1. Introduction:
Tumkhat chu Sunday School-ah Numbers 4:6-na thu hi hriatchian ka duh avangin hetiang hian ka zawt a, “Thuthlung Bawm khuhna Savûn țha mi a tih hi eng vûn ber nge ni ang le?” tiin ka zawt a. Zirtirtu zinga pakhat chuan chhan pah-in min zilhhau hrep a, “Thlarau lam nun-a hlawkpuina tur awm lem lo Pathian thuhar buaipui vak vak chin hi a țha lo, sim hmak a țha zawk,” tiin.
He zirtirtu zahawm takin thu min rawn hi zawm harsa ka ti a, ka sim lo chiang khawp mai. Pathian thuhar leh ziak dik lo leh lehlin dik lo nia kan hriatte hi a chhan hriat theih ni vek zawk se ka ti hle a ni. Ka thiam tawk leh hriat phak tawk tete-in ka chhui ve ta a, ka duhthu a sam lo nasa sia, chhiartuten in hriat zawng apiang lo belh-chhah ve teh u.
2. He Savûn țha mi hi Eng vûn ber nge ni ang le?
Mizo Bible-ah chuan “Savun tha mi” tiin a dah a (Numb.4:6). English chuan “porpoise skin” or “badger skin” or “hides of sea-cows” tiin a ziak thung. Porpoise leh Badger hi chu “Zâwngdulinu” tia lehlin a ni tlangpui a. Tichuan, Savun țha mi a tih hi Zâwngdulinu vûn ni-awm takin a lang ta a. Sea-cow hi chu tuia cheng chi-ah pawh, hnim pet/ei chi an ni a, tunah chuan hmuh tur an awm tawh lo. Chuvangin, Savûn țha mi a tih hi Zâwngdulinu vûn a tihna a ni thei mai ang em?
A Ţawngțial (Hebrew)-in engtin nge a sawi? “Savun tha mi” tih hi Hebrai țawng chuan, “takhash” tih a ni a. Hebrai țawnga “takhash” hian tuia cheng chi thilnung (marine animal, dolphin/seal/whale) a kawk ngei tih Bible scholar-ten an pawm bawk a ni. Chuvangin, Amerian Standard Version phei chuan “sealskin” tiin a dah hmiah a ni. Heb.takhash țobul pawh hi Tuipui Sen (Red Sea) ațanga chhawm niin an ngai a, chuvangin, he Savun țha mi hi Tuipui Sen-a thilnung an man ațanga an siam ni ngeiin an hre bawk.
Thenkhat erawhchuan, Heb.takhash thumal hi Aigupta mite țawngkam hman țhin dan (Egyptian cognate root) nen-a ngaihzawn chuan, “eng vun ber nge?” tih lampang ai mah hian, “Savun hman theih tura țha tawk taka ti-thih tawh” (process like tanning rather than a special animal) lam hi sawi a tum zawk niin an ngai thung.
3. Eng Vangin Nge Pathianin “Savûn țha mi ngeia Thuthlung Bawm khuh” tura Mosia thu a pek kher?
Israel faten ramtiam an panna kawng hi a thuiin a rei a, sik leh sa inthlak kual reng karah, thlaler vaivut khu tak tak, leh phaizawl, phairuam-ah te kal-in Thuthlung Bawm hi Tawlailir-a phurh leh zawn rengte a ngaih avangin, heng ni sen sa leh ruahsur, thli lum leh thli vawt zawng zawng laka venghim a, bawlhlawh lakah pawh țha taka vawnghim thei turin he Savûn țha mi hmang hian țha taka khuh tlat turin Pathianin Mosia chu uluk takin thu a pe a ni.
Similar Posts:
- Bawm Pahnih
- Savun
- Diary hahthlâk!
- ZOO hi ransa te tan Jail chikhat a ni
- Masi Hmang turin min rawn dawr r’u
February 19th, 2012 at 7:16 am
Ka tho hma ber ani maw…
Chhiar first ang
Report this comment
February 19th, 2012 at 8:05 am
A bengvarthlak e.
Zawngdulinu vun hi a tha viau nitur a ni, thawnthu tamtak a an savun tha sawi nan hian ‘zawngdulinu vun atang a siam ngat’ tih hi an hmang fo mai.
tren tren
Report this comment
February 19th, 2012 at 8:09 am
I hriat duh chu i hriat reng khi maw!!!
Report this comment
February 19th, 2012 at 8:13 am
Tachash (pronounced takh’-ash) hi ‘zawngdulinu vun’ ni ta chiah se, eithianglo a ni a; a inhmeh thei lo.
Sa-thiang, hmul (fur) nei ni ngei leh ‘antelope family’ deuh nia sawina pawh a awm. Foreign word apart from Hebrew ni dawn thuak thuak te pawhin a zir zaute chuan an ziak.
Embalmed a ni ngei ang tih chu a rinawm. KHUHNA thil reng reng hi chu HAWN ngai a ni a. Thuthlung Hmasa hun lai khan KHUH theology a ni thin a; a Thar-ah hian KHUH HAWN (apocalypse) a ni ta thung a ni.
Thuthlung bawm chhin hi ‘zahngaihna thutphah’ tia vuah a ni a. Chumi chunga kum tin vawi khat Yom Kippur (Tishri 10)-ah kel pahnihte zinga a pakhat zawk thisen kha puithiam lalberin zahngaihna thutphah chunga a va theh kha Pa Pathian chuan a lo accept thin a. Puithiam lalber-in Pathian a mite INREMNA tura a hna chanpual a va thawh zawhna a ni thin.
Thuthlung Hmasa hun lai khan kum liamtaa an sualnate leh khawlohnate kha NGAIHDAM ni lovin, HLIAHKHUH a ni thin thung a. Kum khat lo awm leh tur atana MALSAWMNA nen. A Quarantee kha a beitham hle. Chuvangin, kum tina kel thisen hlan ziah ngai kha a ni. Messia khawvel len lai ni te phei kha chuan Second Temple Modified-ah khan Thuthlung Bawm a inhung tawh lo va, a aiah lungphek mai mai an dah tawh leh nghal a. Aarona puithiam Rawngbawlna pawh khan chawih lam a lo pan hman hle tawh bawk. Antiochus Epiphanes IV-a hun lai phei chuan Puithiam Onias-a kha an lo paih thla tawh a. Puithiam lalber tur atana a hnam azawng pawha ni tlak lo kha Syrian-ho politics leh Jews rilru-chhe tangrualten puithiam lalber ni turin an lo appoint ve thlarawk a nih kha.
Thuthlung Thar hnuah hi chuan Krista inhlanna tum khata tlingtlak tawh kha a duhtu apiangte tan chuan chatuan hawlhtlang inthawina mahni hun theuh zelah a ni ta thung a ni.
Ka sawi thui ta chiam … “KHUHNA zawngdulinu vun” an tih vang phiangsen!
Report this comment
February 19th, 2012 at 9:33 am
Post tha tak ania ! POST tha tak ani ka ti dawn a CHAWNGHILH comment ka hmu a ! ka ka ho mai
Report this comment
February 19th, 2012 at 10:43 am
A bengvarthlak thin hle mai.
Report this comment
February 19th, 2012 at 11:15 am
#4
Report this comment
February 19th, 2012 at 12:10 pm
Mal rawtah rau rau a tlo ber mai kha eng vun nge kha???? lol
Report this comment
February 19th, 2012 at 12:50 pm
I dilchhutna spirit leh dilchhut taka i zirzuina tak hi ka duhin ka ngaisang hle mai. Keipawh, Soberboy leh Roseparvuli te ang khian, “I ti tha e(Well done)” han tih mai ka tum deuh a nia. Mahse, Thuthlunghlui lam leh Hebrai ho Culture lamah hi chuan Pu Chawnghilha hi Challenge chiah ka ruat loh mihring ani tlat mai a, ka buai ta deuh.
Report this comment
February 19th, 2012 at 2:16 pm
Savun tihah hian thlukna dah a ngai lo. A bak chu comment tur ka hre lo.
Report this comment
February 19th, 2012 at 2:45 pm
Mizo Bible-ah chuan “Savun tha mi” tiin a dah a (Numb.4:6). English chuan “porpoise skin” or “badger skin” or “hides of sea-cows” tiin a ziak thung. Porpoise leh Badger hi chu “Zâwngdulinu” tia lehlin a ni tlangpui a.
He mi post cross ka tumna hrim hrim ni lo in, Oxford Advanced Learner’s Dictionary of Current English (Ed. AS Horby)-ah chuan, Porpoise chu ‘sea animal rather like a dolphin or small whale’a ti a. Badger chu ‘small, grey animal living in holes in the earth and going about at night’. Sea-cow chu ‘kind of warm-blooded creatures living in the sea and feeding its young with milk’. Porpoise chu Zawngdulinu a ni theiin ka ring a, mahse, Badger leh Sea-cow erawh chu Zawngdulinu ang a sawi theih annih ka ring lo.
Report this comment
February 19th, 2012 at 3:36 pm
Zawngdulinu vun a ni emaw ni lo emaw, Savun thami a ni tih a chiang a. I sawi angin thu harsa han khel kher kherte hi a thatna chen a awm ve a. Point 3-naa i rawn sawi ang hian, an khuhna chhan hi helaia a pawimawh lai leh hriat fiah ngai lai zawk chu niin a lang.
Hetiang hi Sunday lo pawh hian han post zeuh zeuh teh u.. a ngaihnawm ka tih zawng tak a ni.
Pu Chawnghilha hian a third eye a buaipui nasa ta zawk hi Bible zirna lamah misual kan hnufum phah a ni thei em?
Report this comment
February 19th, 2012 at 5:45 pm
la leather jacket pawh hi a savun a tha khawp mai
A hrimah eng Zawngdulinu chu?
Seal vun anih ka ring, seal vun hi hmanlai atanga an roh ani, savun tha tak a nei aniang!
Report this comment
February 19th, 2012 at 5:57 pm
Thil i chik hle mai. Tiang lam hian ka lo la ngaihtuah ve ngailo reng reng. Good post
Mahse, thlukna dahlohna turah i dah khian mit a tikham. Vun ah thlukna dahloh tur. Thlukna khian a awmzia a tibo vek alawm
Report this comment
February 19th, 2012 at 6:00 pm
#14 SHELDIE ihmaw #4 Chawnghilh comment khi chhiar tel teh
alo nih dawn hi i ti hrim2 lolz
Report this comment
February 19th, 2012 at 6:15 pm
@Sober, a lo nih khi. Vawiin ka misual hman meuhlo a, comment chhiarlo in post chiah ka chhiar a. Chawnghilh comment khi post thatak anih khi
Mi te hi chuan thil hi an lo chik in an lo hre mange tiraw??
Report this comment
February 19th, 2012 at 6:37 pm
Savun tih a thlukseina awm khian min ti tui lo a,ka chhiar ta lo mai
Report this comment
February 20th, 2012 at 12:58 am
2.Ka hriat duh ber erawhchu,,,
Eng vun ber nge ni ang?
Eng vun ber nge tih a sawina a ni lo thei em? tih te zawk hi a ni a, ngaihdan rawn thawh zel teh u…
3.#4 chawnghilh,
Ei thiang lo ah hian Dolphin hi ei thianga ngaih a ni (pangparh/phuhlip a nei) (ref. Lev.11:9-12). Tichuan, Dolphin hi Zawngdulinu kan tih hi a nih chuan “Savun tha mi hi Zawngdulinu vun” tihna a ni thei mai dawn a ni.
“Hmul (fur) nei” i tih erawh hi chu ka hrethiam lo, “phuhlip (scale) nei” i tihnaah ka ngai.
Tichuan, Savun tha mi a tih hi- (1).Porpois, (2).Seal, (3).Badger, (4).Antelope family, (5).Unknown foreign word, (6).Sea-cows, (7).Goat, tih te hi nia an sawite chu an ni.
Foreign word i tih ang hian, “Takhash” hi “Arabic term for dolphin” anga chhui pawh an awm.
Savun tha mi hi “skin of marine animal” a ni tih a chiang phawtah ngai ila, Bible-ah hian vawi 44 lai a inziak nghe nghe a ni. Eng marine animal ber nge ni ang, tih hi kan hriat duh lai tak chu a ni e.
4.#11 shailendra,
Mizo-in (Numb.4:6) “Zawngdulinu” tia kan lehlin hi English Bible-ah “Porpois” (NASB), tih leh “Badger” (KJV) (dolphin family vek) tia hman a ni a. Badger hi chi hrang hrang a lo awm a ni ang! I sawi pawh hi a dik thei tho ang. Kehmeh sawi pawh a in-an loh kha!
Sea-cows hi marine animal a ni a, tunah chuan khawvelah hmuhtur a awm tawh lo (extinct tawh) an ti.
Sea-cow hi Zawngdulinu a ni anga ka sawina ka va hmu lo ve?
5.#12 Hriatpuia pa,
“Pu Chawnghilha hian a third eye a buaipui nasa ta zawk hi Bible zirna lamah misual kan hnufum phah a ni thei em?” i tih hi ka van ei tak, a funna hnah nen lamin ka ei tel vek!
6.#10 hlatekhua, #14 sheldon, #17 Jacka Pi,
In complaint hi savun uih ngat-in ka thlawp e. Ka naute ka type tir a, an duh duhin an lo khawih kual ve a tin a ni. Thlukna dah loh a awm nual khi aw!
7.Ka sawi ang khian, Eng vun ber nge? tih lam ai hian, “Savun hman theih tura țha tawk taka ti-thih tawh” (process like tanning rather than a special/specific animal) tih lam hi sawi a tum zawk a ni thei ang em? tih te hi?
Report this comment