Naupan laiin Shillong lamah lehkha zirin ka awm ve ṭhin a. Hetih lai hian The Beatles leh Abba an lar hle ṭhin. Chutiang karah chuan keini rualho zingah “Penpal” neih kan intihhmuh ṭhin hle bawk.
Penpal (Kar hla ṭhian) kha tunlai Facebook ang deuh ani ber awm e.Ṭhiante ṭhian kan ṭhian ve leh chhawng a. Tin, magazine-ah te khan ‘Penpal column’ a awm hrang thliah ṭhin.
Tichuan, Penpal chu midang ang bawkin ka nei ve ṭhin a, ram hrang hrang stamp khawn khawm kan uar phah viau nghe nghe bawk. Lehkha ziakna puan cheimawi tak tak chu dawrah kan lei ṭhin a. Lehkha-ip (envelope) pawh kan duh uluk ve ṭhin viau a ni. China, USA, UK leh hmun hrang hrang ami te nen lehkha kan inthawn kual a, piancham thlengin kan inhriatsak bakah lawmpuina dawng hman tur ngeiin lehkha kan inthawn ṭhin. USA leh Japan aṭangin present thawn (chocolate ilo) an peih viau ṭhin.
Penpal tur a kan duhte hnenah chuan tia’ng deuh hian English thiam ang tawk tawkin bul kan han ṭan a:
Hello …,
My name is …. and i am from… and i am … years old. My hobbies are…I saw /got your address from… and i hope we can become friends…”
Hetiang a bul kan ṭan hnu hian min rawn chhan chuan kan in be chhunzawm ta ṭhin a. Thlalak te inthawnin kan chanchin kan inhrilh chho zel a, inngai tawn takin alo awm ve theih viau ṭhin a ni. Inbetlang thei reng kan nih loh vangin an mi chhanna a ngahhlelhawm ṭhin viau mai. Mipa leh hmeichhe inkar lehkha inthawn anih chuan lehkha-ip (envelope) chhinah khan “Open with a smile” tih te kan ziak tel bawk ṭhin a. Lehkhaah chuan perfume te kan phuah nam châng pawh a awm thin.
Hetiang ka “Penpal” neih hmasak ber chu Florida ami niin ka hria a, tun thleng a ka thian ni zui ta chu Alabama ami, Cassandra niin, an chhungkua nen pawh thiantha (family friend) kan ni chho ta zel mai.
Khang hun kha chuan kan social network (ang) a ni ve ber mai a. Chutiang a lehkha dawn hun nghak a thlahlel tak kan nih laiin thenkhat chu nupa hlim takah te pawh an inchhuah fo thin reng a ni.
Hetiang thil hian mihring rilru chhungril thleng maiin alo khawih thei hle tih chu he hlathu hian a sawi chiang viau awm e.
Kawlvalenchham a leng thian duh tak
I tan thaikawi biahthu ka rawn tir a
Aw sakhmel tawnni her lo,
Mahse i hlimthla thlirin
Thinlaiah aiang i cham reng e
Van dumpawl leh boruak thiang karah
Awmhar kan run riangte ah hian maw
Kei lungmawl hian lung chimten
Ka dawn vawng vawng thin che a
Sakhmel tawnni awm silo ka thian
Sakhmel tawngloh kar hla thian
Kan kar lamtluang a thui vawng vawng
ka thinlung chhungrilah
I chamreng aw ka thian
Thaikawi biahthu ka hlan tawh che a
I thaikawi biahthu min hlan ve la
I sakhmel mawi leh anka mawiin
Lairilah a fan ngei e
Engtikah tawnni her ve ang maw?
Sakhmel tawnloh karhla thian
Kan kar lamtluang a thui vawng vawng
Ka thinlung chhungrilah
I cham reng aw ka thian
(repeat 2nd last stanza)
January 30th, 2012 at 8:02 pm
.
Report this comment
January 30th, 2012 at 8:06 pm
Ka ngai em a che..
Report this comment
January 30th, 2012 at 8:09 pm
ka Stamps post khan a inspire chiang
Report this comment
January 30th, 2012 at 8:11 pm
Penpal – school kallai min ti hrechhuak, lung a leng e
Report this comment
January 30th, 2012 at 8:14 pm
SHS,lunglei atangin ka roll no. address in lehkha ka dawng nawlh mai a, kan sikul peon in class-ah mitam thep thawp laiin lehkha ip mawi ang reng tak mai min rawn pe, a thawntu hmeichhia alo la ni zui…………. a tukah sikul ka la kal ngamlo vel…… hahaha
Report this comment
January 30th, 2012 at 8:15 pm
Penpal, lunglenthlak lutuk.
Tunah chuan kan awmdan leh tihdan te a dang zo ta, ka mispal vek in ni e.
tren tren.
Report this comment
January 30th, 2012 at 8:20 pm
I lung a leng chiang..
Radio hlathlan-ah khan he hla hi a lar thin khawp mai. La lar tak ang maw
Report this comment
January 30th, 2012 at 8:27 pm
Petera aw chu hriat a va khat ve….lunglen thlak hle mai
Zai hri hrimah chuan, i zai thiam zawk ka ti…:-D
Report this comment
January 30th, 2012 at 8:32 pm
@Ruata Pachuau, kei pawh i tawn ang deuh chiah khian Cl – X kan nih laiin ka tawng tawh. Post Man-in kan teacher a rawn berbawr sur sur a, ka roll number a rawn lam ta lauh mai a. Pen Pal-a min rawn zawn risk na a lo nia, Due-in a la rawn thawn zui. ‘I khul dawn em?’ min tia, an lo nui dur dur leh nghal. Sen tawn tawnin ka’n khulh ve tak ngei kha. Kan inchhang let ve zeuh zeuh a, tunah chuan ka hre zui ta lo.
Report this comment
January 30th, 2012 at 8:50 pm
PC atangin ngaithla tengs…
Report this comment
January 30th, 2012 at 8:51 pm
Kawnga i hriat khawp kha a, tuna in nu hi i pen pal chhass a ni lawm ni.
Report this comment
January 30th, 2012 at 8:51 pm
Lehkhathawn ziah ka peih ang hu hian Pen Pal tak hi ka nei miah lo a ni awm e. Bialnu deuh reuh thian deuh reuh bawk si kum hnih dawn ka nei a..chu erawh chu lehkha-in ka chhu ngun tluk tluk khawp mai. Tun hnu hian khang lehkhathawn te kha ka chhiar leh chak a.. Tawngkam hi kan bei duah ve thei sia.. Khung khawm awk tham chu kan inthawnin ka hria. A mi chhanna pawh thulmawngah eh! Suitcase mawngah a hlawmin ka hreng hrang a..ka la dahtha ve khiau a nia
Report this comment
January 30th, 2012 at 8:55 pm
Hei Coolsoul chu chu. chu ngei chu rawn phawrh nghal rawh. kann chhiar chak a nia. This is not a request. Its an order..ha ha…
Report this comment
January 30th, 2012 at 8:56 pm
Lehkhathawn ziahnan khan onion skin, a paper chuar nem deuh chi te kha kan hmang vel thin a…haha, a lunglenthlak hle mai. Scrap book siam lai te
Report this comment
January 30th, 2012 at 8:56 pm
khi hla khi kan sa ang e, lo ngaithla ru.
Report this comment
January 30th, 2012 at 9:00 pm
Penpal tih tak ah chuan lungte pawh aleng dawn lam le… Hmelhriat ngai miah loh hnen atangin lehkha han dan nawlh chu.. thiante lak ah chuan lan hawi lalh lalh bik thei ani
Report this comment
January 30th, 2012 at 9:03 pm
@14, Slam book i rawn sawi a…lolz..a nuihzatthlak riau. Mahni tawka inlak theng thawng theih ve teh reng nen khan Slam Book kha ka nei tlat bawk a. A chei chu ka chei tur ve khawp mai a..College-ah maw le!!!! LOL..Lady Keane lam te , St. Marys nula ho te pawh ka ziahtir liau luai a..A hnu lama milar ni chho ta te pawh an awm ve a…tawngkam ui lo taka ka laka an chhakchhuah changchawi hian engtikah emaw chuan ngenngawl takin ka la rikrap hlawm ang maw le
Report this comment
January 30th, 2012 at 9:03 pm
@14, Slam book i rawn sawi a…lolz..a nuihzatthlak riau. Mahni tawka inlak theng thawng theih ve teh reng nen khan Slam Book kha ka nei tlat bawk a. A chei chu ka chei turu ve khawp mai a..College-ah maw le!!!! LOL..Lady Keane lam te , St. Marys nula ho te pawh ka ziahtir liau luai a..A hnu lama milar ni chho ta te pawh an awm ve a…tawngkam ui lo taka ka laka an chhakchhuah changchawi hian engtikah emaw chuan ngenngawl takin ka la rikrap hlawm ang maw le
Report this comment
January 30th, 2012 at 9:08 pm
Lehkha thawn kan ziah ah khan hla thu thlum deuh ziah tel kha kan hrat ngawt mai…tun hnu a ka ngaihtuah let hian hlawp hlawp a ka ti fo. Tunlai mi te chuan an ten zawk ngawt in ka ring
Report this comment
January 30th, 2012 at 9:17 pm
Thil reng reng hi a hunlai a awm ve alawm. Envelope hman bik han neih lai te kha a lunglenthlak. Penpal kha, a roll number a zawng te khan kan va uar tak. Lung a leng.
Report this comment
January 30th, 2012 at 9:21 pm
Penpal vel kha hmeichhe tih tur ah ka lo dah ngawt pek a.. NO
Report this comment
January 30th, 2012 at 9:23 pm
Report this comment
January 30th, 2012 at 9:32 pm
Nia, lung i ti leng laikairawk! Class-V ka nih laiin Lunglei lam atangin ka dawng ve , Modern English School Class-V, Roll No-22 a rawn tia, VL Hmangaihzuali, Lunglawn tih pawh ka la hria. Lungleia ka awmna lah a rei ve ta, a in kai bawr ve nasa tawh ngawt ang chu. La dam tak maw? Heng site te hi thlir ve tak ang maw?
Report this comment
January 30th, 2012 at 9:37 pm
Keichu face to face hian min rawn facepal thin..
Report this comment
January 30th, 2012 at 9:46 pm
Hahaha, lamji kan thawn hmasak pawh ni lova han dawn nalh mai kha chu nuam ve deuh a nia aw.
tren tren.
Report this comment
January 30th, 2012 at 9:55 pm
Lung i van tileng ve, ka lehkhadawn ho ka la dahtha tak asin. Tunhnu a han chhiar leh hian mahni chauha nuih vur vur a awl luttuk
Report this comment
January 30th, 2012 at 10:28 pm
Ka lung a ti leng pha ve chiah lo nain, a hla chu ka bel ve khawp mai. Tape Recorder-ah ka ngaithla ve thin.
Report this comment
January 30th, 2012 at 11:02 pm
Peter a hla “Thuampui” tih emaw ni kha a nalh ka ti…
Pen pal ka nei ve ngailo a, in sawi danin a nawm viau hmel hi…..
Report this comment
January 30th, 2012 at 11:10 pm
Kan naupan lai, Pawl engzat nge kan nih ka hre tawh lo, hian Lunglei rahsi veng aṭang, a class rualpui leh Roll no. milpui chiah nihna angin letter a rawn thawn a, hmeichhia a ni nghe nghe. Letter kan la dawng ngai si lova ka ṭhian te nen kan chhiar a, thawn let ve kha a phut tehlul nen ṭhiante hovin a hming an lo chhinchhiaha min chhaih nan an hmanga chhanlet ka tum pawh ka ṭhulh phah in ka hria
Post tupa chu Pen-Friend nei changkang bik hle mai, an hausa ni ngei ngei ang
Report this comment
January 31st, 2012 at 12:03 am
A ngaihnawmin a lunglenthlak mange, penpal ve hman lo mah ila…
Report this comment
January 31st, 2012 at 12:07 am
Ho em mai pen pal tih vel. Te ka tia…
Report this comment
January 31st, 2012 at 12:09 am
Report this comment
January 31st, 2012 at 12:13 am
Kei chu pen ka nei thin a pal erawh ka nei ngai lo hahahah
Fountain pen,wingsung pen ,sherfar pen etc hahaha
Report this comment
January 31st, 2012 at 3:12 am
aduh #3 a dik lutuk. Ka lung a tileng em a ni e hairehai
Report this comment
January 31st, 2012 at 9:17 am
Penpal hi pawl 8 ka nih atangin sap tawng zir nan ka nei ve ngial thin. The Teenager magazine (Allahabad lam chhuak) kha kan han subscribe ngei ah ! Lung i ti leng e.
HV, in khaw lamah kan chhungin kan awm, zanin pawh Washington DC (Hilton) atangin ka rawn online ve a nih hi.
Report this comment
January 31st, 2012 at 4:10 pm
Lemonvale #35 contact no. vangchhia@gmail.com ah min lo hrilh thei em?
Ka chau deuh a ka muhma alawm mawle …
Report this comment
January 31st, 2012 at 6:43 pm
Ka lung aleng
Report this comment
August 14th, 2015 at 5:50 pm
adult dating, adult personals, chat, chat online, chat room, contact, dating, dating chat, dating service, dating site, free chat, free dating online, friend finder, friends, friendship, gay, girl, girl friend, girlfriend, guy, hot girl, hot guy, hot…
[…]Kar hla thian | mi(sual).com[…]
Report this comment