‘A van uih e’
Ni e, a uih a ni. Mi ṭhenkhatin ‘vawih hi a uih lova; ama rim ve reng a ni’ an ti ṭhin. A rim chu alawm uih le.
Vawih kan tih bera hi kan mawng aṭanga boruak rimchhe tak lo chhuak hi a ni bera; a ri leh rilovin a lo chhuak theia; a ri a a lo chhuak a nih pawhin rik dan hrang tam tak a awm. Hnam hrang hrang vawih dan a dang chuang lova; a mihring a zirin a uihin a uih lo mai a ni.
Vawih hi a mawi lo em ema; puipunnaah phei chuan thil zahthlak tak a ni. Ṭhenkhatin insum ṭha a an hriat laiin ṭhenkhat erawh chuan ṭul an ti lo thung. Insum ṭhalo tite ṭan chhan te:
1, Vawih theihloh hi a pawi em em a ni. Vawih insum hian ruh a nget thei bawk si.
2, Kan thil eiah hian air kan ei tel ṭeuhva; chu kan thil ei chu awlsam taka pai ṭawih theih a nih loh chuan chutiang thil ṭawih tur chuan gas a siam a ni. Thil a lo ṭawihin amah kha a lo riral tihna a ni a, mahse, amaha gas awm kha a riral ve ngawt thei lo.
Tin, ṭawih tura a inbuatsaihna lamah khan gas a pe chhuak ve hrim hrim bawk. Chu’ng gas-te chuan taksa aṭanga chhuah an tum a; an chhuah dan chu, chung lamah irh, hnuai lamah vawih a ni mai. Chhuak thei lo se kan thi mai ang. Vawih theih hi thil lawmawm tawpkhawk a ni.
3, Mi hrisel leh puar entirna a ni.
4, Thlasik lai phei chuan vawih hian mawng a rawn ti lum deuh thar thar ṭhin a, nuam ve deuh a nia.
5, Vawih insum chuan ngumah a (vawih) chho ang a; thluakah a lut chho ang a; ngaihdan uih pui pui kan sawi mai ang.
Vawihah hian boruak chi hrang hrang heng: Nitrogen 59%, Hydrogen 12%, Methene 7%, Carbon Dioxide 9% leh Oxygen 4% inpawlh hi an awm a. President emaw Prime Minister emaw Super Model emaw pawh nise ni khatah mihring hi litre khat vel kan vawih ziah ṭhin. Vawih uih nachhan chu gas hrang hrang kan sawi takte leh Hydrogen Sulphur inpawlh vang a ni. Tin, vawih uih leh uih loh hi ei leh in hian a hril hle bawk.
Vawih hi ‘setana meizial’ an ti bawk.
Keini Mizote chuan vawih hi thil zahthlak takah kan ngaia. Vawih rik ngat phei chu thil zahthlak tawpkhawkah kan ngai. Tlangvalin an nula rim lai lo vawih palh ta se a zah an hlauh avangin hre awm pawhin an lang duh ngai lova; an thil sawi lai an sawi zawm hmiah hmiah zel. Hetiang hian hla pakhat pawh a awm nghe nghe:
Leng tuaitirte, I mawng ar ang a khuang e,
Nam rum rum, Vala’n ka do dai e,
tiin.
VIP hi vawiha inpuh kan tifiam bawk ṭhin. Vawih lo pui vawiha inpuh nat ṭhinzia kha.
Hetiang a nih deuh nuai avang hian vawih hun ṭha kan sawi ange:
1, Mahni chauhva two wheller a chuan laiin, lo uih deuh pawh nise tuartu an awm dawn loh bakah nangpawn I tlansan nghal daih dawn avangin. Thawmhnaw inbel azir erawhin a chamin a cham lo thei tih erawh hre tel ila.
2, Mi vawih laia a ri lova lo vawih hi a ṭha hle bawk. Lo uih deuh pawh nise, I hma chiaha mi vawihah khan an puh vek mai ang. Amah pawhin a ma vawih uih ngeiah a ngai hmiah bawk ang.
3, Inkhawmna hmunah I vawih a chhuak a nih chuan zai hun nghak hram hram rawh. Zai lai a nih chuan lo vawih ring deuh pawh nila tuman an hre dawn lo che. A uih viau erawh chuan a inthlahrunawm deuh mahna.
4, Lungngaih (ṭah) lai / thinrim lai, hetih hun laia I vawih a nih ngat chuan I ngaihtuahna kha engemawchen a kal bo ngei ngei ang.
5, Ek paha vawih tluk a awm lo. Vanduai thil thua vawih leak hi a awm ve chawka; ek inah erawh chuan a pawina a awm lo.
Kawpuar vawih hi a nuam hle bawk. Ṭumkhat mitthi lumennaa ka kal ṭum pawhin ek chhuakin min tur avangin ek in hnai berah ka ṭhu khar maia; ka vawih char chara; ka ek chhuak zawk zawng a reh vek.
Vawih nawm hun lai te:
1, Kawng kal pah: A ṭhing angreng fu naa; pen zawnga a’n ri zaih zaih mai chu a nawm dan a dang ve zar a nia.
2, Zun lai: Zuna san laia vawih rik pawp nawm zia hi. A chunga tarlan tak anga vawih leak palh erawh a hlauhawm fu.
3, Nuih lai: ‘Nuih vawih’ kan ti mai ṭhin, nuih na tur a tam phah lehzual. Zun han cheh tel ngei bawk ila.
Naupan laia ṭhenawma TV ena kan ṭhut laia vawih palh hlauhawm zia kha, luh dawnah vawih lo turin kan intiam tawh si, red card kan hmu em lo a nih pawhin yellow card tal chu kan dawng ṭhin a nih kha. A eng card zawk zawka pawh kha ni se next match chu kan miss hrim hrim.
Biak In / puipunna hmuna I vawih ri palh zauh a nih chuan I bula ṭhu kha en la; nuih vur vur rawh. Mi’n kha I bula mi ah khan an ngai hmiah mai ang.
Mutthluk laia vawih hian kan harh chawka; kan muhil der zui chawk bawk.
(Y)
February 18th, 2012 at 1:30 pm
A u1h 1utuk
Mutthluk laia vawih hian kan harh chawka; kan muhil der zui chawk bawk.
: p
Paws uih tak a nih hi
Report this comment
February 18th, 2012 at 1:34 pm
Chhiar hmain-kan naupan lai khan duh duh huna vawih thei hi a awm a, ‘rintluan vawih rawh le’ an tia engtik hunah pawh zuk vawih theia mawle..mak lutuk!
Report this comment
February 18th, 2012 at 1:50 pm
Kal paha vawih hi a nuam.
Ka thianpa hian ka TEST dawn atia, a chaw chhum dawnin cooker ah a vawih a, chaw a uih vek.
Report this comment
February 18th, 2012 at 1:50 pm
Report this comment
February 18th, 2012 at 1:51 pm
An mikhualna-ah chawhmeh chhe deuh deuh hlir an hmehpui a, an haw dawn tukah chaw an ei ve hman tawh loh chiaha hmeh atan ar an talh leh sia, a thin a rim ngang mai. A thlenin hmuh loh hlanin an chawchhum her lai chu a chhin a hawng sauh sauh a, a vawi khum a, a chhin leh hmak a. A kalsan vang vang.
Tui tiin ei tak ang maw?
Report this comment
February 18th, 2012 at 1:51 pm
@3
Report this comment
February 18th, 2012 at 1:53 pm
Kan naupan laiin biakinah kan chhaka thu patling a vawih a, kan nuih a za si kan nui tha ngam si lo, kan khur chur2 a, biakin chokedarin kan beksamah a pawt hrep mai a, a na ania aw. Kan nuih za lah chu a nasa zual deuh deuh leh nghal.
Report this comment
February 18th, 2012 at 2:02 pm
Nula rimna a vawih pup2 hi lawm le nuam le…inthiar hun bi ka neih vang nge ka vawih hi a rimchhe ngai miah lo. Chuvang chuan ka vawih inthlahrung ngailo.
Vawih2 hi a tha lem lo,mawng a tawp duh khawp mai,kan vawih hian particles a chhuak tel teuh ania. Insum tluk a awm lo,vawih nasat poh leh vawih a chhuak zing.
Report this comment
February 18th, 2012 at 2:05 pm
Ka lo vawih leh loks..
Thawssssss….. 
Report this comment
February 18th, 2012 at 2:15 pm
U Sheldoni, he post ka hmuhtirh atang khan ka rilru ah i awmtlat mawle. A mak lutuk..
Report this comment
February 18th, 2012 at 2:26 pm
Kan thiannu pawh a bial awm lai in a vawih palh a bedroom ah a tlan lut daih.
Report this comment
February 18th, 2012 at 2:26 pm
Kan thiannu pawh a bialpa awm lai in a vawih palh a bedroom ah a tlan lut daih.
Report this comment
February 18th, 2012 at 2:51 pm
post put put tak anih hi
Report this comment
February 18th, 2012 at 3:22 pm
Tui chhunga vawih hian, hnungzang zul chho zut zutin bubble a chho thin.
Vawih hi kutphahin kan lo hum a, thiante hnar bulah kan va release vel thin —an ner thei hle.
Vawih kalphung ngaihnawm taka ziak thiam hi ka chhuang. Tih leh hunah IRH, RA-SO rawn ziak leh turin special request aw!
“Tu vawih nge? A va uih” tih chuan, “Kei chu ka vawih lo,” tih a awl. “Artui rim a nam,” tih tawh chuan —vawihtu nih kan inchuh lo chauh thin kha a nia!
Kaw-khawh laia vawih hi duh aia tam a chhuak palh ang tih a hlauhawm thin.
Report this comment
February 18th, 2012 at 3:23 pm
vawih insum in ruh a nget thei aa!! va dangdai teh daih ve. ruh nena a in relate na lai ka van hre mai lo ve…
Report this comment
February 18th, 2012 at 3:27 pm
@lrpa ka u mipa khan a style thing deuh chu maw, khumah hian mu ila rizai hian min khuhthut anga a rawn vawih thin.
Report this comment
February 18th, 2012 at 3:29 pm
Vawih lo pui vawiha inpuh pawh a nat tawh naklaia, vawih chiang deuh vawiha inpuh phei chu na tak a ni.
Report this comment
February 18th, 2012 at 3:30 pm
Rempy: Darling i vawih emi?
Asteric: Pahnih chauh kan awm a, i vawih loh chuan ka vawih a ni mai alawm!
Report this comment
February 18th, 2012 at 3:40 pm
Hmeichhe vawih hi a uih duh bik an tih chu mawle! A chhan chu thenawmte a sawm kual a, a uih bik an ti!
Report this comment
February 18th, 2012 at 4:05 pm
Post uih tak ani
Report this comment
February 18th, 2012 at 4:08 pm
Vai vawih hi ka ten bik tlat, zo vawih aiin
Report this comment
February 18th, 2012 at 4:19 pm
he post hi a uih rum rum nia
Report this comment
February 18th, 2012 at 4:23 pm
Post hlimawm tak a ni e,
Vawih hlawkna leh hlawklohna-te (facts about fart):-
1. Vawih chhuak lutuk insum hi pumpui lamah harsatna a thlen thei (hemorrhoids etc.),
2. Vawih chhuak lutuk insum tlat hi, a rawn chhuak leh tho tho,
3. Vawih hi kawchhung (pum) lam atanga gas tha lo lo chhuak a nih avangin paih chhuah mai tur a ni,
4. Vawih a chhuah chuan thiante zing atanga inthiar fihlim a, mahni chauhva va vawih daih hi a polite,
5. Vawih hi Ek hun-bi-neia kan ek loh avangin a lo chhuak thin, hunbi nei taka ek fo a tha,
6. Vawih hi kan thil ei dik tawk loh avangin a lo insiam a, vawih a chhuak thuai thin,
7. Sap-ho chuan mi thusawi laia khuh, irh-fiak leh vawih hi inhmuhsitna-ah an ngai,
8. Hmuhsit zawngte deuhsawhna tawngkam atan an hmang, e.g. “Fart around”, “fart about”, “Fart guy” (an unpleasant, annoying, boring, irritating or stupid person).
9. Rome Emperor Claudius phei kha chuan hriselna atana hlauhawma a hriat avangin ruaithehna-ah vawih a khap nghe nghe.
10. Sap rama company 1 chuan vawih-uih chhuak tur danna kekawrte (Fartypants) an zuar hial a, an hlawhtling viau awm e.
11. Ri miah lova vawih hi a uih duh bik a, a zahthlak a, a thinrim-thlak tawp bawk,
12. Ri ring tawk a, insum hauhlova vawih nghek hi midangte bula tih a nih chuan inzahlohna leh chapona ah an ngai thei,
13. Mi zinga uang tak a, insum hauhlova vawih fo thin chu, a tum loh hunah a vawih mualpho hun a awm ngei ngei,
14. Mi zinga vawih hi mi nuihzatbura min siamtu a ni hrim hrim,
15. Midangten kan vawih rim hriat an duh kher lo chunga hriat (hnim) luih tir chu a polite lo,
16. Mipa hi hmeichhia aiin an vawih hnem zawk-a ngaih a ni,
17. Vawih rim hi mi an hmel that leh chhiat azir a ni lem lo,
18. A tlangpuiin, vawih laia ri nei vak lova, lum ham hama a chhuak a nih chuan a uih duh bik (vawih pangngai aiin),
19. Vawih siamtu langsar zualte- corn, bell peppers, cauliflower, cabbage, milk, bread, eggs, beer, raisins te an ni. Hengte hi kan hmeh tuk/zanah chuan fimkhur theih a tha mai thei,
Ka pawt ve mai mai,
Report this comment
February 18th, 2012 at 4:49 pm
Post dangdai leh hlimam pawimawh ve tak si a nih hi mawle.
@23, A bengvarthlak lehzual.
tren tren
Report this comment
February 18th, 2012 at 5:35 pm
Vawih post a inhriatchhuah kher chu nice lo e@lamea25
Report this comment
February 18th, 2012 at 6:11 pm
Vawih inbarh thin lai kha, ava tuihnai lo thin tak.
Report this comment
February 18th, 2012 at 6:19 pm
Nula bul a vawih rik tret palh hi ‘Careless whisper’
Vawih rik deuh pawng ch ‘Shot full of love’
Ri miah lova lumchhuak deuh pup hi ‘Sound of silence’
Vawih in kalpui aneih chhuan ui tak in ‘There goes my everything’
an ti thin an tia!!!
Report this comment
February 18th, 2012 at 6:42 pm
Vawih = Savun Silai amu thli .
Report this comment
February 18th, 2012 at 6:57 pm
Vawih tullo turin gas siamlo thei chi ei emaw, gas awm lohna engemaw hmawm thin hi a pawimawh reng a ni hairehai
Report this comment
February 18th, 2012 at 7:18 pm
Chhana leh, thu chhiar tullo mahse Simply irresistible a nih hi.
Report this comment
February 18th, 2012 at 7:47 pm
30
muansakhi@ engemaw a tullohna le? I hriatloh takin tiin ka rawn chhawpchhuah sak ve em em che a.
Report this comment
February 18th, 2012 at 7:57 pm
Post hote anga lang; pawihmaw ve tak a ni hi
Mi bula vawi hi a zathlaka, vawi ui deu a ni phei chuan a zathlak le zual.Chu vangin,vawihlo turin kan in khap thei ringawt lova, amaherawhchu ringlo leh ui miah lova i vawih thei nan zingtin eh ziah ang che.
Report this comment
February 18th, 2012 at 8:01 pm
Haha! I va han ziak sei peih mai mai e!
Report this comment
February 18th, 2012 at 8:36 pm
Mak ve mai mai chu…vawih an awm a, tuin emaw ‘a va uih e’ an tih hian hnar kan han len ve nghal ruai zel a. A rim kan hriat ve chuan rimchhia kan ti leh hle thin sia.
Vawih hi a pawimawh viau chu ni tur a ni, doctor hian an ngai pawimawh em mai. Dam lo an zai hnu te hian a vawih thei tawh em tih hi an zawt fo thin a nih hi.
Report this comment
February 19th, 2012 at 12:09 am
https://www.youtube.com/watch?v.....re=channel
Report this comment
February 19th, 2012 at 6:27 am
Vawih hi American scientist hovin enlenna tha chi-in an en a, ek them hlir an hmu nih chu!!
Report this comment
February 19th, 2012 at 11:30 am
Pa pakhat pawh earphone vuah chungin Starbuck coffee lei turin a intlar a, a music bengchhen laiin a vawih vak a, a bul a awmten an en thup a, a in hriat chhuah chuan amahchauhin music a ngaithla tih…a zak chem chem asin.Thian za hovin,vawih chanchin sawiin kumhlui kan thlah ve zan tawh.
Report this comment
February 21st, 2012 at 12:21 am
vawih ri hi TAI i hlap ri an ti thin !!
Report this comment
February 21st, 2012 at 12:24 am
vawih insum hi a tha lo.. ngum atangin zangruh ah, chuan thluakah a chho zel a, ngaihtuahna thalo leh tenawm pui pui a neih theih !!
Report this comment