Ram hmangaihnain thisen a luan tir a,hnam humhalh kan duhna a vangin kan in that tawn bawk thin. Remna nei turin indo a ngai a, muanna nei tur chuan hnehtu an awm phawt a ngai thin. Mihringin ramri kan kham chawpa , kan ramri kham chawp hi kan va ngaisangin kan va ngai hlu teh lul em! Ram hmangaih vang nge ? Ram dang leh hnam dang mi, inngaih theih loh tawnna riauna hi mihringte rilruah hian a awm tlat zawk ni ang le?
Mihring zawng zawng mai ni lo,khawvel leh a chhunga awm zawng zawng siamtu hi Pathian pakhat a ni tih hnamtin,chitin kan pawm a,kan vun te hi sik leh sa vanga rawng hrang nei mai a nih a,kan len zawng leh san zawng hi kan ei leh in,kan in enkawl danah a in nghah bawk si a, kan tlahtu thuhmuna ngai vek si hian eng vanga kan ramri pela awmte hi hmelma en chiah lo mah ila,kan unaute ni a kan pawm ve chuang miah si lo le? Mihring rilru tak hi chu awww!!!!
Hnam tam zawk leh ram lian zawkin ram te zawk awpbet a, ram te zawk leh chak lo zawk te, an ram hlawkna tura an neih leh neih bak tuk luiin an laksak a. Mite hneh chhiaha an diriam em em lain an hnam chu Pathian din niin an ngai tlat a, mihringte thatna duh a, a thil siamte tana malsawmtu Pathian a nih erawh hriat hmaih ni awm takin Pathian hming chhalin mi hrehawmna, tah vawng vawngna, rilru beidawn vawng vawngna leh manhi leh mahni ngei pawh inhmuh hniam em em na an thlen lawi si. Pathian hming hi a na ranna lam mai ni loin an va hmang sual nasa theh lul em!
Mihringte’n ram kan hmangaih kan tih hi chik zawk leh chiang zawk a ngaihtuah chuan kan veng, kan chipui, kan lainate hmangaihnaah hian a tawp duh khawp mai.
Hna dang thawk chuan ram ka hmangaih vangin ka thawk an ti an ti ve lem lo(ti te chu lo awm ve bawk mah se), ram leh hnam tana pawi an khawih chuan hrem zawng an phu a, kan hrem tur a ni; politiciante ram leh hnam hmangaih vanga lo ding chhuak in ti te hian a chang chuan kan ram hi min rawk saka, a chang mai pawh ni lo a chang chuan ram leh hnam tan an thawk ti zawk ang; ram hmangaihna hming chhala thil dik lo leh tha lo tinreng an tih theih chung si a, a hmu rengtu mipui te pawh kan ngawih thup lai hian ram chu hmangaih a ni tak tak em?
Chutih lai chuan ramri piah lam mi, in khat chauh pawh ram lehlamah lo tawlh lut vaih se, ram hmangaihna hming chal ngeiin buaina lian tham a awm nghal ngei ang le!
Eng Sakhaw buah pawh Pathian hian mihring a siam a ni tih chu a chuang vek mai, Bilble phei chuan Mihringte hi Pathian anpuia siam kan ni tih chiang takin a sawi. Chu mihring a anpuia a siamte chu Judate leh Christiante chuah ni lovin, hringmi chitin,hnamtinte hi kan ni zawk a.
Chu chuan ramri a kham ve lova, vun rawng leh tawng dang a thliar hek lo. Ram leh hnam kan hmangaihna a vang pawh ni rawh se, eng hnam pawh ni ila, ram dang leh hnam dang tan tawrhna kan thlena, hrehawmna kan siam sak a nih phawt chuan, a anpuia Siamtu Pathian hi a lungawi a rinawm hauh lo. A siamtu Pathian zah lohna hial a ni zawk.
Pathianin min pek kan ram, kan hnam hi, mitin te hian kan hmangaih tur chu a ni teh meuh mai, chu chu mi zawng zawng mawhphurhna kan ko a innghat tlat, kan tih makmawh a ni zawk. A tih chhiat tumtu pawn lam leh chhung lam hmelma lakah pawh kan vengin kan nun ngei pawh kan hlan tur chu a nia lawm.
Amah erawh chu, chu kan ram leh hnam hmangaihna chuan hnam dangte nek chep a, an neih chhusaka kan tana kan inhai vur a nih si chuan chu hmangaihna chu hmangaihna khingbai a nih loh vek pawhin Pathian atanga chuak hmangaihna chu a ni lo chiang bal. Hnamtin chi tin hi chhuahna hmunkhat, siamtu pakhat a nih si chuan unauah in siama kan kawlvel thatna tur a tan thawk tlang tur kan ni zawk e tiin kei lung mawl hian huaisar takin ka suangtuahna ka vah vel tir a!!!
Similar Posts:
- Aw hmangaihna khawvel entu!
- I Duhlai Hlu Ber Kha…!
- Ka hmangaih ka fawp
- Hmangaihna chungchang
- Hmangaihna!
(Y)
February 17th, 2012 at 12:05 am
Chhiar ang hmiang.
Report this comment
February 17th, 2012 at 12:05 am
.
Report this comment
February 17th, 2012 at 12:08 am
Hahthlak deuh ani rêng asin harehai
Report this comment
February 17th, 2012 at 12:42 am
Gud Post
Hmelma en-a kan la in-en tlatna chhan leh Unauva kan insiam theihlohna chhan ber chu vanhmuna thlarau sual awm hote thiltih dan zuitu leh, an rilru ang pu an la tam zawk vang a ni ang e? 
Report this comment
February 17th, 2012 at 1:48 am
Huaisar tak hle mai a!
Report this comment
February 17th, 2012 at 7:59 am
Ngaihnawm hle tak mai aaaa
Report this comment
February 17th, 2012 at 1:39 pm
Tun tum chu ‘hla’ ni lovin ‘thu’ a ni maw. Good post
Report this comment
February 17th, 2012 at 2:28 pm
I thlir thui hle mai… Post tha tak a ni e…
Report this comment
February 17th, 2012 at 4:05 pm
I thlir nasa khawp mai. Mahse, a nihna takah chuan i hawl-kual vel mai mai a ni deuh ber a, i thupui (heading ni lo) kalsan si lovin i pet kual vel vak ni maiin ka hria. Para tin deuhthawah chhut sual a awm lehnghal. Post siam dawn chuan kan thu chhut hi enchian a ngai ka ti khawp mai. Admin-te pawhin hetiang hi chu siamthat a har loh tehreng nen, han siamtha ve lam thin ula maw le…! NOI
Keimah ang bawka thu ziah nuam ti, inzir ve zel i niin ka ring a. Bible atang te, midang thuziak atang tein thu zawm leh zawm loh tur hi a inzir theih khawp tih ka lo rawlruk ve mai mai ang che chu..
Huaisar ni lo, huaisen takin han post zel teh.
Report this comment