J. F. Laldailova (RIP) leh a nupuia nuta Dêngrikhùma te kha inkàwmngeih tak an ni thìn. Awm àwl dun nî chuan sangha man tùrin–an chènna Tlângnuam (Aizâwl) atangin–Tlawng luiah an chhuak dùn ve zen thìn a.
Dêngrikhùma hi pa phawk tak, fiamthu duh èm èm —zakzum taka thil tih nei ngai lo ang tluk a ni. Hawaiin Guitar nàwt thiam tak, lungchher lama mistiri hming làr tak pawh a la ni lehzèl a. A makna èm èm hranpa leh chu —‘kekawrte’ a ha ve ngai lo bawk.
Dèngrikhùma rilru chak èm èm zia hi mite’n an hre tam vak lo pawh a ni thei … kan hriat theuh angin, chhuk lam kal hi chu a chak duh fua fua a. Tlângnuam atanga Tlawng lui thleng tùr hian dârkâr rei lo tè an pahnih hian an hmang dùn tlângpui thìn a. Kal lamah J. F. Laldailova thawnthu lehlin ang diak diakin–thumal pakhat pawh hmaih miah lovin–Dêngrikhùma’n a sawi thla par par thìn a —Tlawng lui an thlen chiahin, “A TAWP TA” a ti hman ziah thìn bawk.
Chu thawnthu, a sawi thlàk par par thin chu HAMLET a ni.
Hàwn lamah chuan kawng a lo chho tawh thìn a. Pèn a sau thei vak tawh lo va. Sangha pawh an lo ak hàwng hnem ve ta deuh thìn bawk a. Thawnthu lehlin sei zàwk Dênga chuan a sawi chho leh ta char char thìn a. In kawngkapui an thlenin, “A TAWP TA” a ti leh hman chiah thìn bawk a ni. Thumal pakhat tè pawh a hmaih ngai hauh lo.
Ngaihnawm ti takin, hàwn kawngah J. F. Laldailova zàwk chuan, ama thawnthu lehlin ROMEO AND JULIET chu a ngaithla hàw thìn bawk zu nia!
William Shakespeare-a thawnthu ziak, J. F. Laldailova lehlinte khàn tùnhmâ te kha chuan Zofate a awi tlei hneh èm èm thìn a. Tùn thleng pawh hian a chhiar tawh thìnte paw’n chhiar nawn leh an la ning thei lo a ni ber mai. Lehkha thiam leh zir sâng zàwkte kat nuk nuk tawh mah se, an la khùm theih vak loh J. F. Laldailova danglamna riau pakhat a ni kumhlun dâwn ta a ang hle.
Tum khat pawh, an lèn dêng kha an hlawhtling khawp mai a. Ni dang an ang ta lo deuh. An rit tham ta deuh nalh bawk a. Pèn a sak tauh mai a. Romeo and Juliet pawh kawnglakah Dênga chuan a sawi zo hman ta lu’mah a. An kalna tùr hmabàk zawng hnawhkhah belh nân an rilru-hausakna Chêng Maktaduai ve ve an rawn insem hàwng ta a. Hawng kawnga an thil hmuh chin chauhva sum an kawl ve ve chu inhman zawh hmasak siak tùrin an rawn inel hàw ta! Fet uchuak erawh chu an remti lo dùn a. An inlungrual khawp mai!
Renchem lo takin, an (suangtuahna) sum leh pai insem chu, an rawn hmang hàwng dùn ta par par mai a. Khàng hun lai khân thil lian tham leh man to èm èm suangtuahna atang pawha han lei zung zung tùr chu an hàwn kawnga an thil hmuhah te khân a la vâng hle ni tùr a ni.
Vate pakhat kha Dêngrikhuma a’n hmu zauh mai a, a thinlunga sum leh pai atangin Rs Sìng-li clip kha saihlum anga hrual mùmin, vate pakhat perh thlàk nân a’n hmang ta pawp mai a. An nui dùn ham ham a. Hah lovin, nuihza fiamthu ngaihnawm tak, mi dang pawisawi hauh lovin, SUBTRACT chhiarkawpin an rawn inkàwm hawng zui a ni ta ber e. An remchen loh dun vei nèn, suangtuahna chawltui-ning-zu man pawh a tel ngei ang —khatia, zànriah-bawp man hmana in an han thlen dun leh meuh chuan —Rs Sìng engemaw zàt lai an la hmang bàng dùn cheu zu nia!
Khatih hun lai khân siki (seki) ringawt pawhin Zo-buhfai sèr 1½ lai a la lei theih hun lai a ni a —Chêng Maktaduai hman ral dàn an rilruin a dap chhuak hman ngang lo! Chho-ulh an hmang tawi thianghlim thiam dùn hle mai! Hetiang rilru hi tùnlai hian la awm thei tak ang maw?
Lapse an ngah dùn zèk!
Similar Posts:
- Tunlai naupang an vanduai em?
- Le Petit Prince – Part 3
- Esopa thawnthüte kha . . .
- Infrastructure!?
- Mizo tawng a translate tur
March 3rd, 2012 at 12:14 am
1st leh ta! Vawiinah Vawi 3-na. Naktukah Ulukly-in Chhiar ang. Pu Chawnghilh ziak a ni bawk a, chhiar puat chi a ni lo, ka Chanchin a tel ve bawk nen, hehe
Report this comment
March 3rd, 2012 at 12:14 am
Tin, i lo chhiar ang u.
Report this comment
March 3rd, 2012 at 12:15 am
2nd leh ta!
Report this comment
March 3rd, 2012 at 12:24 am
“…a sawi zo hman ta lu’mah a”
Ka vawi khat hriat na, “a sawi zo hman ta lova” tih na chu a ni chek anga
Pu Denga chu a time management a pui awm hle mai a, kekawrte a hak loh nachhan pawh hi a chiang reng alawm
Report this comment
March 3rd, 2012 at 12:27 am
Ka chhiar tui dawn chauh a a tawp leh thut si a.
Pu Dengrikhuma chu hawaiin guitar thiam taka a nawh radio a kan ngaihthlak thrin tak kha le, thil dangah pawh a lo namai lo zek a nih khi.
Report this comment
March 3rd, 2012 at 12:44 am
#4 a sawi zo hman lutuk mah mah a tihna a niang chu maw le.
Report this comment
March 3rd, 2012 at 12:53 am
Hamlet i pa thubaaaaa ka nih hi.
Report this comment
March 3rd, 2012 at 12:57 am
I ziak ngaihnawm thiam thin mange.
Report this comment
March 3rd, 2012 at 12:59 am
Good post ka chhiarchhuk thut..
Report this comment
March 3rd, 2012 at 1:02 am
A ngaihnawm lutuk. Pu Dengrikhuma leh Pu JFa te suangtuahna hmanga sum an inhmansiak lai vel chu ka va han ngaithla châk tehlul em! Ngaithla châk tak ka ni e. Pu Dengrikhuma chu a rilru a chak ngang a nih chu! A pui hle mai. A Chemtatrawta thawnthu a nawhrîk ruih ruihna video pawh ka nei asin mawle.. Tunlai youtube lamah engmah ka upload thei lo va, a pawi tak tak.
Report this comment
March 3rd, 2012 at 1:03 am
Anonymous tih movie kha in en tawh em? A trailer emawni ka en a, Shakespeare a dah zero hmel khawp mai.
Report this comment
March 3rd, 2012 at 1:38 am
Pu daktawr zon, 12 14 ah i comment a vawiinah chuan i first vawi 1 na anih hmel zawk e te ka tia (ho triah2)
pu chawngilh post a ni bawk a ulukly in chhiar teh ang.
Report this comment
March 3rd, 2012 at 1:52 am
A va ngaihnawm ve le.
‘remchen’ tih khi ‘renchem’ tih zawk tur em niang le, ka ti.
Report this comment
March 3rd, 2012 at 3:34 am
Va tawp hma ve…
A ngaihnawm khawp mai
Report this comment
March 3rd, 2012 at 4:44 am
A va ngaihnawm ve aw. Ka kham lo khawp mai. Buannel.com ah Mafaa Hauhnar hian, “J.F Laldailova i hriat ngai loh chu” tia a ziak kha, ka lo ei em em bawk.
Mi maksak leh chhuanawm tak a ni.
Report this comment
March 3rd, 2012 at 8:06 am
A va ngaihnawm ve aw…ka tui dawn chauhva a’n tawp thut chu le! Mizo pa-ropui kan neih-te hi belh-chian an lo va dawl em ka ti! A hming atang reng hian “…dailova” a ni hrim hrim mai a, “dailo tur” leh “danglam tura” Pathian ruat a ni e, a hming a pu zo ngei mai. Kum 1983 vela High School kan kal lai khan J.F. Laldailova English-Mizo Dictionary hi ka lehkhabu keu hnem ber pawl a ni a, tun thleng hian a la ni fan! A ngaihsanawm thlawt a ni
Report this comment
March 3rd, 2012 at 8:28 am
A va chhuak hma ve–power supply a awm tha lo deuh a–han nuih belh hak a chakawm vei nen! A chanchin neuh neuh, naupang pawnto chham hla atanga J. F. Laldailova’n thil a lo zir dante pawh ni dangah rawn ziah leh ka tum ang e. Hla phuah thiam Vankhama nena an inkawm dante pawh …
Comment a ngaihnawm daih zawk e. Hmanhmawh vangin typo pawh ka rawn neih hlawm khi … in mi ngaihhnathiamnaah ka lawm e.
Report this comment
March 3rd, 2012 at 9:18 am
Chhiar a nuam, ka chhiar zo puat mai. JF-a hi chu ka ngaisang ve teh mai a. A nupuia unaupa mizia pawh khi a lo va dangdai ve. Kekawrte hak ngailoh tlat mai chu. A tha ve reng
Kan mi ropui hmasa te chanchin hi hriatnuam ka ti reng. Vankhama chanchin an sawi, ka hriatchian si loh, a bialnu pasal neih chungchang te kha chawnghilh hian a hriat ka ring tlat, min han chhawpchhuah sak teh.
Report this comment
March 3rd, 2012 at 9:21 am
Ka hrethiam lo tep a,ka chhiar thla zel a a tawp leh ta daih bawk sia. Ka man ta tho e..ngaihnawm reuh hle mai,chhoh kal paha dak char2 mai chu a hahthlak ve duh ngawt ang.
Report this comment
March 3rd, 2012 at 9:24 am
Mizotawng ang zawng pawhin i VOCABULARY hi a tha thin thuai thuai hle mai!
Mi chanchin i hriat hi nangmah hmuh leh hriat- keinin ziaka dah kan chhiar ang hi a ni lo tlang puia a ngaihnawm dangdai bik thin hle!
Tunlai thangtharte tawngkam takin – A ngaihnawm HI KA TIA!
Report this comment
March 3rd, 2012 at 10:17 am
Ngaihnawm hle mai.
‘Hetiang rilru hi tunlai hian la awm thei tak maw?’
ka ring lo.
Report this comment
March 3rd, 2012 at 10:51 am
The lady of camile kha ngaihnawm kavan ti thei tak, JF hi khawvela ka mi hmuh chak ber a ni.
Report this comment
March 3rd, 2012 at 12:36 pm
Sheldon : Tuk khat chu Vanhlupuii leh a vah-nu kan inah an rawn leng a. A pa hla phuah dan chanchin min hrilh nghek mai a. Ka mengphawk nasa khawp mai. Hman remchan hunah ka rawn ziak leh ang.
Vanhlupuii tawngkam thiamzia pawh hi … ngaihnawm ka va han ti mai mai tak em!
Report this comment
March 3rd, 2012 at 12:49 pm
Pu Jf-a hi kei pawh Mizo ziakmite zingah chuan ka duhber ani..a tawngkauhchheh reng2 hi amwi thei e mai.Romeo n Juliet,Hamlet,The Lady of Camile,Thelma te kha ava han letling ngaihnwm teh lul em!
Report this comment
March 3rd, 2012 at 2:12 pm
Keipawh JF-a kutchhuak te hi ka duh vek mai. A love letter bu te kha a chhiar a nuam teh mai ania.
Chawnghilh, Pu Vankhama chanchin chu a rang lam in min hlui teh. A post tu tawngkam hi a pawimawh tel a, chuvangin nangmah ngei in han ti teh (nghakhlel tak tak)
Report this comment
March 3rd, 2012 at 2:32 pm
Hranghluiho, ti ve mai te’ng, chanchin hi chu a hria ten rawn post bawrh bawrh thin sela ka ti.
Pu Vankhama nena an inkawm dan pawh a ngaihnawm khawp ang.
Report this comment
March 3rd, 2012 at 4:57 pm
chawnghilh a post hi a tha thei riau! a comment chu hriatthiam har thei! A sawi tum hi amah nih loh chuan a hriat tak tak theih loh a
Report this comment
March 3rd, 2012 at 7:38 pm
Ngaihnawm e!!
Report this comment
March 3rd, 2012 at 9:41 pm
Ka’n save hmak teh ang.
Report this comment
March 3rd, 2012 at 10:01 pm
chawnghilh, i ziak ngaihnawm hle mai
Report this comment
September 2nd, 2012 at 6:32 pm
Romeo & Juliet hi a audio drama mizoversion kha download tur a awm em? Ka zawng nasa tawh lutuk a. A nei chuan lo upload ula ka va ti em aw..
Report this comment
September 2nd, 2012 at 6:55 pm
Romeo & Juliet hi a audio drama mizoversion kha
download tur a awm em? Ka zawng nasa tawh
lutuk a. A nei chuan lo upload ula ka va ti em aw..
Report this comment