Nizan (February 1)dar 9 vel atang khan Saiha Bazar veng New Market area-ah kangmei a chhuaka in 20 vel chu a kang tawh niin thudawnna chuan a sawi.
Saiha inkangah hian naupang pakhat a kanghlum niin hriat a ni a, engmah thuchiang hriat theih ala nilo. He chanchin ka type lai mek hian indang a mankai belh mek zel a, kangmei chhuak hi thelh ngaihna a awm lova, indang kang kai zel tur theih ang angin veng ve mahse kangmei hi a chak em em a, gas a puak reng bawk si avangin a mangan thlak hle niin an sawi.
Kangmei chhuakin a man kai hlauhawmah in tamtak a la awm a, bungraw thiar chhuakin an buai hle. Kangmei chhuah chhan hriat theih ala ni lo. In kang te hi Assam type deuh vek an ni hlawm a, kangmeiin aman kai leh mai hlauhawmah concrete building pakhat chu a awm mek bawk niin thu dawnna chuan a sawi bawk.
– Vanneihthanga Vanchhawng
pic via Miriam Colney @FB Chanchinthar
Similar Posts:
- Republic in kang?
- Bethlehem veng leh college vengah misual an che kual..In pakhat bike 8 leh car 4 hal..
- Pu Thangruma In kang senghawi hnatlang neih a ni
- Bawngkawnah dawr pariat kang ral vek!
- In kâng thu thar
February 2nd, 2012 at 2:30 am
Oi ha van’ poi
Report this comment
February 2nd, 2012 at 2:32 am
A rapthlak hle mai! Chhungkaw in, a chhia emaw a tha emaw, a han kang duai duai mai tur chuh! Rilru ava na duh dawn ve le….!
Report this comment
February 2nd, 2012 at 2:34 am
A va pawi em.
Report this comment
February 2nd, 2012 at 2:43 am
Chhiatna rapthlak tak a ni e. in 32 vel a kang ral a, mihring chin hriat loh hi rilru lam a chiang vaklo 1 leh naupang 6 vel nia hriat a ni.
Report this comment
February 2nd, 2012 at 3:50 am
Huiham
via Mami Ralte (from saiha) : Hriat theih chinah in kang chhia ( Complete damage) 32 a ni a, Mi chin hriat loh naupang 6 leh mi pangai chiah lo 1 an awm mek. ( Tanpuina hna thawh mek a nih a vangin thu thar a awm reng a,news hi a danglam reng bawk)
https://i41.tinypic.com/2enygqu.jpg
Report this comment
February 2nd, 2012 at 4:02 am
Mut san a har ngei mai! Engmah lah chu kan ti ve thei si lo!
Report this comment
February 2nd, 2012 at 4:23 am
A rapthlak ka ti ngei mai.
Report this comment
February 2nd, 2012 at 4:31 am
A zialo hle mai, chhungkaw pakhat tuar pawh a ritsak awm tehlul nen chhungkaw 20 chuang tuarna chu chhiatna lian tham tak a ni.
In kang tuar chhungkua te hian “khawvela kan awh em em in ṭha leh hausakna hian chatuan min thlen dawnlo a ni” tih hi an hre chiang duh zek a sin.
Report this comment
February 2nd, 2012 at 4:41 am
Haitei Khawlhring — Chhungkaw rethei tak takte an ni hlawm si. Nutling mangang min kuaha an ṭap ngawih ngawih kha.. Ka bengah a châm reng. Naupang kum thum mi vel, kawrlum pawh ha hman lo, kekawrte pawh ha hman lova khûr te kha.. Muthilh a va har em!
Saddddd!!!
Report this comment
February 2nd, 2012 at 4:46 am
Thenkhat chu tui taka muhilin an hnar bawrh bawrh ang a,
Saiha-ah erawh mangang leh lungchhe takin an ṭap hawm hawm si.
Thenkhat chu an vanneihzia pawh inhre lovin thianghlim lo takin he zan hun hi an hmang liam ang a,
Saiha-ah erawh chuan an vanduaina chuan khawchhung a tirûm a, a ṭap chuah chuah awm si.
Thenkhat chu mahni inchhung lum nuam takah, mahni khum nuam taka an mu mek ang a,
Saiha-ah erawh mahni inchhunglum tlansanin khawlaiah thlabarin an ṭap si.
Ka ṭah a chhuak!
Report this comment
February 2nd, 2012 at 4:55 am
Kangthelh motor lah chu Minister ten an tui chawinan an hmang vel mai mai thin sia
Report this comment
February 2nd, 2012 at 7:25 am
a va rapthlak ve le . .kangthelh department lam te pawh an che hleithei lo a ni maw ? a rapthlak hle mai . .vanduaina tawk te i tawngtai pui ang u .
Report this comment
February 2nd, 2012 at 7:37 am
A va pawi em ve aw! Ka lainat hlawm lutuk.
Kangmei tuar te pualin bawm kan hung leh dawn lawm mi…Mizo kan nih kha mawle!
Report this comment
February 2nd, 2012 at 7:53 am
Tukin LPS ah khan in 22 vel a kang a ti in ka hria. Thi erawh an awmlo angin an sawi.
Report this comment
February 2nd, 2012 at 7:59 am
Saiha lampang atanga an sawi danin chhungkaw 40 vel chenna (in 40 tihna ni lo) a kângral vek a ni awm e.
Report this comment
February 2nd, 2012 at 8:12 am
A Rapthlak takmeuh mai a.Nunna chan ho chu anmahni leh an chhungte ka va khawngaih em. National/State Disaster anga puan a, Hma lak vat a ngai anih chu.
Report this comment
February 2nd, 2012 at 8:19 am
A va han pawi thin em aw,kangmei hi chu a mi khawih dan a danglam tlat thin.
Report this comment
February 2nd, 2012 at 8:48 am
A va zialo thin tak em…Pathianin awmpui theuh rawh se.
Report this comment
February 2nd, 2012 at 8:52 am
a pawi khawp mai he thil hi ka tawrhpui khawp mai! Pathian chuan awmpui mawlh rawh se
Report this comment
February 2nd, 2012 at 8:56 am
An khawngaihthlak mang e.
Report this comment
February 2nd, 2012 at 8:59 am
February 29 kum kha engkum nge kha aw? Kumin chu chhiatna rapthlak mak pui pui kan tawng hnem ta riau mai.
Road roler lirthei zawng zawnga muangberin mi a chilhlum a, JCB hnunglam kutin mipakhat ahnek hlum ringawt tawh bawk. Kanghlum an awm ta nual bawk nen. Lo hal an hun ang a, engtinngemaw kan awm dawn le.
Report this comment
February 2nd, 2012 at 9:31 am
Pc-a Feb 29 awm kum chu 2008. Kum 4 danah zel.
Report this comment
February 2nd, 2012 at 10:56 am
Misual thil tih ni awm a sawi te awm a . thu chiang zawk hria te kan awm em aw ? .
Report this comment
February 2nd, 2012 at 11:05 am
A va han rapthlak em. Mihringte kan derdep zia leh kan rosum te hi zankhat thilthu a chan mai thei kan nihzia ka thinlungah a chiang nawn hle mai. Vanduai chhungte Lalpan thlamuan mawlh teh se.
Report this comment
February 2nd, 2012 at 11:10 am
Disaster Management lamah khan sawrkarin sum a seng hnem bawk a, enge helama an hmalakna hriat a chakawm ngei mai.
Report this comment
February 2nd, 2012 at 11:15 am
A va han rapthlak ve
Report this comment
February 2nd, 2012 at 11:30 am
A va han pawi tak em. Nunna chante mawlh khi a zialo, an chhungte ka khawngaih lutuk.
Heng building hi an insure hlawm awm si lova. An chan tur a harsa dawn ngawt mai. Ni pangai ah pawh Saiha lam hi an khawsak a harsa reng reng. Transport man to vangin thil man an chawi sang hle nghal phawt a. In sak man pawh a tam duh ngawt ang. Chutih kara in tam tawk kang chu sorkarin nasa taka tanpui an phu ani. Theih se chuan kangmai laka in chante hi Rs. 500,000 theih tal, nunna chante chhungkua tan Rs. 10 lakhs theuh. Sorkar motor hmanna lama pawisa an khawhral ngaihtuah chuan hetianga tanpui chu ‘small change’ ani mai.
Report this comment
February 2nd, 2012 at 12:01 pm
A va han rapthlak ve le aw…
Report this comment
February 2nd, 2012 at 12:19 pm
A rapthlak khawp mai. Nikum January 9, 2011 ah pawh khan Saiha bulah, ECM Centenary Bus electric man avangin Bus chhunga chuang mi 9 te an thih leh tawh kha. Nizana Saiha Bazara Kang mei chhuah chhan hi 23# Maya sawi ang khian “engemaw chu sawi a awm a, hrechiang tak niawma insawi pawh an awm a ni awm e” mahse, thil a chian hma hi chuan ngawih hi a tha ber. Kang mei hi amah chuan a chhuak ringawt lovang tih hre phawt ila. Pastor 2 te in pawh a kang ral vek…Thil mak leh dawn ti-thui tak a ni. Pawi em mai Pathianin awmpui-in thlamuan mawlh rawhse.
Report this comment
February 2nd, 2012 at 12:39 pm
A va rapthlak ve fire department an awmlo ami. Kan fire department hi thuam that a tih len a ngai hle anih hi. Firefighter ang hian training te uluk takin nei ve sela a tha. Hetiang chhiat tawh thut a in venna lamah hian kan pa chhe hle tih a lang chiang hlemai.
Chhiat tawh loh laia an eiruk leh in thlahdahna kha chhiat tawh hunah kan tuar nasa te ti ngawt ila an eiru awm bawksilo a.
Report this comment
February 2nd, 2012 at 12:45 pm
Pi aduh@ lip year kum an ti a mi kha, February 29 awmtum kum kha. kum 3 danah emaw ka tia, a 4 zawk e law. Kan upa veta a ni. Khawvel chhuahsanin Reiek ah ka kal daìh dawn a mawn le.
Report this comment
February 2nd, 2012 at 1:10 pm
@Pca, Leap year.
Report this comment
February 2nd, 2012 at 1:13 pm
Pk@ tun kum hi a ni tiraw, leap year.
Report this comment
February 2nd, 2012 at 1:22 pm
Thiante u, kei ber hian he thil rapthlak hi tunah chauh ka lo hria a, rapthlak tak a ni. A tuartute hi kan chhungte, thiante leh hmelhriatte an ni hlawm a, pawi ka tih tak zet a ni. Ka thrianpa min hrilh dan in, fire department in fire engine pakhat chu an nei ve awm a, mahse tui an nei lo avangin an che hlei thei lo, a ti. Nunna chan an awm lo va, hliam erawh an awm nual a, damdawi-in ah enkawl mek an ni. Hlauthawng tur erawh an awm lo, ti in ka thianpan min hrilh.
The Doctor @ 29, Bus electric man chungchana “ECM Centenary Bus” i ti erawh hi i hre sual deuh in ka hria. ECM Centenary Bus ni lovin, private bus a ni e. ECM Centenary Bus ni thin kha private travel operator in a lei a, private bus a ni tawh hnu a accident tawk a ni e.
Report this comment
February 2nd, 2012 at 1:30 pm
Misual thiltih a ni a, a titu pawh an man tawh a ni awm e…in kang thlang ber luahtu mipa zurui, Saikhamakawn lam pang mi a ni e tih thawm te ka hria a
Report this comment
February 2nd, 2012 at 1:57 pm
Thanks 34# MaraHisbicus, i sawi dik e, mahse ka la tisual chuang lovin ka hria, a Bus hming ka sawi mai a ni. Phone-in ka han confirmed thlap e. ECM Maraland Gospel Centenary Bus kha private-in an lo lei tawh a lo ni e, mahse, Bus hma lamah langsar takin “Maraland Gospel Cenetenary” tih inziak chu a la intar reng an rawn ti, hah, a “Bus hming” chu a ngai reng a, a “neitu” erawh an inthlak ni mai awm a ni! hah,
Thil titu an sawi hi lo dik pawh nise, tawng hi i fimkhur ang u. A chhungkaw mal emaw, a khua emaw, a chi leh hnam zawngin tawngkam i cheh lovang u.
Ka lo hriat ve dan chuan, amah hi pianphunga rual ban lo a ni a, a rilru pawh mi a ang zan lo ni-awm a ni. Hetiang thil rapthlak tak hi tih-luih vang renga a lo ti a nih pawhin, a khawngaih-thlak viau zawk a ni. Hetiang ang taka thil pawi hi a thlen a ring bik lo mai thei a ni.
Report this comment
February 2nd, 2012 at 2:46 pm
A va pawi rapthlak em! Sad sad…
Report this comment
February 2nd, 2012 at 3:16 pm
A video te kha an rawn post a, ani deuh tak tak em ni?
Report this comment
February 2nd, 2012 at 3:31 pm
Khaih aaa… a va rapthlak ngai ve.Chhiattawk chhungkua te Lalpan awmpui rawh se.Mizo mipui tanrualna hun tak a nih hi.
Report this comment
February 2nd, 2012 at 4:04 pm
A va pawiin a va rapthlak em. Chhiat tawkte zawng zawng Lalpan thlamuan rawh se.
A chanchin hre chiang deuh khan han update zel teh u.
tren tren
Report this comment
February 2nd, 2012 at 5:40 pm
According to DIPR Mizoram website.
SAIHA NEW MARKET BAZAR-AH KANGMEI CHHUAK
Nizan dar 10 : 00 vel khan Saiha New Market, Bazar veng-ah kangmei a chhuak a, In 29 chhungkua 49 luahlai chu a kangral vek a ni.He in kangah hian Dawr bungrua tamtak kangral in, vawk sum ruk pahnih a kanghlum tel bawk. Kangmei chhuak hi Fire Department leh mipui ten theihtawp chhuah a thelh mih an tum hnu in pawi nasa zawk khawih lovin he kangmei hi thelh mih a ni ta a ni. He kangmei hi Parawl Pu Vanlaltlinga in atanga chhuak tan ni a hriat a ni a, thu zawhfiah turin Police ten an kawl nghal a ni.
He Kangmei ah hian In 29 chhungkua 49 luahlai chu a kangral vek a, vanneih thlak takin he kangmei chhuak ah hian nunna chan an awmlo a ni. Hliam erawh pathum awmin mipa puitling pahnih Zonunsanga,Aizawl Tlangnuam, Fire Department a thawk lai, Hrongia, New Colony Saiha leh mipa naupang pakhat Dennis S/o Sangpuia, Saiha Bazar te an awm a ni.Kangmei chhuak a awm tih hriat anih veleh District Bawrhsap Pu Kunal IAS leh a Subordinate Officer te chu a hmunah an kal nghal a chhawmdawlna leh tanpuina awm theih dan turte ngaihtuah in, tlawmngai pawl hrang hrang hruaitute nen chhiat tawhna hmun hi an vil reng a ni. Vawiin hian P.W.D.Department lam te chuan an E.E Pu N.Chhylai hovin, In kang tate tan luah lailawk tur chhungkua khat tan In 18’’X 24’’ a zau sak dan tur en in New Marketi Bazar veng hi an tlawh bawk a ni. Veng hrang hranga tlawmngai pawl leh department hrang hrang a hnathawk ten thenfai hna hnatlang in ngawrh takin an thawk mek a ni. Kangmei chhuak chungchang ngaihtuah hian vawiin tlai dar 2: 00 ah D.Cs Conference Hall-ah Department hrang hrang hotute, tlawmngai pawl hrang hrang hruaitute, Saiha khawpui chhung V.C.hrang hrang te leh M.A.D.C. hruaitu te an thukhawm dawn a ni.
WRITTEN BY N. VABEIRATLUA MIS, IPRO SAIHADATED: 2ND FEBRUARY 2012, 2:02 PM | LANGUAGE: MIZO
Report this comment
February 2nd, 2012 at 6:06 pm
Kan misual.commer talking heads khan tanpui dan lo ngaihtuah teh u…….!
Report this comment
February 2nd, 2012 at 6:12 pm
So sad…
Report this comment
February 2nd, 2012 at 7:41 pm
41@ DDK nen ava inang leh ta love. Chhungkaw 57 luahlai, In 32 a kangral vek.
Report this comment
February 2nd, 2012 at 8:54 pm
a za hjan zia lo thin ve le kan chhung te awm na veng a ni lo hlauh bawk an khawngaihthlak ve le
Report this comment