Ka naupan laiin ka nu bulah ka thu a,”Nu, Davida ang nih ve ka van duh, ka thei ang em?” ka tih lai kha ka ngaihtuah chhuak zawk mai. Tunah chuan alo har zia hi ka tem hnem ve ta. Mahse Davida ka ngaihsanna erawh a zual telh telh thung si. Ka ngaihtuah fo thin Davida hringnun khawhar ve thin tur zia kha; a naupan lai atang reng a Pathian hruaina dawng, sakeibaknei pawh hneh hial thei kha a ni a.
Alo puitling deuh deuh a ral hrat mi ni der silo khan Goliatha a han vawmthlu leh thuai a. Kha naupangte chunga Israel mi ho innghah zia leh an lawmzia tur te kha ka mitthla ah hian ka suangtuah fo thin. Lal saula’n thikna avangin tihhlum a tum a, kham kar leh thlaler hmun reh taka a tlan bo lai te kha mitthla ah hian a zam nei nuai a sin.
Ni e, Pathianin “ka rilru ang pu mi” a ti reng a nih kha. A beramte venga a tingtang lungtileng thei nena a zai ri mawlh kha, “Min vengtu chu Lalpa a ni a, ka tlachham lovang” a tih ngawt mai hian rilru ava khawih em. Keini chuan Pathian hnen atanga kan dil alo thlenloh ni chuan Pathian buhzem ring lo, ensan ni daih ah kan inngai a.
Lalpa hi kan tlachham leh fo thin chu a nih hi tiraw u. Heng avang te hian nun khawhar leh nun hrehawm, lungngaihna chi hrang hrang ten min zem fo thin a nih hi. Chawlhna dang kan zawng a, kan hmu chuang silo. Lungawina dang kan zawng a, kan hmu bawk silo. Davida erawh kha chuanin, “ani chuan hlobet hring dup hmunah te min bawh tir thin a, chawlhna tuikam ah te min hruai thin” a ti a sin. Ava awhawm em !
“Ka lu ah hian hriak i thih a, ka no ah hian a liam reng a“, he chang ka chhiar a piang mai hian keimah hi ka inthiamlo fo thin. Ka chunga malsawmna alo tlak ve det det a keipuisahauh tun a ka uikawm zia te. Ka thinlungno a ruah zia te hi ka indem ngawih ngawih thin. Lalpa hriakthih tawh, midangte avanga taksa leh rilru him damlo a ka awm fo te hi ka thinlung a no hi ava ruak em! Lalpa that zia tem ve reng tawh si a chapona tlangah ka lo lawnkai leh hret hret te hi ava pawi thin em.
Kan chakloh zia te chu Lalpa hian a hria a lawm; endawng, kalsan ni mah ila ani chuan min hmu reng thin a sin. “Aw Lalpa, nangin ngun takin min en chhuak a min hre ta. Ka ngaihtuahna te hi hla tak atang pawhin i hrethiam thin a…ka kal leh ka thu hi mi en ngun thin…“. Keichuan he chang hi ka mittui kohtu ala ni fo mai. Vawikhat chu chhungkua ah harsatna nasa tak maiin min tlakbuak a, khami tum baka retheih kha kan la nei ngailo.
Ni e, ka nu nen tawngtaiin Lalpa kan han au chu ani chuan hla tak atang minlo ngaithla a, kan mangan au thawm te chu lo hriain kan chhungkaw harsatna zawng zawng chu min chinfel sak ta a nih chu. Kan va lawm em! “Leilungte chu nghing dur durin, tuifinriat te chu phul bulh bulh mahsela kan hlau chuang lo ang“. Natna mak tak mai ka neih ve tum kha ka la hrechhuak fo thin.
Ni khat kha ka tan chuan a rei mah mah em aw, a rei a ni dik tak chuan! Ka khum chungah mu chungin ka tawngtai a, zan ka muhil thei silo. Zanlai alo thlen meuh chuan a na alo chhuak leh a, ka tuar zolo chu ka mittui a tlasawk thei. Thei leh theiloin ka tawngtai ta a, ka mitvai nge ka hre hauh lo..ka kiangah chuan puanvar sin chu alo ding a, ka lu ah dawmin,’ka fapa, i dam tawh e’ a ti a, ka muhil ta nghal. Zing alo nih chuan damdawi in lam panin kan han inzei ta a. Tunah chuan ka dam ta! Kha zana ka mi hmuh kha tun thleng hian hmuh leh duhin ka nun hi a khawhar em em a, ka hmu leh tawh ngai reng reng lo!
Heng avangte hian a lawm Sam hla siamtuin, “ka han men chuan a kiangah ka lo la awm cheu thin ” a tih ni. Amah lo lam ah kalin pensan thin mah ila, tawngkam mawilo leh setana lawmna siam fo thin mah ila. Ani chuan duat leh hmangaih takin, amah kan kalsan vang vangloh na turin hmanrua a la khawm a, a rem fel a. A kiangah bawk min kai lut leh thin a nih hi!
Atawp berah chuan he thu hi a ngaihnawm mai pawh niloin a lova dik em ka ti thin. Ka hmangaih leh duh em em, a aw nikhat pawh hrelo a awm theilo, nupui tur atan a ka hual reuh reuh maiin a sernung na tak min siam a. A ngaihzawng ngei mai chu ka thianpa a han nih leh tlat mai te, a thian te zawng zawngin min han tih-el vel han hriat chuan tuar a har duh vawng vawng hle mai!
Mahse Davida chuan tihian minlo tlan khalh pek a, “keimah ah hian thinlungthianghlim tak siam thar leh ang che…” a ti a. Mahse ka in-control zo si lo,”Ka chhiatna zawnga min sawiseltu te hi ka hmelma leh minhawtu te an ni lo; ka mi anpui leh ka thian hnai tak te an ni” a han ti chu ka dam sawng sawng ta mai! Lalpa chuan kan thatna tur bakin alo rel ngai lo hi a nia.
Tunah chuan ngaihzawng te chu kawp duh ila paruk lai kawp thei tur khawpin tihhausak ka lo ni ta.”Aw, Lalpa that zia hi tem chhin ve teh reng u..” tih hla thu hi kan changchawi tur alo ni reng a lawm le. Kan tawngtaina hi chhanlohin a thamral mai mai thin emaw hi kan tia, mahse “yes”, “no“,”i have another plan” tih hian minlo chhang reng thin zawk a ni.
Similar Posts:
- Lal Davida
- Kristian chhungkua leh kan tehdan diktawk lo te
- You hurt me
- Beidawngte Pathian lungngai te Thian
- Lemchang nun
March 11th, 2012 at 7:15 pm
Post tha kher mai. Thuziak thiam tak hi chu ini ve hrim hrim mai. I thiannu hian a vawchhe teuh ther ther hle chein ka hria. Tunah Davida nun atang HNEHNA i han chang ta hi ka thinlung chhungril takmeuh atangin ka lawmpui a che. Nakinah i bialnu rinawmlo aia hmeltha leh nungchang duhawm daih zawk Lalpan ala pe ang che ang a, “Hmanah kha chuan Lta hian min atchilh ve thin maw le…Mahse, tunah chuan kan dinhmun chu Lei leh Van ang alo ni ta…” ala ti vawng vawng mai thei a nia. Mahse, Hmangaihna dik taka lo hmangaih inih erawh chuan, atana thil thalo chu i duhsak ngai lo vang. Kawng dik i hloh loh nan leh tihchaka i awm zel theih nan Ka lo tawngtai pui thin ang che.
Report this comment
March 11th, 2012 at 7:18 pm
Tunah chuan ngaihzawng te chu kawp duh ila paruk lai kawp thei tur khawpin tihhausak ka lo ni ta..ziak tel lo ta la aw…
Report this comment
March 11th, 2012 at 7:38 pm
Report this comment
March 11th, 2012 at 7:41 pm
chhiar a nuam hle mai. Chuan thil pakhat ‘ani chuan hla tak atang minlo ngaithla a,’ tih a ‘atang’ tak hi tun lai chu hetiang a hmang hi an tam khawp mai; ‘Atangin’ tih hi a dik pumhlum zawk hmel(ti ve niah niah teh ang)!
Report this comment
March 11th, 2012 at 7:44 pm
Ngaihzawng 6 kawp khi a thu nen a inkaihhnawihna ka van man lo e
Report this comment
March 11th, 2012 at 7:51 pm
I va han luck mai mai. Kei chu pa 6 kawp chu sawi loh, pakhat te pawh ka la hmu zo lo.Mahse ‘ Aw Lalpa that zia hi..’ tih hi ka changvawn tlat dawn. ‘Vuina tur reng a lo awm lo ve’ tih hi ka post chak tawh lutuk, mahse ka la post phal lo..nakinah chuan ka la post ang
Report this comment
March 11th, 2012 at 8:06 pm
#1
PKfanai
Inmi tawngtaipuina avang pawh a ni ang e…Tunah chuan zeuh chu ala awm a lawm. Mahse Pathian lam hi han hnaih em em phawt ila, a tha tha te chu nakin anlo la chhuak mai ang. Ka lawm lutuk over(tunlai thalai tawng) a nia.
Report this comment
March 11th, 2012 at 8:11 pm
#5, Nghaihzawng lam thlenga Lalpa hausakna mawle ka rawn mean chu.:-)
Report this comment
March 11th, 2012 at 8:16 pm
@ltachhakchhuak….kan mi ngaihsan in an ve na lam tak a nih hi a
Similar Post chung ber a mi khi ka ziah a nia. Davida hi Pathian rilru leh duhzawng mihring zir nan Bible a character hrang hrang kan hmuh ah hian a kim chang ber in ka hria. Sualna ah te, fak na ah te, rorelna ah te, chhiahhlawh nihna ah te, etc. Pathian rilru hi a phawrh chhuak kan ti dawn nge, a chungah Pathian ro a rel kim chang tir ka ti zawk dawn, Pathian rilru a phawrh nasa hle in ka hria 
Report this comment
March 11th, 2012 at 8:27 pm
@Arteric, ka hria lawm. Ka preview na ah ka lo chhiar tawh a i post khi. Hetah kher hi chuan kan vawn a inang e..like
Report this comment
March 11th, 2012 at 8:56 pm
A ngaihnawmin a tha kher mai, a kal dik/rem zaih mai.
tren tren
Report this comment
March 11th, 2012 at 9:07 pm
lt: A tha hle mai! Practical taka Bible thu(Pathian thu) hman theih hi a hlu a ni.
Hringmi inhmangaihnaah hian duhsakna ka hlan a che!
Report this comment
March 11th, 2012 at 9:17 pm
@Ignatia, ka lawm po po e. Hmangaihna hi chu ka tui tawh lem lo. Han training chhuak te te ila specialist tih hma hian nupui nei keuh ila a that ka ring
Report this comment
March 11th, 2012 at 10:11 pm
#6, ka lawm e, tihsual hi a awl lutuk a
Report this comment
March 11th, 2012 at 10:22 pm
i post chu a ngaihnawm khawp mai a, i expe. pawh a kim tan a nih chu. Engemaw hi chu kan tawng tlang vek a nia, chung avanga a ni lo lam zawh hi atthlak tak mai a ni.
Hmeichhe pakhat avangte hian hmeichhia zawng zawng generalise pup thin chuan an lungngaihna pawh an generalise pup mai a, an kawm tlak der loh, i kal thiam a, a tha e.
Report this comment
March 11th, 2012 at 11:50 pm
Report this comment
March 11th, 2012 at 11:50 pm
Report this comment
March 12th, 2012 at 8:15 am
A ngaihnawm thin e… Keipawh hmeichhe pakhat vanga tun dinhmun(mite dinhmun chu phak lo mahse) thleng ka nia.. Kha nu kha khatiang khan awm lo ta se hetiang hi ka thleng angem ka ti fo thin.. Harsatna hi chhawr thiam chuan MALSAWMNA a ni e.
Report this comment
March 12th, 2012 at 10:28 am
#15
vakul
Expi vek a ni tawh dawn nih hi. Hei chu hringnun kal hmang, lo thleng chawk thin zing ami ka paltlang ve tur a ni mai. Ka lawm lutuk e
Report this comment
March 12th, 2012 at 10:30 am
#18
Kawlri
Ka lawm lutuk chuan ka a hunlai khan a na duh a sin. Mahse thawnthu ngaihnawm tak a ni zel a nih hi
Report this comment
March 12th, 2012 at 12:14 pm
Report this comment
March 12th, 2012 at 1:55 pm
#21
Dr John
Thanks
Report this comment