Kum tak tak a ral hnuah pawh ka mitthlaah a cham reng thin a, ka ngaihtuah let changin ka lungleng a, a changin ka nui thin. Ni e, thiamna pawchhuak ve tura ka tanna; tun thlenga KAN SIKUL ka tih tak kha ka tan a hlu em a ni.
Kha kan sikul kha tlangzawlah a ding ve bai a. Khami khan naupang tam tak min awm tlei a nih kha. Kan sikul kha kan chhuan ve thin tehlulnen sikul dang naupangho chuan,’Bawng ei bang sikul..’ min han tihsak thin kha chu hnial a va har tawh tak em.
Tunhnua ka ngaihtuah leh hian Bawng ei bang tih kha a ni tak tak awm mang e aw..’ tih chang ka ngah thin. Nia, zep lovah chuan a chhe em a ni. Zirtirtute’n tukverha zuah chhuahloh tur tih dan an han siam ve tak naa, ‘tukverh hnuaiah pawh..’ tih an siamtel loh avangin duhtawkin a hnuaiah kan chhuak thei tho thin. Zing kan han kal te hi kan class kawngka chhunglama vawk nawr khuar kuk mai han hmuh te khan sikul dang naupang an awmlo chu lawmthu kan sawi nghal mawlh mawlh zel!
Mahse, khati khawp khan chhe mah se, mi tam tak nun zirna a ni a. Kan nunchan te kha tunhnua ka ngaihtuah leh hian mur uaih uaih chang ka nei thin. Khawvela sipai rorum ber pawl pawhin an trainningna hmunah pawh an tihloh tur kham inlawn siak te, thingkung atanga in zuan thlak siak te, chala sunhlu tauh keh tum te kha aw..a hunlai chuan mi aia sang atanga zuan thlak te, mi aia awih panga lawn te, mi aia lian sunhlu tauh keh te kan tum thin a. Tunhnua ngaihtuah let leh hian mutthilh theihloh khawpa hlauh chang ka nei thin.
Zirtitute kha an lo hah dawn hian ka hre thin. Form chu awm mah se duh hun hunah kan ha a, kan ha lo leh mai a. Dan khan na takin min phuar lem lo. Thiante tap han awm sela zirtirtu hrilh hmasa ber nih kan tum theuh a. Mi velh a nih phei chuan a veltu kha hauh tir tum ranin kan han sawi ta thin a. Zirtirtu tan chuan a luhaithlak duh dawn hian ka hre thin. A tu ve ve pawh lungawia siam a ngai thin a. Khatiang huna han chalrem kha chu khawvel khawi court-ah mah an rem thiam kher lo maithei.
Zirlai kan han zir dawn a, tlar lehlam ami zun a han chhuak a, zun a dil a, chu veleh a indawtin kan han che ve mai thin chu class la tur e ti lo chuan chhuah fai vek chang a va han tam thin tak em! Khatiangah pawh khan dawhtheitakin min nghak thintu zirtirtute kha an va hlu em!
Kan zirtirtupa Bawng insi lawm vang khan tun thleng hian bawng insi ka la lawm phah hial. Sikul han tlai ila,
”Ngatinge sikul i tlai..?”
”Bawng insi kan en a..”
” (Phawk hraw chungin) Chu tunah an la insi em?Tute bawng leh tute bawng nge? Tute bawng nge chak zawk?” a han tih tawh kha chuan hremna hi kan pumpelh chawk thin. Naupang khan kan hre thang tlang tawh bawk a. Sikul kal dawn lai vel hian sikul kawngah Bawng hi an insi nitin hial thin!
Chawlh mawlh mai kha aw. Zirtirtuin chawhnuah lehkhabu keng lova hming lamna bu chauh a rawn ken kha chuan zawlnei sawi kher ngai lovin kan chiang tlang vek tawh a. Kan sak-hawk nasa lutuk kha khapna lamah hun reife kan han hmang leh a. Chawlh thu a han puang chiah mai chu kan chetdan kha lei mihring tawnga sawifiah chi a ni lo. Dawhkan chung lo lawna, lo zuang vel kha chu a zezawi pawl tih thin a ni..a sawifiah theih pawh a ni lo. Kan thawm pawh Veng lehlama chhiattawk awm tan pawh ngaihthlak a hrehawm ngawt ang.
Khatianga min lo awm tlei a, tuna ka awmdan ka thlen theihna tura thil pawimawh zing ami KAN SIKUL kha a lo va hlu em!
Khawnge, dar rik tawh hnua kan la inhleiin zirtirtu lo kal kan hmuh a kan tihdan khan a tawp kan khar teh ang… (good morning, good afternoon tih vela kan wish thin zirtirtu lo kal chuan)
”GOOD A LO KAL.. GOOD A LO KAL..”
February 9th, 2012 at 6:03 pm
A ngaihnawm ngawt ang. Chhiar ang. (L) (F)
February 9th, 2012 at 6:05 pm
Nakinah chhiar ang..
February 9th, 2012 at 6:41 pm
Suihlung mu hnu i kaitho e.
Kan tet laia kan inzuansiak nate, kan kham lawnna te leh sangha mana kan kalna te kha tun hnu a ka ngam tawhloh a tam mai
February 9th, 2012 at 7:35 pm
😀
February 9th, 2012 at 8:26 pm
I sawi lunglen thlak mange.
Ka fanu Janis hian ka naupanlai min chhunlo hlauh hi kavan lawm tak em! Kei ve kha chu ka skul kaltirhin ka pi-in min awmpui loh chuan ka ngen tlat zel. Skul ban hma kapi khan skulah min thutpui thin. Alo van zaidamin min lo van duat tak em…ka ti khawngaihthlak bawk. Ka fanu hi zawng chawlh a awm pawhin skul kal ringawt a sawi thung.
February 9th, 2012 at 8:59 pm
Awi thaww! Lunghlui i va ti leng em 😐 Kan naupan laia min zirtirtu,zirtirtu ka hrawn tawh a zawng a zirtirtu hliah hliah fiamthu thiam Lalrammawia tuna Champhai a thawk mek ho a kan class nawm thin ziaaa kha. A zirtirtupa ber savawm lemah an chang mauh mai te kha….
February 9th, 2012 at 9:06 pm
Good alo kal Good Good tha lutuk… (Y) 😀 😀 Kan thianpa Hmangaihzuala hi kawng ka kawpza awng hi a bih duk duk a,GOOD alo kal GOOD GOOD… :p
February 9th, 2012 at 9:15 pm
Min va ti nui nasa em 😀 Kei pawh ka naupan lai hian Sikul ṭha ah ka kal lova, kan thiam lo tlangin kan nawi thei hle ṭhin. I sawi tak te pawh khi ka hre ve deuh vek hman a ni.
Primary ka kalrualpui zing ah ka thlen chin thleng awm reng reng ka hre lova, chutiang vela chhangchhia chu kan ni ve ṭhin.;-)
“Lung aleng mange kan sawm-fang hmun hlui” te han ti vel ila :-$
February 9th, 2012 at 9:21 pm
Pui trek trek ve awww 😀
February 9th, 2012 at 9:39 pm
Lung i va ti leng em . . (Y) .sikul ban a chhuak hmasa nih kan in chuh nasat theih zia kha . naupan lai huaisen leh tuarchhel kan in tih siak thin te kha tun hnu a ngaituah hian a nuihzatthlak duh khawp mai . Thingkung ah kan lawn thep thawp a kan au vak vak a . a bul ah pakhat in a lo sat auh a kan thing lawn na kan tlukpui kan han au tak tak mai thin a . a tlu a , a thum dawt a .a then an lo hnang , an hnungzang ah kan chum laih laih mai a , a hmangai tu a piang in an chum na tawh mai thin . 🙂 .
February 9th, 2012 at 9:47 pm
Bawng insi 🙂 entur a awm chuan ka la en chak reng . kel pa leh beram pa insi hi a va hmuhnawm tak . an insik dan hi a inang si lo a , an mahni style ve ve hmanga an insi hi a hmuhnawm dangdai khawp mai
February 9th, 2012 at 9:55 pm
★★★★☆ ngaihnawm lutuk!
February 9th, 2012 at 10:01 pm
Lung a leng!! i va ziak ngaihnawm tak e… (Y)
February 9th, 2012 at 10:33 pm
I hlui ve thawkhat tawh a nih hi! Lung lam lam i tileng e a.
February 9th, 2012 at 10:49 pm
Ziak ngaihnawm e, naupan lai min ngaihtir rum rum mai ;-(
February 9th, 2012 at 11:14 pm
Ek in bang, dap tah kha, mawng hruknan in hman zawh hnuah liangah in tawlhthla hial lo maw. Aizawl Mizo Sikulah pawh an tawlh nasa ani awm e, kumtawpah chuan a tliang hnum hlarh an tih tak kha mawle (H)
February 10th, 2012 at 12:09 am
Sunhlu tauh keh…haha!! Pui tek2 ve.. A ngaihnawm dangdai hle mai a.
Vawi khat ka class-mate mipa ho in hmeichhe hma a intih pa nan pheikhawk hnuai an in liah(lick) siak kha chu ka pa ve loh na lampang tak ani. Tun thleng hian ka la ten… 😀
February 10th, 2012 at 1:57 am
Ngaihnawm khawp mai. (Y)
Middle/High School vel kan nih lai(ala rei chuang lova) khan hetiang hi kan hmang ve pawhin ka hrelo:-
In case of students, disciplinary action may be in the form of:
i) Warning
ii) Written apology
iii) Bond of good behaviour
iv) Debarring entry into a hostel/campus
v) Suspension for a specified period of time
vi) Withholding results
vii) Debarring from exams
viii) Debarring from contesting elections
ix) Debarring from holding posts
x) Expulsion
xi) Denial of admission
xii) Declaring the harasser as “persona non grata” for a stipulated period of time.
xiii) Any other relevant mechanism
Min vaw pawp a, beng kan su leh tlauh tlauh a, Utawk sawt nen. Ruihhlo khawih ho phei chu an suspend loh pawhin an hnawtchhuak pawp zelin ka hria. Zirlaite’n engmah kan ngaihtuahloh vang nge, Zirtirtute pawhin an hrelo zawk nge?. Ngaihdam kan indil awm pawh ka hre chuanglo, min tih ang ang khan kan tuar tawp zel. Period khat tawp beng suk hi chu hahthlak tak a nia, kal pangai chu thu hran, dinchar pawh har tawh tak a ni . Thingthi a kal thin ho phei kha chu a tuk an chawlh ngei ngei a ngai. Promotion Exam ah pawh nise vawikhatna ah chuan an paper cancel nghal pawp lovin, change sak mai zawk kha a la tihtheih. Mizo hi kan in khawngaihlo nge mawni ? Tunah enge an kaldan chu ka hre lova. A bik taka ‘dan’ siam hran hi chu a awm ngei ang a, a tlangpuiin Zirlai rilru tidanglam nghal pawp thei khawpa hremna hman hi phalloh hulhual ang a nih hmel . Displine neihloh lutuk pawh a tha chuanglo, vawikhat tal Warning chu tih ngei ngei tur ni awm tak a ni . 😉 🙂 [NOI]
February 10th, 2012 at 4:56 pm
Ngainawm hle mai. (Y) Nunhlui te min ngai tir alawm le. Zirtirtu te hi an lo ngilnei in an lo va han zaidam tak em,khami hunlau khan hrethiam lo mahila tun hnu ngaituah hian an ngaisan awm khawp mai.