Nizan, March ni 4, 2012 khan MSNBC chuan kartin an tihchhuah thin, “Dateline” an tih, chanchin ngaihnawm tak tak an tihchhuah ṭhin chu ka thlir a. Tun ṭum chu “Kan damdawi eite hi an eingam chiah em?” tih lam chanchin a ni a, dawr a zawrh annih hma a an endik dan an chhuiruknate a ni.
NBC news reporter, Chris Hansen chuan U.S.A. lam a an damdawi zawrh ṭhin, an zawrh hma a an endik ṭhin dan, mihring tan a hlauhawm ani em tih an zirna (review board-te) chu a chhui hmasa a. Mihring eichi, chaw lampang ani emaw, damdawi lampang ani emaw, F.D.A. (Food & Drugs Administration) in “mihring tan a pawi love” an tih hma chuan dawrah zawrh phal a ni lova. Hetiang lam hnathawk tur hian F.D.A. chuan private company, review board, IRB (Institutional review board) a ruai tel ṭhin bawk.
Tichuan, Chris Hansen chuan United States chhunga IRB hrang hrang hnenah chuan damdawi hlauhawm tak mai Vioxx (MX-0966) an tih, mi tamtakin an nunna anlo chan phahna chu an enchîk em tih hriat nan a pe darh ta hlawm a.
Doctor hminglem, certificate lem leh Vioxx chu a hming telh lovin, MX-0966 tih chauh hmangin, contract sign pui turin IRB hrang hrang chu apeta hlawm a. IRB dang zawngin an hriatchhuah laiin, Essex Institutional Review Board, Inc. erawh chuan, engkim an finfiah hnuah mihring hmang a an damdawi chu tihchhin (test) neihpui ngam anih thu an rawn hrilh ta a. Ani, Hansen-a chuan camera thuhruk hmanga video la zelin, NBC reporter anih sawi pah chuan a chhuahchhal ta hmak hmak mai a ni.
Englekhawle, pharmaceutical company-ten F.D.A.-in vantlang tan a zawrh phalna an pek hma hian USA chhung mai nilo, ramdang ie:India-ah te damdawi chi hrang hrang enchhin annih ṭhin avang chuan, Hansen-a chu India-ah kalin chutiang ‘review board‘ thenkhat chu camera thuhruk nen chuan a hmaa a tih ang bawk khan a dawr leh ta a. Hetiang damdawi enchhin naah hian India-mi 1500 emawin, kum 2008 aṭang khan an thih phah tawh nghe nghe.
Tichuan, a hmasaber atan Malum Knetics tih, thlakhat a $13 chawi a website an siam hmang chuan Synchron company, Hyderabad ami chu an dawr ta a. An clinical director of operations, Narasimha Murthy chuan an test hnu chuan, “Daktawr-te hi Pathian anni a, Pathian chuan mamawhte chu a tidam ṭhin a ni,” tih pahin, han Google mai pawh a MK-0966 chu damdawi hlauhawm lutuk “Vioxx” anih chiang taka langnghal chu mihring hmanga an enchhin ngam thu a sawi bakah, dollar million chuang man an duh tur thu a sawi ta a nih kha!
“Personally, I don’t see any issues,” he said. “We can do it. I am confident that we can do it.” Synchron’s director of clinical operations, Narasimha Murthy.
Chutia an inbiakfel hnu thlakhatah chuan Murthy chuan Hansen-a chu Chicago a khawvel company hrang hrang, US a contract hna hmuthei maithei ho inhmuhkhawm naah chuan telve turin a sawm ta a. Chutah chuan Hansen-a chuan Malum Kinetic’s CEO anih loh thu leh NBC reporter ani zawk thu a hrilh ta. Ani Murthy chuan a hma a a thilsawi ho kha a pha nasa ngei mai. Video-in record ani thlap thung si.
“We did pick up, we did pick up,” Murthy said. “But the only thing is we didn’t share it with you at that point of time. We didn’t bring it to your notice.”
Synchron, he added, would never have agreed to take on the test.
“We definitely wouldn’t have taken it up,” Murthy insisted. And, he added, an Indian ethics committee would have found problems with the study too, contradicting his optimism about getting approval during the meeting in India.
“The ethics committee would definitely halt it,” he said before turning away and walking back to Synchron’s promotion booth.
Hetiang deuh tho hian India-ah tho, Lambda Therapeutic Research, Ahmedabad ami chu a dawr leh a. Hetah phei chuan vengtu-in kawngkhar alo hawnsak bakah, an luhkaah chuan, “Lambda welcomes Mr. Hansen & Malum Kinetics team.” tih anlo tar kulh nghe nghe a. A hma anglo deuh takin, Vioxx anih thu an hrilh nghal tawl ani ber. Chutah chuan Lambda hotu, Dr.Mathew chuan hetiang an tihchhin (test) na atana mihring an hmante (volunteer)chuan $150 vel an zawh vek hnuah an dawn ṭhin thute hrilhin, Vioxx pawh nise an chhin hrehloh thu phur takin a sawi suh suah mai a. $775,000 man an duh tur thu thlengina sawifel nghal der mai.
Chutah leh Hansen-a chuan tunge annih chiah a sawi leh ta. Mathew-a chuan a pha nasa kher mai. Mahse, Hansen-an video a an record vek thu a sawi hnu chuan pawn an chhuah pawh an remti ta lova. Vengtu kolutin, darkar 5 lai an hreng a, police hnenah an hruaita nghe nghe a ni. Police hotu chuan eng danmah an bawhchhelo tiin case siam ngaihna a awmloh thu a sawi a. Mathew-a te chuan an camerate an pek dawn chuan an inṭhaṭhen an remtih thu an sawi hnu chuan, an camerate chu pein an chhuahsan ta a ni… an camera thuhruk dang erawh an pelova, an kawlru khiau a. Chumi ngei mai chu ani nizan, March ni 4,2012 a ka en chu.
Kan damdawi eite hi engtia’ng chiah a mihring tan lopawi thei niṭhin tak maw?!!
Chhiar zo peih tan, a video nen:
http://openchannel.msnbc.msn.com/_news/2012/03/04/10562883-in-india-oversight-lacking-in-outsourced-drug-trials
Similar Posts:
- misual.com hi dawr ni ta se
- Singsihlìp damdawi
- Kan damdawi leidan hi!!!!
- Hmeichhia-te tan Municipal Council
- Tar har i duh em?
March 6th, 2012 at 6:35 pm
Ka hre chiah lo. Mahse Mizoram ah hian damdawi kan ei huai pap pap khawp mai.
Report this comment
March 6th, 2012 at 6:53 pm
Awi a va hrehawm tak! Ka chhiarchhuah hnuah ka comment nawn leh ang.
Report this comment
March 6th, 2012 at 6:59 pm
Post BVT tak a ni reng reng e.
Report this comment
March 6th, 2012 at 7:15 pm
Kan ngaihtuah peih chi vak anih ka ring chiahlo, damdawi ei reng kan huai hlawm em mai. Mahse, ka rawn phawrh ve reng reng anih hi.
Report this comment
March 6th, 2012 at 7:19 pm
sei zek na a chhiar ang pu hv a ziak ni tlat
Report this comment
March 6th, 2012 at 7:28 pm
Damdawi ei hi huai loh theih pawh a ni lo. Doctor-in min chawh huai em alawm. Doctor kan rawn tam takah hi chuan, ‘damdawi ei a ngai lovang, i dam thei ang,’ min lo ti thin lem lova, ‘hei hi karkhat/thlakhat, etc. i ei dawn nia,’ min lo ti zawk thin a, a ei huai loh theih loh. A eitu thiam loh a ni vek lem lovin, a chawhtu thiam loh pawh a ni tel ta ve ang.
Report this comment
March 6th, 2012 at 7:43 pm
Kei chu a tha ka ti khawp mai. Pharmaceutical company rintlak tak tur te pawh khiti niaih an nih te chuan damna tur damdawi hi thihna’n kan la hmang ta ve ang. Drug Abuse vang lam ni lovin hriatloh vang in…huihams
Report this comment
March 6th, 2012 at 7:49 pm
sheldon170 #7 ngaihtuah a ti kalthui thei viau asin
Report this comment
March 6th, 2012 at 7:50 pm
Post bengvar thlak tak a ni,Pu hva nge nge..
Report this comment
March 6th, 2012 at 7:52 pm
ava han bengvar thlak em ve le…hetaing hi chhiar chhuah dapa, rilru a vawn reng tur..
Report this comment
March 6th, 2012 at 7:53 pm
Hnamdang chu ka hrelo a, Mizo hi damdawi ei kan huai khawp in ka hria. Ka chunga comment #6 ang khian kan Doctor te hian damdawi min chawh sang thei viau ani awm asin.
Ka mur uaih uaih mai. Damdawiin taksa a hna a thawh pawi theihzia inzirtir te hi a tul ka ti. Mizo kan han huaizia chuh, khawchhak lam damdawi, a pang a inbel pawh chhiar thiam hleilo hian kan han ei ve ngawt zel a. Chulo pawh damdawi sarang a in pack tawp, hming pawh neilo te hi an inchawh chhawng sup sup fo. Kei ka hlauhzawng tak ani. Expiry date pawh awmlo, company hming pawh lang lo te hi kan risk pawp zel mai a.
Report this comment
March 6th, 2012 at 7:56 pm
Tumkhat Mizoramah pawh kan buai deuh laih a ni lawmni kha? Proxyvon hluar vang lai khan? Kan Thalai nula & tlangval hmeltha tak tak-te hi damdawi tih tam lutuk vanga mual liam an ni mai lo…Proxyvon kha, Silchar lamah maida an thun chawp a lo ni a, kha khan an vein ah blockage a siam a, an thihpui ta thin ni awm-a an sawi ka hre tlat?
Damdawi dang pawh Silchar velah sawn an siamchhuak ve mai a, Medical Doctor ka hmelhriat 1 pawhin, “Damdawi tam tak hi test ta ila, a nih tur ang 50% pawh hi a ni pha ang em aw ka ti hial” a ti!? Kan damdawi ei tam tak hi a FAKE (ORI-GATE…hahaha) a nih avangin a hnathawh tur hi a thawk lo tihna a ni a, a thawh loh tur zawk a thawh daih avangin kan chhiat-pui (thihpui) te hi a ni hial lo maw? ka ti ta…
Report this comment
March 6th, 2012 at 7:57 pm
sheldon170 #11 n research nasa taka neih hnuah damdawi (pills) expire date nei ho hi a expire date hnuah kum 10+ te anla that thu TV News a an puan ka thlir tak asin. Damdawi siamtute hian expire ni siamlo sela, an sumdawnna a chhiat phah theih dawn vanga expire ni siam anni fo tih an puang nghe nghe.
Kan Google zuai a, heihi ka hmuh remchan hmasak ber:
http://derhkentlang.org/news.php?readmore=3
Report this comment
March 6th, 2012 at 8:28 pm
Damdawi company te hi an company an siam dawn hian, inspection an paltlang vek a. Norms an clear chuan license pek anni thin a. Chumi hnu ah chuan MNC an tum chuan ISO certification tur te in tan an la leh thin.
Damdawi hi siam anih dawn hian company hrang hrang hian an mahni formula an nei vek a, chumi chu tu dang mahin an hmu thiang lo. Eng ang formula pawh chu lo hmang se an product chu an siam zawh ah chuan test angai a.Chumi test dan leh standard chu Pharmacopoeia ami ang ani tur ani a, anih loh pawhina process chuan Pharmacopoeia a test result nen a in ang chiah tur ani a, a in ang a ni tih finfiahna an nei ngei bawk tur a ni.
Damdawi siamchhuah hi batch khatah hian (tablet anih chuan) tablet nuai chuang te an siam a, heta tang hian random in 20 an la chhuak a, chu chu test hrang hrang an test thin. Standard ang a nih chuan zawrhchhuah ani ta thin a. Heng zawrhchhuah te hi Drug Inspector ten dawrah an duh duh la in, state laboratory ah thawnin an test tha leh thei a, chutah chuan pakhat pawh diklo a awm anih chuan batch a damdawi zawng zawng kha company in an laklet leh vek angai.
Company tha chuan an formula hman kha adik tih a chiang a, a hnathawk te pawh an fimkhur bik in an product pawh a diklohna chance a tlem a, an rintlak bik thin.
Report this comment
March 6th, 2012 at 8:42 pm
Mizoram bikah : Mizoramah hian company mak tak tak hi an rawn lut hnem a. Damdawi chhia avanga thi ta case hi chu kei tak phei chuan kala hre lo a. Damdawi hmansual ani deuh mai a. Kan damdawi te hi a tha thin a ni chek ang chu.
Kan buaipui tur ber pakhat chu mizoram hian damdawi test na Drug testing laboratory kan la neilo hi a ni. Damdawi company tan chuan kan zuam awm em em a, damdawi te hi gauhati emaw, kolkata emaw ah thawn angai a, result an rawn pe tlai thei lutuk a, angaihna a awm lo. Chuvangin test loh hi a tam zawk a ni.
Mipui tan chuan ei huai loh theih a ni lo. Sawi tawh angin damdawi thalo ei vanga thi kan hre ngai tlat lo. Doctor in ei tur a tih chu kan ei mai a, tin damdawi eisual avanga na zual ta hi chu kan hre zeuh zeuh a, mahse an enkawl dam veleh zel bawk ni awm tak a ni. Chu pawh case awm zen zen lo ala ni leh ta zel lehnghal a. Mipui ka dem miah lo ve tlat.
Tin, damdawi in chawh hi trial and error ani tih hriat a tha khawp mai. Damdawi pakhat ngeih loh avanga doctor thiamlo ta a kan ngai hi a dik ber lo. Mihring kan inang lo a, chaw ei teuh a thau theilo kan awm laiin chaw ei manglo a thau em em te kan awm ang hian, mi pakhat mum khatin hna a thawh theih laiin thenkhatah chuan a thawk manglo thei. Doctor chuan kar khat chhung emaw a enchhin che anga, chumi hnu ah chuan damdawi thawh dan azirin dose emaw damdawi combination dang emaw a chawh leh ang. (Thiam bik leh thiamlo bik chu an awm tho bawk a).
Doctor thenkhat hian MR ten thilpek an tiam avanga damdawi tul miahlo abikin vitamin man to tak tak chawh tel vak an ching. Natna pakhat treat tur in damdawi chi 3 aia tam hi chu a rinhlehawm lamah a kal thin. Internet hmang thin tan chuan damdawi chawh tam lutuk te hi chu damdawi ho kha internet lam atanga an him leh him loh in en ve thin a tha khawp mai.
Report this comment
March 6th, 2012 at 8:45 pm
Expiry date chungchang hi chu a tawpa inziak ang hi a pawmawm mai. Sumdawnna thu chauh ani lo e
Report this comment
March 6th, 2012 at 8:46 pm
#16 i ngaihdan mai anih hmel e hairehai
Report this comment
March 6th, 2012 at 8:49 pm
Pu HVa a post ah phunchiar leh dawn e
fth
Tun ah ilo chhiar ang
Report this comment
March 6th, 2012 at 8:53 pm
Ka ho, ka huai.
“A vuakna vualahte chuan tihdam …” tih hi ka damdawi tha chungchuang ber a la ni. A ni reng fo vang.
CVS-a damdawi an zawrh zozaite hi ka pel vel mai mai … tar tiang hawl tawh tur chu ka ni, heti tak maia thaukhawha ka la lim thei piat piat hi —ka chakna leh ka rinchhan Pathian Nung vang a ni. A dang han chhuanlam eih tur ka la hre lo.
Tihdam theihna thilpek nei INTI ka la pan ngai hek lo. Fakte-a leh Mimi zungchala nemthluk mai mai tur chi pawh ka ni lo, min khawihthluk phak lohva chawrche ka ni lawi si ang.
Ka damna leh hriselna chhan hi ka hai lo. Marka ziak rau rauvah Marka 16:8 thleng hi ORIGINAL RENDERING a ni tih ka ring. Thu chhumbul lulai deuhva ziak a nih pawh ka ring.
A ziak bak an lo ziak belh leh hnuhnawh a nih pawhin ka la ngaithiam. Ka damna leh hriselna bik hi khawiah mah ka chharchhuak lo. Damna Yehshua-ah chauh ka hmu.
In thahnemngaihna leh fimkhurpuinaah hi chuan lawmthu ka sawi lo thei lo. Mikhual ngaina huamte leh pan tur hre tawh lote tan chuan Medicinal cure hi a awh-awm tho mai thei a nia!
Report this comment
March 6th, 2012 at 9:14 pm
Mi bawrhsawm te chuan Daktawr an ngai a,
Mi hriselte chuan in an ngailo,
Kei misual ber leh thatna neilo hian
Chhandamntu Lal Isua ka ngai em che…tra lala
Report this comment
March 6th, 2012 at 9:19 pm
Report this comment
March 7th, 2012 at 12:26 am
Damdawi ah hian huat ka neih avangin ka ei huai lo ve khawp mai, ka inentir pawn doctor thenkhat hi chuan min ning thinin ka hria,ka zawt chik peih lutuk a
Report this comment
March 7th, 2012 at 11:28 am
#17, tun dinhmunah chuan ka sawi peih tawhlo anih kha… chemical chhetheilo a awmlo a, mihring damna tur a chhiat rak thlenga hman kha a thalo.
damdawi potency atlahniam a, kum 3 ah 10% in tlahniam ta se. kum 3 hnu ah damlo in a natna chhuah leh avangin hmana a ei bang kha ei ta se, a hma angin a thawk tawh dawn lo a, chuvangin a taksa tan a thalo thei.
damdawi te chu 100% fit an nih lai chauha hman tur annih vang a ni e. Expiry date hi effect engmah nei tawhlo tihna a ni ber lo
Report this comment
March 7th, 2012 at 3:47 pm
Professor Pu HVa, in hmeh dawn tlats
Congratulations! I zawm loh vaih..hehe..
Report this comment