Ka nupui duhtak, Valentine’s Day a lo thlen hian ka hmangaihna che hi a zual zel a ni tih i hriat loh ka duh love. Kum 10 kal ta khan kan intawng a nih kha. Kei chu kum lamah pawh ka naupangchhe tawh lo tih i hre reng chung pawhin min lo hnar lo kha mak ka tih tawh tehreng nen, nang nula chhuak ve hlawt khan palai tirh i phal a, damchhunga ka nupui ni tura i intulut duh kha mak ka tih zia leh ka lawm zia ka hrilh nawn leh a che.
Naupangte si i puitlin dan te, i thu leh hla fin zia te, thil i thlir thui zia te, ka hmuh phak loh thil tam tak hi i hmu pha a, min finchhuah nasat zia te ka ngaihtuah hian i chungah ka lawm nawn awn awn a ni e. I pasal, in leh lo leh kan fate i enkawl dan mawlh hian min ti lawm a, i mi fuihna avang hian kohhran ka belh tam phah a, mite pawhin mi pangngai en a min en ve phahna te pawh hi a chhan lian tak chu nangmah i ni tih ka hria asin. Mipa zawng zawng hian nang ang nupui hi nei ve vek sela, Zoram hi a fel deuh kuar hian ka ring hial thin asin.
Mi kawm i thiamzia te, kei ang lo taka miin an ngainat zung zung thin dan che hi mak ka tih a tling tawh a, kan ran vulh thlengin an ngaina fal bik thin che hi mak ka tih ber thin a ni. Nangmahah hian ‘awm’ a awm ni berin ka hre thin. Ka thawhpui zawng zawngin an ngainat em em vek zia che phei hi chu ngaih te pawh a thalo rum rum dawn alawm le! I ‘confi’ dante, i chet tam zia te…aaa sawi tam lo mai ang. I nunah hian thil tam tak ka zir chhuak a, zir tur hlirin a la khat a ni tih hi ka hria e.
Kan pisa kalkawnga i thawhna hmuna lo thu fai veng thin kha, fa pathum min hrin sak hnu pawha i la lang naupang veng reng mai te hi ka va lawm tak em! I dul leh mal vel rang ve miah lo ringawt pawh hi a lawmna ruai siam tham niin ka hria. Kan zinnaah leh khawi lo kalnaah pawh ka fanu emaw an tih thin che pawhin min zahpui ngai lova, min chhuang hle zawk niin i lang tlat zel te hi ka lawm ru veng veng thin asin. Thil ho te pawh min lawmpui thiam thin zia leh keima chhungte bik lungngaihnate ‘a der’ miah lova min tawmpui ziate kha ka theihnghilh ngai lovang.
Mi nupui tiat tiat ni ve lo mah la, vawikhat pian manah nang kher kher ka lo tawng che hi vannei ka inti a, Pathian hnenah lawmthu ka sawi thin a, ka sawi zel fovang. Mihring hi piang nawn leh ta vek ila, chuan, piang nawn leh bawk thin ila, nangmah zel ka rawn zawng chhuak ang che. Ma-rin, ka hmangaih che a, ka hmangaih telh telh che a, ka hmangaih kumkhua ang che.
He site-ah hian Silent Reader i ni tih ka hria a, he ka lehkhathawn hi i hmuh pawhin min chhan let ve kher loh ka duh. Midang hriat loh leh hmuh loh chiin min chhang mai dawn nia!
Ka hmangaih che
I pasal tling lo tak
Similar Posts:
- Mi â pawhin hmangaihna an hria asin!
- Nu Lehkhathawn. (Mothers’ Day Pual)
- Nangmah nge Keimah
- An zalh ta!
- Tum loh deuhin…
February 11th, 2012 at 11:14 pm
Tha hle ma1
Report this comment
February 11th, 2012 at 11:18 pm
Tha lutuk… Nupui ka neih ve hunah ka ti ve chiang khawp ang
Report this comment
February 11th, 2012 at 11:18 pm
Lo chhiar hram rawh se
Report this comment
February 11th, 2012 at 11:18 pm
Ka la tawn loh, tawn ve chak em em, a ngaihna ka hriat bawk siloh lam a ni tlat mai a..Ngaihnawm phian bawk sia..
Report this comment
February 11th, 2012 at 11:18 pm
Ka duh tawps. Chuan ka lawmpui che. I nupui chu HMANGAIH hle zel mai rawh
Report this comment
February 11th, 2012 at 11:29 pm
‘mi nupui tiat tiat ni ve lo mah la..’ zazazazaza!
i pasal tlinglo tak,
SIMILAR POSTS
Report this comment
February 11th, 2012 at 11:39 pm
Tun kum Valentine’s Day : dt 14-02-12
chhiarkawpically,
14-02-12=14-14= 0 !
Inference :
V-day a awm don lo!
v-day ah khawvel a tawp dawnn!
Report this comment
February 11th, 2012 at 11:41 pm
Thlum hiam2 ve..
A chhiar ngei chuan comment ah sign a rawn pek ngei a ngai,insawi a ngai chuang lo a.. 
Report this comment
February 12th, 2012 at 12:15 am
Ultmate chu vannei ve aw..nupui lianpui chu an hnawk mai mai
ti ve ngawt ila.
Report this comment
February 12th, 2012 at 12:18 am
Kannu nen an va inan hmel em, keimah ang bawkin nupui i nei fuh zuk nia le, ka lawmpui a che.
Report this comment
February 12th, 2012 at 12:49 am
Kannu hnenah SMS angin forward ila a that dawn hi.
Mahse, Kannu ve hi chu min chen deuh rual mai a.
Report this comment
February 12th, 2012 at 12:50 am
A van tha dap dap ve. I vannei thlawt e
Report this comment
February 12th, 2012 at 12:52 am
Ava tha ve.
Ka nupui tur i nupui hi min lo xerox sak ve mai ta che. I rinawmna hi a hlu in a ngaisan awm hle mai,Pathian in awmpui che u rawh se.
Report this comment
February 12th, 2012 at 1:06 am
A va’n tha kher em. Ka sawi tur diktak i rawn ziak chhuak anih hi. Good post
Report this comment
February 12th, 2012 at 1:15 am
Caribou a nupui pawh hi a khal tha an tia..
fa pawh an pa phulo in a nei hmeltha thei zek an ti leh zel a..
Report this comment
February 12th, 2012 at 1:27 am
Lrpa hnung kha lo zui ta reng ila tun thlengin “A pa” min ti tu tur ka la nei dawn lo ani tih ka hria, a hnung ka zui chhunzawm ta lo hi ka damchhunga ka thiltih fuh em em pakhat ani reng awn anih hi….. eeeehhh
Report this comment
February 12th, 2012 at 1:42 am
Hetz..caribou, ‘A pa lrpa’ min ti hi an tam asin..mai mai a
Report this comment
February 12th, 2012 at 1:51 am
A ngaihnawm lutuk tlat. Heti anga hmangaihtu hi zawng hmu zo ve tak ang i maw.. :\ :/
Report this comment
February 12th, 2012 at 1:54 am
A ngaihnawm lutuk tlat. Heti anga hmangaihtu hi zawng hmu zo ve tak ang i maw.. :\ :|
Report this comment
February 12th, 2012 at 2:03 am
A va’n tha em..
Hetiang hi a nachang lo hriat ve tawh tur anih hi a..
Report this comment
February 12th, 2012 at 2:21 am
“fa pathum min hrin sak hnu pawha i la lang naupang veng reng mai te hi ka va lawm tak em! I dul leh mal vel rang ve miah lo ringawt pawh hi a lawmna ruai siam tham niin ka hria” hetiang hi ka duh ve..hehe.. I vannei bik khawp mai hetiang te i han nei bik a..
Report this comment
February 12th, 2012 at 6:13 am
I lawmpuiawm hle mai.
Midang bula mahni nupui fak hi mahni infakah ka ngai deuh roh. NOI
tren tren
Report this comment
February 12th, 2012 at 7:07 am
iva han vannei tak em.
Report this comment
February 12th, 2012 at 7:30 am
Kan nu nena kan in kherolai lai kha min ti hrechhuak
Report this comment
February 12th, 2012 at 8:49 am
Hetiang nupui i nei hi i vannei a, i vanneih zia i inhriat avang hian i nupui hi a vannei ka ti bawk e.
Report this comment
February 12th, 2012 at 10:35 am
hetiang chhiar hi a van hlimawm tak.. i vannei khawp mai..chuan i nupui hi a vannei ka ti khawp mai…Vawikhat pian ve manah pasal ka la nei ve ngai te a nih chuan hetianga min hmangaihtu pasal hi neih ve ka chak..
Report this comment
February 12th, 2012 at 11:34 am
Tete, i la nei mai thei asin. A tih dan tha ber chu Pathian dil fo rawh. Kei pawh Pathian ka kar chhuah ka ti mai. Zah pawh dawn lovin ka dil tiah tiah mai thin maw le! Min chhan danah ka lawm ta hle a nih hi. Tak tak.
Report this comment
February 12th, 2012 at 12:04 pm
Kan in ang hle mai… Ka ziah ni duh awm tak zawk a nia, mahse kei chu lianpui a ni thung a.. chu chiah chu danglamna a ni e..
Report this comment
February 12th, 2012 at 12:10 pm
I nupui chuan a chhiar ve ngei ka ring a, lawm nachang pawh a hriat ngei ka ring e. I hmangaihtak kawppui i nei hi i lawmpuiawm lutuk e.
Report this comment
February 12th, 2012 at 4:00 pm
Thanks, sheldy. Zanin sunday zan hian a chhiar ngei ngei ang, a tih thin dan a nia.
Report this comment
February 12th, 2012 at 4:17 pm
Mi vannei tak i ni. Kei hi emaw vannei ber ka lo inti a, nang pawh i lo ni ve reng mai. I nupui chu nupui ṭha tak a ni..
Report this comment
February 12th, 2012 at 6:24 pm
Mi vannei i lo ni ve chu ka lawmpui thlawt che.
Report this comment
February 13th, 2012 at 11:52 am
Ka mittui a tla tep maw le..A va han ngiahnawm em em ve!! Nangmahni nupa ang hian alawm hmangaihna tak tak nupa inkar a awm thei min rin lehzual tir tu chu. Inhmangaih lehzual sauh sauh turin duhsakna ka rawn thawn a che u
Report this comment