Tumkhat chu thil thleng dangdai deuh leh maksak deuh ka zawnna lamah he’ngte hi ka hmuchhuak nawlh a, ka rawn dahchhuak ang e. He’ng thla ka hmuh leh an chanchin ka chhiar aṭangin ka vânneihzia leh Pathian ropui zia ka hre nawn awn awn mai.
1. Chinese naupang hmai pahnih nei.
Chinese naute pakhat, Kangkang chu hmai pahnih neiin a piang! A hmai pâwnlang zâwk (ti mai ang!) hi a beng bulah a inṭan a, hmaikâwr a ang hle nghe nghe. Doctor-te paw’n hei hi a chhan chiah an hre lo va, uluk lehzuala enkawl a ngaih tur thu an sawi. A nu leh pate pawh surgery tûl apiang ti thei tura an inpeih a ngaih hmêl.
Mi vanduaia chu.
A nu nen.
Damdawiinah uluk taka enkawl a ni.
2. Âwma ke ṭo.
India rama mi, kum 8-a upa, Deepak Kumar Paswaan chu a âwmah ke pahnih leh kut pakhat bâkah mawngtam ang deuh a chawr ngãuh mai! A rilru ngaihtuahna erawh a pângngai vek thung. Hemi vâng hian he naupang hi ‘Octopus-boy’ tiin hminglem an vuahsak nghe nghe a.
He chawr hi nikum hmasa, 2010 June thla khân Bangalore-ah doctor-te’n darkar 4 chhûng ngawt an zai a, hlawhtling takin an paihsak a ni. An paihsak hnuin Deepak-a hian lâwm takin, “Ka taksaa thil nung dang nena ka hun hman reng ṭhîn lak ata ka zalên ta! Tûnah chuan nun pângngaiin ka nung thei dâwn ta!” a ti nghe nghe.
Âwma ke ṭo chu.
Doctor-te’n theihtawp chhuahin an zai.
A pa nen.
3. Nula vânduai.
He American nula hi a khawngaihthlâk khawp mai. Natna vâng tak a vei avânga hetianga lo awm hi a ni a; a ruh leh thluak hnathawh zawng zawng chu a ṭha vek thung. Kum 16 leh 19 mi a nihin thi lek lekin a damloh phah tawh. A pian tirhin a mit pahnih hi a buang a, a mit dinglam erawh chu kum 4 mi a nih a rawng a rawn danglam a, a chhiat phah ta nghe nghe a ni.
Ei a duh ve hle, minute 15 danah thil a ei ziah a, nitina a thil ei chu calories 6000 aṭanga 8000 lai a ni a, mahse, a thau phah chuang lo chu a nih si hi! Kum 22 mi Lizzie Velasquez hi Texas-a chêng niin communication zirlai a ni a kg 25.4 chauhva rit niin a taksaa thau hi awm loh châng (0%)te a awm ṭhîn.
Nula vanduai chu.
Ei a thei ve teh mai nia!
An chhungkuain.
A ṭhiante nen. Tuman an thinhrik lo.
Hetianga piangsual leh vânduai tak tak hi khawvelah mi tam tak an awm a, hmuhsitna lam ni lovin chu’ng mi tam tak zinga kan tel lo hi kan vânneihzia tilangtu a ni a, min siamtu chunga lâwm ngawih ngawih tur kan lo ni e.
February 13th, 2012 at 2:06 pm
sad khp mai.. deepak a chancin hi cu geographic ah ka en toh a..a dang te poh hi an khongaihthlk om khp mai k ti..
Report this comment
February 13th, 2012 at 2:43 pm
Naute khi a hmai inthuahna lai/a hnar hnuai khi zen chhoh theih anga kawrawng ava ang ve..nge a rawn inzawm,ka hmu chiang thei lo??
Naute tap ngak2 leh an damlo hmel hi chu hmuh leh ngaihthlak hi ava hrehawmin chhungril ava dek thin bik em! Ka khawngaih hle mai.
Report this comment
February 13th, 2012 at 2:58 pm
A bengvarthlak, an lainatawm bawk si…
I tlipna chu ka pawm zawng tak. Fuke kim a kan piang hlutzia tak hi chu aw…
Report this comment
February 13th, 2012 at 3:26 pm
Ai a chan chhe zawkte han hmuh hi chuan, kan lo vannei e, chantawka lungawi lah hi kan thiam thei meuh si lo.
Mahni Insakna leng reng si, thenawm pa nen a in nek in nek te, thenawm tlangval neih ang Bike kan neih ve loh avanga, in chhunga kawhmawh bawl te….HSLC pass theihloh mai avanga, indawmkun reng te…bialnu te’n midang ngaihzawng anneih avanga ruih theih a tuan vak te.. kutdawh ngailo tura, nu leh pa te’n harsa chung chung a lehkha minlo zirtir chung pawh a, nu leh pa laka kan hel tlat thin te hi a tullo ngawt mai….fu-ke kim a kan awm te hi lawm tur kan ni si..
Min siamtu Pathian hi kan tan chuan fak a chawmawi reng thin tur a ni e.
Mitin tan Post hlu tak a nih ngei ka beisei
Report this comment
February 13th, 2012 at 3:38 pm
He post hi ka chhiar tawh tlat a ka hriat si chu
Report this comment
February 13th, 2012 at 3:47 pm
Chhangteval, nikumah ka blog-ah ka post tawh.
Report this comment
February 13th, 2012 at 3:49 pm
A lem en ngawt pawh a hlauhawm thei mai dawn a lawm le..
Report this comment
February 13th, 2012 at 3:49 pm
Pic hmasa ber chu dead mai mai..thriller lam a lang tlat..a nu tan pawh zana han mutpui chu nuam vaklo ang a… Lainat erawh a lainatawm khop mai..
Report this comment
February 13th, 2012 at 3:51 pm
#6 TS, awke ni dawn tak e a, i blog ami zawk ka lo chhiar tawh a nih si chu
Report this comment
February 13th, 2012 at 3:53 pm
khaia an va lainat awm hlom em em
hmuh a hrehawm e
Report this comment
February 13th, 2012 at 4:00 pm
A va dangdaiin rilru va khwih ve, thlalak hi download ka duh a, a theih miah loh. . .pls help?
Report this comment
February 13th, 2012 at 4:09 pm
kan va vannei tak em…
Report this comment
February 13th, 2012 at 4:16 pm
Kan vanneihzia tarlangtu tha tak chu ava ni tehlul em! Post tha tak leh rilru khawih tak a ni e
Report this comment
February 13th, 2012 at 4:22 pm
@Chhinga: Right click and save image.
Report this comment
February 13th, 2012 at 4:29 pm
ok! Ka lawm lutuk e @tuaisiala
Report this comment
February 13th, 2012 at 4:31 pm
ok! Ka lawm lutuk e, ka download thei e. @tuaisiala
Report this comment
February 13th, 2012 at 4:39 pm
Thau deuh2 te pawh kha lo ti tel la. Hmuhnawm dangdai, rapthlak khawp mai.
Report this comment
February 13th, 2012 at 5:20 pm
Mizo upate chuan, ‘piansualin tlai luat a nei lo,’ an ti a, a dik khawp lehnghal. An lainatawm e.
Report this comment
February 13th, 2012 at 5:45 pm
Khitiang khawp khian mihring hi a cher theih a ni maw? ‘Tuman an thinhrik lo’ tih lai khi ka
e. Pic #1 khi chu ka en tha duh vak lo…rapawm e mai %-)
Report this comment
February 13th, 2012 at 7:08 pm
Fuke kim mai pawh nilo, a belhchhaha ka pianglo hi ka lawm e.
Report this comment
February 13th, 2012 at 7:50 pm
An va lainatawm hlawm ve le. Ka va vannei em !
Dimapur ah vai naupangté a laipawng leh thinhnun inkarah a lu lem a to a, a kal velin a then lauh2 thin
Report this comment
February 13th, 2012 at 7:53 pm
A bengvarthakin mai bakah i sawi ang hian a chhia a chhia in kutke a kim ve biai te hi a lawmawm ngawt e tiraw.
Report this comment
February 13th, 2012 at 8:04 pm
Piangsualte han hmuh hian Ka piangsuallo ringawt pawh hi Lawmthu sawina tham ani thin reng a ni. Han damloh a, han beh tlat mai te hian, Dam veng vawnga awm ringawt pawh hi a lo hlutzia kan hrechhuak thin.
Report this comment
February 13th, 2012 at 9:35 pm
An va khawngaihthlak ve aw. Hetiang hmuh hi chuan kutke kim a kan piang ngawt pawh hi kan lo vanneih zia post tupa sawi ang khian ka hrechhuak thar leh thin.
Post a tha, pics erawh en a nuamlo. Ka en vek ngam meuhlo.
Report this comment
February 13th, 2012 at 10:20 pm
An va khawngaihthlak hlawm tak em. Piangsual ho hian mipangai nih ve a, mite tih ang ti ve theia awm an chak hle ang; hmu thei lo te’n hmuh theih an thlahlel ngawih ngawih ang a, ri hre thei lo te’n ri hriat ve an chak ang a, kal thei lova bawksawp reng te paw’n duhna hmun hmuna kal ve theih an va chak ngawih ngawih a, tawng theilo te pawh hian enge maw tal sawi ve an va chak dawn tak em. Keini chu kan duh apiang kan ti thei a, kan duhna hmun apiangah kan kal thei. Mivannei ka va ni tak em; mahse vanneia min siamtu Pathian chungah lawmthu sawi nachang ka hre si lo. Hetiang ang piangsual ka hmuh chang te hian ka vanneih zia ka hrechhuak thin.
Report this comment
February 13th, 2012 at 10:56 pm
A va mak ve! An vanduaina zarah khawngihtu leh tanpuitu hmu teuh teh se..
Report this comment
August 6th, 2015 at 6:40 am
ibconsultants
Kan vanneihzia kan hriat theih nan | mi(sual).com
Report this comment