A thupui in chhiar dân aṭang rêngin in bo tih ka hre thei mai! Bo âwm rêng pawh in ni, kei pawh ka ziah chu ni lo se, a bo thui ber ka ni hial ang chu. Bo a zawngah a hnu lawka vâr pawh leh nghâl mai theih tûr a ni erawh bo hlâwkna a ni!
Finna Rûn ka tih deuh hluai chu he ‘misual.com’ ngei hi a ni. Thu posts leh comments a ngaihnawmin keini ang mâwlah pawh mâwl chin tâwk hre lo tân chuan kan Cambridge University a ni ngawt alâwm. A ṭhatna hmuh hmaih luih ṭâlh pawhin a chhiatna lai hmuh chhuah tûr rêng ka hre lo.
Chuti ang khawpa hmun pawimawh – a thlum a al ei za, a hausa a rethei, a lian a te, a upa a naupang, a hmêlṭha leh hmelchhe deuh, sangâwi kan zâwn tlânna hmun – chu ‘Finna Rûn’ tia ko phal lo tûr khawp chuan ka mâwl hauh si lo.
Kawng lehlamah he Finna Rûn hian physically thatchhiatna (Sapṭawng hman luih sak hi ka châk ve hrim hrim!) min thlen ni te hian ka hre ve a. Eng vang chuan maw in ti a ni maithei, kei pawhin ka ti lo a ni bîk lo.
Keimahah chuan – hna ka bâng a, ka haw te hi inthlâk hmasa lovin computer ka ‘ON’ sawk sawk a, he rûn hi ka tlawh ṭhin. Posts leh comments ngaihnawm leh bengvâr thlâk tak tak ka chhiar hian ka fing sawt e chu ka ti hauh lo, mahse ka âtna zâr ṭhenkhat erawh ka sât thla ṭhin. Chu chuan ka inbual fai tûr, thawmhnaw thlâk tûr leh tihtûr tam tak min tih khawtlaisak a, hna ṭûl dang thawh tûr min pending sak leh zeuh zeuh ṭhin bawk.
Mahni ṭheuh inbih chiang ta ila, keimah ang in nih ve chuan he Finna Rûn hian Physically Thatchhiatna min thlen a ni tih hi phat rual a ni lo. Finna tam tak kan rût haw lawih a, mahse thatchhiatna hri kan vei zui duh châwk. In ti ve em?
Similar Posts:
- Rawtna Tlêm
- Misual rethei nickname
- Password Reset and User Roles
- LM5P’s duhthusam!
- What kind of words are printed on your t-shirt?
February 25th, 2012 at 5:35 pm
Kum 3 hnu ah kan 1st khiat cu le..chhiar ang ouh..
Report this comment
February 25th, 2012 at 5:43 pm
Chhiar ila…chhiar zo ta..
Report this comment
February 25th, 2012 at 5:44 pm
Dik khawp mai! Misual mai pawh ni lo, internet hi thil tangkai tak ani ngei mai mahse kan ‘quality leisure time’ hi a la zo ta vek mai a. Kawtlai a han teivah a, boruak thawveng han hip lam aiin facebook, misualah..kan tang tlat ta mai..
Report this comment
February 25th, 2012 at 5:45 pm
haha ni dawn reng asin
Report this comment
February 25th, 2012 at 5:49 pm
Min nghawngna lai ber chu ka hna ka pending tam lu tuk hi a ni ber e…
Report this comment
February 25th, 2012 at 5:57 pm
Engkim “LUTUK” hi a tha ngai lem lo. Hmelthat lutuk pawh elrel hlawh leh lérhna mai a ni a, Pathian thu hre lutuk pawh an no emaw an â let ling châwk. Mi fing lutuk te pawh mi hnawksak mai an nìh chang a awm (in awih lovem?)
Chuvangin, engkim a hun leh a hmun, chintawk hriat a tha. Chutiang ti thei tur chuan self control a pawimawh fo.
Report this comment
February 25th, 2012 at 6:07 pm
Kei pawh ka tih tur tam tak min pending tir vek,
Mahse, Hlawkna tam tak leh Finna tam tak ka chhar phah a, thatchhiatna leh ka hlawkpuina hi a kg buk ta ila, ka hlawkpuina hi a rih hmel zawk daih ka ti,
Nula chu nise ka ngaizawng satliah mai a ni dawn lova, ka atchilh pawh a ni lovang, a hmel hmu lo leh a tellovin ka awm thei thlawt lo tihna a ni chiang ang…
Report this comment
February 25th, 2012 at 6:07 pm
Inpuan hian kan thawl hawk a, a nuam a nia. Thu i thiam hle mai. Middle path zawh hi ka tum ber thin.
Report this comment
February 25th, 2012 at 6:08 pm
I ti dik. Keimah ang i ni e.
Report this comment
February 25th, 2012 at 6:20 pm
Ti ve ê!
Report this comment
February 25th, 2012 at 6:22 pm
A that em avanga thatpui tham pawh a ni. Misual.com hi Mizote malsawmna ropui tak a ni a, Futher pawh a awrh tel bawk niin ka hmu.
Report this comment
February 25th, 2012 at 6:27 pm
Hun reilote atang chauh khan misualah hian comment ka ching ve a, a hma zawng chuan a chhiar hi ka duhtawk thin. Misual.com luh hi kei chuan ka thatchhiat phah ka inti phal lo, hna thulh phah zawng a ngai teh meuh mai, hna tul dang min thulhtir lah a tam, chuti chung chung chuan thatchhiat phah kala inti phal chuang lo. Thatchhia tih hi chuan a kawh a dangin ka hria.
Report this comment
February 25th, 2012 at 6:33 pm
Ka thatchhiat phah ka hre lo..keimah hi ka taima em em hran pa lo ve hrim hrim
Report this comment
February 25th, 2012 at 7:00 pm
Hei tunah pawh chaw ka la ei loh phah chu a nih hi.
Report this comment
February 25th, 2012 at 7:28 pm
12 leh 13 ang khi….
Report this comment
February 25th, 2012 at 8:02 pm
thatchhiatna plus dulkiarna plus mit nat thummm na
Report this comment
February 25th, 2012 at 8:08 pm
#16 support
Report this comment
February 25th, 2012 at 8:16 pm
post tha thei khawp mai. Rawtna pakhat chiah ka nei – A thupui hi hawrawppui in lo ziak tawh lo la!!!
Report this comment
February 25th, 2012 at 9:04 pm
Kei chu finna tam tak ka chhar rual hian tunhmaa thil ka tih zung2 ang kha ka pending ta zauh2 mai a, chuvang chuan eng emaw kawng takin ka thatchhiat phat deuh em ni aw ka ti thin. Tunah pawh hian hna tlem ka nei a, mahse hei, comp hmaah ka thut leh vung tawh hi.
#18 Okay.. Hawrawppui hi thupui ka dah thin dan nia, ka lo thlak tawh dawn nia
Report this comment
February 25th, 2012 at 10:09 pm
Haha..paws tuper tawngkam hi chu i tlachham lo ve chiang alawm!
Report this comment
February 25th, 2012 at 10:56 pm
Report this comment
February 25th, 2012 at 10:56 pm
Huhu… Tawngkam tlachham lo min titu ka vawikhat tawnna… Nuam eeeeeee
Report this comment
February 25th, 2012 at 11:16 pm
Thatchhe lehchuang tur ka awm lo.
Report this comment
February 26th, 2012 at 8:45 am
Hahaha, dik viau ang, a then tan chuan
Kei ka tan erawh tul lovah ka chhuah tlem phah, chuan tlailam sap tuibur hmuam loh phah fo bawk. 
A thatna i rawn tarlan zawng zawng nen. 
Kei atan erawh zawng misual hnaih hi a tha a ni. Alway misual
tren tren
Report this comment
February 26th, 2012 at 10:18 am
Awmtea Khiangte : Misual BROWSE peih chu, i la taima nasa a nih zawk chu! Eng hna mah thawk lo, misual pawh thlek chhin lo kan tam teh tawh a nia!
I post ngaihnawm thiam hle mai.
Report this comment