lam chanah kan dah deuh thin.
- In kahthlak: Rubber hmanga infiamna a ni. Ban kan phun a, kan rubber boat khawm chu banah chuan kan tar a, ral atangin kan inperhchhawk a, a kapthla hmasa apiangin an nei thin. Drawk tha deuh neih kha chuan huphurh kan nei ngai lo. Inkahthlak ah hian khaibawr leh khaibawr loh tih te, ban si lak awih loh tih te dan tesep kan nei nual bawk. Ral hla tawk atanga han phin nalh mai kha chuan kan hawi champ thei teh e.
- In vawmchhuah: Sikret bawmruak hmanga infiamna a ni. Rinbial chhungah sikret bawmruak kan dah a, silipar hmangin kan invawmchhuahsiak thin. Beeter siliper hmanga vawm kha a chhuah duh bike m avangin hman awih loh kan ti thin. Khatih lai khan Charminar kha cheng nga kan ti ta in ka hria. Sikret bawm ruak zawngin veng hla tak tak thlengin kan vak vel thin.
- Kahpuk: Raw chang tha deuh, kutzungpui tiat vel kan la a, a kuaah khan lehkha thial sawm a tawt thei ang berin kan hnawh a, a hawlhna in kan hawlh a, kan kahpuk hmawra lawr lo deuh chiahin kan dah a, lehkha dang thial sawm kan hnawh leh a, a chanve velah kan dah a, chutah a hawlhna hmangin kan han hawlh pawp mai a, a puak ve thak thei a ni. Nuam ve phian.
- Hamphuh: Mau kutzungte tiat vel kan hmang a, shillong mu hmangin kan phuh zeih zeih thin. Hetiang hmang hian kan indo a, nuam kan va ti thei reuh tak.
- Lehkhachaih: Kum tawp sikul chawlh hnuah khan lehkhachaih chaih hi kan uar zual thin. Kan naupan zual lai kha chuan that e tein kan chaih mai a, kan lo lian deuh a, inbah leh in-ah tih vel kha kan ching chho a, sagu leh tube light chhutdip hmang khan khawl la kan zut hriam sauh sauh a, kan in at chiam chiam thin. Hlimawm ve deuh a sin.
- Ball bearing: Tawlailir tak kha ka khalh hman lo, kan u te ho khalh chu ka hmu hman a, min phur thin bawk. Keini hunah kha chuan tawlailir aia te deuh kha ball bearing hmangin kan siam a, kan khalh ve nasa thei hle.
- Kawngpui tawlh: Kan veng kawngpui a chhuk tha bawk a, nuam tak a ni. Phelhsep emaw, plastic bur chhia emaw kha kan thut a, kawngpuiah kan tleng chiam chiam thin. Kekawr mawng a hek duh hle. Gallon bur chhia nei an awm kha chuan kan awt thei kawp mai, kan inphurhtir vel thin. Kawngpui tawlh kha an khap ta daih a; Mahse kan tawlh ru thin tho.
- Motor beh: Motor tlan mai mai kha kan hmu thei hlawl lo! Motor tlan kan hmuh tawh chuan kan bet ngei ngei ringawt. Thiante nen motor kan han um a kan han bet a, a bet ve hman loin ring tawkin ‘an bet a nia’, a’n tia, driver sual deuh kha chu an tlanchak phut thin a, hlauhawm duh tak a ni- kan sim chuang lo!
- Train: ‘Train ang u’ kan tih khan kan hrethiam ve mai. Khawilai kopang awih deuh emaw, thingkung lian deuh ah emaw khan training kan nei thin. Film kan ena an nungchang vel kha kan zir thin a ni deuh ber.
- Gari khalh: Thil kual kha mau hmangin kan tilir teng teng a, kan tlan kawi piat piat a, lungngaihnain min umpha meuh lo. Motor gear, tlangkir kual kha kan thianpa pakhatin a nei thin a, kan va awt thin tehlul em. Gari khalh hian veng pawn thleng thlenginkan tlankual peih nia.
- Nawrlirh: Silipar chhia zaibialin motor ke ang hian kan siam a, a nawrna tur mau kan vuah a, kan nawr kual chiam chiam a, nuam kan ti ve em em tho. Thlasikah chuan kan nawrlirh ah hian sangha tin bur ruak hmanga siam sikri kan khai thin- mombati pawh!
A dang pawh a la tam………
Similar Posts:
- Kan naupan laia infiamna (Hmeichhe Version)
- Mizo te infiamna ngaihnat leh a chekhnawk hi…
- Mizo te leh infiamna
- Pawi tawng zir ang u
- Min hrilh thei in awm ka van beisei..
January 19th, 2012 at 2:06 pm
#10 na tih loh khi chu ka hrat vel vek haha (Y) (Y) 😛
January 19th, 2012 at 2:13 pm
Lung i va ti leng e…
January 19th, 2012 at 2:15 pm
5-na leh 9-na khi ka tih ngai ka hre lo reng reng..! Lung i tileng hle mai.
20. Inhawngbi..
21. Invawmkar.
A dang pawh a la tam mai…
January 19th, 2012 at 2:16 pm
Ka ti ve vek. Lunglenthlak ve. Kawngchhuka bearing tawlai khalh kha chu chetsual a awl teh e.
Invawmchhuah nana bazara cigarette bawm zawnga kan kal te kha nuam ve tak ani.
Breathing Fire tih film en zawha venghluia kan in Kungfu kha ka la hre reng. Ka thianpa keruh ka pet tliak tawh bawk.
January 19th, 2012 at 2:16 pm
I sawi loh zing a mi motor lem khalh leh kalchhet [khawchhak lamah kaltheu :-S ] kal te kha nuam ve mai mai. Lung lenthlak hle mai. (Y) 🙂
January 19th, 2012 at 2:17 pm
Lung avan ti leng tak…ka chhiar nui uar uar 😀
Kawngpui kha metal loh a tam thei sia, Motor a rawn tlan khu luiha panga vel hi chu an lo bet hman ziah 😀
Kan á¹hianpa pakhat pawh an motor behna Jeep ah a Zirlaibu ti tlaa, á¹ap chungin Jeep chu um a “Ka lehkhabuuuu…” ti phei ruah ruah mai lawm. 😀
January 19th, 2012 at 2:18 pm
marble inthap, inkawibah, kalchhet, tawlhpahrit tawlh, in ball vawm, in kut kut, bingte sairawka, L-O-N-D-O-N,invawr…. heng zingah hian marble inthap hi ka tih hrat ber leh ka thiam ber..mipa ho pawn gear perh chhuahah pawh min hneh ngai lo :insawithei:
January 19th, 2012 at 2:19 pm
#5 sawi ang khian Kalchhet pawh kha a nuam 😀
January 19th, 2012 at 2:20 pm
22. Meizial zuk ruk. Hehe.. Ka meizial zuk hmasa ber chu janata biri, filter awm thlum suk kha..
January 19th, 2012 at 2:22 pm
Inbihruksiak khi chidang awm leh chu Burchhe thinrik kha a ni. 🙂
January 19th, 2012 at 2:25 pm
Naupanlai… Thingtlang naupang tan kha chuan hmawmsawm a vang sia,Pu. Tluanga jeep tawng tawh deuh a cover pawh awm tawh lo a mi acid batery kha kan lo liak ru ta thin a,nuam ve mai mai tak a ni. A motor acid kha chu a tui bik a,a al sa tlat a,kan duh thei lutuk. T un hnu hian kha acid al sa kan tih kha….distilled water aiah zun hi an hmang mai thin tih ka hre hnuhnawh a :p :p
January 19th, 2012 at 2:29 pm
Leivung tawlh te kha nuam kan va ti thei tak… Lung i ti leng bawng bawng 🙂
January 19th, 2012 at 2:29 pm
Post tu nen chuan kan inrual thuak dawn anih hi 😉 a vai khian kan lo hlimpui em em te vek annia, chubakah kan tihdan ala in ang deuhvek zui 😀
Tuaisiala te chu tlemin kan nau deuh a nih dawn hi 5&9 ala hre lo tlat 😀
January 19th, 2012 at 2:30 pm
@Tuaitea chu hming i va nei mawi deh duah ta vee….a tha vek e (Y)
January 19th, 2012 at 2:33 pm
Hetiang deuh chiah hi post turin ka submit ve a. Publish ani lo. 🙁
January 19th, 2012 at 2:37 pm
In vawm-chhuah na ah kha chuan Kungfu Shoe hman awihloh kan ti á¹hin. A tleng á¹ha duh par par ania aw 😉
January 19th, 2012 at 2:39 pm
Tengteremu pen, rubber chhem, rubber zuan tih vel kha kan uar thei bawk 🙂
January 19th, 2012 at 2:40 pm
In nuapan lai chuan in changkang tawh anih hi….motor beh tur pawh kan hmu pha ve hlei nem !
Tira mei kaia ha ha….chhimtira mei kaia ha ha tiin mi in hnuai chep tak takah a len dan in dawtin kan in zui duah duah thin 😀
January 19th, 2012 at 2:41 pm
Asteric, ka chhiar chiang a, kan tih hnu vek alawm! A thu ka lo chhiar chian loh vang a ni.
Insiksihling-bawm-bawm.
January 19th, 2012 at 2:47 pm
Thinlai mu hnu, Lunglen i kai tho thiam hle mai… (Y)
8-na tih loh khi chu a hrat pawlah ka tel ve ziah.
Hnim chen te kha, infiamna anga chhiar tel theih silo ah chuan a va nuam thin tak… 🙂
Chuan, inkawibah hi kan uar thin bawk. Mahse kan veng inkawibah ang khan hmun dang an inkawibah ka hre ngai lo 😉 A hranpa a la post chi niin ka hria.
January 19th, 2012 at 2:52 pm
kalchhet inkal siak te pawh… 🙂
January 19th, 2012 at 2:57 pm
Naupan laia kan chet dan te leh kan taksa derthawnzia ka ngaihtuah hian “Naupang te nunna hi a bik in Pathiannin a veng ni a ngaihna ka nei á¹hin. 🙂
January 19th, 2012 at 2:58 pm
Mahminga Sailo khian in rubber zuan a hrat thei lutuk.
January 19th, 2012 at 2:58 pm
In Nap hi ka uar, Boys School ah khian, in nap chu thing a lehlam lehlam suih zum (ka sawi thiam vel lo e), kan vaw keuh a a kang lai kha kan vaw leh vak a, an man chuan kan thi..
Far tlang, Synod Conference hall awmna ah khian phul tawlh kan ti thin bawk..
January 19th, 2012 at 3:07 pm
kan Admin zing ah hian, Dam lai lusun an awm tih hi hria kan awm em le 🙂 ;-(
January 19th, 2012 at 3:08 pm
#24@lrp…khatiang kha in pir kan ti á¹hin in ka hria. Ka mit ah min hlap per a, ka’n á¹ap tak tak mai nih kha 😀 a na chu ka ti lova ka mit lehlamin khua ka hmu thei si lova, ka mitmu sen an tih avangin ka mit a del ta emaw ka tia 😉
January 19th, 2012 at 3:16 pm
#23… Ka thiamthil ka zep ru ve hram hram a niaa… 😀
Chuan, Fanghma thar laiin, fanghma vel miah loh kan keng chhuak a. Pawl hnih a inthen in, Feet 10 vela inhlat ah kan ding tlar thap a. Fanghma vel loh kan keih thla a, a chhung kan dit te te a, a kawrin kan invawm thin. Vawikhat phei chu ka thianpa hmanhmawh lutukin fanghma chanve (bung) in ka chalah tak min vawm fuh ngawt mai a. Ka’n tap tak tak mai aaa(h)… 😛 😛 (Awrawl neih tawpa han tah chiam mai kha a nuam ve riau, na tawrh a dam duak thin.. 😛 )
January 19th, 2012 at 3:19 pm
kan naupan ve lai chuan in-se-lem-chaih tih vel a ni. sakei bu ka luah, ka luah…keimah sanghalhriama pa..
January 19th, 2012 at 3:21 pm
Ngaihnawm e. Nawm hmel hlom khop mai. In tea-set, in nupui-pasal 😛 , adventure club lem, leh tui thak siam te poh. 😀
^nick changed lolz
January 19th, 2012 at 3:22 pm
Bailemchhuan kha nuam ka ti thei rap. Chakai kan khawrha, lungpui lianpui chungah kan ei thin. Keini chu. Sachek No1 Rs 5/- ten kan leia ruai kan theh thin bawk.
January 19th, 2012 at 3:23 pm
#Ka chhiar laia ka nuih vur vur chu 😀 kan tih ve hnu vek a ni tlat mai. Heng bakah hian kan in vawmbah thin,kawi chhungah suan kan chhunglut a,anih loh pawn cross-bearing te kan hmang thin.Kawi in vawm keh sak vel kha kan tum ber a ni fo.
#Chuan cross-bow te pawh kan siam thin bawk.
#Ramhnuaiha changelin kan tawlh nasa thin bawk,nuam ve tak a ni,a hunlai chuan.
#Motor lem siam kha nuam kan ti bawk,ram a mi thingtuai kan pu a,a ke tuk chawp te khan kan siam ve nasa,a chhungphum atan mau tanbun kan han hmang ngeiah,tel kan han hnawih zui kha chuan tlan thui ve thei tak a ni,kan handyman te kan han phur ngeiah 😀
January 19th, 2012 at 3:24 pm
kan naupan lai min ti hrechhuak 1997 vel lai kha in vawm chhuah lar hun lai vel
January 19th, 2012 at 3:26 pm
Ka nick ka thlak a, ka arsii a bo daih. U___U
January 19th, 2012 at 3:26 pm
englo pawh kha..hnah hrang hrang kan la a, mi lak loh ang lak tum chi kha 🙂
In hmatawng den kha te, naawalh bawm pen te..haha
January 19th, 2012 at 3:27 pm
bingte sairawkah leh changpat ah leh piring parang kai kum dim diam, tuan ah tuan ah ka se hawl rawh, hawl kim rawh hre thei rawh dim diam ta che tih vel ni ta in ka hria
January 19th, 2012 at 3:27 pm
eu..TSa chuh..ka profile update ve ngei chu a ngai ang..haha..
January 19th, 2012 at 3:29 pm
sakei bu ka luah ka luah, abu zawl ah zan sawmthum ka riah ka riah tih te
January 19th, 2012 at 3:29 pm
eee avai khian ka ching vek, bakah zingtawkah zawngtah awmhunlai kha chuan kan tho a,zawngtah bilhbawlawk kan chharkhawm a kan han invuak chhawk thin te kha nuam teh e 😀 akeh har2 kha champion an nimai thin kha nia,tin, “inpir” kan ti thin bawk emni kha anuamthei teh e 😀
January 19th, 2012 at 3:30 pm
tin dial ah tin dial ah, naktuk ah khua a var anga kan in kawm leh dil dial mai dawn nia, mahni in lam hawi theuh ah tih te
January 19th, 2012 at 3:32 pm
Naupan lai nun hi chen nasa ve pawl tak ka niin ka hria, naupang hi tun thleng pawhin ka lawm 🙂
vanduai-vannei
Hockey kan khelh á¹umin kan tih Goal dan ah kan á¹hianpa á¹awng fiah vak lo, K-a(Nghe-a kan ti á¹hin a á¹awng ang deuhin) a lungawi lova. Kan thah leh tur chiah kha vawi 3 stick kan khawng kauh kauh a, a ball hlap tur kha ka lo thai kawi zauh…ka mit ko ah tak mai min hlap mai chu ka vir hlawm chiang kher mai 😉 Ka mit ko ah hian tun thlengin ser ka neih phah. Mahse mit hmul cut lo chiah2 ania ka vannei.
Ui bulah chhang ka ei a, á¹hu chungin ui in min bial laih a. Pakhatin a duham fal deuha ka ei tur tak a rawn pet mai chu, ka hmui a pet thler tel a, kak thui khawp mai… mahse ka la naupan em avangin ka hmui ser lang lovin ka tissue in a á¹han hnan ta a ni.
January 19th, 2012 at 3:42 pm
#40..Asteric™ chu le(h)… Ui nen in inhnim hnai hle a ni maw.. 😛
Zan thla enga kan inbihruksiak thin mawlh kha, a lo risky awm thin ka ti. Thingkung ah te lawnin, hnim buk hnuai ah te kan biru a. Rul/tit emaw rannung te khan min seh bik lem lo a. Kan haw a, inbual chu sawi loh, ke hmawr pawh sil lo in kan han mu leh tawp thin kha a niaaa(h). Kan rim kha a strong him hiam thin ngawt ang… 😛
January 19th, 2012 at 3:46 pm
Pi leh Pu te hun laia thingfak in dah hlat siak kha a ‘den’ngawt chuan ka ring. Khaw daiah ramsa/sakei te kha an la awm awm si a.
January 19th, 2012 at 3:51 pm
In marble mawlh kha a nuam. Marble hman thiam bik kan han nei ngei ah, tualah vut zingah kan han tal thin ania, thlasik lai te khan kan chat nasa thei ngawt ang 😀
January 19th, 2012 at 3:52 pm
Infiamna sawi takah chuan, PUC-a ka kalve zuaih lai khan á¹hiannu Mathematics Dept. a mi kan neia, college ah chuan chhelo pawl a ni, College Miss nominee ah pawh a hming an rawn puang dum dum a. A tuk lawk ah kei Boxing ah phur thut vangin ka tel a, ani pawh chu kan inzui reng avangin hmeichhe boxing ah tel ve rawh kan tia, ka tel avang chuan a telve tawp. College miss contestant khan Boxing a khel a nih chu..(common lo mai2)…haha…ka T-shirt ka hak tira a hnar a thiphung lehnghal. Kan á¹hian ho kha kan va la ho hlawm tak 😉 . Tunah chuan infosys ah thawk tawha, fb a kan inbiak apiang hian ka hre chhuak ziah…nuih a za duh ngei mai. 😀
January 19th, 2012 at 3:53 pm
Kawrah inbual turin kan kal a, nawalhbawk chauh kengin, mau ah kan han mawt alh phat thin a nih kha. Meizuk ruk lai chuan. Tunlai nawhalh hi chu a chhe daihzel.
January 19th, 2012 at 3:59 pm
@44 Asteric,i sawi chu ka hre rin ran maiah 😉
January 19th, 2012 at 4:02 pm
#41@Dr Mahminga Sailo…nie mawle, ui nen kan in Kiss alawm 😀 mahse ka vannei khawp mai hei, tunah chuan a lang tawh miah lo tluk a ni. nupui te pawhin sawi loh chuan an hre kher lovang tih tur a ni 😉
#46@van damme….i hre khawp ang nang chuan, hmanzan ah pawh Ma Zuala nen kan sawia kan la nui nasa khawp mai. A hmel en khan a inhmeh lo i ti ve fu lomaw 😀
January 19th, 2012 at 4:03 pm
Luikama chirh siam chawpa mawngtawlh kha in uar ve em? A nal thei bawk a, tuiah kan tleng lut burh thin. Mawng thla a lang thla kuar zel maw le.
January 19th, 2012 at 4:07 pm
In lo van hrat hlawm hrawt hrawt ve a…haha!!
January 19th, 2012 at 5:09 pm
In nap leh kalchhet kal khi ka lo hmaih a nih khi.. Chuan a hnu deuhah khan in thriket kan ti thin bawk. Cricket kan khel chu a ni ve ber ang chu;Mahse in thriket kan ti. Run 50 game te kan tia, ball kha khawiah emaw a tan fuh hlauh chuan ball khat lekah pawh vawi 50 chu kan tlan thei mai. Chuan invuakper thi, direct a invawmhlum awih loh tih vel dan pawh kan nei.
January 19th, 2012 at 5:21 pm
Phek thar kai 1aw 1aw ang aw…
January 19th, 2012 at 6:25 pm
ngaihnawm lutuk… lung a leng! ★★★★☆
January 19th, 2012 at 6:56 pm
I sawi ngaihnawm, a lunglen thlak hle bawk.
January 19th, 2012 at 7:04 pm
In vanram leh hremhmun hi kalo hre ve ngailo reng reng. Kan vengah an uar velo aniang. post tha e.
January 19th, 2012 at 7:28 pm
Thawh ve teng-
tawk phawt teh se.
Inkutzungpui buan. Inke sual. Inarpa sual. Inban deh. Bingte sairawkah le. Mual lai zawla a kem naute kan chhawk bikah. Pang aw inzial. Tui pet puah. Ruahsur laia tawlhpanal tawlh. Vaivut a indo. Sairawkherhte a indo. Kaihbu kaih. Vuk vuk vai. Thlawhna lem siam. Hnah chi hrang lak siak. Inbawng sik. Inarpa kal siak. Intlan siak. Lung invawm thui siak. Chempui in eh. Inthlar. Hnung a hmawlte dah (tunah chuan inartui an ti). Inchai. Inbuan. Insaihrui pawh. Veng leh veng inrun. Mi inchung vawm.
tren tren.
January 19th, 2012 at 7:32 pm
Ka hriat ve ngai loh a va tam ve!!
Naupan lai hun kha koh kir theih ka chak thin mange.. I post chuan lung a ti leng alawm le.
January 19th, 2012 at 7:33 pm
Inbihruksiak hian Aizawl lamah chuan, “I tiam em,” kan ti lauh lauh thin a. Lunglengah ka zuk tel ve chu, “I kuk (kook) em” an ti ta daih mai a, ka insum zolo ka nui chhuak, min hmu rang ngei mai. hairehai
Kahpuk hian kan indo nasa thin. Kam sir pan tep tepin lehkhapuan kan thial ….
Gari khalh: hi thirsakawr wheelrim hi kan khalh nasa thin mai. Anih loh chuan jeep part,a gear hnung a wheel kha(?) a hming ka theihnghilh daih.
Sairawkherh a indo kan hrat, thal a indo te. veng leh veng insual te kha kan infiamna ani thei bawk awm e a
Inchai/inbuan kan hrat thin hle bawk.
January 19th, 2012 at 7:42 pm
Insanghar ar lak.
tren tren.
January 19th, 2012 at 7:54 pm
@Asteric,a hmel en nen chuan inhmehlo tak a ni,mahse alround deuh hi a tha ve lom
January 19th, 2012 at 7:59 pm
Tha hlawm in lunglen thlak hle Mai!
In perh luh chhiar hi kan fate chuan in panga-sawm an ti daih!
#32 in in vawm chhuah hunlai 1997 vel a tih hi kha tih lai khan an la ching a maw ni le? Keini chaun early eighties vel khan kan ching. Kahpuk bakah hian kahchik pawh kan ching, mahse water pistol kha arawn chhuak ve leh nghal deuh mai. Lunglei lamah chuan in bihruksiak a ‘chang ‘ tu hi ‘tuk’ tu an ti tlat in ka hria. Tawlailir bak ah hian chartin bung hi a thutna kan kilh bet a, a hma lam hi kan suihpir(?) a tlawh chhan tur kan kilh bet leh a, awih deuhah kan tawlh vak thin. Kekawr mawng a tet duh rap thlak!
January 19th, 2012 at 8:37 pm
Lung i va ti leng e, keimah chauhin ka chhiara ka nui vur vur mai, kan naupan lai ka hre chhuak uai uai mai.
Gari kher kher hi chu ka khalh thiam chiang lutuk, thin hoah pawh a daisir thei pawl ka ni ve ngat. insawitheihna pawh nilovin.
January 19th, 2012 at 8:48 pm
Kan thianpa pakhat pawh kha a tawlailir a chak lo/lir duh lo lutuk a, kawng chhukah kan khalh ho a, a handy man hnenah a rukin ‘pawt ang deuhin awm la, nawr ang che’ a ti mawle. A mah pawh a la dam.
Lung ti leng post a ni e.
tren tren.
January 19th, 2012 at 9:02 pm
Tlangsam bawhbet pawh
January 19th, 2012 at 9:20 pm
@lamea #9 janata biri leh dan hill tih emawni, rs 2.50 man kha kan zu thin.
@Dr.Mahminga#2o inkawibah i sawi khi inhnawk a ni mial lo maw?
@Vandamme#31 invawmbah khi a hming chiah ka hria a, kan tihdan ka theihnghilh daih tawh.
Inbihruksiak dawna a changtu tur kan zawn dan pakhat chu ‘Ui ek pherh ui ek pherh, hnam tawm, zinga ui ek pherh’tih hi vawi thum kan sawi rual a, a vawi thumna ah chuan a tawpa pherh tih tel loin ‘hnam tawm zing a ui ek!’ tia tawp chat tur a nia, ‘pherh’ lo ti zauh an awm chuan an chang thin. Pakhat aia tam an awm chuan an ti tha leh a, vawi nga te vawi khat chauh te an sawi a, ‘pherh’ ti hnuhnung fal ber kha a chang a ni mai!
January 19th, 2012 at 9:24 pm
lung i ti leng chiang , kan sawi belh ve loks ,tengtere mu pen . ram kal haw kawng a daithut siam ( a khur ah kan e ngei a
) leh phaitualhnim sei chi inchhuih awh (awk) na a tan a suih . inhmawlhte pir , sephung insik tir te kha a va nuam ve thin mai mai . . ramhnuai ah ramhrui kan chhawk a kan uai thin . a zam ngheh loh chuan a then thui lai in an duk zuk thin te kha aw . .
January 19th, 2012 at 9:30 pm
Daithut tih khi ‘tlak-hawlh’ kan ti thin. A chhunga thil tuihnai vak lo dah phei chuan puitling ho an sa thei rapz.
January 19th, 2012 at 10:24 pm
Rubber khelh dan hrang hrang ka hriatte – chhem luh & chhem chhuah, chhem delh & pen / pir delh, kahthlak, theh luh, pawh chhuah.
January 19th, 2012 at 10:24 pm
In thut det, in chet loh siak..thuthleng in chuh..MI THEI RUK..
January 19th, 2012 at 10:27 pm
Thak thing zuk.
January 19th, 2012 at 10:31 pm
hmeichhe version ka la rawn ziak ve ang.
January 19th, 2012 at 10:33 pm
lunglenthlak hle mai a, a vai khian ka hrat vel vek thin, abikin In theng kah (in-threng-kah), In kahthlak leh inhawngbi kha nuam ka la ti deuh ber mai
10-na khi sikret bawm ruak kan va zawng nasa thin tak.. marble perh kha chu ka thiam thei thlawt lo
Buk sak te mawlh kha..
7-na boss leh kid te an han awm ngei a, insual lah kan insual nasa
55Chhuaklinga sawi ang khian skul bana mi inchung vawm kan ching thin hle bawk
a tam mai, tunlai gen chuan amika mak pawh an hre tawh lo ang
lunglenthlak zawk..
January 19th, 2012 at 10:47 pm
lunglenthlak…
January 19th, 2012 at 11:04 pm
Phantom-a sikret kan zuk khan kan intithei vel thin khawp bawk tak mai.
January 19th, 2012 at 11:18 pm
in zun thui siak
January 19th, 2012 at 11:35 pm
In ngalkar.
tren tren.
January 19th, 2012 at 11:44 pm
Tawlailir-ah khan kan u te’n min phur thin a, pakhat(a hming ka sawi ngam lo :)) kha chuan kawng kawi leh chhuk lai ber maiah khan min han zuanthlaksan thin mai a nih kha, DEN THEI REM REM!
January 20th, 2012 at 12:03 am
eehe..Lung a van tileng tak,naupan lai min ti hrechhuak alawm le..:-D
ka naupan lai chuan n rubber zuan ah leh inkawibah ah min tranpui an hreh thei lutuk..,ka thiamlo thei bik lutuk a… haha.. ka out hmasa ber ziah zel..chuan kawng sir ah Ka uite te ho nen thu chungin kan lo en thin..nuam ka ti ve thei lutuk..:-D
January 20th, 2012 at 2:25 am
In nupui pasal a, intih lem lem, ha hai..
Pastor pakhat pawh a bial fanna ah a nupui a hruai a, a kalna khua a pa pakhat nen khan annu chu an inbe chiam a, a hnu ah “kan nu nen inlo inhria elo”
” kan inti lem lem thin a”
January 20th, 2012 at 2:34 am
#78 ka sawi ngam loh tha tha i lo sawi. Naupang mut huna sawi atan i khek emawni zawk?
January 20th, 2012 at 2:37 am
ahooma_
In nupui pasal a khi chu ka ReMpy in a sawi daih tawh..a tui zawng ania
January 20th, 2012 at 2:40 am
‘kan inti lem lem thin a’ a hit bawk sia, ka type zawng hian engtin emawni ka awm bawk sia..
January 22nd, 2012 at 1:30 pm
[...] balu a chen, inhawngbi, inhruizuan, drama chan, inzirtir lem, daktawr leh damlo, laphiar, post hmasa lama sawi tam tak te nen. Pawnto kha chu khan ching em em lo a, mahse “Tin dialah” kha [...]
February 17th, 2012 at 12:34 pm
A lunglenthlak hle mai!