Sarah-i chuan a pasal nena kum 11 an inneih hnuah fapa duhawm tak mai a hring a, a hmelthain a pa mitmeng a chhûn hle nghe nghe a. Fa nei tawh lo tura an inngaih hnua an neih chauh a nih avang leh, upa lam fa a nih tawh avangin an duatin an hmangaih em em a, an nupa tihlimtu ber pawh a ni.
Mipa naupang chu kum hnih a ni tawh a. Tuk khat chu a pasal office kal tur insiam chuan damdawi bur inhawng a hmu a. Chhuah pahin a chhîn zawng tur leh dahtha turin Sarah-i chu a hrilh a. Office tur chuan a kal ta a.
Sarah-i chuan zinga damdawi a ei hnua a chhin theihnghilh a ni tih a hrechhuak thut a, a chhîn a han zawn chuan, choka lama a fapain a lo hmuam chu a hmu a; damdawi bur chu a han en leh a, a lo phai duak mai!
Chutiang damdawi chak lutuk, puitling tan pawha tlem të të-a ei chi chu naupang kum hnih mi lekin a lo in phai duak chu niin! Sarah-i chuan a hlauthawng ta hle a, a thin a phu dut dut a. A hlauhthawn ang ngei ngeiin minute 20 vel hnuah a fapa chu a buai tan ta a. A tap a tap a, a tawpah phei chuan biak theih lohvin a awm zui a.
A mangang lutuk chuan damdawiin hnai berah a kalpui vat a, mahse, damdawi kha a chak em vang leh a lo in hnem em avangin doctor-ho chuan a fapa duhtak nunna chu an chhan thei ta chuang lo. Sarah-i chu a mangang em em a, a rilru a nâ a, a hlauthawng bawk a. A fapa thihna avanga a lungchhiatna leh a pasal a hlauhna chu a inzat hial awm e. A pasalin a fimkhur loh vang liau liauvin an fapa neihchhun a thi tih a hriat hunah engtin nge a tih ang le?
Huphurh takin a office-a a pasal awm chu a fapa thih thu a hrilh a. A pasal chuan ngawi rengin phone a dah hmak a, damdawiin lam a pan nghal a. A pasal lo thlen hun a va nghakhlel lo tak em!
A pasal chu a lo thleng ta. Ani chuan hlauthawng tak maiin tap chungin a pasal a han en a. Engtin nge a pasalin a tih ang le?
“Bawihi, thlaphang reng reng suh, i bulah ka awm tlat e.”
Nangni la engtin nge i tih ang le?
Similar Posts:
- Zualko: Sarah Lalduhawmi
- Nuthlawi nge Hmeithai?
- Sarah-i kawmna
- Misual Log Home-a
- A va’n hreawm dawn tak em!
March 9th, 2012 at 4:02 pm
1st keuh ang an reh hlawm emai
Report this comment
March 9th, 2012 at 4:21 pm
Khitiang pasal khi ka duh
Report this comment
March 9th, 2012 at 4:25 pm
Ka first thei reng a, Jacka Pi hi ka kian ta mai, a net muan thu a sawi reng bawk si
Report this comment
March 9th, 2012 at 4:38 pm
Kan pi leh pute khan, “Se bo hnua, se kawng khar” an ti thin em kha?
Kan sial a bo tawh hnua, a kawngka khar chiam hi a sawt vak lo ni awm tak a ni. Chuvangin, engkim a pawi zo tawh a; a siam that theih tawh loh. Ngaihdamna leh thlamuanna a hlu zawk fo tih hi kei pathlawi dangawk bengtulula ngaìh dan a ni e.
Chuan, i thuziak ang khi ka tih dan tur a ni.
Report this comment
March 9th, 2012 at 4:42 pm
A nu pawh hian a fapa chu a duat ve ngawih2 tho ang chu, accident thil liau2 a ni a, demna tur a awm ka hre lo. Keipawh i thuziak ang khian tise dik ber ka ti.
Report this comment
March 9th, 2012 at 4:48 pm
Hei hi a ziaktu hriat hriat loh (anonymous) a ni a, a awm ang thei tur ang berin ka’n letling ve a ni e.
Report this comment
March 9th, 2012 at 5:19 pm
kei chu sarahi khi ka hnek hrep anga, ka knock out nghal anga, nupui dang ka zawng nghal ang
Report this comment
March 9th, 2012 at 5:21 pm
Sillyboy,midang ka nghk char char a, tumah an rawn 1st duh si lo a, vancharlovan min pawtthla em lo ang chu maw:-)
Report this comment
March 9th, 2012 at 5:30 pm
A piangthar tawh alawm anpa khi..
Report this comment
March 9th, 2012 at 5:43 pm
A pasalin a tih ang hi tih dan ṭha ber chu a ni mai lo’m ni?
Damdawi ei fimkhur a ngaihzia te, naupang neih chuan an khawih mai phak loha damdawi dah ṭhat a pawimawhzia te zir tel ila a ṭha ngawt ang.
Vawi khat chu hetiang deuh hian hlauhthawnawm takin ka awm tawh. Aizawlah a nia, ka hritlan deuh a avangin office atangin hritlang damdawi ka leitir a, ka chah ang an neih loh vangin damdawi dang an lo pe a. Ka han ei ta chu a hnu rei lo teah ka mut a chhuak a, ka muthlu titih a. Chu mi chungchang chu tlaia ina ka hawin ka sawi a. Ka fapa naupang, kum 9 mi vel chuan a lo ngaithla ve khiau a.
A tuk tlaia office ka bang chu ka fapa chuan hlim ang reng tak hian min lo hmuak a, ‘ka pa i damdawi kha ka ei ve a, ka mut a chhuak ve miah lo” a lo ti heu mai…mahse a hnu lawkah chuan a muhil nghal ta bawrh bawrh mai a. Kan chi-ai lo chauh chu a ni. Ka u hi doctor a ni hlauh a, kan ko vat a…ka fapa chu eng em ti loin tha takin a lo harh chhuak ve leh ta hlauh a. Rilru a kal thui duh khawp mai.
Report this comment
March 9th, 2012 at 5:43 pm
Keini ila ‘bawihte, thlaphang suh, a dam leh mai ang’: hnemdantur hre lo
Report this comment
March 9th, 2012 at 5:52 pm
Keipawh khitiang khi pasal ka duh.tunge rawn in volunteer dawn?
Report this comment
March 9th, 2012 at 5:52 pm
Tsa chu, “E, lungngai suh, a dang kan siam leh mai dawn a lawm” a tih kha i let kim duhlo ani maw?(Fth). Hlatekhua sawi ang khian keipawh ka fapa upa ber kum 1 awrh anih lai leh a duhawm vanglai tak mai hian, khuh/hritlang damdawi tui ka pe a, ka duh aiin ka tulh tam a, a han mu chiah chiah mai chu, khawhar thlak duh tak a ni.
Report this comment
March 9th, 2012 at 5:55 pm
# 12
roseparvul
Heta hi ka awm a lawm.
Report this comment
March 9th, 2012 at 6:04 pm
Sawi chu a har lo. A takah lo thleng ta se(lo thleng tak tak suh se) sawi tur ka hre lo ang!
Report this comment
March 9th, 2012 at 6:13 pm
#10 A tha khawp mai.
#11 Hahaha
A dam leh mai lo tawp ang! 
#12 I duh han thlang teh khai!
#13 Hahahaha!!
A dang siam leh chuh!
#14 Han inchhai chhiah ula..
#15 Sawi tur chu a vang ngawtin ka ring. Rilru chuan nuber dem a awl ngawt ang.
Report this comment
March 9th, 2012 at 6:26 pm
Alejj leh tuaisiala chu ka phu phaa mawlh lo..tunge midang la in vawluntiar dawin?
Report this comment
March 9th, 2012 at 6:28 pm
Anpa khi ka mi zia nen a in ang ka ti riau mai!
Report this comment
March 9th, 2012 at 6:53 pm
Adang siam leh mai lai tak khian min hneh khawp mai keichu..haha.
Report this comment
March 9th, 2012 at 6:54 pm
Kei ni ila maw, thihna hial pawh nise thil sawt tawhlo a thinrim loh leh chiai loh hi ka zir a, ngaihsam si lovin thlamuanna thlen dan kawng ka dap zawk hram hram ang.
Report this comment
March 9th, 2012 at 7:45 pm
Accident thil tak meuh meuh ania, hetiang avanga in vin vak vak leh kut in thlak tih vel hi a sawt lo. In mawhchhiat loha zaidam taka in hnem hun ani tawh zawk ani. Vawikhat chu, ka niece (unaupa fanu) te ber hi kan kawmchhak step ah alo lum pek a, a nu in a han hmuh chuan a tap tur tap chhuak thei si lo kha a duk titih deuh tawh a, a khawng deuh bawk a, kan thing vak vak a, a hnungahte kan chum luai luai a, a rawn tap chhuak thei ta hlauh mai..,.tlema tlemah kan in chan teuh hle mai.
Report this comment
March 9th, 2012 at 8:14 pm
Demna chin pawh ka nei mahna ! Hei erawh ka vawng thin : Tui baw tawh hnu a ruh leh theih loh.
Report this comment
March 9th, 2012 at 8:45 pm
Pa pakhat pawh hian a neih thinglung khawngin i20 motor a la thar a,chawlhkar 3 pawh ala kawl lo ang. Vawi khat chu a nupui leh a fapa chuan bazar kal pui nan an hmang a an accident ta hlauh mai a,vanneihthlak takin an hliam na lo hlauh a,mahse motor erawh a chhe hneh hle thung. A pasal chu an phone a rang takin a kal nghal a,a nupui chuan a huphurh khawp mai a…mahse a rawn thlen chuan a fapa leh a nupui chu a kuah vawng vawng a,nui sang chung hian ‘Nu-i, inthiamlo duh suh…in accident hma ai khan ka hmangaih zawk che’ a ti ta a…
Hmaaana short story inziah siakna a ka ziah nih hi. A in zul em a,ka kai tawi a,ka rawn thai tial ve mai mai
Report this comment
March 9th, 2012 at 8:46 pm
Sawi tur a vang khawp ang. A pasalin a fapa a hmangaihna aia nasa zawkin a nu chuan a hmangaih dawn tih a hriat reng.
Report this comment
March 9th, 2012 at 8:48 pm
Tsa post ani maw… Like2..
Report this comment
March 9th, 2012 at 9:08 pm
Apa chu zei reuh si ve..
Report this comment
March 9th, 2012 at 9:47 pm
A pasal khi tawng dan tur diktak in a tawng. Thil anih tur ang anih vek hnua thinur kha a sawt tawh lo em a. Mipa a deuh chuan Sarah khi an dem mai thei.
Thawnthu thatak ani. Damdawi dah fimkhur tur, a dawt ah, mihring nunphung tur diktak a pasalah kan hmu.
Report this comment
March 9th, 2012 at 10:36 pm
Ngaihdan leh a tak tak a inang lo..khitiang khi tawng ila a pasal sawi ang sawi thei lo khian kan hamhaih viau lo’ng mo…egpawh nise, Tuaisiala i letling tha e..nupui te u fimkhur leh zual teh un..
Report this comment
March 9th, 2012 at 10:49 pm
A pasal a thinrim lo a nih chuan a kim chiah lo emaw ni chu aw, ka ti hlauh.
Inhauh hun chu a ni lo ngei mai a, insum hun a ni. Mahse lungsi tak chuan khitiang khian a sawi lo vang, a sawi a nih chuan ka dem zawk..heh.
Warning a awm tawh chuan a dawtlehah chuan penalty a awm fo thin, Ti hian ka’n phuah ve teh ang,
“Sarah i hian a pasal awm loh hlan hian tlangval inleng a nei thin a, a pasal chuan a hre thawi a tlangval chu kawp tawh lo turin a hrilh a, tumkhat chu a man chhuak ta a; a pasal hnenah chuan inthiam lo tak leh rilru na takin ngaihdam a dil a, a pasal chuan “lungngai suh, ka awm a lawm” a ti a.
“sarah-i hian fapa a nei a, a sual em em mai a, a pa lakah chuan a sualna a zep thin a. Damdawite a lo tih ruk thui tak hle hnuah pawh a la zeppui tho va; a pasal chuan a hre ta a, pawisa pe tawh lo turin a tihhnuah a lo pe leh a an fapa chu a OD ta a, a ruang bulah Sarah i chu inthiam lo takin a thu a, an pa chu a hlau em em mai a, an pa chuan “khawia pawisa nge a neih” a ti a, sarah i chuan “ka pek” a ti a, an pa chuan ” i va fel ve” a ti a.
AN PA HI A THINRIM TAL LOH CHUAN AN FA DANG PAWH A TIHLUM LEH MAI ANG A
Report this comment
March 9th, 2012 at 11:04 pm
#29 lol!!
Report this comment
March 9th, 2012 at 11:14 pm
Kei chu ka hul!
Report this comment
March 10th, 2012 at 1:10 am
sawi tur a vang duh ngawt ang .an pa khi khitiang a an nu a hnem thei a nih chuan a tha ber ang . kei chu ni ila sawi tur ka van kher ang .
Report this comment
March 10th, 2012 at 1:48 am
kei pawh ka fanu neih chhun(fam)kha voikhat a awmna damdoi ka dahna bulah tak ka pa in omna damdoi bur dangah tho transformer oil lo dah,ka hre silo,kan tulh mai chu anu ka duh toh lo tia boihte in hram2 roh ka tia,thu oih tak mai a nih vang khan a in thova,a lo tlai ta,a ngui em2 mai a,a hnu ah ron luak,kapa nen kan in en..kapa damdoi ka ti chiah a nin a hrethiam nghal,ka va han mangang tak em,mahse meihol dip tam tok ka ei tir a ron luak borh2 a Pathian zarah eng em kan ti ta lo hlauh…a nu mangan na khi ka tem ve toh..ka hnuk te a ulh teuh mai
Report this comment
March 10th, 2012 at 3:14 am
Ka nupui duh loh zawng hetiang chi hi, nupui te chu fing ve tawk tak ni rawh se
Report this comment
March 10th, 2012 at 5:47 am
Bawihi ka ti kher lo ang.
Report this comment
March 11th, 2012 at 9:46 pm
ka vaw hrep
Report this comment