“Love Story” tiin hmaaaaanah ka paws tawh, senior deuh-ho chuan in ka hre mah na. Pa zaidam leh mi tha tawpkhawk nia ka hriat, an nupa intawn tirh – an inneih – an indawmhlum thlenga ka buaipui ve, kum naupang tea nupui sun, chu a tawrhna avanga zu leh khawvel thila tlan ta chiam – ka thianpa tana ka phuah a ni. A thu ka siam danglam deuh nial a, (paws awm loh manah) ka han vawmlut leh ta rawih e. Sêl duh tan pawh sel thiang… 
(Amah lah, thin leh chawkawng cancer avangin tunah hian damdawi inah enkawl mek a ni a, a khawvel hun hnuhnung a hmang mek niin ka hria. Dam chhuak leh hram se tia duhsakna nen…)
Thaikawi mai duhkhawp lo a,
In rûn~sang ka kai ni khan –
Fet zetin ka kuah che a,
Âm takin ka fawp che a;
Lungmuanga ka áwm nghengin –
Ka zak éee… i tih ni kha…
Hun leh ni lo liam zel a,
“Tiam tlat e” kan tih ni khan –
Nghet takin ka chelh che a,
Dim tè~a min kheuh rual a;
Lunglawm meng mawi lang si a –
Ka zak éee… i tih lai kha..
Lawi that zan a lo thleng a,
I par~thiang ka thliah zan khan –
Thlahlelin ka khâl che a,
Duhthawhin ka chúl che a;
Maimit chhing thaw halh chung a –
Ka zak éee… i tih zan kha…
Fanau ril~rah chawi tur a,
Damna Rún kan kai ni khan –
Dim tè~in ka kai che a,
Chhel turin ka chah che a;
Sehsam ná pawh sawi lo a –
Ka zak éee… i tih ni kha…
Pialral zinkawng zawh tur a,
Natna khum i belh lai khan –
Cancer dam tur ti chein,
Lungchhiain ka hnem che a;
Zun êk thiar sak ngaih vang a –
Ka zak éee… i tih thin kha…
Rauthlain min thlir teh la,
Fam zun ngai nun khawhar hi –
Thliah chháwl iang ka chuai zo ta!
Nuimawi chhuah kimki sêih a;
Ngaihno bei âw~mawi ngei khan –
Ka zak éee… han ti leh la…
(Y)
January 30th, 2012 at 11:36 pm
Awke in in la lian phawt ila chuan duh tawkin kan la luangliam dawn ania (wahtever that menas
)… ka mumanng pawh a awke zo tawh ania..awke awke …mila kunis thlak pawh ka hmu awke zo vek awke awke
https://www.youtube.com/watch?v=J1leirtLN5c
Report this comment
January 30th, 2012 at 11:54 pm
Awke… Feb thla tawp emaw, March thla tir velah emaw tuna ka man khawl sa hi ka han trip chho dawn… min zui dawn em? 500g aia rit thah pui 5 a nia aw…
Report this comment
January 31st, 2012 at 8:04 am
A mawiin thinlung a fan ngei mai
Report this comment